قصة القروية 33

قصة القروية 33

250 قيس : كيف سمعتي أزهار مراتي حنا مزوجين وما كاينش الرخيص قدك أزهار ما توصليهاش حتى ف ثراب لي تحت رجلها (حط يدو على خصر أزهار ) حنا الفوق وجدي لينا القهوة مريم مزال تحت تأتير الصدمة قيس : (بصوت عالي ) يالاااااااا طلقي راسك طلع هو وازهار لطابق الثاني وجلسو ف لاطيراس دخلت للمطبخ خدات القهوة ويدها كايرجفو من الأعصاب يالا غاتشعل الفرن وهي تسمع الباب مشات فتحات كانت سيدة خديجة خديجة : سلام عليكم مريم : وعليكم السلام مرحبا خديجة : ترحب بيك الجنة دخلاتها لصالة مريم : دار دارك عطيني زوج دقائق وانا معاك غير نوجد القهوة بغاها خديجة : واخا خودي راحتك راجلك هو اللول مشات للمطبخ جهزات ليه القهوة وحطات الفناجين فالبلاطو وطلعات لعندهم كانت أزهار جالسة غير شافتها جايه ضماتو وباستو من فمو باش تفقصها تعمد يعصبها جر أزهار من خصرها وجلسها فوق رجليه وكايبوس فيها من الفم ما قدراتش تشوف فيهم جاها المنظر مقزز حطات ل قهوة ونساحبات غير شافها مشات بعد أزهار عليه أزهار عاقت بيه ستغلها باش يخلي مريم تغير مي دارت رأسها ما فاهمه والو باش توصل لشي لي بغات مريم : (حطات القهوة والحلوة ) سمحي ليا تعطلت عليك خديجة : لا لا ماتأخرتيش مريم : شحال كاتبغي من معلقة؟ خديجة : وحدة ونص كبات القهوة ف الطاس ودارت ليها سكر مريم : تفضلي خديجة : شكرا كاين شي حد مع راجلك؟ مريم : (ضحكات بستهزاء ) هه ماتصوريش شكون كاين معاه خديجة : (بستغراب ) شكون؟ ؟ مريم : الضرة

251 خديجة : (وحلات ليها )كح كح .... مريم : (مدات ليها كأس الما ) بسم الله عليك خديجة : (ضربات خدها ) اويلي كيفاش ضرة واش تزوج عليك؟ ؟ مريم : وي خديجة : اويلي على تزوج عليك وكاتكلمي ببرد واش عندك شي عقل ها لي قلت ليه داتو ليك لي تعرف ليه مريم :ازيد حتى عشرة إلى عندو الجهد انا ما هامنيش بغيت غير راحت البال وولدي يكبر ف حضني خديجة : (عطاتها صبع ) هاكي هذا من عندي الخطية 🖕 مريم : وشنو بغتيني ندير واش انا قلت ليه يتزوج دار المرا بلا خباري يعلم الله من امتى مزوجين خديجة : كي دايرة هاد خيتي ؟ مريم : طولية ورقيقة شعرها قصير وزعر (أشقر ) وبيضة خديجة : ولبسها كيف داير؟ ؟ مريم : كاتلبس القصير بزاف ديما مقزبة والوجه مصبوغ هي صاحبت ختو شفتها من قبل عندها وموظفة عندو ف الشركة خديجة : كانعرف هاد النوع مزيان مدام قلتي موظفة غاتكون طامعة عليها دغية ضارت بيه ما خاصش تخليه ليها لازم تجاربي باش يبقي ليك وهي طلق مريم : شنو غاندير خديجة : عطا الله ما ديري غا.... شافتهم نازلين وهاز الشناطة ووقفات من الكلام كانت هاز الشانطة فيدو وازهار شاداه من دراعو شاف ف خديجة ولقى السلام قيس : السلام عليكم خديجة : وعليكم السلام شاف ف مريم وغمزها تلحق عليه سبقها وتبعاتو وازهار جلسات فوق الفوتوي قدام خديجة ودارت رجل فوق رجل

252 قيس : انا عندي طيارة من هنا ل ساعة والخدامة لي كلفتها تراقبك غاتكون هنا غدا فالصباح واي حركة منك غاتوصلها ليا وياويلك وسواد ليلك تحطي رجلك برا الدار ندبح مك مريم : الصمت قيس : (طلع فيها ونزل ) حيدي من قدامي خرج ولحقات عليه أزهار كاتمايل طلعوا ف السيارة وتوجهوا لدارها خدات غير جواز السفر وخرجات أزهار : كن غير خلتيني نهز حوايجي قيس : اصلا كن غير جلستي انا غادي على قبل الخدمة ماشي سياحة أزهار : بيبي انت طلبتي مني نرافقك قيس : كنت باغي نفقصها مي نتي على سبة خاص غير لي ينغزك المهم ما عليش موقع باس وماشي ضروري تدي معاك الحوايج غانشروهم تما أزهار : (باستو ف عنقو ) ميغسي بيبي خديجة : هاد الزين كامل عندك ومفرطة فيه اويلي وحدي واش إنتي شنو؟ كانشك واش انتي طبيعية عطاك الله راجل كامل مكمول شباب وزين وفلوس وهاملاه ها هي جات لي تعرف ليه ايوا ندبي دابا مريم : الله يهديك انا فين ونتي فين خديجة : من اليوم غاتبداي الخطوة الأولى اري معاك ورقة وستيلو (قلم ) مريم :(بستغراب ) اوك جابت ليها الورقة وستيلو وحطاتهم فوق الطبلة خديجة : قولي لي شنو كايبغي وشنو ما كايبغيش؟

253 مريم : ما فهمتش قصدك؟ خديجة : شنو كايبغي منك متلا شنو كايطلب منك ديري ليه من غير طياب ومشتقاتهم وشنو لي كايخليه يرفع يدو عليك؟ مريم : كايطلب مني نلبس العرا متلا شرا مؤخرا شوميز دونوي كلو مفضوح وكايبغي نحط الميكاب وحتى الرقص كايطلب مني نرقص جاب ليا زي ديال الرقص الشرقي كانظن غير باش يعصبني وما كايبغيش من يكون يغوت عليا نرفع صوتي أو تتجاهلو وشحال من مرة رفع عليا يدو حيت كا نخرج وهو مانع عليا الخروج ومن كايبغي يعاشرني كانرفض وشحال من مرة رديت فوق من صدرو وحوايجو ولكن ماشي بيدي غير كانشم ريحتو معدتي كاتقلب وغير كايحط عليا يدو كانحس بالاشمئزاز كايجيني بحال شي واحد مسخ خديجة سجلات الأشياء لي كاترضيه والعكس كانت مريم كاتشوف ف الورقة عطاتها ستيلو وطلبات منها تشطب على الأشياء لي كاتير غضبوا وخلات الأشياء الإجابية خديجة : ويلي ويلي هاد الشي كامل وبغتيه يعاملك مزيان وما يشوفش ف غيرك من هاد الحضة غاتغيري المعاملة وحتى الشكل ديالك وصدقيني إلى شاف تغير حتى هو غايغير معاملتو كوني أكيدة هاد البس غاتغيريه فالدار ما تبقايش دايرة الفولار شو تاني جيت فجأة ولقيتك دايرة الفولار وهاد البس غاتغيريه ونتي غير مغلفة صيف هذا خلي جسمك يتهوا نتي تبارك الرحمن غزال طولة عندك والطاي مانكا كل حاجة فبلاصتها والزين ما شاء الله ادا علاش ما تستغليش هاد شي راك شفتي حفصة فالدار كيف كاتكون لي شافها برا دايرة نقاب يقول هاد المرة مهملة وهي فالدار الف ممتلة ماتبان قدامها ف اناقتها واهتمامها بنفسها نتي ماشاء الله حادكة ونقية ومتولة ولكن هاملة نفسك وانا عارفه علاش هاملاها حيت هاد زواج ما رادياش عليه 100% وحينت نور الدين مزال ساكن هنا (أشارت ل قلبها)

254 نور الدين عمرو ما كان وعمرو ما غايكون نتي بهاد الشكل كاتعصي الخالق والمخلوق واش عارفة شحال ديال الذنوب كاتهزي على ظهرك من كاتخرجي بلا ادنو؟ ؟ واش عارفة شحال ديال الذنوب والنعلة لي كاتهزي على ظهرك من كايطلبك لفراش وكاترفضي؟ ؟ واش عارفه بلي الرسول صلى الله عليه وسلم قال : ( لَوْ كُنْتُ آمِرًا أَحَدًا أَنْ يَسْجُدَ لِغَيْرِ اللَّهِ ، لَأَمَرْتُ الْمَرْأَةَ أَنْ تَسْجُدَ لِزَوْجِهَا ) رواه ابن ماجة وصححه الألباني في " صحيح سنن ابن ماجة قد دل القرآن والسنة على أن للزوج حقا مؤكدا على زوجته ، فهي مأمورة بطاعته ، وحسن معاشرته ، وتقديم طاعته على طاعة أبويها وإخوانها ، بل هو جنتها ونارها ، ومن ذلك: قوله تعالى : ( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِم ) النساء/34 وقول النبي صلى الله عليه وسلم : " لا يحل للمرأة أن تصوم وزوجها شاهد إلا بإذنه ولا تأذن في بيته إلا بإذنه " رواه البخاري (4899) قال الألباني رحمه الله معلقا على هذا الحديث : ( فإذا وجب على المرأة أن تطيع زوجها في قضاء شهوته منها ، فبالأولى أن يجب عليها طاعته فيما هو أهم من ذلك مما فيه تربية أولادهما ، وصلاح أسرتهما ، ونحو ذلك من الحقوق والواجبات ) انتهى من آداب الزفاف ص 282 وروى ابن حبان عن أبي هريرة قال : قال النبي صلى الله عليه وسلم: " إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " وصححه الألباني في صحيح الجامع برقم 660 وروى ابن ماجة (1853) عن عبد الله بن أبي أوفى قال : لما قدم معاذ من الشام سجد للنبي صلى الله عليه وسلم قال ما هذا يا معاذ قال أتيت الشام فوافقتهم يسجدون لأساقفتهم وبطارقتهم فوددت في نفسي أن نفعل ذلك بك فقال رسول الله صلى الله عليه وسلم فلا تفعلوا فإني لو كنت آمرا أحدا أن يسجد لغير الله لأمرت المرأة أن تسجد لزوجها والذي نفس محمد بيده لا تؤدي المرأة حق ربها حتى تؤدي حق زوجها ولو سألها نفسها وهي على قتب لم تمنعه " والحديث صححه الألباني في صحيح

255 القتب : رحل صغير يوضع على البعير . وروى أحمد (19025) والحاكم عن الحصين بن محصن : أن عمة له أتت النبي صلى الله عليه وسلم في حاجة ففرغت من حاجتها فقال لها النبي صلى الله عليه وسلم أذات زوج أنت ؟ قالت نعم قال : كيف أنت له ؟ قالت ما آلوه ( أي لا أقصّر في حقه ) إلا ما عجزت عنه . قال : " فانظري أين أنت منه فإنما هو جنتك ونارك " أي هو سبب دخولك الجنّة إن قمت بحقّه ، وسبب دخولك النار عن قصّرت في ذلك . والحديث جود إسناده المنذري في الترغيب والترهيب وصححه الألباني في صحيح الترغيب والترهيب برقم 1933 إذا تعارضت طاعة الزوج مع طاعة الأبوين ، قدمت طاعة الزوج ، قال الإمام أحمد رحمه الله في امرأة لها زوج وأم مريضة : طاعة زوجها أوجب عليها من أمها إلا أن يأذن لها . شرح منتهى الإرادات 3/47 وفي الإنصاف (8/362) : ( لا يلزمها طاعة أبويها في فراق زوجها , ولا زيارةٍ ونحوها . بل طاعة زوجها أحق ). شفتي شحال نتي مقصرة ف حقو وشحال من ذنب هازة بسبب تقصيرك نور الدين حيديه من قلبك وعقلك وانا متأكده بلي انتي عمرك غلطتي كيف متأكدة بلي قادرة تحيدي نور الدين من قلبك وتحطي بلاصتو راجلك حلالك وبات ولدك ولا بنتك مريم : الصمت خديجة : اول خطوة غاتستغلي سفرو وغاتغيري لوك ديالك وتشري حوايج جداد وستايل ديالك غاتبدليه وتعامل حتى هو و.... (قاطعاتها ) مريم : ما كاين لاش نشري الحوايج (الملابس ) عندي الغرق شريت قبل العرس قصدت بهيجة وفاطمة هما لي كانوا مكلفين وحتى حماتي خدات ليا والميكاب حتى هو كاين مي انا كانشوف هاد شي كامل ماليه معنى و..... (قاطعاتها ) خديجة :(جراتها من يدها ) زيدي قدامي نشوف الحوايج لي عندك قالك ماليه معنى

256 طلعوا للغرفة وجبدات ليها الحوايج لي خدات قبل العرس والميكاب لي عندها خديجة : هاد شي عندك غزااااااااال باااااااز ليك يا هاد البنت عندك كلشي موفر وكاتعفري من اليوم غاتلبسي هاد شي لي عندك كل نهار لبسة وغاتشري الجديد من غاطلبي منو الفلوس غايعطيك ما غايرضاش يرفض والرقص قلتي لي بلي انتي مزيانة فيه مي لازم نتأكد وحتى لو كنتي مزيانة فيه خاص ضيفي شي حاجة وطوري فيه اكتر و اكتر ولازم تعلمي المساج وتشري العطور والعود الورد والشمع وتخبيهم هاد شي خاص ديما يكون عندك وهاد شعر غاتخليه طويل مي غاتحيدي لي بوانت وديري ليه شي قصة على طولتو عندك صلى ع النبي كحل وياك تصبغيه جا الون مع البشرة ديالك غير هتمي بيه بالزيوت وخليه ديما مطلوق ولاصيغ للجسم كامل وديما جسمك يكون مدهون بالكريم والبرفان ديما عمليه وفاليل تعراي لبسي لباس جريئ فوق الحد والميكاب وركزي على الفم والعينين وخيله مرتاح فالفراش وكل ليلة ديري ليه سهرة ماتخليهش يسهر برا ولا يمشي عندها خليه ديما يجي كايجري باش يشبع منك و... (قاطعاتها ) مريم : مي انا عندي مشكل لا لا زوج مشاكيل خديجة : اللول؟ مريم : اللول عندي مشكل فالرحم عنق الرحم عندي ضيق بزاف ومن كايمسني كانتعدب بزاف وشي مرات كانزف ما قانقدرش نصبر للألم ومن كايسالي ما كانقدش نوقف على رجلي كأني يالا صبحت وكايخص نبقى ناعسة على كرشك ساعتين على الأقل وانتحركش بعد ساعتين تقريبا عاد كايخف الألم شوية والمشكل الثاني يالا ولا من كايقرب مني كاتجيني ريحتو خايبة بزاف ومن كايمسني كانرد خديجة : اه هاد المشكل مزال عندك كاين الحل وان شاء الله من تولدي يقدر هاد المشكل يزول مي دابا خاص تعالجيه كاينين وضعيات الجماع لي كاتخفف الألم لي من هاد النوع وكاين واحد البوماضة كايدرها الرجل للقضب ديالو باش يدخل بسهولة وماتعدبيش ولازم حتى نتي تتفاعلي معاه من يكون معاك حيدي الخوف منك ونساي الألم وفكري ف الاستمتاع كانظن هاد شي شرحاتو ليك الدكتورة أما بخصوص الردان والريحة ديالو غير من الوحم دابا نتي حاملة بشهر بعد مدة هاد الأعراض غايمشيو

257 نتي شرحي ليك بحلاوة السان وقولي لو بلي هذا غير ولدو لي داير هاد الحالة غير يفوت الوحم غاتعوضيه ماشي تردي عليه وتعبسي يحسن عوانو معاك سعد : دارها بيا لشلاهبي ولد الق.... غرقني ديون فاطمة : (كاتشوف فيه بستغراب ) واش حماقيتي كاتهضر بوحدك سعد : (شاف فيها وقلب وجهو ) ديها فراسك شوية فاطمة : ايه نستاهل تاصل ب مروان لقى خطو مشغول وانيس خارج المغرب وحل وجلس يفكر من يرد هاد الدين بقى غادي جاي غادي جاي كانت كاتشوف فيه وراسها ضرها من الفضول فاطمة : قول شنو عندك؟ حكى ليها شنو دار بينو وبين منصف وكيفاش غرقوا ديون فاطمة : هاذ ماشي مشكل كبير بنسبة ليك انت عنك من ترد الدين سعد : باش غانردو؟ ؟ فاطمة : من الورث لي خديتي بغيت نعرف علاش منشف راسك هذاك حقك الطبيعي وحتى حد ما صدقوا عليك قيس خوك ولد الناس كن كان شي شلاهبي كن كلى ليك رزقك ومادي منو باش تنقي سنانك ولكن لا حيت هو كايبغيك وخاف على مستقبلك عطاك حقك سعد : الصمت فاطمة :(جلسات جنبو ) قيس ماعندو حتى دنب هو ما قالش لباك يتخلى على ماماك فداك الوقت كان طفل عندو عامين يالا شاف الدنيا وباك الله يسمح ليه ويرحمو حتى حد ما عارف ضروفو فداك الوقت ماشي من حقك تحكم عليه وماشي من حقك تلوم خوك انا ما باغية منك والو مي كانصحك لوجه الله حتى شي انسان ما معصوم من الخطأ كلنا كانخطؤ حنا بشر وانت بنفسك خطاتي مرارا وتكرارا

258 ماتخليش حمار ديال لخلى يشدك من اليد لي كاتعgرك انت لازم تاخد حقك وتوقف مع خوك وتزيدو القدام العمر كايجري والاخوة ما كاتعوضش وحدها الدنيا وحتى حاجة ماتستاهل فكر فكلامي مزيان غاتعرف المعنى ناضت من حداه وخلاتو كايفكر ف كلامها وعقلو حاير كلامها صح مي قلبوا وعقلو ما تفاهموش كل واحد كايلغي بلغاه تسطح فوق السرير وجلس كايفكر ف كلامها ويحلل خديجة ماسخاتش تخلي مريم بوحدها تاصلات ب راجلها وقالت ليه بلي غاتبات معاها وافق وجلسو سهرانين كانت كاتنصح فيه وما ملاتش دوزو وقت زوين دردشو وتعشاو ومن بعد تاصلات ب بهيجة وتكلمو معاها ومن بعد بهيجة تكلموا مع حفصة جبدات ليها ودنها بالكلام بعد الاتصال نعسو بزوج ف غرفة مريم ♡أصبحنا وأصبح الملك لله ♡ فاقو مع أدان الفجر صلاو بزوج ورجعو نعسو حتى ل 8:00 عاد فاقو جمعات الغرفة ونزلو وجدو الفطور يالا كايفطرو وهي توصل الخدمة لي كلفها قيس تراقبها فتحات ليها مريم الباب كانت سيدة ف سن الأربعين تقريبا غير هي مهلية فراسها ملامحها جامدة والصرامة ظاهرة على وجها طويل ورقيقة كانت لابسة شوميز فالبيض وصايا فوق الركبة فالكحل وجامعة شعرها على شكل كعكة ابتهال : صباح الخير انا ابتهال من طرف ميسيو قيس مريم : (بإبتسامة ) صباح النور تفضلي ابتهال : شكرا دخلات رافعة رأسها لسما وعينيها كايتفحصو الفيلا تمشات بخطوات تابتة نحو الفوطيو وجلسات خديجة : يالا امريامو انا غانمشي فالعشية ان شاء الله غانجي عندك انا وحفصة باش نخرجو تاصلي ب راجلك وقوليها ليه مريم : واخا ان شاء الله (ضماتها ) شكرا بزاف لهلا يخطيك خديجة : ما بيناتناش خرجات خديجة وطلعات ف السيارة ديالها وتوجهات للمنزل مريم : تشربي قهوة؟ ؟ ابتهال : نو ميغسي جمعات مريم طبلة وغسلات الماعن وخدات تلفون وتاصلات ب قيس ترن.....ترن. ......ترن قيس : وي الوو مريم : سلام عليكم قيس : وعليكم السلام مريم : احم انا بغيت نخرج فالعشية باش نشري شي حاجة قيس : (بصوت خشن ) قلت الخروج ممنوع

259 مريم : عفاك قيس : لي عندي قلتوا والى عرفت بلي خرجتي ماتلومي غير راسك مريم : عفاك انا.... (قاطعاها ) قيس : (بصرامة ) ما كاتفهميش العربية اوك j'ai dis non ok ?? مريم : الصمت قيس : okk ?? مريم : (بصوت مخنوق وحابسة دموع ) او كك قطع الاتصال وعلى وجهو ابتسامة أزهار : بيبي معامن كنتي كاتكلم؟ قيس : مع مريم أزهار : اوووووف من سيرة مريم بيبي خليك من ديك الفلاحة ويالا نخرجو مليت قيس : (بصوت عالي ) أزهااااار ما تكلميش عليه خليك بعيدة من صداع احسن ليك وانا جيت هنا على قبل الخدمة ماشي سياحة أزهار : نهارت بالبكى ودعت انها تجرحات من كلامو حس بذنب حينت رفع صوتوا عليها ونفاعل خصوصا على قبل مريم قيس : سمحي ليا أزهار : (مسحات دموعها وشافت فيه ) انت لي سمح ليا احياتي حيت قلقتك من غيرتي عليك ما ستحملتش تكلم معاها (ضماتو ) انا كانموت عليك ووجودها كايخنقني قيس : ما تنسايش بلي مريم هي اللولة ونتي كنتي عارفه هاد شي أزهار : وحينت هي للولة كايخص نتحمل هاد العقوبة حياتي كامله (ضحكات ) ماشي مهم المهم هو انت ليا (باستو من فمو ) يالا خلينا نخرجو قيس : غير خرجي انتي انا عندي اجتماع أزهار : بيبي خاص ندير شوبينغ قيس : الكاخط gيشي عندك خودي لي بغيتي أزهار : (ضماتو ) شكرا احياتي بعد ما خرجات أزهار خدا تلفون وتاصل ب مريم ترن... ترن. .....ترن مريم : الوو قيس : اوك تقدري تخرجي مي ابتهال غاتكون معاك وقبل 19:00 تكوني فالدار من دابا شوية غايجيب ليك سليمان شي فلوس خليهم معاك مريم : (فرحات ) شكرا بزاف

260 قطع الاتصال وجلس كايراجع شي ملفات أزهار كانت كاتشري اي حاجة تارت انتباها بدون ماتفكر وخدات الفلوس وخباتهم كيف كل مرة كاتاخد وتخبي مريم وجدات الغدا وابتهال كانت جالسة ف الجردة كاتقرا كتاب بعد ساعة جا سليمان غير سمعات الباب حطات الكتاب من يدها ومشات تحل بخطوات متسارعة سليمان : سلام عليكم ابتهال : وعليكم السلام سليمان : مدام مريم كاينا؟ ابتهال : وي مريم : (شافتتو ) اهلا سليمان تفضل سليمان : (دخل ) اهلين مرات خويا اش خبارك؟ مريم : الحمد لله اخويا وانت؟ سليمان : الحمد لله مريم : تفضل سليمان : مرة اخرى ان شاء الله (عطاها الظرف ) هنا كاينا شي امانة من عند قيس مريم : شكرا عدبتك معايا سليمان : الله أودي عدابك راحة مريم : شكرا اخويا لهلا يخطيك مشى سليمان وهي رجعات لمطبخ تكمل لغدا بعد ساعة حطات الغدا كان طجين بالحم والملوخية ودارت السلطة والعصير مريم : مرحبا بيك ابتهال :(شافت ف طجين بتعالي) نن غير بالصحة طجين غاناخد غير سلطة والعصير عامله رجيم مريم : اشمن رجيم ونتي نعطس حداك طيري عههه ابتهال ما رداتش عليها خدات من السلطة وكلات ف صمت بعد لغدا غسلات مريم لماعن وطلعات لغرفة لبسات عبايه فالكحل على شكل فراشه ومحجرا من الصدر ف الأسود وشال ديالها لبسات الكعب العالي ودارت لفلوس ف البوشيط وهزات تلفونها ونزلات لطابق السفلي كاتسنى تصال خديجة مريم : جهزي نفسك شوية غانخرجو ابتهال : وي قالها لي ميسيو قيس فالتيلي مريم : اوك

261 مع 15:00 وصلها تصال من عند خديجة خديجة : خرجي عندنا لراس الشارع انا ف السيارة مع حفصة مريم : واخا خرجات مريم ولحقات عليها بتهال طلعوا ف السيارة مع خديجة سلمات عليهم بتهال كتفات بسلام من بعيد توجهوا لمروكو مول ما قدروش يتكلموا قدام ابتهال خدات ليها حفصة كدا فستان على ذوقها طبعا على حساب مريم وخدات شوميز دونوي جريئن وبيجامات قصار والملابس داخلية والميكاب والعود الشمع والورد وزي للرقص سكسي بعد ما خداو شنو بغاو مشاو عند لعند واحد البنت عندها ايكول الرقص كاتعرفها حفصة تسجلات عندها مريم باش تقوي مهاراتها ف الرقص وتافقو تجي زوج مرات ف الاسبوع الاثنين من ل 14:00 ل 16:00 والثلاثاء من 14:00 ل16:00 هذا كان ختيار مريم وتافقو تتواصل معاها فالواتس وتبعت ليها لي فيديو مريم : انا هاد الوقت هو لي غايناسبني سوزان : مي فهاد الوقت ما تايكونوش السيدات غاتكوني غير بوحدك مريم : وي عرفت وانا باغية نكون بوحدي ما بغيتش يكون شي حد واخا هما عيالات سوزان : مي الثمن غايكون طالع شوية حفصة : ما عندهاش مشكل فالثمن المهم النتيجة كما انها هايلة ف الرقص مي لازم طور اكتر سوزان : اوك حنا مفاهمين خرجوا من عندها وجلسو ف الكافي خداو القهوة ومن بعد وصلو مريم وهما كملو طريقهم وصلات عيانة تاصل قيس فالفيكس باش يشوف واش دخلات ولا مزال ردات عليه ومن بعد ما تأكد بلي هي فالفيلا قطع الاتصال

262 داز الاسبوع بسرعة حضرات مريم لحصة وحدة بعد ما طلبات الادن طبعا ما عرفش فين مشات وطلبات ابتهال ما تقولش ليه فين مشاو بضبط بغرض كاتوجد ليه مفاجأة فهاد الأسبوع هتمات بنفسها بالماسكات وقطعات شعرها على طولتو وقادات ظفارها عطاتها حفصة شي نصائح أزهار كانت طول الاسبوع كادير وشوبينغ وكاتجمع ف الفلوس عدنان كان كايتاصل بيها وكايوصيها تنفد شنو طلب منها كانت كاتقول ليه قربات تنفد مي غير باش تسكتو كانت قارية حسابها وراسمة خطتها وصل اليوم لي غايرجع فيه قيس للمغرب فاقت بكري خدات دوش وصلات وجمعات غرفتها وطوات الماريو كانت دايرة لاصيغ ومصايبة شعر لبسات دجوكين فالبلو مارين وطلقات شعرها ودارت الميكاب خفيف والبرفان ونزلات وجدات الفطور يالا حطاتو ف الطبلة وهو يدخل.....يتبببع لنا لقاء غدا ان شاء الله تصبحون على واقع أجمل 😘

263 بعد ما خدا دوش لبس الملابس لي حطات ليه ونزل لطابق السفلي ابتهال : بون جوغ ميسيو قيس : بون جوغ توجه لطابلة (الطاولة ) هو وبتهال مريم : صباح الخير ابتهال : صباح النور فطرو فجو هادئ كانت متوترة بزاف من نظراتو كان كايشوف فيها طول الوقت وما هزش عينيه عليها بعد ما كملو الفطور خدا الفون وتاصل ب سليمان جمعات الطبلة وغسلات الماعن ابتهال كانت جالسة فالصالة كاتسنى يكمل من المكالمة باش تاخد مستحقاتها وتمشي بحالها بعد ما كملات الماعن طلعات للغرفة فتحات الشانطة وخدات منها الحوايج شي وحدين حطات يتصبنو والباقي طواتهم وحطاتهم ف البلاكار ورجعات كل حاجة ف مكانها ونزلات لطابق السفلي صبنات يي وصلحاتهم ودخلات المطبخ كاتوجد لغدا ابتهال خدات الراتب وودعاتها ومشات طلع الغرفة خدا واحد الملف وكايخدم عليه ترن. ....ترن. ... قيس : وي الوو سليمان : بعت ليك شي لي طلبتي ف الايميل قيس : وي شفتهم شكرا سليمان : اليوم ما غاتكونش فالشركة؟ ؟ قيس : (بعد تفكير ) لا لا عيان شوية حتى لغدا ان شاء الله بغيتك تحل عينيك ودنيك وحتى حاجة ما تغفلها خصوصا حفيظ بغيتك تكون بحال ظلوا سليمان : لا توصي يتيم على بكى انا مراقبو أزهار تعطلات على الملف لي عطيتها قيس : الملف غاتبعتو ليك مع السائق عطيه لشي حد يخدم عليه

264 سليمان : اوك فاليل نتشاوفو؟ قيس : من هنا اليل يحن الله يالا تلاح سليمان : هاهو تلاح تهلا 🍃القرية 🍃 فطومة : الله فرحت ليها الله يكمل عليها ان شاء الله هاد النوبة شي وليد وبارك عليها بشرى : كيف الولد كيف البنت الله يرزقهم ذرية الصالحة وخلاص فطومة : امين امين هانتي جاينك زوج حفاد ف عام واحد ههههه بشرى : الحمد لله ومرحبا بيهم الحمد والشكر لله توحشت قيس ومريم غدا ان شاء الله قبل ما يحلو عينيهم نكون عندهم فطومة : ياك قلتي غاتستقري هنا دغية بدلتي رائيك وسخيتي بيا بشرى : هههههه لا انا خديت قرار صافي البلاد كانرتاح فيها المدينة كاتخنقني ونيت بغيت نخليهم على راحتهم خاصهم يتقربو من بعضهم واخا ديك مريم رأسها ناشف الله يهديها فطومة : ان شاء الله خير فرحت وأخيرا غاتعمري هاد الدار مليت من الوحدانية بشرى : ههههه صافي الشارفة من اليوم ما كاين غير انا وياك هنا وغانشرط عليهم كل سبت وحد بجيو والعطل والأعياد (شافت فالدار بحب ) هاد الدار ما غاتبقاش خواية بارك عليها 30 سنة من الفراق فطومة : لهلا يخطيك علينا انا غانوجد الغدا ونرجع بشرى : بيد ما توجدي لغدا غانتاصل ب افنان فطومة : واخا سلمي عليها وقولها مبروك عليها بشرى : مبلغ

265 ***الرباط *** وجدات الدجاج بشابلوغ فالفرن وكراتان بالبطاطة ولاصوص بيشاميل وسلاطة خفيفة وعصير الفريز (الفراولة ) اليمون بعد ما كمل من الملف تاصل ب أزهار وعلمها تبعت الملف لي كانت خدامة عليه ل سليمان فاطمة : انا غانمشي عند مريم فالعشية سعد : اوك فاطمة : كاتوحم سعد : الله يكمل بخير فاطمة : على المشمش سعد : وانا مالي؟ فاطمة : بغيتك ت جيبو ليا باش نديه معايا سعد : ( جبد الفلوس من جيبو ) هاكي خوديه ليها ف طريقك فاطمة : (رجعاتهم ليه ) ما بغاتش المشمش لي فالسوق سعد : واش بغات نجيبو ليها من جنان متلا؟؟ فاطمة : كاتوحم على المشمش خضر يكون مزال ما نضج سعد : فين غانلقاه ليها انا راه عندها راجلها انا مالي؟ فاطمة : عفاك هو غير هنا فالدار لي ورانا كاينا شجرة ديال المشمش مي لداخل كايخص تنقز الصور وتاخدو سعد : (شاف فيها ) الدار لي ورانا؟ ؟ (ضحك بعدم تصديق ) هه هه لا واش كاتقصدي دار الجبلي؟ ؟ فاطمة : ايه سعد : باش عرفتي عندو؟ فاطمة : (عوجات فمها ) هاء ... راه باينا لعمى شجرة عاليا وكاتبان من برا سعد : هااااااااا وانا نعيق قول رجلك تلوات حيت نقزتي من الشجرة فاطمة : لااااااا ماشي من شجرة من الصور ديال دار

266 سعد : (جرها من ودنها ) بصاااح من الصور علامن كاتصطاي هاااا شكون قالك نقزي كن حصلك؟ ؟ نولي انا على اخر يامي نحاشيها لداك جيعان فاطمة : (حاطة يدها على يدو ) اييي ودني الله ياخد فيك الحق سعد : (دفعها ) خداه فيا من لاقاني بيك فاطمة : دابا من لخر واش غاتجيبو ولا نجيبو انا؟ سعد : (شاف فيها بنص عين ) ضبري راسك فاطمة : والى طحت على وتهرست؟ سعد : لهلا يردك غاديري الجبص وتشدي لأرض فاطمة : والى عضني الكلب لي عندو ؟ اصلا طحت بسببو سعد : (نفاجر بضحك ) ههههههههههههه لا نتي بزاف فاطمة : (نفخات شنايفها وشافت فيه ببراءة ) احمباك سعد : اوك هههههه حطات الغدا وجلسو بزوج حنات رأسها على طبيسل وكانت كاتفادى تشوف فوجهو خدا الشوكة والسكين باش يأكل وعينيه عليها بتسم بتسامة خفيفة من التغير ولو تغير صغير طلع فيها ونزل والابتسامة ما فارقاتوش قيس : ماما غاتجي غدا قادي ليها غرفتها مريم : (بإبتسامة ) بصح وأخيرا قيس : وتاصلي بكريمة إبراهيم مريم : واخا (بعد صمت ) احم قيس قيس : وي مريم : (كاتلعب بيدها من توتر ) عفاك الله يرحم ليك الولدين خليني نمشي عندي غير ثلاتة المرات ف الاسبوع وغير نص نهار (بإلحاح ) عفاك قيس : سبق لي قلت لا مريم : ( غرغرو عينيها ) عفاك قيس : (ضرب ف طبية بيدو حتى قفزات ) لاااا هي لا (بعد صمت ) اصلا هاد الايكول لاش لايقا شنو غاتعلمي فيها بالسلامة؟ مريم : (حنات رأسها ) هادي واحد الدار بحال شكل تكوين على حسب الدولة فيها الحلاقة والخياطة وشي شعب خرين بعد 3 شهور ناخد الديبلوم قيس : بفففف هادي هي الايكول لي فارعة ليا مخي بيها إلى بغيتي تعلمي ماشي بشرط تمشي غانجيب ليك ماشين وغانشوف ليك وحدة دير ليك سوايع هنا

267 مريم : انا مابغيتش ناخد سوايع قيس : وانا لي عندي قلتوا (بحدة ) ما كايبغيش نعاود نفس لكلام كل مرة حنات رأسها وحابسة دموعها بزز حسات باليأس وقالت محاولات تغير ما جابت حتى نتيجة هاد شي غير تخربيق فقدات الأمل انها تعلم وفقدات حتى شهية ما قدراتش تكمل غداها شاف فيها بنص عين ما هانش عليه يكسر قلبها حس بقلبو مزير عليه ما عرفش شنو سبب هاد الاحساس لي ولا كايحس عمرو هتم لمشاعر شي حد علاش ولا فجأة كايهتم بمشاعرها ؟ بعد تفكير تكلم قيس : اوك مي هادي ااااخر مرة طلبي مني شي طلب من هاد النوع وعندي شرط ممنوع تمشي لشي بلاصة أخرى من غير هاد الايكول وممنوع شي نهار طلعي ليا بشي بلان آخر حيت غاتنساي بلي غانخليك تخرجي مزال غاتعطيني توقيت وتلفونك غايبقى خدام 24/24 ويا ويلك نتاصل شي نهار وما ترديش حيت غاندمك ابراهيم لي غايبقى يوصلك وغايبقى قدام باب الايكول حتى تسالي ويرجعك ثاني مفهوم؟ مريم : (حسات بالفرحة وأخيرا غاتقدر تمشي ) ااه اه معلوم شكرا نور الدين : علاش امريم علاش كيفاش غاتقدري تعيشي مع واحد من غيري (خشى راسو بين يدو) اوووووف اووووف كيفاش غانقدر نقدك من داك الحمار كانواعدك احياتي غاندير المستحيل باش نرجعو من جديد انا متأكد بلي مزال ساكن قلبك افنان : بيبي انا حاملة ههههه (عنقاتو ) عدنان : (بتسم بزز ) مبروك علينا اعمري شافت ف ملاك افنان : ملوكتي من هنا ناف موا غانجيب ليك بيبي صغير ههه ملاك :( بغيرة ) نوووووو لميس :( بفرح ) صح مامو غاتزيبي بيبي صغير قد هاكا (دارت حركة بيدها )

268 افنان : (باستها فخدها ) وي لموستي ههه عدنان : شيغي انا خارج بلاش ما تسنايني لعشا عندي شي شغل افنان : (بحزن ) اوك جمعات الماعن وغسلاتهم قيس طلع الغرفة وكايراجع الحسابات من جديد جلسات كاتقرا رواية فرنسية "Madame Bouvary " سعد شاف يمين وشمال وتسلق فالجدار نقز لجردة وتسلق الشجرة بسرعة جبد الساشي (الكيس ) من جيبو وخدا المشمش الغير الناضج بسرعة ونقز الجدار من جديد بدون ما يلفت انتباه الكلب لي كان ناعس سعد :( مد ليها ساشي ) هذا كافي؟ فاطمة : هذا راه كتر من كافي غاتبقى تأكل فيه حتى تنفخ هههه شكرا عطاتو بظهر ووقفات طاكسي صغير ركبات فيه وعطاتو العنوان بعد دقائق وقفات الطاكسي قدام الفيلا ترن...... ترن ....ترن حطات الرواية من يدها وتوجهات الباب مريم : اوووه فطومتي (ضماتها ) دخلي فاطمة : ميمي ديالي قلعي شنو جبت ليك مريم : ط (خطفات ليها ساشي ) اووووووو المشمش شكرا بزاف هههههه (خدات منو وحدة وكلاتها بلا غسيل فاطمة : بشوية عليك الغولة (جرات ليها الساشي من يدها ) بلاتي نغسلو بعدا توجهات لمطبخ وحطاتو فالبانيو وغسلاتو حطات شوية فالطبسيل (الصحن ) والباقي ف الثلاجة فاطمة : امممممم درتي لكراتان بالبيشاميل؟ مريم : اه بلاتي نحط ليك (خدات طبيسل وحطات ليها الكراتان ) توجهوا لصالة مريم هازة المشمش وفاطمة الكراتان وكأس العصير

269 مريم : كاع ما قلتي ليا شكون جابوا هههه نتي آخر مرة طحتي ما تقوليش ليا نقزتي ثاني (باستها فخدها ) يخليييلي لي كايفكر ف ختو فاطمة : (فمها عامر ) امممم عمر داود يعاود ماشي انا لي نقزت سعد لي نقز مريم : هههه سعد؟ فاطمة : ايه سعد مريم : (بإبتسامة ) هممممم فاطمة : مالك على همممم كي البقرة يالا بغات ترد وهو يوقف قيس قيس :(مد يدو ) اهلا فاطمة فاطمة : أهلين اش خبارك قيس : الحمد لله (شاف ف مريم كاتاكل المشمش بشهية ) فاطمة : عمرك شفتي لي كاياكل المشمش ما ناضجش هههههه قيس :(بستغراب ) اش هاد الحالة واش هذا كايتكال مريم : اه زوين (مدات ليه وحدة) جرب وشوف قيس : لا لا بصحة فاطمة مرحبا سمحي ليا عندي شي شغل ستمتعو بوقتكم فاطمة : شكرا اخويا الله يعاونك خرج قيس من الفيلا وخلى فاطمة شادة ف مريم وكايضحكو ☆☆المساء ☆☆ رجعات فاطمة لدارها ومريم دخلات للمطبخ توجد لعشا وصلها تصال من عند حفصة ترن......ترن......ترن مريم : الوو حفصة : الوو زيونات اش خبارك؟ مريم : الحمد لله نتي؟ ؟ حفصة : نحمدوه ونشكروه انذرا ميسيو ديالك جا؟ ؟ مريم : اللهم لك الحمد وي جا الصباح حفصة : هههههه على سلامتو اش كاديري دابا؟ ؟ مريم : كانرد العشا حفصة : ويلي على الخطية قالت لك كانرد العشا علاش ماتعشاوش برا طفي على البوطة يالا مريم : اويلي والعشا؟ حفصة : ديري لي قلت ليك اضبعة اجي بعدا اش لابسة؟ ؟ مريم : دجوكين حفصة : مال داك الراس عندك ما كايفهمش جبدي ودنك وسمعيني مزياااان اش نقولك غاطفي على العشا ولوحيه كاع وطلعي لبيتك ضربيها بواحد الغسلة ديري البروشينك ولبسي ديك البيجامة القصيرة لي فيها الشورط والدوني فالgري قبل ما تلبسيها دهني داك الكريم لي خديتي من عند سارة وعاد لبسيها وديري الميكاب خفيف ما تعيقيش بزاف وجمعي شعرك عشوائي باش ما تعيقيش بزاف سيري دقة دقة ما تخليهش يشوف التغير دقة وحدة المهم تاصلي بيه قوليه وتكلمي بصوت حنين خليه يذوب قوليه بلي مشهية شي لعيبة الكفتة ولا الحوت المهم جاك الوحم وياك تخليه يمشي لعندها حريه لعندك وخليه يجيب ليك شي لي بغيتي ومن يجي انا متأكده غايقضي الغرض مستحيل يزgلك

270 مريم : (عضات صبعها ) ولكن الوحم غايفرش ليا ديكور غير كانشم ريحتو كانرد لا اراديا حفصة : هذاك غير الوحم غادوز شي ايام ويفوتك نتي حاولي تحكمي ف نفسك وحتى إلى جاتك ترويعة ما تبينيش صبري أو وحتى إلى إلى تزيرتي نساحبي بطريقة ناعمة والا شرحي ليه بلي هذا الوحم وغايفوت شتي مدام ريحتو كاتروعك والله حتى غاتولدي نسخة ديالو ههههههه وعن تجربة ايوا يالا طلقي العب اه من تسالي صيفطي ليا المساج بتفصيل باش نشوف واش هاد الحجرة لي ضيعت عليك جابت نتيجة ههههه مريم : ههههه الخايبة حفصة : يالا يالا طلقي الفراجة ههه مريم : تصبحي على خير ميرسي 😘 بعد الاتصال طلعات للغرفة خدات دوش خفيف وصايبات شعرها ودهنات الكريم لجسمها ودارت ميكاب خفيف ولبسات البيجامة وبردات ظفارها وحلقات على الحالة وخدات تلفونها وتاصلات ترن. . . . . ترن. . . . . ترن. . . . قيس : وي الوو مريم : الوو قيس قيس : وي مريم : الله يخليك من تكون جاي. . . (قاطعاها ) قيس : انا ما جايش اليله مريم : اه اوك قيس : علاش شنو بغيتي؟ ؟ مريم : صافي ماشي مهم قيس : قولي اش بغيتي خلاص راني سايق السيارة مريم : عند بالي غاتجي كنت باغية تجيب لي الكفتة مشوية تشهيتها قيس : اوك انا غانجيبها واش غير هي؟ ؟ مريم : وي قيس : اوك غانجيبها ليك ونرجع فين كنت (قطع قبل ما تشكرو تاصل ب أزهار ترن . . . ترن. . . ترن. . . أزهار : وي بيبي قيس : انا من دابا نص ساعة غانجي أزهار : (ما عجبهاش البلان ) اوك بيبي كانتسناك قطع الاتصال وقلب الطريق توجه للمطعم لي مولف يمشي ليه خدا منو الكفتة المشوية

271 وطلع ف السيارة وتوجه لفيلا حل الباب ودخل كانت جالسة فلاطيراس ما حساتش بوجود حط الساشي لي فيه الكفتة فوق الطبلة وطلع لطابق الثاني دخل الغرفة ما كانت توجه لغرفة بشرى نفس شيئ من بعد توجه لاطيراس كانت جالسة فوق الكرسي والرواية بين يدها وشعرها مجموع عشوائي كانت عاطياه بالظهر شاف فيها من التحت الفوق كانت شبه عارية فداك البيجامة ركز الشوف على الرقبة ديالها حسات بيه واقف وراها الدم تمجد فعروقها ما تجرأتش دور وتشوفو حسات بالخجل هادي اول مرة غانشوفها بهاد ض البس قيس : احم احم مريم : (ضارت ببطئ وقفات وحطات الرواية من يدها ) احم سلام قيس : (طلع فيها ونزل ) وعليكم السلام (حسات بالسخانة طالعة معاها وبتوتر ) قيس :(كايتفحص جسدها بعينو ) جبت ليك الكفتة مريم :(بإبتسامة ) شكرا قرب منها بخطوات بطيئة وعينيه ف عينها كل ما كان كايقرب كانت كاتبعد حتى لصقات مع الطبلة (الطاولة ) وقف قدامها حتى تخلطو أنفاسهم وبحركة بطيئة تحنى شوية وخدا الرواية بيدو وشاف العنوان قيس : Madame Bouvary (بتسم ) مريم : (بتوتر ) اه مدام بوفاري قيس : (بسخرية ) اوووه قول مدام بوفاري هي القدوة ديالك (بستهزاء ) هههه كاتشبه ليك بزاف

272 قصدت ف الوجه هههه كان شاد الرواية بيدو وكايلوح ليها المعاني الرواية فتحات ليه الجرح ثاني وزادت أكدت ليه بلي مريم خائنة عقلو كان كايقول كلام وقلبوا كايقول كلام آخر شاف ف عينيها وسهى دخل ف حرب بين قلبوا وعقلو حط رواية من يدو وجرها لعندو ما قدرش يتمالك نفسو قدامها كأنها مغناطيس خدا قبله من فمها كانت جامدة ما دارت حتى ردت فعل بعد عليها وشاف ف الرواية من جديد قيس : احم نزلي قبل ما تبرد مريم : (جسمها كايرجف ) و واخا شكرا نزلات تحت أنظارو أزهار : قيس غايجي عندي دابا بلا ماتجي من بعد ونشوفك عدنان : تفووو الله يلقيها ليها بفففف أزهار : ات كايتاصل قطعات مع عدنان وردات على قيس أزهار :وي بيبي قيس : دزولي أزهار ما غانجيش ادوما ان شاء الله أزهار : ( دعت انها حزينة ) اوك بيبي تمنى ليها ليلة سعيدة ونزل لعند مريم كانت جالسة وكا تاكل الكفتة بشهية جلس قدامها وراقب حركاتها كانت كاتاكل بشهية وما هتمتش لوجودو حتى شبعات عاد رفعات رأسها شافت فيه لقاتو كايبتسم حسات بالخجل نزلات رأسها قيس : بصحة مريم : (بإبتسامة خفيفة ) الله يعطيك الصحة قيس : ما وجدتيش العشا؟

  قصة  القروية, قصة القروية 33, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

 قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :