قصة القروية 22
رسالة ديال نور دين
<< إلى من وهبتني
عطفها وحنانها وإهتمامها
وعشقـها وشوقـها وحـبها
اليوم دقت أجراس الرحيل
وبدأ العد التنازلي
لنبضات قلبي
اليوم سأرحل إلى العالم المجهول
رحلة لا عودة بعدها
اليوم لا أعرف
من سيذكرني ويبكيني
ومن ذا الذي سيفرح ويبتهج لفراقي
اليوم ستموت الكلمة
وينتحر الحرف
وتدمع السطور
اليوم ستبدأ ساعة الحداد
ويبدأ الحداد على القلم
الذي لم يبخل في تصوير مشاعري
في يوم من الأيام
حبيبتي
أودعك وداع الأموات
أنا راحل عن مسرح هذه الحياة
لا تحزن أيها القلب
فما عاد للحزن مكان
الموت هو الحقيقة الوحيدة
والقدر الوحيد الذي لا ينكره عاقل
ويقيناً منا
بأنه آتٍ ذات يوم لا محالة
فالموت لا يخيفني
فهو راحتي
بعد تلك المسافة الطويلة من هذه الحياة
بعد كل ذلك الكم من
التعب .. والشقاء
العناء .. والبكاء
فلا تحزني .. ولا تيأسي
ولا تذرفي دموعك هناك
عند شاطئ البحر
ولا تخبري البحر
بنبأ رحيلي
فهو أشدهم حزناً عليً
وهو أكثرهم معرفة بي
فلا تُبكيه.. ولا تَبكي عليً
فقط
إمنحيني قصيدة شعرية
وأهديني إياها
على ضفاف شواطئ أحزاني
وأكتبي على رمال الطريق
وإعترفي ولو لمرة واحدة
بأنني كنت أعشقكي
وأنني كنت أحبكي حباً جنونياً
وأنني بكيتكي حد الهلاك
وأنني أحببتكي حتى الممات
لا تحـــــــزني
ولا تستسلمي لنبأ رحيلي
ولا تجعليه يهز تلك الأعماق
الرائعة فيك
يخيل إليً بأن رحيلي
سيكون قاسٍ عليكي
فقد يذهلكي .. وقد يزعجكي
وقد يرعبكي .. وقد يؤلمكي
وقد يزلزلكي .. وقد ينسفكي
وقد يكسركي .. وقد يبعثركي
حبيبتي
لا تحـــــــزني ... بعد رحيلي
قـفي على قبري
وأتلوا عليه الفاتحة
قـفي هناك وحدثيني
حاوريني كما عودتني
وإخبريني بأخبارك
وكيف جرت بك الدنيا من بعدي
وكيف أصبحت الدنيا بعد غيابي
وكيف أصبحت لون الأيام بعد رحيلي
وكيف حال الأشعار من بعدي
وكيف باتت همساتي و خواطري
لا تبكي
حين تتذكري تفاصيلي
ولا تنهاري بدموعك
حين تتذكري بأنني ماعدت هناك أنتظرك
ما عاد هناك من ينتظركي بشغف
وينتظركي بخوف
وينتظركي بحنين
وينتظركي بشوق
وينتظركي بألم
وينتظركي
وينتظركي
وينتظركي
وأنتي في حرقة من زحمة أقدارك
تفكري في ذلك القلب
الذي أحرقه إنتظارك
ما عاد هناك من يبكي
اللحظات بدونك
وما عاد هناك من يشكي
مرور الوقت في غيابك
وما عاد هناك من يحصي
الثواني للقاءك
لا تبكي
لأن الدنيا حرمتكي مني
فقد حرمتني منكي قبلاً
لا تبكي
فأنتي من فتح لي أبواب قلبك
في لحظة صدق
ووهبتني الحب بلا تردد
ومنحتني الأمان بلا حدود
وغمرتني بأحلامك
وغمرتني بعطائك
ورمًمت مشاعري
ورمًمت أحلامي
وأعادتي صياغتي من بقاياي الحزينة
حبيبتي
يقولون بأن المسافة بين الميلاد والموت
تقاس بعدد الأيام التي �
كل حرف من رسالة كان بمتابت خنجر كايتغرس ف قلبها نزلوا دموعها من عينها وقلبها كايرجف من الخوف على حبيبها مريم..... (لا ياربي لا هئ هئ مايمكنش ينتحر هئ هئ ) شافت قيس غايطلع ف السيارة مسحات دموعها وكمشات الورقة فيدها ساق السائق السيارة وبعد على المزرعة كل ما كان كايبعد كان قلبها كأنه كايتجبد من صدرها كتفت تشوف الطريق من وراء النافدة الطرحة لي كانت فوق راسها ولات مبلولة بالدموع كيفاش غايقدر ينهي حياتو وهي ما قادراش تمنعو تمنات لو تصرخ وتطلب من السائق يوقف السيارة وتنزل منها وتمشي عند حبيبها وتقوليه بلي كاتبغيه وما غاتقدرش تعيش بلا بيه تمنات وتمنات وتمنات وفالآخر ستسلمات للواقع المرير غفات من كترت القهر لي فقلبها
"دخل لغرفتو والحرقة فقلبو مابغاتش تحيد من بالو مريم وهي حاطة يدها فيدو وجلسات جنبو كيفاش قدرات تزف نفسها لراجل آخر كيفاش قدرات تسلم نفسها وجسدها لإنسان آخر وتخلي قلب حبيبها محطم قرر يوضع حد لهاد المهزلة ويرحل على هاد الحياة البئيسة خرج من غرفتو ومشى لبيت الخزين وخدا منو حبوب سامة لي كايعطيوها للفار وضعها ف فمو وشرب الما ورجع لغرفتو ومريم ما فارقاتش بالو ولو لحظة ماهي إلى دقائق حتى طاح الأرض من كترت الألم لحسن الحظ كانت جاية عندو ختو سلمى شافتو مرمي فالأرض وصرخاات
سلمى : خوياااا ( وندات على مها )ميييي واااا مي
محجوبة : آمالك كاتغوتي ( شافت نور الدين فاقد الوعي وطاحت عليه ) ولدي الله ياربي الله اش وقع ليه هئ هئ
سلمى : جلسي حداه نشوف با باش نديوه لصبيطار ( المستشفى )
بهيجة : ناااري من شفتوا فالعرس طاح ليا الما فركابي قلت غاينوض شي صداع ساعة ربي لطف
فاطمة : خرجتو قبل مايردو ليه لبال ماتصوريش اش قال ليا
بهيجة : اش قال؟
فاطمة : ديك الخانزة ديال سميرة كانت كاتكدب عليه وكاتوصل ليه كلام كدوب على لسان مريم باش تنوض الصداع ناري تصدمت وكنت باغية نجرها من شعرها ونلوحها برا ساعة خفت من شوهة وكلام الناس
بهيجة : (بنفعال ) اش كانت كاتوصل ليه
" فاطمة حكات ليها بالتفصيل شنو قالها تصدمات من شي لي كانت كاتسمع "
بهيجة : ليهودية من فعلها هاد شي كلو طلع منها إلى بقات فيها راني ماشي بهيجة
فاطمة : ماشي دابا أنا فيا ما نواجها ونشوهة ولكن دابا لا حتى ترسي مريم رأسها وتفوت سبع ايام وحس العرس يتجمع عاد غانوريوها
بهيجة : بنت الحرام من فعلها المحسادة ولي يشوفها كاتشطح وتهضر مع الناس بالصواب يقول فرحانة ليها
فاطمة : نفاق صعيب والمظاهر خداعه
بعد ساعات قليلة وصلوا لرباط سيارة قيس توجهات للفندق والباقية كل واحد رجع لدارو نزل من سيارة وتوجه الاستقبال بدون ما يشوف فيها أو يعبرها نزلات وراه و السائق حمل ليهم الشانطات خدا مفتاح الجناح وتوجه ليه بكل غرور وعجرفة فتح باب
لاح الvيست فوق السرير ودخل لدوش يحيد العرق والعيا ديال العرس أما عروستنا ستغلات وجودو ف الحمام وخدات تلفونها وخرجات لاطيراس باش مايسمعهاش
ترن. .....ترن. .....ترن
فاطمة : الوو مريم وصلتو
مريم : اه نور الدين هئ هئ واش دار شي حاجة فراسو
فاطمة : ( بتوتر ) لا لا الدوار هاني كلشي هو هداك راجلك فين هو عنداك الصكعة يسمعك
مريم : ( مسحات دموعها ) انا ما شغليش فدوار قولي ليا نور الدين واش شفتيه؟
فاطمة : ااااااه شفتو عا دابا
مريم : كاتكدبي عليا ياك هئ هئ هئ
فاطمة : ويلي حي واش خرج ليك لعقل والله حتى لباس عليه ( دعت انها ما عارفة والو ) علاش
مريم : ( تنهدات ) الحمد لله والو والو هههههه هئ هئ كنت خايفه بزاف
فاطمة : خرج ليك العقل المسخوطة كاتبكي وضحكي ف نفس الوقت (خدات ليها بهيجة تلفون )
بهيجة : اديك الحمقة واش باغية ليلتك تكحال ليلة عندك يسمعك واش خرج ليك العقل نساي نور الدين وقبيلتو وفكري ف حياتك الوقت كايداوي ما مكتابينش لبعضكم وما تعدبيش راسك راه غاتحاسبي على هاد شي راك قارية وواعية وعارفه بينك وبين الله الالة القارية حرام تفكري ف راجل غريب ونتي مزوجة سيري خودي دوش وحيدي منك العيا وصلي زواج ركعات شكر لله ورخي نفسك باش كلشي يدوز مزيان والى كنتي ما مستعداش خلي من بعد حتى حاجة ما كاتجي مرة وحدة من غير الموت
مريم : (بتعب ) واخا واخا
بهيجة : يالا تصبحو على خير رتاحي احبيبة حتى لغدا ان شاء الله ونهضرو
مريم : تلقاي الخير ان شاء الله
🍃القرية🍃
محجوبة : الله ياولدي الله اش هاد الكية كنتي باغي تكويني كيفاش سخات عليك روحك هئ هئ
دحان : اويلي ياويلي غانولي ضحكة وشفاية فدوار اشنو لي خلاه يشرب دوا الطوبة ( الفأر)
محجوبة : زعمة ما عارفش علاش ديك الشايطة لي خلاتو فهاد الحالة يعلم الله اشمن فقيه طرgاتو حتى بغى ينتحر على ودها ( رفعات كفوها لسما ) كيف ما كانت باغية تشويني ف كبدتي بغيت ربي يشويها فكبدتها وعمرها تشوف نهار البيض
سلمى : حرام عليك أمي اش دارت ليك البنت نتي سبب حتى خويا وصل لهاد الحالة كن ما ربي لطف بينا كان غايموت شكون لي وقف فطرقو
عند مريم صلات و نعسات ما تسوقتش ل قيس
" صبح صباح و دخلات الحمام توضات ولفات على ليزار وصلاة الصبح من بعد فتحات الشانطة لبسات كسوة طويلة
¤¤¤فصالة الرياضة داخل الاوتيل ¤¤¤
قيس :انسة دابا شوية
أزهار : (بدلع ) وي ميرسي ميسووو؟ ؟
قيس : قيس
أزهار : متشرفين وسمح لي خديت ليك من وقتك
قيس : هذا واجب ا انسة؟
أزهار : ( شافت فيه بنظرات بريئة ) أزهار
قيس : (بصوت رجولي) متشرف
(تحنى لأرض خدا قرعة الما ديالو وكمل طريقو )
أزهار :تاصلات بالشخص
الشخص : وي
أزهار : تم اول لقاء بيني وبينو فالحقيقة وسيم فوق ما تخيلت وشخصيتو وااااااو
الشخص : كيفاش كان إلقاء؟
أزهار : انا نزلت ف نفس الاوتيل فين نزل كيف قلتي ليا واليوم فقت بكري على ودو واخا فيا الموت ديال النعاس كنت متأكدة بلي غاينزل لاصال بما انه كايعشق الرياضة كنت كانتريني وكان جنبي مي ما نتابهش ليا كان خاصني نلفت انتباهو وجات فبالي نطيح كأني فقدت الوعي هههههه دخل بسرعة وبما انه كان جنبي هزني بين دارعو وساعدني من رجعت الوعي شكرتو سيتو
الشخص : برافووو عليك
رجع للجناح وتوجه لغرفتو خدا دوش ولبس سروال جينز فالباج وبيل فالماغو وصباط (حداء ) ماغو رش العطر ديالو وهز تلفونو وخرج من ف الغرفة قلب عليها بعينها ما كانت فالصالة فتح الغرفة الثانية ما كانتش توجه لبالكو وشافها جالسة وساهية
قيس : احم احم
مريم (رفعات راسها )
قيس : (شاف فيها ومن بعد رفع راسو ) انا ما غاتكونش هنا نهار كامل حتى اليل عاد نقدر نجي نتي غاتبقاي هنا فهاد البلاصة وممنوع تحطي رجلك برا هاد الجناح حتى نجي والى تاصلات ماما وياك تقولي ليها بلي انا خارج واي حاجه بيني وبينك ومانبغيش تخرج نفس شيئ بخصوص البارح والى ماتلومي غير راسك مفهوم
مريم : الصمت
قيس ( تحنى وقرب منها وتكلم بصوت خشن ) مفهوم؟ ؟
مريم : مفهوم
قيس : (رفع راسو ) مزيان انا تكلمت معاهم طلباتك غايوصلوك حتى لهنا
خرج من الجناح وخلاها كا تاكل ظفارها من لاعصاب بعد ساعة تاصلات بيها بشرى باش طمن عليهم طمأناتها وما دكراتش ليها شنو دار بينهم
***بعد مرور يوم ***
بعد مرور يوم كام رجع قيس فاليوم الثاني وقالها تجهز نفسها غايرجعو لدار حسات بفرحة ولو انها صغيرة على الأقل غاتخرج من ربعة الحيوط لي من نهار جات وهي محبوسة فيهم وغاتشوف الناس
بعد ساعة وصلوا لفيلا نزل من سيارة وطرق الباب فتحات ليهم كريمة (الخدمة )
كريمة : على سلامتكم اسيدي
قيس : الله يسلمك
""كمل طريقو وخلاها واقفة فالباب""
كريمة : على سلامتك الالة ومرحبا بيك ف دارك الجديدة
مريم : (بابتسامة )شكرا اختي
دخلات مع كريمة وطلعات معاها لطابق الثاني باش توريها غرفة قيس
كريمة : هادي هي الغرفة ديالك الحاجة خرجات تقضي شي غرض وترجع رتاحي بينما جات
مريم : شكرا
دخلات الغرفة كان فيها وكايبدل شافتو كايزول السروال وخرجات بسرعة نزلات عند كريمة
مريم : غير خليني جالسة مونسة معاك حتى تجي خالتي
كريمة : الله أودي على انا كرهت هههه
سعد : علاش كدبتي عليا علاش (بصوت عالي ) علااااااااش دابا أنا ولد الزنقة
نعيمة : لا اولدي انت ماشي ولد الزنقة الحسن هو باك هئ هئ هئ
سعد (بالغوات )كدااابة انا كانكرهك وكانكره الراجل لي بسببو انا لقيط كانكرهكم كلمكم (خرج ورضخ الباب وخلى وراه مو منهارة
بشرى : (دخلات المطبخ ولقات مريم كاتوجد الغدا ) مريم
مريم (تلفتات عندها )خالتي هههه على سلامة
بشرى : (ضماتها ) على سلامتكم توحشتكم واخيرا غاتعمرو عليا الدار ( شافت فيها )اجي ولكن ماجلستوش بزاف؟
مريم : ياك عاد قلتي توحشتينا؟ ههههه
بشرى : معلوم ههههه
قيس ( دخل للمطبخ وضم بشرى من لور ) ماما توحشتك
بشرى : (ضارت عندو وضماتو )كن شتي انا يالا لقتيني كانسول مريم علاش ما جلستوش بزاف شنو لي مزربكم
قيس : بغيتي تهناي مني هههه
بشرى : حاشا على انا شحال من ولد عندي (ضماتهم بزوج ) الله يخليكم ليا
مريم : امين
بشرى : نتي خاصك ترتاحي لاش كاتعدبي راسك
كريمة : قلت ليها الحاجة ترتاح مابغاتش تسمع
مريم : ما كاين حتى عداب بغيت نشغل راسي
بشرى :(وجهات لكلام ل قيس )شفتي ها أنت خليتي عروستنا تمل دغية فاليل غاتعشاو على برا بزوج
مريم : لا ر. ... (قاطعاتها )
بشرى : كلمتي ماتعاودش
قيس : مايكون غا خاطرك (باس رأسها )
الشخص : هاد السيvي هو لي غادفعي اليوم لشركة وانا غانعطيهم تعليمات باش يقبلوك
أزهار : غاتكون انت تما اليوم؟
الشخص : لا اليوم عندي شي شغل حتى لغدا ولكن خليها فبالك داخل الشركة ماتعرفيني مانعرفك وقيس بسرعة طيحيه فالشبكة المهمة ساهلة خصوصا ما كايبغيش مراتو
أزهار :وي لاحظت هههه
الشخص : يالا حظ موفق
أزهار :ميرسي
خرج من عندها وخلاها تجهز نفسها خدات دوش ونشفات شعرها وطلقاتو دارت ميكاب خفيف ولبسات ميني جيب فالكحل فوق الركبة وشوميز بلا كم فالبيض وخشاتها فالميني وضعات الاكسسوارات والعطر ولبسات صباط بالعكب العالي مع البوشيط ديالو حملات السيvي فيدها وتوجهات لشركة ستقبلاتها سكرتيرة ووجهاتها لمكان المقابلة بسرعة تقبلات حيت شخص المجهول عندو رجالو داخل الشركة
عند عروستنا وجدات الغدا وتغداو بثلاثة كانت بشرى فرحانة واخا هما ما كايتكلموش مع بعضهم حسات بالجفاف لي بينهم مي خبات احساسها حتى تصرف نور الدين وضعوا ستقر قدروا ينقدوه ودارو ليه غسيل المعدة واليوم غايخرج من المستشفى ورفض يتكلم مع شي حد او يبرر ليه عند بهيجة كانت غير كاتغدد على سميرة وباغية غير وقتاش تفضحها لكن لي مصبرها كلام فاطمة حتى دوز 7 ايام ديال مريم وتهنى الدنيا عاد يباليو بيها حيت مزال ما بغات تحشم غير كاتشوف وساكتة على دقتها وكاتخطط للخطة الثانية وصل اليل مريم جهزات نفسها كيف طلبات منها بشرى بما انها مزال عروسة لبسات فستان فالبيض بالكم وبالدونتيل وفولار فالموطاغد وصباط بالكعب العالي فلون الفولار حطات ميكاب خفيف بزاف ونزلات كايتسنى قيس يلبس بعد دقائق نزل كان لابس لباسو المعتاد الكلاسيكي خرجوا تحت أنظار بشرى لي كانت فرحانة ليهم وكاتدعي ربي يجمع قلوبهم طلع ف سيارة وهي فتحات الباب وجلسات فالمقعد الخلفي
قيس :(شاف فيها بحدة ) ياكما انا شيفور ديال باك؟ ؟؟
مريم (كلمة شيفور ديال باك ضراتها ف قلبها كتمات غضبها وجلسات جنبو ساق سيارة وتوجه لمطعم فيلا بوري لي متعود يمشي ليه وقف سيارة ونزل تبعاتو وهي ما حاملاش رأسها وكاتقول مع نفسها شنو المعنى من هاد لعشا ديال الويل الناس لي خدامين فالمطع ستقبلوه ستقبال حار ورحبو ب مريم جلس ف الطاولة بكل غرور وجلسات ف الكرسي لي قدامو طلب شنو بغى وهي ساهية كاتفكر ف نور الدين كيف ولا من بعدها وبهيجة وفاطمة والدوار وشنو كايديرو دابا بلا بيها اكيد مجموعين على طبلة وكايتعشاو واكيد بهيجة وسميرة كايتناgرو بتاسمات من دكرات خصامهم قاطع أفكارها بصوتو الخشن )
قيس : غانباتو هنا؟ ؟
مريم : نعم؟
قيس (من تحت سنانو وبتسم بزز فوجود النادل )خودي الموني وختاري شنو بغيتي هه
شافت ف الموني وما فهماتش اسماء الأكلات وطاحت فبالها تخرج نفسها من هاد الموقف وتلطف الجو باش النادل مايلاحظش شنو بينهم خصوصا من تكلم معاها قيس بحدة فالأول
مريم :( بإبتسامة) حياتي غانطلب نفس طلبك
""كلمة حياتي نرفزاتو نصرف النادل يجيب طلبات وخلاهم كايشوفو ف بعضهم خصوصا قيس لي كان غايكلها بعينيه من كترت ما حاملش وجودها كأنها كارثة وطاحت عليه وخربقات ليه نظام حياتو حط ليهم النادل العشا وتعشاو وجلسو كايشوفو ف الأطباق بدون كلام كل واحد فيهم فالعالم ديالو باش تنهي هاد المهزلة نقبات شوية باش تسرع برحيل من هاد المكان لي كايجيب الخنقة مطعم ممل ووجوه بائسة عكس الحياة لي تعودات عليها بعد ما تعشاو أو دعاو انهم تعشاو دفع الحساب وخرج طلع ف السيارة وجلسات جنبو ساق بسرعة ووقف جنب البحر ستغربات من وقوفو نزل من سيارة وطلب منها تنزل نفدات طلبوا بل الأوامر ونزلت من سيارة شدها من دراعها بقوة وجدبها لعنو وعينيه ف عينيها حسات بالألم فدراعها بقوة ما معصب
مريم : ااي يدي غاتهرس
قيس : (ماهتمش لألمها بقى مزير عليها )المرة الجاية فمك لي غايتهرس اشنو عند بالك غاتقدري تفرضي نفسك عليا ديك الكلمة البايخة لي قلتي ف المطعم آخر مرة نسمعها انا ماشي حياتك سيري قلبي على حياتك ف جيهة أخرى علاش مابغاش تفهمي بلي ما حاملش وجودك وبلي انتي اكبر هم نزل عليا ورون ليا حياتي ما تحاوليش تقربي مني ونهار طلب منك ماااما نخرجو بزوج غاترفضي والى (ضربها لراسها بيدو )غانهرس لي هاد الرأس لي ما كايفهمش
(دفعها بقوة حتى لصقات على سيارة نزلوا دموعها من عينيها بغزارة ماشي من قصوتو أو من كلامو نزلوا دموعها على كلمة حياتي كان كايقولها ليها نور الدين وكانت كاطير بالفرحة واليوم كاتقولها لواحد مغرور وقاصي
الا فتح باب السيارة وهي توقفوا بصوتها مسحات دموعها وشافت فيه بحدة
مريم : كيف ما انت ما حاملش وجودي ف حياتك حتى انا نفس شيئ ويمكن كتر كاع وما راضياش على هاد الوضع وما فارضاش نفسي عليك كيف كاتقول القدر العين وظروف لي فرضوني نقبل بهاد الوضع (سكتات شوية وستأنفات كلامها ) لا انت ولا انا مجبرين على هاد الزواج هذا علاش غاطلقني ودابا وكل واحد يشوف الحياة لي تناسبو أكبر غلط درتو فحياتي هو هاد زواج اا انا ب هئ هئ (بغات تقوليه بلي عندها حبيبها لي مستعد يدفع نص عمرو باش يرجعوا لبعضهم وبلي حتى هي كاتموت عليه لكن الحروف والدموع خانوها )
قيس : (طلع فيها ونزل ) ساليتي ايوا مزيان من حتى نتي نفس شيئ وفرتي عليا هكذا حنا مفاهمين وياك تعتبري نفسك بلي نتي مراتي هاد الفكرة ممنوع دخليها لراسك وهادي اول واخر مرة غانخرجو مع بعضنا
رجعوا الفيلا كان الهدوء والضو مطفي طلع لغرفتو وهي جلسات فالصالة كاتبكي وتخمم فهاد الحالة لي وصلات ليها بين نهار وليلة جلسات حتى ادن الفجر صلات وطلعات الغرفة قبل ما تفيق بشرى وتشوفها كان فوق السرير ناعس وواخد راحتو خدات مخدة ومانطة من البلاكار ونعسات فالأرض
¤¤¤أصبحنا وأصبح الملك لله ¤¤¤
فتحات عينيها بصعوبة وشافت ناحية السرير كان خاوي ومخربق وقفات وتوجها لحمام كان حتى هو مقربل بحال إلى كانوا فيه عشرة قضات حاجتها وغسلات وجها وجمعات شعرها على شكل كعكة وبدات بالحمام رجعاتو كايشعل ومن بعد بدات كاترتب الغرفة ورجعات كل حاجة بلاصتها وحلات البالكو باش الغرفة تشمس عاد نزلات لتحت
مريم : صباح الخير عليكم
بشرى : صباح النور ابنتي
مريم : سمحي ليا صبحت ناعسة اش خبارك ا افنان ؟
افنان (بعجرفة ) بخير
بشرى : لا ابنتي شبعي نعاس ورتاحي شحال عندنا من مريم كنت بغيتك تفطري معانا ساعة ماسخيتش نفيقك هههه
مريم : (بابتسامة) ربي يخليك اخالتي
افنان : ماما مدام وصال قالت ليك غدا غايمشيو إلى بغيتي تمشي معاهم ف نظري سيري معاهم حسن ماتمشي بوحدك
بشرى : لا غير يمشيو انا مزال ما غادة حتى دوز سبعيام ديال مريم وقيس عاد غانمشي
مريم : علاش فين غادية اخالتي؟
بشرى : لفرنسا ان شاء الله واحد سيد من العائلة الاسبوع الماجي ان شاء الله غا يفتح على القلب وكايخص نشوفو ونيت بغيت نجلس تما باش نبدل الجو
مريم :( بحزن ) الله يشافيه ومزيان رتاحي شوية
بشرى : هههه مالك عبستي انتما عرسان جداد لازم تجلسو مع بعضكم ما كتابش تسافرو على الأقل خودو راحتك ههههههه
قصة القروية, قصة القروية 22, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق,
قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,
1 Komentar
Titanium Flask | TITanium Art & Design
ردThe TINIAN ART titanium mens rings & Design Studio titanium 6al4v created the TINIAN ART & Design where can i buy titanium trim Studio in Las Vegas, Nevada. titanium welder This is the very best TINIAN ART, Design and titanium bike frame Design $23.00
تعليمات التعليقات