قصة القروية 12

قصة القروية 12

بهيحة : شوفي شكون هنا (أشارت ل عائشة ) اش بغات هاد المصيبة جاية جيهتنا؟ ؟

مريم : لا واقلة غادية عند غزلان 

بهيجة :(شافت ف تجاه غزلان ) مانعرف اش كايبلانوي ثاني 

مريم (نزلات رأسها )خلينا منهم 

غزلان : تي كي درتي ليها اصاحبة

عائشة : الله يجعل الباركة ف محمد سهل عليا القاضية قالك بغى نمرت داك البايرة ديال مريم 

غزلان : وعطاتها ليك؟ ؟

عائشة :علاه انا حمقة نعطيها ليه بقات لينا غير ديك البايرة لي شبع منها ولد محجوبة خلينا منها ناري ياغزلونتي على قوق طير ليا عقلي 

غزلان (بغضب ) إلى ما جمعتيش داك الدلقوش غانطير ختي بواحد القرصة 

عائشة : لاواه لاواه مالك خرج ليك العقل كانت ضارب بيك سبع قواعط 

حليمة : ويلي حي على المليوطات غايشوهونا هنا

"كان قيس كايضور حول العمال وكايشوف خدمتهم تارت انتباهو غزلان كاتعلي صوتها توجه ناحيتها بخطوات تابتة وقف قدامها وقفة كلها غرور وشاف فيهم بحدة وتكلم بصوت خشن كلو رجولة "

قيس : (بصرامة ) نقدر نعرف شنو هو الموضوع المهم لي خلاكم توقفوا الخدمة وديرو مؤتمر؟ ؟

غزلان (بثلاعتم ) سسسس سسمح لينا اسيدي 

قيس (بصرامة أكثر ) الالة لي باغية تجمع تمشي فحالها عطى الله لي بغى يخدم 

عائشة (شافت فيه وبدلع تكلمات )انا ما خدماش هنا 

قيس (طلع فيها ونزل ومشى وخلاها بلاكا كمل الجولة ديالو )

غزلان (شافت فيها بغضب ) سرك غانخال نيت 

عائشة (مارضاتش ) ديريها فين تجيك اطويلة لسان 

بهيجة :(كاضحك ) والله وحتى عجبني فيهم يستاهلو هههههههه خصوصا ديك الشطبة ديال عويشة 

مريم : قطعي حسك قبل ما نتشوهو فحالهم 

فطومة : كن غير جلس قيس يفطر معانا خرج بكري

بشرى : تبارك الله عليها حادgة وغزالة 

فطومة : كاتقصدي مريم؟ 

بشرى : ايه أول مرة غانشوفها كادخل القلب وملامحها هادية وحادgة تبارك الله 

فطومة : حاااادgة مايسالهاش ودرويشة ما كاتهزش الرأس

بشرى :( ب هتمام ) اش كاتعرفي عليها؟ 

فطومة : هي قدها قد طلال ولدي عندها 25 إلى ماخفت نكدب يتيمة باها الله يرحمو ومها من نهار طلقات ما بان اترها خلاتها صغيرة بزاف خالها لي كبرها قرات حتى لباك وجلسات فدار كاتشقى على مرات خالها وعيالات ولادها مسكينة باقية بلا زواج كاع قراناتها دارو ولادهم قبل 4 سنين دوا فيها ولد محجوبة مرات دحان ولكن رفضاتها وخيرات ولدها بين السخط ورضا هو سافر وتقطعات خبارو وهي باقية كيف شفتيها 

مريم : وعلاش رفضاتها مافيها مايتعاب؟ 

فطومة : علا ماسمعت بغات ليه بنت خوها والسبب الثاني رفضاتها على قبل مها طلقات وخلاتها مابغيتش نجبد أعراض الناس كلها واش كايقول على مها الحقيقة الله بوحدو لي عالمها 

بشرى (بعد تفكير ) فالحقيقة عجياتني البنت غزالة وحادgة وباينة ديال الزمان كن كان عندي شي ولد آخر كن خديتها ليه (بأسف ) خسارة 

فطومة : ماخسارة والو عندك ولد الف وحدة تمناه علاه قيس ماشي ولدك 

بشرى :أح على هذاك واش انا قادرة عليه رافض زواج رجا فالله 

فطومة : نتي ديري لي عليك والكمال على الله حتى انا ماكرهتهاش ليه مسكينة غير يتيمة تستاهل راجل بحال قيس 

بشرى :غانجبد ليه الموضوع اليله ونشوف على الله ربي يهديه

فطومة (بفرح رفعات كفوفها لسما ) ان شاء الله 

☆☆☆المساء ☆☆☆

بهيجة : يختي هاد نهار داز تقيل على لقلب ياربي تسمح ليا 

مريم : عيت بين كتافي كايحرقني 

بهيجة : اجي ندير ليك المساج 

مريم (جلسات فالأرض قدامها ) والله ماكرهت 

بهيجة : يالا ضوري 

مريم : هاهي ضارت 

بهيجة (كاتكلم وف نفس الوقت كادير ليها فالمساج ) توحشت داك الزغبي ديال عزيز من نهار صدر لكازا ما شفت نهار زين فهاد الخربة 

مريم : غير صبري مابقى قد ما فات دابا يرجع وتشبعي منو اااح تما تما الله على لدين عندك كايريحو 

بهيجة : هنا ؟

مريم : تما اااالله 

بهيجة : بصحتك من نكمل لك المساج كتبي ليا مساج العزيز 

مريم : واخا الالة هي للولة اجي إيناس فيناهي؟ 

بهيجة : مشات مع زهور عند مي رابحة بايتين عندها 

مريم : خليهم يفوجو شوية زهور مسكينة سعدها بحال سعدي لا أم حنينة ولا راجل دق بابها 

بهيجة : ايييه مسكينة وصلا ل 36 ومزال ما دق حد بابها وديك زينب الله يحفظ ماعرفت علامن محسوبة ماتبعتش (ضرباتها ضربة خفيفة فراسها ) سكتي قالك بحال سعدك غاكاتفولي على راسك الله ينجيك انا طامعة نشطح ف عرسك ونحيح فيه ونبرد غدايد بنت الجيعان ديال سميرة ههههههه 

مريم : هههههههه الله يستر لي يسمعك يقول هاد سميرة ضرتك وهي غير مرات لوسك 

"سهرات بهيجة ومريم كايضحكو وينممو مرة مرة حتى غلبهم نعاس وتسطحو نعسو ف بيت واحد "

23

¤¤¤أصبحنا وأصبح الملك لله ¤¤¤

☆☆شرقات الشمس وجابت معاها نهار جديد واحدات جديدة كيف العادة فاقت مريم وبهيجة ودارو نفس الشي لي كايديرو كل صباح ومريم وفات بوعدها ووجدات 30ملوية للحاجة وعاد الملوي لي غاتبيع عاوناتها بهيجة من بعد ما كملو هزو الطبق وتوجهوا للفيرمة ☆☆

فلاطيراس كانت جالسة وهازة تلفون وكاطمن على بنتها من بعد ما نهات الاتصال توجهات لغرفة الأكل 

قيس : صباح الخير 

بشرى : صباح النور اولدي 

فطومة : مريم جابت الملوي لي كاتساليها نسخن ليكم ديال البارح ولا نحط ليكم ديال هاد الصباح راه مزال سخون

بشرى : ههههه مشات حتى دارت شي لي فبالها يالا حطي لينا ديال اليوم ولي بقى ديه لولاد سعيد وطلال غايبقى غير يكرم هنا 

فطومة : واخا الله يخلف عليك 

بشرى : الله يخلف على لي عجناتو هه

قيس (حط الفنجان من يدو ) شنو قصة هاد الملوي كل صباح تكلموا عليه؟ 

بشرى : خلينا من سيرت الملوي من تكمل فطورك بغيت نتكلم معاك 

قيس : واخا 

زينب : مرحبا مرحبا نهار كبير هذا من لالة يامنة جات عندنا (كاتعنق وتبوس )

يامنة : ترحب بيك الجنة ونعيمها اش خبارك واش خبار مولاة دارك والولاد كلشي مزيان 

زينب :( بابتسامة ) نحمدو ونشكروه ونتي اش خبار سي المجوب ووالبشير ولدك واش خبار سعاد وطفل الصغير لي عايش ورا البحر اش سمو!!

يامنة : كلشي بخير وكايسلمو عليكم ههههههه طفل الصغير سميتو بدر وعايش ف طالبان وراني جيت على ودو اليوم 

زينب : تبارك الله تبارك الله الله يعاونو ياك جاية على ودو كن ماهو مانشوفوكش 

يامنة : والله وماتساليني حلوف راك عارفه تامارة وجري عليا نجري عليك كيف شتي بنتي سعاد راحت لدار ناسها والبشير دا مراتو لمدينة قالك تما خير من هنا وgعدت انا بوحدي مني كلشي ودار قدها قد لخلا قسمات ليا ظهري رجا فالله 

زينب : كلنا هاكاك الله يغليك على ماصعب 

يامنة : امين امين 

زينب :(بابتسامة عريضة ) كاع ماقلتي ليا شنو قصة جاية على قبلوا خبار الخير 

يامنة : ما كاين غا الخير ان شاء الله كي شتي الطفل الصغير ما عادش طفل راه كبر وعاد راجل عدو 28 عام تبارك الله وخاصو يجمع راسو وانا عيت بشقى وتامارة وخاص لي تجي تهز عليا الحمل هذا علاش بغيت نجوجو

دخلات سميرة وشاركاتكم الكلام

سميرة : صلى ع النبي هذا هو القد خاص يدير ولادو وخاص لي تعاونك وتهز عليك شقى دار 

يامنة : بنادم كايكبر ماشي كايصغار والعمر كايجري شحال قدي نشقى ونتعب جهد تقادة هضرت معاه وقالي لي بغتيها امي بغيتها 

زينب : ايوا اش بغيتي مايسالوش الله يرضي عليه

يامنة : امين وانا اليوم جاية طالبة راغبة فيد بنتكم إلى رضيتو بينا وحتى خير ماينقصها معانا لي طلبتها تحضر 

زينب (ضحكات حتى بانت ليها ضرسة العقل عند بالها بغات بنتها الصغيرة ) وحنا مانلقاوش حسن منكم انا عاطياها ليكم والحاج ما غايلقاش ماحسن منكم 

يامنة : بارك الله فيك وهذا هو المضمون فيك لهلا يحاشمنا ولكن لازم نسمعو رايها ونقول شروطي والى قبلت الله يجعل كلشي مبارك ومسعود 

سميرة : علاش لي ماتوافقش الكلمه كلمتنا ودرية بنتك

يامنة : الله يرضي عليك ابنتي مدام تفاهنا خاصها تجلس فدار من اليوم وماترجعش لفيرمة الحاج مزال وحتى دوك لملاوي لي كاتبيع بلاش منهم غاتبقى تعجنهم لخيمتها وغدا ان شاء الله غانجي انا والحاج باش نرشموها ونقراو الفاتحة ولدي غايجي حتى الشهر الجاي غانديرو كلشي فنهار واحد غايصبح بيها ويرجع لطاليان كي شتي هو شاف عليهم وما خصوش يغيب على خدمة بزاف وغايبقى يجي مرة فالعالم يشوفها وهي غاتجلس معايا 

"زينب وسميرة تصدمو وكايشوفو فبعضهم ويتغامزو "

زينب : تي علامن سايرة تهضري؟ 

يامنة : على طفلة لي عندكم مريم 

سميرة (طولاتها ) ااااااه مريم (بستهزاء ) ايوا الله يسخر راها نيت يتيمة وبارت مسكينة غاتقبل على هاد الوضع هههه (غمزات زينب ) 

زينب : اه اه معلوم علاش لي ماتقبلش 

يامنة :(شافت فيهم بستغراب )واخا دوزو بخير وباش ما كان ردو عليا ليلة 

سميرة :ماكاين مانردو عليك مزال ماتعاود غا صلاة على النبي غدا ان شاء الله جي نتي والحاج وقراو الفاتحة (باستها فخدها )والله يجعل كلشي مبارك ومسعود

قصة  القروية, قصة القروية 12, قصص مغربية بالدارجة ساخنة ق, قصة مغربية ساخنة, قصص مغربية بالدارجة ساخنة, 

شارك! :