قصة القروية 27

قصة القروية 27

135_ﻧﺰﻟﻮ ﻣﻦ ﺍﻟﻌﻤﺎﺭﺓ ﻭﻃﻌﻠﻮ ﻣﻊ ﻗﻴﺲ ﻑ ﺍﻟﺴﻴﺎﺭﺓ ﺩﺍﻭﻩ ﻟﻮﺍﺣﺪ ﺍﻟﻤﻜﺎﻥ ﻓﻴﻪ ﺍﻟﺴﻜﻦ ﺍﻟﻌﺸﻮﺍﺋﻲ ﺧﺎﺭﺝ ﺍﻟﻤﺪﻳﻨﺔ ﺣﻄﻮﺍ ﺍﻟﺴﻴﺎﺭﺓ ﻓﺎﻟﺸﺎﺭﻉ ﺍﻟﺮﺋﻴﺴﻲ ﻭﺩﺧﻠﻮﺍ ﺑﻴﻦ ﺯﻧﺎﻗﻲ ﺗﻤﺸﺎﻭ ﻣﺪﺓ ﻭﻟﻲ ﺷﺎﻓﻬﻢ ﻛﺎﻳﻈﻦ ﺑﻠﻲ ﺑﻮﻟﻴﺲ ﺧﺼﻮﺻﺎ ﻗﻴﺲ ﻟﻲ ﻛﺎﻥ ﺍﻟﻤﻈﻬﺮ ﺩﻳﺎﻟﻮ ﻛﺎﻧﻮﺍ ﺭﺟﻞ ﺃﻣﻦ ﺳﺮﻱ ﺑﻌﺪ ﺩﻗﺎﺋﻖ ﻣﻦ ﺍﻟﻤﺸﻲ ﻭﺻﻠﻮ ﻟﻮﺍﺣﺪ ﺍﻟﺒﺮﺍﻛﺔ ﻓﺎﺧﺮ ﺍﻟﺰﻧﻘﺔ ﻃﺮﻕ ﺃﻧﻴﺲ ﺍﻟﺒﺎﺏ ﻭﻓﺘﺢ ﻟﻴﻪ ﻭﺍﺣﺪ ﺍﻟﺸﺎﺏ ﻑ ﺳﻦ ﺍﻟﺜﻼﺛﻴﻦ ﺗﻘﺮﻳﺒﺎ ﻛﺎﻥ ﻭﺍﺷﻢ ﻓﻴﺪﻳﻮ ﻭﻭﺟﻬﻮ ﻣﻀﺮﻭﺏ ﻣﻦ ﺍﻟﻤﻈﻬﺮ ﺩﻳﺎﻟﻮ ﻇﺎﻫﺮ ﻋﻠﻴﻪ ﺍﻧﻮ ﺻﺎﺣﺐ ﺳﻮﺍﺑﻖ ﻭﺑﺰﻧﺎﺱ ﻛﺒﻴﺮ ﺃﻧﻴﺲ : ﻭﺍﻓﻴﻦ ﺍﻛﺮﻳﻤﻮ ﻛﺮﻳﻤﻮ : ‏( ﻛﺮﻳﻢ ‏) ﻓﻴﻦ ﺍﻟﺨﻮﺍﺩﺭﻱ ‏( ﻛﺎﻳﺸﻮﻑ ﻑ ﻗﻴﺲ ﺑﺤﺪﺓ ﻭﻏﻤﺰ ﺃﻧﻴﺲ ‏) ﺃﻧﻴﺲ : ﻣﺎﺗﺨﺎﻓﺶ ﺍﻟﺨﻮﺍﺩﺭﻱ ﻣﺎ ﻛﺎﻳﻨﺶ ﺳﻌﺪ؟ ﻛﺮﻳﻤﻮ : ﻋﺎﺩ ﻟﻘﺘﻴﻪ ﺧﺮﺝ ﻳﺎﻙ ﻻﺑﺎﺱ؟ ﻣﺮﻭﺍﻥ : ﺑﻐﻴﻨﺎﻩ ﺿﺮﻭﺭﻱ ﻗﻴﺲ : ‏( ﺑﺼﻮﺕ ﺧﺸﻦ ‏) ﻓﻴﻦ ﻣﺸﻰ؟ ﻛﺮﻳﻤﻮ ‏( ﻃﻠﻌﻮﺍ ﻭﻧﺰﻟﻮ ‏) ﻭﺷﻜﻮﻥ ﺍﻧﺖ ‏( ﺷﺎﻑ ﻑ ﻣﺮﻭﺍﻥ ‏) ﻳﺎﻛﻤﺎ ﺷﻲ ﺑﻴﻌﺔ ﻫﺎﺩﻱ؟ ﻣﺮﻭﺍﻥ : ﻭﻣﺎﺗﺨﺎﻓﺶ ﺍﻟﺨﻮﺍﺩﺭﻱ ﻗﻴﺲ : ‏( ﺟﺒﺪ ﻣﻦ ﺟﻴﺒﻮﺍ 500 ﻭﺧﺸﺎﻫﺎ ﻑ ﺟﻴﺐ ﻛﺮﻳﻤﻮ ‏) ﻃﻠﻖ ﺭﺍﺳﻚ ﻣﺎﻋﻨﺪﻳﺶ ﺍﻟﻮﻗﺖ ﻛﺮﻳﻤﻮ : ﻗﺒﻞ ﻣﺎ ﻧﺪﻳﻚ ﻋﻨﺪﻭ ﺣﻂ ﻭﺍﺣﺪ 3000 ﺩﺭﻫﻢ ﺣﺐ ﻛﺎﻧﺴﺎﻟﻬﻢ ﻟﺨﻮﻧﺎ ﻣﺮﻭﺍﻥ : ﻳﺎﻙ ﺧﻠﺼﻨﺎ ﻟﻴﻚ ﺩﻳﻦ ﺩﻳﺎﻝ ﺳﻌﺪ ﺍﺷﻤﻦ 3000 ﺛﺎﻧﻲ ﻛﺮﻳﻤﻮ : ﻋﺎﺩ ﺩﺍ ﻣﻦ ﻋﻨﺪﻱ 3000 ﺩﺭﻫﻢ ﺩﻳﺎﻝ ﺍﻟﺴﻠﻌﺔ ﺍﻟﻐﺒﺮﺓ ﻭﺷﻲ ﺟﻮﺍﻧﺎﺕ ﻭﺳﻠﻔﺘﻮ ﺷﻲ ﻓﻠﻮﺱ ﻗﻴﺲ : ﻭﺭﻳﻨﻲ ﻓﻴﻦ ﻛﺎﻳﻦ ﻭﻧﻌﻄﻴﻚ ﺍﺵ ﻛﺎﺗﺴﺎﻟﻮ ﻛﺮﻳﻤﻮ : ﺑﻴﻦ ﻧﺒﻴﻦ ﻗﻴﺲ : ‏( ﺟﺒﺪ 1000 ﺩﺭﻫﻢ ‏) ﻫﺎﺩﻱ ﻟﻲ ﻫﺎﺯ ﻣﻌﺎﻳﺎ ﻳﺎﻻ ﻃﻠﻘﻨﺎ ﺧﻼﺹ ﺧﺮﺝ ﻛﺮﻳﻤﻮ ﻣﻦ ﺍﻟﺒﺮﺍﻛﺔ ﻭﺩﺍﻫﻢ ﻟﻌﻨﺪ ﺳﻌﺪ ﻛﺎﻥ ﺟﺎﻟﺲ ﻓﻮﺍﺣﺪ ﺍﻟﺒﺮﺍﻛﺔ ﻭﺭﺍ ﻛﺮﻳﻤﻮ ﺣﻞ ﻛﺮﻳﻤﻮ ﺍﻟﺒﺎﺏ ﻭﺩﺧﻠﻮﺍ ﻟﻌﻨﺪﻭ ﻛﺎﻥ ﻛﺎﻳﺸﻢ ﻓﺎﻟﻐﺒﺮﺓ ﻏﻴﺮ ﺷﺎﻑ ﻗﻴﺲ ﻭﻗﻒ ﻭﺷﺎﻑ ﻓﻴﻪ ﺑﺤﺪﺓ ﺳﻌﺪ : ‏( ﺑﻌﺼﺒﻴﺔ ‏) ﺍﺵ ﺑﺎﻏﻲ ﻋﻨﺪﻱ ﻻﺵ ﺗﺎﺑﻌﻨﻲ ﻗﻴﺲ : ‏( ﻛﺎﻳﺸﻮﻑ ﻑ ﺍﻟﺒﺮﺍﻛﺔ ﻭﺍﻟﻤﺨﺪﺭﺍﺕ ﻟﻲ ﺩﺍﻳﺮﻳﻦ ﺑﻴﻪ ‏) ﺍﺵ ﻫﺎﺩ ﺍﻟﺤﺎﻟﺔ ﺍﺵ ﻫﺎﺩ ﺍﻟﻮﻳﻞ ﺳﻌﺪ : ﺷﻐﻠﻚ ﺧﺮﺝ ﻋﻄﻴﻨﻲ ﺗﺴﺎﻉ ﻭﺍﻧﺘﻤﺎ ﺣﺴﺎﺑﻲ ﻣﻌﺎﻛﻢ ﻫﻮ ﻟﺨﺮ ﺷﻜﻮﻥ ﻗﺎﻟﻜﻢ ﺗﺒﻌﻮ ﻟﻴﺎ ﺍﻟﺒﺸﺮ ﻭﺭﺍﻳﺎ ﻗﻴﺲ : ﻋﻨﺪ ﺑﺎﻟﻚ ﻗﻄﻌﺘﻲ ﺍﻟﻮﺍﺩ ﻭﻧﺸﻔﻮ ﺭﺟﻠﻴﻚ ﺩﻳﻚ ﺍﻟﺒﻨﺖ ﻟﻲ ﺳﻤﺤﺎﺕ ﻑ ﺣﻘﻬﺎ ﻭﺗﻨﺎﺯﻻﺕ ﻟﻴﻚ ﺷﻜﻮﻥ ﻳﻌﻮﺿﻬﺎ ﻭﻳﺴﺘﺮ ﺍﻟﻌﺎﺭ ﻟﻲ ﻃﻠﺘﻴﻪ ﺑﻴﻬﺎ ﺳﻌﺪ : ﺳﺘﺮﻫﺎ ﺍﻧﺖ ﻟﻲ ﻣﻬﺘﻢ ﺑﺄﻣﺮﻫﺎ ﻭﺩﺍﺑﺎ ﺧﺮﺝ ﻋﻠﻴﺎ ﻳﺎﻻ ﻗﻴﺲ : ‏( ﻟﻮﺍ ﻟﻴﻪ ﻳﺪﻭ ‏) ﻟﻲ ﻋﻨﺪﻱ ﻗﻠﺘﻮﺍ ﻭﺧﺘﺎﺭ ﻳﺎ ﻏﺎﺗﺰﻭﺝ ﺑﺎﻟﺒﻨﺖ ﻳﺎ ﻏﺎﻧﺼﻴﻔﻄﻚ ﻭﺭﺍ ﺷﻤﺲ ﻭﺍﻧﺖ ﻭﻫﺎﺩ ﺍﻟﺮﺑﺎﻋﺔ ﺍﻟﻔﺎﻧﻴﺔ ﻛﺮﻳﻤﻮ : ‏( ﻋﻨﺪ ﺑﺎﻟﻮ ﺑﻮﻟﻴﺴﻲ ‏) ﺇﻟﻰ ﻋﻨﺪﻙ ﺷﻲ ﻣﺸﻜﻞ ﻣﻌﺎﻩ ﻣﻨﻚ ﻟﻴﻪ ﺍﻟﺸﺎﻑ ﺣﻨﺎ ﺑﻌﺎﺩ ﻣﻦ ﻫﺎﺩ ﺷﻲ ﻗﻴﺲ : ﻳﺎﺍﻣﺎ ﻏﺎﺗﺰﻭﺝ ﺑﻴﻬﺎ ﻭﻻ ﻏﺎﻧﺒﻠﻎ ﺍﻟﺒﻮﻟﻴﺲ ﻭﻛﺎ ﻧﺄﻛﺪ ﻟﻴﻚ ﻫﺎﺩ ﺍﻟﻤﺮﺓ ﻏﺎﺗﻐﺮﻕ ﻑ ﺍﻟﺤﺒﺲ ﻭﻣﺎﺷﻲ ﻏﻴﺮ ﺑﻮﺣﺪﻙ ﺣﺘﻰ ﺻﺤﺎﺑﻚ ﻣﻌﺎﻙ ﺳﻌﺪ : ‏( ﻓﻚ ﻳﺪﻭ ﻣﻨﻮ ﻭ ﺿﺮﺑﻮ ﺑﺮﺃﺱ ﺣﺘﻰ ﺭﻋﻒ ﻗﻴﺲ ‏) ﻟﻲ ﻳﺒﺰﺯ ﻋﻠﻴﺎ ﺷﻲ ﺣﺎﺟﺔ ﻭﻳﺸﺪﻧﻲ ﻣﻦ ﺍﻟﻴﺪ ﻟﻲ ﺗﻊ g ﺭﻧﻲ ﻣﺰﺍﻝ ﻣﺎ ﻭﻟﺪﺍﺗﻮ ﻣﻮ ﻗﻴﺲ : ‏( ﻃﺮﺷﻮ ﻃﺮﺍﺍﺍﺍﺍﺍﺍﺍﺍﺍﺍﺥ ‏) ﻗﻠﻴﻞ ﺍﻻﺩﺏ ﺍﻧﺎ ﻣﺎ ﻛﺎﻧﺘﺸﺎﻭﺭﺵ ﻣﻌﺎﻙ ﻳﺎﺍﻣﺎ ﻏﺎﺗﺰﻭﺝ ﺑﺎﻟﺒﻨﺖ ﻭﺗﺼﻠﺢ ﻓﻀﻴﺤﺘﻚ ﻭﻻ ‏( ﺍﺷﺎﺭ ﻟﻴﻪ ﻭﻟﺼﺤﺎﺑﻮ ‏) ﺑﺮﺑﻌﺔ ﺑﻴﻜﻢ ﺑﺢ ﻏﺎﺗﻐﻤﻠﻮ ﻓﺎﻟﺤﺒﺎﺳﺎﺕ ﻭﺍﻧﺎ ﻗﺪ ﻛﻠﻤﺘﻲ ﺑﻜﻠﻤﺔ ﻣﻨﻲ ﻏﺎﻳﻬﺰﻭﻛﻢ ﺩﺍﺑﺎ

136_ﻫﺪﺩﻫﻢ ﻭﺧﺎﻓﻮ ﺻﺤﺎﺑﻮ ﻻ ﻳﻮﺭﻃﻬﻢ ﻗﻴﺲ ﺗﻜﻠﻤﻮﺍ ﻣﻌﺎﻩ ﻭﻗﻨﻌﻮﻩ ﻳﺘﺰﻭﺟﻬﺎ ﻭﺍﻓﻖ ﻭﻫﻮ ﻛﺎﻋﻲ ﻭﺣﺎﻗﺪ ﻋﻠﻰ ﺧﻮﻩ ﺗﺎﻓﻖ ﻣﻌﺎﻩ ﻓﺎﻟﻴﻞ ﻳﺠﻲ ﻟﻌﻨﺪﻭ ﺑﺎﺵ ﻳﻤﺸﻴﻮ ﻳﻄﻠﺒﻮ ﻳﺪﻫﺎ ﺑﺸﺮ ﻧﻌﻴﻤﺔ ﺑﺎﻟﺨﺒﺮ ﻓﺮﺣﺎﺕ ﺗﺎﺻﻞ ﺏ ﻓﺎﻃﻤﺔ ﻭﻋﻠﻤﻬﺎ ﻭﺻﻞ ﺍﻟﻴﻞ ﻭﻣﺸﻰ ﻋﻨﺪ ﺳﻌﺪ ﺟﺎﺑﻮﺍ ﻣﻌﺎﻩ ﻑ ﺍﻟﺴﻴﺎﺭﺓ ﻭﺗﻮﺟﻪ ﻟﺪﺍﺭ ﺑﻬﻴﺠﺔ ﻛﺎﻧﺖ ﻋﻨﺪﻫﺎ ﻧﻌﻴﻤﺔ ﻭﻣﺮﻳﻢ ﻃﻠﻌﻮﺍ ﻣﻌﺎﻩ ﻑ ﺍﻟﺴﻴﺎﺭﺓ ﻭﺗﻮﺟﻬﻮﺍ ﻟﺪﺍﺭ ﻓﺎﻃﻤﺔ ﻭﺑﻬﻴﺠﺔ ﺟﻠﺴﺎﺕ ﻣﻊ ﺑﻨﺘﻬﺎ ﺍﻟﻘﺮﻳﺔ ﺯﻳﻨﺐ : ‏( ﺗﻔﺎﺟﺄﺕ ﺑﺤﻀﻮﺭﻫﻢ ‏) ﻣﺮﺣﺒﺎ ﻣﺮﺣﺒﺎ ﻧﻬﺎﺭ ﻛﺒﻴﺮ ﻫﺬﺍ ﻧﻌﻴﻤﺔ : ﺭﺑﻲ ﻳﺨﻠﻴﻚ ﺯﻳﻨﺐ : ﺗﻔﻀﻠﻮﺍ ﺳﻠﻤﺎﺕ ﻋﻠﻴﻬﻢ ﻭﺩﺧﻠﻮﺍ ﻟﻮﺳﻂ ﺍﻟﺪﺍﺭ ﺭﺣﺐ ﺑﻴﻬﻢ ﻣﺤﻤﺪ ﺳﻤﻴﺮﺓ ﻓﺮﺣﺎﺕ ﺑﺤﻀﻮﺭ ﻣﺮﻳﻢ ﻭﺑﺪﺍﺕ ﺗﺨﻄﻂ ﻣﺤﻤﺪ : ﻧﻬﺎﺭ ﻛﺒﻴﺮ ﻫﺬﺍ ﻧﻌﻴﻤﺔ : ﺑﺎﺭﻙ ﺍﻟﻠﻪ ﻓﻴﻚ ﺯﻳﻨﺐ : ﺍﺵ ﺧﺒﺎﺭﻙ ﺍﻣﺮﻳﻢ ﻭﻓﻴﻦ ﺑﻬﻴﺠﺔ ﻭﺍﻳﻨﺎﺱ ﻋﻼﺵ ﻣﺎ ﺟﺎﻭﺵ ﻣﻌﺎﻙ؟ ؟ ﻣﺮﻳﻢ : ﺍﻟﺤﻤﺪ ﻟﻠﻪ ﺣﻨﺎ ﺩﺍﺑﺎ ﻏﺎﻧﺮﺟﻌﻮ ﻣﺎ ﻛﺎﻳﻦ ﻻﺵ ﻧﺠﻴﻮ ﻛﻠﻨﺎ ﻧﻌﻴﻤﺔ : ﺟﻴﻨﺎ ﻃﺎﻟﺒﻴﻦ ﺿﻴﻒ ﺍﻟﻠﻪ ﻣﺤﻤﺪ : ﻣﺮﺣﺒﺎ ﺑﻀﻴﻒ ﺍﻟﻠﻪ ﻧﻌﻴﻤﺔ : ﺟﻴﻨﺎ ﺍﻟﻴﻮﻡ ﻃﺎﻟﺒﻴﻦ ﻳﺪ ﺑﻨﺘﻚ ﻟﻮﻟﺪﻱ ﺯﻳﻨﺐ : ‏( ﻓﺮﺣﺎﺕ ‏) ﻣﺮﺣﺒﺎ ﻣﺮﺣﺒﺎ ﻣﺎ ﻧﻠﻘﺎﻭﺵ ﻣﺎﺣﺴﻦ ﻣﻨﻜﻢ ﻣﺪﺍﻡ ﻗﻴﺲ ﺑﻨﻔﺴﻮ ﺟﺎ ﺭﺍﻫﺎ ﺑﻨﺘﻚ ﻣﻦ ﺍﻟﻴﻮﻡ ﻣﺤﻤﺪ : ﻣﺮﺣﺒﺎ ﻟﻬﻼ ﻳﺤﺎﺷﻤﻨﺎ ﻗﻴﺲ : ﻫﻤﺎ ﺗﻔﺎﻫﻤﻮ ﻣﺎ ﺑﻴﻨﻬﻢ ﻛﺎﻥ ﻻﺯﻣﻨﺎ ﻏﻴﺮ ﻣﻮﺍﻓﻘﺘﻜﻢ ﻣﺤﻤﺪ : ﺍﻟﻠﻪ ﻳﻜﻤﻞ ﺑﺎﻟﺨﻴﺮ ﻣﺪﺍﻡ ﺍﻭﻟﺪﻱ ﻣﻦ ﻃﺮﻓﻚ ﻣﺎﻧﺰﻳﺪﻫﻢ ﻏﻴﺮ ﺍﻟﺨﻴﺮ ﻧﻌﻴﻤﺔ : ﺑﺎﺭﻙ ﺍﻟﻠﻪ ﻓﻴﻚ ﻟﻬﻼ ﻳﺤﺎﺷﻤﻨﺎ ﻣﺤﻤﺪ : ﻓﺎﻃﻤﺔ ﻛﺎﻉ ﻣﺎ ﺳﻤﻌﻨﺎ ﺻﻮﺗﻚ ﺍﻟﻘﻂ ﻛﻠﻰ ﻟﺴﺎﻧﻚ ﻫﻬﻪ ﺯﻳﻨﺐ : ﺑﻌﺪ ﻣﻦ ﺍﻟﺒﻨﺖ ﺭﺍﻫﺎ ﺣﺸﻤﺎﻧﺔ ﻫﻬﻬﻪ ﻧﻌﻴﻤﺔ : ﻫﻬﻬﻬﻬﻪ ﺍﻟﻠﻪ ﻳﺨﻠﻴﻬﺎ ﻟﻴﻜﻢ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ﻣﺤﻤﺪ : ﺭﺑﻲ ﻳﺨﻠﻴﻚ ﻗﻴﺲ : ﻣﺎﻛﺮﻫﻨﺎﺵ ﺍﻟﻌﻘﺪ ﻓﻬﺎﺩ ﺍﻷﺳﺒﻮﻉ ﻣﺤﻤﺪ : ﻣﺪﺍﻡ ﺍﻟﻮﻻﺩ ﻣﻔﺎﻫﻤﻴﻦ ﻣﺎﺯﻳﺪﻫﻢ ﻏﻴﺮ ﻟﺨﻴﺮ ﺯﻳﻨﺐ : ﺯﺭﺑﺘﻮ ﺷﻮﻳﺔ ﻻ؟ ﺯﻋﻤﺔ ﺑﻐﻴﻨﺎ ﻧﻮﺟﺪﻭ ﻟﻠﻌﺮﺱ ﻋﻠﻰ ﺗﺴﺎﻉ ﻣﺮﻳﻢ : ﻫﻤﺎ ﺗﺎﻓﻘﻮ ﻣﺎﺑﻐﺎﻭﺵ ﺍﻟﻌﺮﺱ ﺳﻤﻴﺮﺓ ‏( ﺑﻤﻜﺮ ‏) ﺍﻳﻮﺍ ﻻﻭﺍﻩ ﻣﺎﺷﻲ ﻧﺘﻲ ﻓﺮﺣﻨﺔ ﺑﻴﻚ ﻭﻫﻲ ﻻ ﻓﺎﻃﻤﺔ ‏( ﺧﻨﺰﺭﺍﺕ ﻓﻴﻬﺎ ‏) ﻧﺘﻲ ﺑﻌﺪﺍ ﺁﺧﺮ ﻭﺣﺪﺓ ﺗﻬﻀﺮ

137_ﻣﺤﻤﺪ : ﺍﻟﻌﺮﻳﺲ ﻣﺎ ﺳﻤﻌﻨﺎﺵ ﺻﻮﺗﻮ ﻫﻪ ﺳﻌﺪ ﺑﻐﻰ ﻳﻬﻀﺮ ﻭﺳﺒﻘﻮ ﻗﻴﺲ ﻗﻴﺲ : ﺻﻮﺗﻲ ﺍﻧﺎ ﻓﻴﻪ ﺍﻟﻜﻔﺎﻳﺔ ﺧﻠﻴﻬﻢ ﻫﻤﺎ ﺣﺸﻤﺎﻧﻴﻦ ﻭﻻ ﻧﺴﻴﻨﻲ ﻧﻬﺎﺭ ﻃﻠﺒﺖ ﻳﺪ ﻣﺮﻳﻢ ﺍﻧﺎ ﻭﻳﺎﻫﺎ ﻛﺎﻥ ﻛﻼﻣﻨﺎ ﻗﻠﻴﻞ ﻫﻬﻪ ﺯﻳﻨﺐ : ﺍﻳﻪ ﺩﻳﻚ ﺍﻟﻨﻬﺎﺭ ﻛﻨﺘﻮﺍ ﻛﻴﻒ ﺯﻳﺎﺯﻥ ﻫﻬﻬﻪ ﻧﻌﻴﻤﺔ : ﺍﻟﻠﻪ ﻳﺨﻠﻴﻬﻢ ﻟﺒﻌﻀﻬﻢ ﺍﻟﻜﻞ : ﺍﻣﻴﻦ ﺑﻌﺪ ﻣﺎ ﺗﻜﻠﻤﻮﺍ ﻭﺗﺤﺎﻭﺭﻭ ﻓﻴﻤﺎ ﺑﻴﻨﻬﻢ ﻗﺪﺭﻭ ﻳﻘﻨﻌﻬﻢ ﺑﻠﻲ ﺍﻟﻌﺮﺳﺎﻥ ﻣﺎﺑﻐﺎﻭﺵ ﺍﻟﻌﺮﺱ ﻭﺍﺧﺎ ﻝ ﻗﺎﻭ ﺻﻌﻮﺑﺔ ﻣﻊ ﺯﻳﻨﺐ ﻗﺮﺍﻭ ﺍﻟﻔﺎﺗﺤﺔ ﻭﺗﺎﻓﻘﻮ ﻣﻦ ﻫﻨﺎ ﻷﺳﺒﻮﻉ ﻟﻌﻘﺪ ﻓﺎﻃﻤﺔ ﻏﺎﺗﺠﻠﺲ ﻓﺪﺍﺭ ﺑﺎﻫﺎ ﻃﺒﻌﺎ ﺣﺘﻰ ﻝ ﻧﻬﺎﺭ ﻟﻌﻘﺪ ﻭﻗﻔﻮﺍ ﺑﺎﺵ ﻳﺨﺮﺟﻮ ﻣﺮﻳﻢ ﻫﻤﺴﺎﺕ ﻝ ﻗﻴﺲ ﻣﺮﻳﻢ : ﺑﻐﻴﺖ ﻧﺒﻘﻰ ﻫﺎﺩ ﺳﻴﻤﺎﻧﺔ ﻣﻊ ﻓﺎﻃﻤﺔ ؟ ﻗﻴﺲ ﺷﺎﻑ ﻓﻴﻬﺎ ﺑﺪﻭﻥ ﻣﺎﻳﺮﺩ ﺷﺎﻓﺖ ﻓﻴﻪ ﺑﺘﺮﺟﻲ ﻣﺮﻳﻢ : ﻋﻔﺎﺍﺍﻙ ﻗﻴﺲ : ﺍﻭﻙ ﻣﺮﻳﻢ ‏( ﺑﺈﺑﺘﺴﺎﻣﺔ ‏) ﺷﻜﺮﺍ ﺳﻤﻴﺮﺓ ﻛﺎﻧﺖ ﻣﺮﺍﻗﺒﺎﻫﻢ ﺷﺎﻓﺘﻬﻢ ﻣﻔﺎﻫﻤﻴﻦ ﻣﺎﺑﻐﺎﺗﺶ ﻗﻠﺒﻬﺎ ﺗﺤﻚ ﻃﻠﻊ ﻗﻴﺲ ﻑ ﺍﻟﺴﻴﺎﺭﺓ ﻭﻣﻌﺎﻩ ﻧﻌﻴﻤﺔ ﻭﺳﻌﺪ ﺳﻤﻴﺮﺓ : ﺍﻳﻮﺍ ﻣﺒﺮﻭﻙ ﻫﺎﻧﺘﻲ ﺳﻌﺪﻙ ﺟﺎﻙ ﺩﻏﻴﺔ ﺗﺒﻌﺘﻲ ﺑﻨﺖ ﻋﻤﺘﻚ ﻓﺎﻃﻤﺔ : ﺍﻟﻠﻪ ﻳﻌﻤﻴﻚ ﻣﻦ ﻋﻴﻨﻴﻚ ﺑﺰﻭﺝ ﻋﻄﻴﻨﺎ ﺗﻴﺴﺎﻉ ﻋﻨﺪ ﺑﺎﻟﻚ ﻓﻀﺎﻳﺤﻚ ﻣﺎ ﻋﺮﻓﻨﺎﻫﻤﺶ ﺩﺯﺗﻲ ﻓﻮﺟﻪ ﺩﻭﻙ ﺻﺒﻴﺎﻥ ﻭﻟﻘﻴﺘﻲ ﻣﺮﻳﻢ ﺑﻨﺖ ﺍﻟﻨﺎﺱ ﺃﻣﺎ ﻛﻦ ﺧﻠﻴﻨﺎ ﻋﺸﺘﻚ ﻣﺮﻳﻢ ‏( ﺃﺷﺎﺭﺕ ﺑﺼﺒﻌﻬﺎ ﻟﻮﺟﻪ ﺳﻤﻴﺮﺓ ‏) ﺷﻮﻓﻲ ﻏﺎﺗﻔﻮﺗﻲ ﺳﺎﺣﺘﻲ ﻭﻻ ﻏﺎﻧﺪﻣﻚ ﻭﺍﻟﻰ ﺷﺘﻴﻨﻲ ﺳﺎﻛﺘﻪ ﻣﺎﻳﻐﺮﻛﺶ ﺳﻜﺎﺗﻲ ﻭﺩﺍﺭﻱ ﻋﻤﺮﻙ ﺗﺤﻄﻲ ﻓﻴﻬﺎ ﺭﺟﻠﻚ ﺳﻤﻌﺘﻲ ﺳﻤﻴﺮﺓ : ﻋﻼﻩ ﺍﺵ ﺩﺭﺕ ﻟﻴﻚ؟ ﻓﺎﻃﻤﺔ ‏( ﺑﻌﺼﺒﻴﺔ ‏) ﺯﻳﺪﻱ ﻏﻮﺗﻲ ﻣﺎ ﺳﻤﻌﻨﺎﻛﺶ ﺯﺍﻳﺪﺍﻫﺎ ﺑﺘﺨﺮﺍﺝ ﺍﻟﻌﻴﻨﻴﻦ ﺍﻟﻠﻪ ﻳﺘﺒﻌﻚ ﻟﺒﻼ ﻋﻨﺪ ﺑﺎﻟﻚ ﻏﺎﺗﻬﺪﻣﻲ ﻋﺸﻬﺎ ﺍﻳﻮﺍ ﺭﺍﻙ ﻏﺎﻟﻄﺔ ﻳﺎﻻ ﻣﺎ ﻗﺮﺑﺘﻴﻬﻢ ﻟﺒﻌﻀﻬﻢ ‏( ﺑﻐﺎﺕ ﺗﻔﻘﺼﻬﺎ ‏) ﺃﻭ ﻛﺎﻳﻤﻮﺕ ﻋﻠﻴﻬﺎ ﻣﺎ ﻛﺎﻳﻦ ﻏﺎ ﻻﻟﺔ ﻣﺮﻳﻢ ﻻﻟﺔ ﻣﺮﻳﻢ ﻭﻧﺰﻳﺪﻙ ﺟﺎﻳﻬﻢ ﻭﻟﻴﺪ ﻑ ﺍﻟﻄﺮﻳﻖ ﻭﺟﺪﻱ ﺭﺍﺳﻚ ﻭﻟﻜﻦ ﺑﻼ ﻣﺎﺗﺤﻠﻤﻲ ﺗﺤﻄﻲ ﺭﺟﻠﻴﻚ ﻓﺎﻟﺴﺒﻮﻉ

ﺃﺻﺒﺤﻨﺎ ﻭﺃﺻﺒﺢ ﺍﻟﻤﻠﻚ ﻟﻠﻪ *** ** ﺍﻟﺮﺑﺎﻁ ** ﺑﺸﺮﻯ : ﺍﻧﺎ ﻟﺤﺪ ﺍﻻﻥ ﻣﺎ ﻗﺎﺩﺭﺍﺵ ﻧﺼﺪﻕ ﺑﻠﻲ ﺍﻟﺤﺎﺝ ﺍﻟﻠﻪ ﻳﺮﺣﻤﻮ ﺩﺍﺭ ﻋﻼﻗﺔ ﻣﻦ ﻭﺭﺍﻳﺎ ﻭﻭﻟﺪ ﻭﻟﺪ ﻋﻼﺵ ﻣﺎ ﺻﺎﺭﺣﻨﻴﺶ ﻋﻼﺵ ﻗﻴﺲ : ﻟﻲ ﻭﻗﻊ ﻭﻗﻊ ﺑﺸﺮﻯ : ﺍﻟﻠﻪ ﻳﺴﻤﺢ ﻟﻴﻪ ﺩﺍ ﺗﻘﻠﻴﺪ ﻣﻌﺎﻩ ﺍﻟﻠﻪ ﻳﺮﺿﻲ ﻋﻠﻴﻚ ﺍﻭﻟﺪﻱ ﻭﻳﻨﻮﺭ ﻃﺮﻳﻘﻚ ﺑﺎﻙ ﺍﻟﻠﻪ ﻳﺮﺣﻤﻮ ﻏﻠﻂ ﻭﻏﻠﻄﻮ ﻛﺒﻴﺮ ﻫﻮ ﻣﺸﻰ ﻋﻨﺪ ﺍﻟﻠﻪ ﻭﻟﻜﻦ ﻣﺸﻰ ﻣﺘﻘﻞ ﺑﺎﻟﺬﻧﻮﺏ ﺍﻟﻠﻪ ﻳﺴﻤﺢ ﻟﻴﻪ ﺍﻧﺖ ﻏﺎﺗﺨﻔﻒ ﻋﻠﻴﻪ ﺳﻌﺪ ﻛﺎﻳﺒﻘﻰ ﺧﻮﻙ ﻭﻭﺍﺟﺐ ﻋﻠﻴﻚ ﺗﺴﺎﻧﺪﻭ ﻣﻦ ﻛﻼﻣﻚ ﻋﻠﻴﻪ ﺍﻧﺎ ﺗﺄﻛﺪﺕ ﺑﻠﻲ ﻛﺎﻳﻤﺮ ﺑﺄﺯﻣﺔ ﻧﻔﺴﻴﺔ ﺩﻳﺮ ﻟﻴﻪ ﺍﻟﺨﺎﻃﺮ ﺣﺘﻰ ﻳﺘﺄﻗﻠﻢ ﻣﻊ ﺣﻴﺎﺗﻮ ﺟﺪﻳﺪﺓ ﻣﺪﺍﻡ ﺗﺒﺘﻲ ﺍﻟﻨﺴﺐ ﻏﺎ ﻳﺎﺧﺪ ﻟﻠﻘﻠﺐ ﺑﺎﻩ ﻟﺤﻘﻴﻘﻲ ﻭﻗﺒﻞ ﺍﻟﻌﻘﺪ ﺩﻳﺎﻟﻮ ﺍﻧﺖ ﻋﻨﺪﻙ ﺍﻟﻤﻌﺎﺭﻑ ﻗﻴﺲ : ﻭﻱ ﺣﺘﻰ ﺍﻧﺎ ﻓﻜﺮﺕ ﺑﺤﺎﻟﻚ ﻭﺗﺎﺻﻠﺖ ﺑﺎﻟﻤﺤﺎﻣﻲ ﻭﺣﻜﻴﺖ ﻟﻴﻪ ﻫﻮ ﻏﺎﻳﺘﻜﻠﻒ ﺑﻜﻠﺸﻲ ﺑﺸﺮﻯ : ﺍﻟﻠﻪ ﻳﺮﺿﻲ ﻋﻠﻴﻚ ﺍﻟﻘﺮﻳﺔ

ﻓﺎﻃﻤﺔ : ﻣﻲ ﺑﺎﺭﻛﻲ ﻝ ﻣﺮﻳﻢ ﺯﻳﻨﺐ : ﻳﺎﻛﻤﺎ؟ ؟؟ ﻫﻬﻬﻬﻬﻪ ﺍﻳﻮﺍ ﻣﺒﺎﺭﻙ ﺍﻣﺴﻌﻮﺩ ﺷﺤﺎﻝ ﻋﻨﺪﻙ ﺩﺍﺑﺎ؟ ﻣﺮﻳﻢ : ﺍﻻﺳﺒﻮﻉ ﺍﻟﻤﺎﺟﻲ ﻧﻜﻤﻞ ﺷﻬﺮ ﺯﻳﻨﺐ : ﺍﻟﻠﻪ ﻳﻔﻚ ﻭﺣﺎﻳﻠﻚ ﻋﻠﻰ ﺧﻴﺮ ﺍﺟﻲ ﺳﻌﺪ ﺍﺵ ﻛﺎﻳﺠﻲ ﻝ ﻗﻴﺲ؟ ﻣﺮﻳﻢ : ﺧﻮﻩ ﺯﻳﻨﺐ : ‏( ﺑﻌﺪﻡ ﺗﺼﺪﻳﻖ ﻭﺍﻟﻔﺮﺡ ﻑ ﻧﻔﺲ ﺍﻟﻮﻗﺖ ‏) ﺧﻮﻩ ﻭﺍﺵ ﻣﻦ ﻧﻴﺘﻚ ﻛﻴﻔﺎﺵ ﺧﻮﻩ ﻋﻤﺮﻧﺎ ﺷﻔﻨﺎﻩ ﻭﻟﻜﻦ ﻣﻮ؟ ﻣﺮﻳﻢ : ﺧﺎﻟﺘﻲ ﺑﺸﺮﻯ ﻣﺎﺷﻲ ﻣﻮ ﻣﻮ ﻫﻲ ﺧﺎﻟﺘﻲ ﻧﻌﻴﻤﺔ ﺳﻌﺪ ﻭﻗﻴﺲ ﺧﻮﺕ ﻣﻦ ﺍﻻﺏ ‏( ﻣﺎﺑﻐﺎﺗﺶ ﺗﻌﺎﻭﺩ ﺑﺘﻔﺎﺻﻴﻞ ﻋﻠﻰ ﻗﺒﻞ ﻓﺎﻃﻤﺔ ‏) ﻛﺎﻥ ﻣﺴﺎﻓﺮ ﻋﻠﻴﻬﺎ ﻣﺎ ﻋﻤﺮﻛﻢ ﺷﻔﺘﻮﻩ ﺯﻳﻨﺐ : ‏( ﻋﻨﻘﺎﺗﻬﺎ ‏) ﺍﻟﻠﻪ ﻳﺮﺿﻲ ﻋﻠﻴﻚ ﺟﺒﺘﻲ ﻟﺒﻨﺖ ﺧﺎﻟﻚ ﺭﺍﺟﻞ ﻣﺲ g ﺩ ﻳﺎﻻ ﻏﺎﻧﺰﻳﺪ ﻧﺮﻓﻊ ﺭﺍﺳﻲ ﻓﺎﻟﺪﻭﺍﺭ ﺑﻨﺎﺗﻲ ﺩﺍﻭ ﺯﻳﻨﺔ ﺍﻟﺮﺟﺎﻟﺔ ﺍﻟﻠﻪ ﻳﺤﻦ ﻋﻠﻰ ﺯﻫﻮﺭ ﺣﺘﻰ ﻫﻲ ﺑﺸﻲ ﺭﺍﺟﻞ ﺑﻔﺮﺡ ﻓﺎﻃﻤﺔ : ﺍﻣﻲ ﺍﻧﺎ ﻏﺎﻧﻤﺸﻲ ﻋﻨﺪ ﻓﻮﺯﻳﺔ ﺻﺎﺣﺒﺘﻲ ﺗﻮﺣﺸﺘﻬﺎ ﺗﻤﺸﻲ ﻣﻌﺎﻳﺎ ﺍﻣﺮﻳﻢ ﻣﺮﻳﻢ : ‏( ﺧﺎﻓﺖ ﺗﺸﻮﻑ ﻧﻮﺭ ﺍﻟﺪﻳﻦ ‏) ﻻ ﻻ ﺑﻐﻴﺖ ﻧﺮﺗﺎﺡ ﺷﻮﻳﺔ ﺳﻠﻤﻲ ﻋﻠﻴﻬﺎ ﻓﺎﻃﻤﺔ : ﻣﺒﻠﻎ

139_ﺍﻟﺮﺑﺎﻁ ¤¤¤ ﺑﻬﻴﺠﺔ : ﺳﻼﻡ ﻋﻠﻴﻜﻢ ﺑﺸﺮﻯ : ﻭﻋﻠﻴﻜﻢ ﺍﻟﺴﻼﻡ ﻣﺮﺣﺒﺎ ﺑﻴﻚ ﺍﺑﻨﺘﻲ ﺑﻬﻴﺤﺔ : ﺗﺮﺣﺐ ﺑﻴﻚ ﺍﻟﺠﻨﺔ ﺍﺵ ﺧﺒﺎﺭﻙ ﺍﺧﺎﻟﺘﻲ ﺑﺸﺮﻯ : ﺍﻟﺤﻤﺪ ﻟﻠﻪ ﺍﺑﻨﺘﻲ ﻣﺎ ﻣﺸﺘﻴﺶ ﻣﻌﺎﻫﻢ ﺑﻬﻴﺠﺔ : ﺍﻟﺒﺎﺭﺡ ﻣﺎ ﺑﻘﺎﺗﺶ ﻟﻴﺎ ﺍﻟﺒﻼﺻﺔ ﻗﻠﺖ ﺣﺘﻰ ﺍﻟﻴﻮﻡ ﻭﻧﻤﺸﻲ ﺗﺎﺻﻼﺕ ﺑﻴﺎ ﻣﺮﻳﻢ ﺑﺎﺵ ﻧﺠﻴﺐ ﻟﻴﻬﺎ ﺣﻮﺍﻳﺠﻬﺎ ﻭﺩﻭﺍ ﺩﻳﺎﻟﻬﺎ ﺑﺸﺮﻯ : ﺍﻟﻠﻪ ﻳﻬﺪﻳﻬﺎ ﺍﺵ ﻋﻨﺪﻫﺎ ﻣﺎ ﺩﻳﺮ ﺗﻤﺎ ﻭﻫﻲ ﺣﺎﻣﻠﺔ ﻣﺰﺍﻝ ﻣﺎ ﻛﻤﻼﺕ ﺣﺘﻰ ﺷﻬﺮ ﺧﺎﺻﻬﺎ ﺭﺍﺣﺔ ﻋﻼﺵ ﺍﻗﻴﺲ ﺧﻠﺘﻴﻬﺎ ﻛﺎﻥ ﻋﻠﻴﻚ ﺗﺠﻴﺒﻬﺎ ﻣﻌﺎﻙ ﺑﻬﻴﺠﺔ : ﻣﺎﻋﻨﺪﻙ ﻣﻨﻬﺎﺵ ﺗﺨﺎﻓﻲ ﺭﺍﻫﺎ ﻑ ﻋﻴﻨﻴﻨﺎ ﻗﻴﺲ : ﻫﻲ ﻟﻲ ﺑﻐﺎﺕ ﺗﺒﻘﻰ ﺑﺸﺮﻯ : ﻋﺎﺭﻓﻪ ﻟﻲ ﻛﺎﻳﻦ ﺍﺑﻨﺘﻲ ﻫﺪﻳﻚ ﺩﺍﺭﻫﻢ ﻏﻴﺮ ﻣﻊ ﺍﻟﺤﻤﻞ ﺻﻌﻴﺐ ﻋﻠﻴﻬﺎ ﺷﻮﻳﺔ ﺳﻔﺮ ﺑﻬﻴﺠﺔ : ﻣﺎﻋﻨﺪﻙ ﻣﻨﻬﺎﺵ ﺗﺨﺎﻓﻲ ﻫﺎﻧﺎ ﺩﺧﻠﺖ ﻓﺎﻟﺸﻬﺮ ﺍﻟﺴﺎﺑﻊ ﻭﻏﻴﺮ ﻛﺎﻧﻘﺰ ﻫﻬﻬﻪ ﺑﺸﺮﻯ : ﻫﻬﻬﻪ ﺍﻟﻠﻪ ﻳﻔﻚ ﻭﺣﺎﻳﻠﻚ ﻋﻠﻰ ﺧﻴﺮ ﺑﻬﻴﺠﺔ : ﺍﻣﻴﻦ ﺗﻜﻠﻤﻮﺍ ﺷﻮﻳﺔ ﻭﻣﻦ ﺑﻌﺪ ﻃﻠﻌﺎﺕ ﻣﻌﺎﻫﺎ ﺑﺸﺮﻯ ﻟﻐﺮﻓﺔ ﻣﺮﻳﻢ ﻋﻄﺎﺗﻬﺎ ﺍﻟﻔﻴﺘﺎﻣﻴﻨﺎﺕ ﻟﻲ ﺧﺮﺟﺎﺕ ﻟﻴﻬﺎ ﺍﻟﻄﺒﻴﺒﺔ ﻭﺧﻼﺗﻬﺎ ﺗﺠﻤﻊ ﻟﻴﻬﺎ ﺣﻮﺍﻳﺠﻬﺎ ﻣﻦ ﺑﻌﺪ ﻣﺎ ﺧﺪﺍﺕ ﻟﻴﻬﺎ ﻟﻲ ﺗﺤﺘﺎﺝ ﻧﺰﻻﺕ ﻟﻄﺎﺑﻖ ﺍﻟﺴﻔﻠﻲ ﺑﺸﺮﻯ ﻭﺻﺎﺕ ﺍﻟﺸﻴﻔﻮﺭ ﻳﻮﺻﻠﻬﺎ ﺣﺘﻰ ﻟﻘﺪﺍﻡ ﺍﻟﺪﺍﺭ ﺑﻬﻴﺠﺔ : ﺭﺑﻲ ﻳﺨﻠﻴﻚ ﺍﺧﺎﻟﺘﻲ ﺷﻜﺮﺍ ﺑﺰﺍﻑ ﺑﺸﺮﻯ : ﺍﻟﻠﻪ ﺃﻭﺩﻱ ﻫﺎﺩﻱ ﺩﺍﺭﻙ ﻭﺍﻱ ﺣﺎﺟﻪ ﻓﻴﻬﺎ ﺩﻳﺎﻟﻚ ﺍﻟﻠﻪ ﻳﻮﺻﻠﻜﻢ ﻋﻠﻰ ﺧﻴﺮ ‏( ﺑﺎﺳﺖ ﺇﻳﻨﺎﺱ ‏) ﺗﻬﻼﻱ ﻟﻴﺎ ﻓﺎﻟﻘﻄﻴﻄﺔ ﻫﻬﻪ ﻗﻴﺲ ﻣﺸﻰ ﻋﻨﺪ ﺍﻟﻤﺤﺎﻣﻲ ﻭﻣﻦ ﺑﻌﺪ ﺩﺍﺯ ﻋﻨﺪ ﺳﻌﺪ ﻋﺎﺭﺽ ﻓﻜﺮﺓ ﺍﻧﻪ ﻳﺎﺧﺪ ﺍﺳﻢ ﺑﺎﻩ ﻭﺭﻓﺾ ﻭﻗﺼﺢ ﺭﺍﺳﻮ ﻛﻴﻒ ﺍﻟﻌﺎﺩﺓ ﻗﻨﻌﺎﺗﻮ ﻧﻌﻴﻤﺔ ﺑﻤﺸﻘﺔ ﺍﻟﻨﻔﺲ ﺍﻟﻤﺤﺎﻣﻲ ﺗﻜﻠﻒ ﺑﺎﻹﺟﺮﺍﺀﺍﺕ ﻭﻭﺍﻋﺪ ﻗﻴﺲ ﻓﺄﻗﻞ ﻣﻦ ﺍﺳﺒﻮﻉ ﻛﻠﺸﻲ ﻏﺎﻳﻮﺟﺪ ﻋﻄﺎﻩ ﺍﻟﺒﻄﺎﻗﺔ ﺩﻳﺎﻝ ﺳﻌﺪ ﻭﻓﺎﻃﻤﺔ ﻭﻛﻠﻔﻮ ﺑﺘﺠﻬﻴﺰ ﻭﺛﺎﺋﻖ ﻋﻘﺪ ﺍﻟﻘﺮﺍﻥ

140_ﺍﻟﻘﺮﻳﺔ ﺳﻤﻴﺮﺓ : ﻛﺎﻳﻨﺎ ﻫﻨﺎ ﺃﺯﻫﺎﺭ : ﻣﺰﻳﺎﻥ ﺑﺰﺍﻑ ﺍﻟﺠﻨﻴﻦ ﺑﻐﻴﺘﻮ ﻳﻨﺰﻝ ﻭﻓﺄﻗﺮﺏ ﻭﻗﺖ ﻣﻔﻬﻮﻡ ﺳﻤﻴﺮﺓ : ﻛﻞ ﺣﺎﺟﺔ ﺑﺜﻤﻨﻬﺎ ﺃﺯﻫﺎﺭ : ﺍﻛﻴﺪ ﻧﺘﻲ ﻏﻴﺮ ﺩﻳﺮﻱ ﻟﻲ ﻗﻠﺖ ﻟﻚ ﺳﻤﻴﺮﺓ : ﺍﻧﺎ ﻏﺎﻧﺪﻳﺮ ﻟﻴﻬﺎ ﺷﻲ ﻋﺸﻮﺏ ﻭﻟﻜﻦ ﻻﺯﻡ ﻧﺘﺎﻓﻘﻮ ﻋﻠﻰ ﺛﻤﻦ ﺃﺯﻫﺎﺭ : 1000 ﺩﺭﻫﻢ ﺳﻤﻴﺮﺓ : ﺍﻳﻮﺍ ﺣﻠﻤﻲ ﻓﻴﻦ ﻋﻤﺮﻙ ﺷﺘﻲ ﺷﻲ ﺇﺟﻬﺎﺽ ﺏ 1000 ﻛﺎﺿﺤﻜﻲ ﻋﻠﻴﺎ ﺍﻧﺎ ﻏﺎﻧﻐﺎﻣﺮ ﺑﺤﻴﺎﺗﻲ ﻭﻓﺎﻵﺧﺮ 1000 ‏( ﺿﺤﻜﺎﺕ ﺑﺴﺘﻬﺰﺍﺀ ‏) ﻫﻪ ﺃﺯﻫﺎﺭ : 2000 ﺩﺭﻫﻢ ﻭﻣﺎﻧﺰﻳﺪﻙ ﻋﻠﻴﻬﺎ ﺣﺘﻰ ﺳﺎﻧﺘﻴﻢ ﻫﻲ ﻟﻲ ﻋﻨﺪﻱ ﺳﻤﻴﺮﺓ : 3000 ﺩﺭﻫﻢ ﻭﻣﺎﻧﻘﺺ ﻣﻨﻬﺎ ﺣﺘﻰ ﺟﺪﺭﻳﺎﻝ ﻭﻻ ﺷﻮﻓﻲ ﻟﻴﻚ ﺷﻲ ﺣﻞ ﺃﺯﻫﺎﺭ : ﻻ ﻧﺘﻲ ﺑﺰﺍﻑ ‏( ﺳﻜﺘﺎﺕ ﺷﻮﻳﺔ ‏) ﺍﻭﻙ ﺍﻭﻙ ﻣﺮﻳﻢ : ﺗﺸﻬﻴﺖ ﺍﻟﺤﺮﻳﺮﺓ ﺍﻟﺤﻤﺮﺍ ﻓﺎﻃﻤﺔ : ﺩﺍﺑﺎ ﺗﺤﻀﺮ ﺯﻳﻨﺐ : ﺑﻬﻴﺠﺔ ﻏﺎﺗﺠﻲ ﺍﻟﻴﻮﻡ؟ ﻣﺮﻳﻢ : ﺍﻩ ﺗﺎﺻﻠﺖ ﺑﻴﻬﺎ ﺗﺠﻴﺐ ﻟﻴﺎ ﺷﻲ ﺣﻮﺍﻳﺞ ﻣﻌﺎﻫﺎ ﻏﺎﺗﻜﻮﻥ ﻓﺎﻟﻄﺮﻳﻖ ﻧﻮﺭ ﺍﻟﺪﻳﻦ : ﺳﻤﻌﺖ ﺑﻠﻲ ﻣﺮﻳﻢ ﺟﺎﺕ؟ ﺳﻤﻴﺮﺓ : ﺍﻳﻪ ﺟﺎﺕ ﻧﻮﺭ ﺍﻟﺪﻳﻦ : ﻋﻼﺵ ﺟﺎﺕ ﺳﻤﻴﺮﺓ : ﺟﺎﺕ ﻋﻠﻰ ﻗﺒﻞ ﺧﻄﻮﺑﺔ ﻓﺎﻃﻤﺔ ﺷﺘﻲ ﺍﺵ ﻗﻠﺖ ﻟﻚ ﺳﺘﻐﻠﻮﻫﺎ ﻛﻲ ﺍﻟﻀﺒﻌﺔ ﺑﺎﺵ ﻳﻮﺻﻠﻮ ﻋﻠﻰ ﻇﻬﺮﻫﺎ ﻭﻫﻲ ﻛﺎﺗﻌﺎﻧﻲ ﻣﻦ ﺟﻮﺝ ﺍﻟﺠﺒﻬﺎﺕ ﻣﻦ ﻓﺮﺍﻗﻚ ﻭﻣﻦ ﻇﻠﻢ ﺭﺍﺟﻠﻬﺎ ﺗﺼﻮﺭ ﺣﻠﻒ ﻋﻠﻴﻬﺎ ﻣﺎﺗﻌﺘﺒﺶ ﺑﺮﺍ ﺍﻟﺪﺍﺭ ﺭﺍﻫﺎ ﺣﺎﻟﺘﻬﺎ ﻭﻭﺍﺣﺪ ﺍﻟﻮﺟﻪ ﻣﺎﻓﻴﻪ ﻣﺎﻳﺘﺸﺎﻑ ﻭﻻﺕ ﺣﺎﻟﺘﻬﺎ ﻧﻮﺭ ﺍﻟﺪﻳﻦ : ﺑﻐﻴﺖ ﻧﺸﻮﻓﻬﺎ ﺳﻤﻴﺮﺓ : ﺻﻌﻴﺐ ﺑﺰﺍﻑ ﺩﻳﺮ ﻣﺠﻬﻮﺩ ﺍﻧﺎ ﻣﺎﻧﻘﺪﺭﺵ ﻧﻐﺎﻣﺮ ﺑﺤﻴﺎﺗﻲ ﻣﺰﺍﻝ ﻧﻮﺭ ﺍﻟﺪﻳﻦ : ﺗﺼﺮﻓﻲ ﺩﻳﺮﻱ ﺍﻱ ﺣﺎﺟﺔ ﻣﺎ ﻧﺨﺎﻓﺶ ﻋﻠﻴﻚ ﺳﻤﻴﺮﺓ : ﻻ ﺧﺎﻑ ﻋﻠﻴﺎ ﺍﻟﻌﻴﻨﻴﻦ ﻛﻠﻬﻢ ﻋﻠﻴﺎ ﺩﺍﺑﺎ ﻓﺎﻃﻤﺔ ﻣﻦ ﺟﻴﻪ ﻭﺑﻬﻴﺠﺔ ﻣﻦ ﺟﻴﻪ ﻟﻲ ﻋﻠﻴﺎ ﺩﺭﺗﻮ ﺍﻟﺒﺎﻗﻲ ﻋﻠﻴﻚ ﺇﻳﻨﺎﺱ : ﺍﻟﻤﻴﻤﺔ ﻭﺣﺸﺘﻚ ‏( ﻋﻨﻘﺎﺗﻬﺎ ‏) ﺯﻳﻨﺐ : ﻛﻦ ﺷﺘﻲ ﺍﻧﺎ ﺑﻬﻴﺠﺔ : ﺍﺵ ﺧﺒﺎﺭﻛﻢ ﺯﻳﻨﺐ : ﺍﻟﺤﻤﺪ ﻟﻠﻪ ﺍﺭﻱ ﻧﻬﺰ ﻋﻠﻴﻚ ﺍﻟﺼﺎﻙ ﺑﻬﻴﺠﺔ : ﻓﻴﻦ ﻫﻲ ﻣﺮﻳﻢ ؟ ﺯﻳﻨﺐ : ﺭﺍﻩ ﻓﺎﻟﻜﺸﻴﻨﺔ ‏( ﺍﻟﻤﻄﺒﺦ ‏) ﻣﻊ ﻓﺎﻃﻤﺔ ﻣﺸﺎﺕ ﻟﻌﻨﺪﻫﻢ ﻋﻨﻘﺎﺗﻬﻢ ﺑﺰﻭﺝ ﺑﻬﻴﺠﺔ : ﺍﻣﻤﻤﻤﻢ ﺭﻳﺤﺔ ﺍﻟﺤﺮﻳﺮﺓ ﻛﺎﺗﺸﻬﻲ ﻣﺮﻳﻢ : ﺍﻟﻠﻪ ﻳﻌﻄﻲ ﻝ ﻓﺎﻃﻤﺔ ﺻﺤﺔ ﺍﺟﻲ ﺩﻏﻴﺔ ﺟﻴﺘﻲ ﺷﻜﻮﻥ ﺟﺎﺑﻚ؟ ﺑﻬﻴﺠﺔ : ﺷﻴﻔﻮﺭ ﻭﺻﺎﺗﻮ ﺣﻴﺎﺗﻚ ﻭﺻﻠﻨﻲ ﻣﺴﻜﻴﻦ ﺣﺘﻰ ﻟﺒﺎﺏ ﺍﻟﺪﺍﺭ ﺟﻴﺖ ﻣﺮﺗﺎﺣﻪ ﺍﻟﻠﻪ ﻳﻜﺘﺮ ﺧﻴﺮﻫﺎ ﻭﺧﻴﺮﻭ ﻣﺮﻳﻢ : ﺍﻳﻮﺍ ﻣﺰﻳﺎﻥ

141_*** ﺑﻌﺪ ﻣﺮﻭﺭ ﺧﻤﺴﺔ ﺃﻳﺎﻡ *** ﻓﺎﻃﻤﺔ : ﺍﻟﻮﻗﺖ ﻛﺎﻳﺠﺮﻱ ﺩﻏﻴﺔ ﺩﺍﺯ ﺍﺳﺒﻮﻉ ﺑﻘﺎﺕ ﻳﻮﻣﻴﻦ ﻟﻠﻌﻘﺪ ﺑﻬﻴﺠﺔ : ﻛﻠﺸﻲ ﺍﻥ ﺷﺎﺀ ﺍﻟﻠﻪ ﻏﺎﻳﻔﻮﺕ ﺩﺍﺑﺎ ﺭﺑﻲ ﻳﺤﻦ ﺍﻟﺤﻤﺪ ﻟﻠﻪ ﻣﻦ ﺣﺘﻰ ﺣﺪ ﻣﺎ ﻋﺎﻕ ﻛﻦ ﺗﻔﻀﺤﻨﺎ ﻳﺎﻟﻠﻪ ﺗﺸﻤﺖ ﻓﻴﻨﺎ ﺩﻳﻚ ﺍﻟﺴﺎﻣﺔ ﻓﺎﻃﻤﺔ : ﺍﻟﻠﻪ ﻳﻠﻘﻴﻬﺎ ﻟﻴﻬﺎ ﻣﺎﺑﻘﻴﺘﺶ ﻛﺎﻧﺤﻤﻞ ﻧﺸﻮﻑ ﻛﻤﺎﺭﺗﻬﺎ ﻭﺟﻬﺎ ﻛﻲ ﻟﻜﻠﺐ ﺣﺸﺎﻙ ﻣﺮﻳﻢ : ﻫﻨﻴﻮﻧﺎ ﻣﻦ ﺻﺪﺍﻉ ﻳﻤﻜﻦ ﻇﻬﺮ ﻟﻲ ﺩﺧﻼﺕ ﺳﻮﻕ ﺭﺃﺳﻬﺎ ﻣﻦ ﻧﻬﺎﺭ ﺟﻴﻨﺎ ﻣﺎ ﺳﻤﻌﻨﺎ ﺻﻮﺗﻬﺎ ﺑﻬﻴﺠﺔ : ﻫﻲ ﺕ g ﺩ ﺗﻬﻀﺮ ﻏﻴﺮ ﺇﻟﻰ ﺑﻐﺎﺕ ﻧﺸﻄﺐ ﺑﻴﻬﺎ ﻋﺎﺩ ﻧﻤﺸﻲ ﻣﺮﻳﻢ : ﻫﻨﻴﻮﻧﺎ ﻣﻦ ﺻﺪﺍﻉ ﻫﺪﺍﻛﻢ ﺍﻟﻠﻪ ﺍﻧﺎ ﻏﻤﻠﺖ ﻫﻨﺎ ﻣﻦ ﻧﻬﺎﺭ ﺟﻴﺖ ﻣﺎ ﺧﺮﺟﺖ ﻓﺎﻟﻌﺸﻴﺔ ﻧﻤﺸﻴﻮ ﻧﺸﻮﻓﻮ ﺧﺎﻟﺘﻲ ﺳﻌﺪﻳﺔ ﺑﻬﻴﺠﺔ : ﺗﻮﺣﺸﺘﻬﺎ ﻏﻴﺮ ﺳﻜﺘﻲ ﻓﺎﻃﻤﺔ : ﻓﺎﻟﻌﺸﻴﺔ ﺍﻥ ﺷﺎﺀ ﺍﻟﻠﻪ ﻧﻤﺸﻲ ﻣﻌﺎﻛﻢ ﺑﻬﻴﺠﺔ : ﺍﻥ ﺷﺎﺀ ﺍﻟﻠﻪ ¤¤¤ ﺍﻟﻴﻮﻡ ﺍﻟﺘﺎﻟﻲ ¤¤¤ ﺯﻳﻨﺐ : ﺑﻘﻰ ﻏﻴﺮ ﺍﻟﻴﻮﻡ ﻏﺪﺍ ﺍﻥ ﺷﺎﺀ ﺍﻟﻠﻪ ﺗﺮﻭﺣﻲ ﻟﺪﺍﺭ ﺭﺍﺟﻠﻚ ﻋﻼﺵ ﻣﺎ ﺑﻐﺘﻴﺶ ﺍﻟﻌﺮﺱ ﺷﺤﺎﻝ ﻭﺍﻧﺎ ﻧﺘﺴﻨﻰ ﻓﻬﺎﺩ ﺍﻟﻨﻬﺎﺭ ﻓﺎﻃﻤﺔ : ﻣﻲ ﻫﻀﺮﻧﺎ ﻣﻦ ﻗﺒﻞ ﺍﻧﺎ ﻣﺎﺑﻐﻴﺘﺶ ﺍﻟﻌﺮﺱ ﻣﺮﻳﻢ : ﻏﺎﻧﺪﻳﺮﻭ ﺣﻔﻠﺔ ﺻﻐﻴﺮﺓ ﺑﻴﻨﺎﺗﻨﺎ ﻑ ﺍﻟﺮﺑﺎﻁ ﺧﺎﻟﺘﻲ ﻋﻨﺪﻫﺎ ﺍﻟﺼﺢ ﺑﻐﻴﻨﺎ ﻧﻔﺮﺣﻮ ﺣﺘﻰ ﺣﻨﺎ ﺑﻬﻴﺠﺔ : ‏( ﺷﺎﻓﺖ ﻑ ﻓﺎﻃﻤﺔ ‏) ﺍﻳﻪ ﻣﺎﻓﻴﻬﺎ ﺑﺎﺱ ﺩﻳﺮﻱ ﻟﻴﻨﺎ ﺣﺎﻃﺮﻧﺎ ‏( ﻏﻤﺰﺍﺗﻬﺎ ‏) ﻓﺎﻃﻤﺔ : ﺩﺑﺮﻭ ﺭﺍﺳﻜﻢ ﺑﻬﻴﺠﺔ : ﻟﻮ ﻟﻮ ﻟﻮ ﻟﻮ ﻟﻮ ﻱ ﻱ ﻱ ﻱ ﻫﻬﻬﻬﻪ ﺯﻳﻨﺐ : ﺍﻟﻘﻔﺎﻃﻦ ﻭﺍﻟﻜﺎﻧﺪﻭﺭﺓ ﺍﻟﻴﻮﻡ ﻳﻮﺟﺪﻭ ﻗﺮﺑﺎﺕ ﺗﻜﻤﻠﻬﻢ ﺣﺴﻨﺎ ﻭﺩﻭﻙ ﺍﻟﺒﻴﺠﺎﻣﺎﺕ ﺩﻳﺎﻝ ﺍﻟﻌﺮﻳﺲ ﺻﻴﺖ ﻋﺘﻴﻘﺔ ﻋﻠﻴﻬﻢ ﺷﻲ ﺗﻠﺖ ﺍﻳﺎﻡ ﻫﺎﺩﻱ ﻗﺎﻟﺖ ﺍﻟﻴﻮﻡ ﻏﺎﺩﻭﺯﻫﻢ ﻟﻴﻚ ﺗﺨﺘﺎﺭﻱ ﻓﺎﻃﻤﺔ : ﻭﺍﻣﻲ ﻻﺵ ﻣﺼﺪﻋﺔ ﺭﺍﺳﻚ ﻗﻠﺖ ﻟﻴﻚ ﻣﺎﺑﻐﻴﺖ ﻭﺍﻟﻮ ﺑﻬﻴﺠﺔ : ‏( ﻛﺎﺗﻐﻤﺰ ﻓﻴﻬﺎ ‏) ﺍﻳﻮﺍ ﻟﻮﺍﻩ ﻫﺎﺩ ﺍﻟﺪﺍﺭ ﻏﺎﺗﺨﺮﺝ ﻣﻨﻬﺎ ﻋﺮﻭﺳﺔ ﻣﺎﺷﻲ ﺟﻨﺎﺯﺓ ﻳﺎﻻ ﺳﻴﺮﻱ ﺗﻐﺴﻠﻲ ﺧﻼﺹ ﻭﻟﺒﺴﻲ ﺍﻟﻘﻔﻄﺎﻥ ﻟﻲ ﺣﻄﻴﺖ ﻟﻴﻚ ﻓﺎﻟﺒﻴﺖ ﺣﻔﻴﻈﺔ ﺍﻟﻨﻘﺎﺷﺔ ﻋﻼﻳﻦ ﻭﺗﺠﻲ ﻣﺮﻳﻢ : ﻋﻨﺪﻙ ﺩﺍﻙ ﺍﻟﺪﺟﺎﺝ ﻳﺘﺤﺮﻕ ﺯﻳﻨﺐ : ﺯﺩﺕ ﻓﻴﻪ ﺍﻟﻤﺎ ﻣﺎﺗﺨﺎﻓﻴﺶ ﺑﻬﻴﺠﺔ : ﻓﻴﻦ ﻫﻮ ﺭﺷﻴﺪ ﻣﺰﺍﻝ ﻣﺎ ﺟﺎ ﻭﺻﻴﺘﻮ ﻳﺠﻴﺐ ﺍﻟﻤﻮﻧﺎﺩﺓ ﻭﺍﻟﺨﺒﺰ ﻣﻦ ﺍﻟﻤﺨﺒﺎﺯﺓ ﻟﻲ ﻓﺎﻟﻔﻴﻼﺝ ﺯﻳﻨﺐ : ﻏﺎﻳﻜﻮﻥ ﺟﺎﻱ ﻓﺎﻟﻄﺮﻳﻖ ﻭﺭﺍﻩ ﻭﺻﻴﺖ ﻣﺤﻤﺪ ﻳﺠﻴﺐ ﺍﻟﺪﻳﺴﻴﺮ ‏( ﺍﻟﻔﻮﺍﻛﻪ ‏) ﻣﻦ ﺍﻟﺴﻮﻕ ﺩﺍﻙ ﺍﻟﺒﺮﻗﻮﻕ ﻏﺎﻳﻜﻮﻥ ﺗﻌﺴﻞ ﺑﻬﻴﺠﺔ : ﺍﻳﻪ ﻏﺎﻳﻜﻮﻥ ﺗﻌﺴﻞ ﻧﻮﺽ ﻧﺸﻮﻑ ﺩﺍﻙ ﺍﻟﺤﻢ ﻭﺍﺵ ﺷﺪ ﺭﺍﺳﻮ ﻓﺎﻃﻤﺔ : ﻫﺬﺍ ﺭﺍﻩ ﻭﻻ ﻋﺮﺱ ﻋﻴﺖ ﻧﻬﻀﺮ ﻭﻟﻲ ﻓﺮﺍﺳﻜﻢ ﻓﺮﺍﺳﻜم

142_ﻣﺮﻳﻢ : ﺯﻳﺪﻱ ﻗﺪﺍﻣﻲ ﺷﺤﺎﻝ ﻓﻴﻚ ﺩﻳﺎﻝ ﺍﻟﻐﻮﺍﺕ ﺃﺯﻫﺎﺭ : ﻓﻴﻦ ﻭﺻﻠﺘﻲ ﻓﺎﻟﺸﻲ ﻟﻲ ﻗﻠﺖ ﻟﻴﻚ؟ ﺳﻤﻴﺮﺓ : ﻛﻨﺖ ﻏﺎﻧﻔﺪ ﺍﻟﻴﻮﻡ ﺳﺎﻋﺔ ﻣﺎﺑﻐﻴﺘﺶ ﻧﻔﻀﺢ ﺭﺍﺳﻲ ﺍﻛﻴﺪ ﻏﺎﻳﻌﻴﻘﻮ ﺑﻴﺎ ﺃﺯﻫﺎﺭ : ﻭﺍﺵ ﺑﺎﻏﻴﺔ ﺗﺨﺮﺟﻲ ﻟﻴﺎ ﺍﻟﻌﻘﻞ ﻛﻦ ﻛﻨﺖ ﺍﻧﺎ ﺗﻤﺎ ﻛﻦ ﻧﻔﺪﺕ ﺑﺴﺮﻋﺔ ﺳﻤﻴﺮﺓ : ﺳﻤﻌﺖ ﺑﻠﻲ ﻏﺪﺍ ﻏﺎﻳﺪﻳﺮﻭ ﺣﻔﻠﺔ ﺻﻐﻴﺮﺓ ﻟﺪﻳﻚ ﺍﻟﺰﺭﻣﻮﻣﻴﺔ ﺩﻳﺎﻝ ﻓﺎﻃﻤﺔ ﻑ ﺍﻟﺮﺑﺎﻁ ﻭﺍﻛﻴﺪ ﻏﺎﻧﺤﻀﺮ ﺗﻤﺎ ﻏﺎﻳﻜﻮﻥ ﺗﻨﻔﻴﺬ ﺍﺣﺴﻦ ﻭﺍﺍﻣﻦ ﺩﺧﻼﺕ ﻓﺎﻃﻤﺔ ﻟﺤﻤﺎﻡ ﺑﻠﺪﻱ ﻭﺳﻂ ﺍﻟﺪﺍﺭ ﻭﺟﺪﺍﺗﻮ ﻟﻴﻬﺎ ﻣﺮﻳﻢ ﺩﻭﺷﺎﺕ ﻭﻧﺸﻔﺎﺕ ﺷﻌﺮﻫﺎ ﻭﻟﺒﺴﺎﺕ ﻗﻔﻄﺎﻥ ﻑ ﺍﻟﺨﻀﺮ ﺷﺮﺍﺗﻮ ﻟﻴﻬﺎ ﺑﻬﻴﺠﺔ ﻣﻦ ﻛﺎﻧﺖ ﺟﺎﻳﺔ ﺩﺍﺭﺕ ﻟﻴﻬﺎ ﻣﺮﻳﻢ ﺷﻮﻳﺔ ﺍﻟﻤﺎﻛﻴﺎﺝ ﺑﺰﺯ ﻓﺎﻃﻤﺔ : ﻟﻲ ﺷﺎﻓﻜﻢ ﻫﺎﻛﺎ ﻳﻘﻮﻝ ﻣﺎﻋﺎﺭﻓﻴﻨﺶ ﺍﺵ ﻭﻗﻊ ﻟﻴﺎ ﻣﺮﻳﻢ : ﻋﻘﻠﺘﻲ ﻧﻬﺎﺭ ﺍﻟﺨﻄﻮﺑﺔ ﺩﻳﺎﻝ ﺍﺵ ﻛﻨﺘﻲ ﺩﺍﻳﺮﺓ ﻟﻴﺎ ﺩﺭﺗﻲ ﻟﻴﺎ ﻃﻴﺎﺭﺓ ﺟﺒﺪﺗﻲ ﻓﻴﺎ ﺣﺘﻰ ﻋﻴﺘﻲ ﻭﺩﺍﺑﺎ ﻭﺻﻼﺕ ﻧﻮﺑﺘﻚ ﻫﻬﻬﻬﻬﻪ ﻓﺎﻃﻤﺔ : ﻧﺘﻲ ﻏﻴﺮ ﺯﻭﺍﺟﻚ ﻛﺎﻥ ﻏﻴﺮ ﻣﺎﺷﻲ ﺑﺤﺎﻟﻲ ﻫﺊ ﻫﺊ ﻳﺎﺭﻳﺖ ﻛﻦ ﻛﺎﻥ ﻫﺬﺍ ﺣﻠﻢ ﻛﻴﻔﺎﺵ ﻏﺎﻧﻘﺪﺭ ﻧﻮﺍﻓﻖ ﻋﻠﻰ ﺍﻟﻤﺠﺮﻡ ﻟﻲ ﺿﻴﻊ ﻟﻴﺎ ﺷﺮﻓﻲ ﻣﺮﻳﻢ ‏( ﻣﺴﺤﺎﺕ ﻟﻴﻬﺎ ﺩﻣﻮﻋﻬﺎ ‏) ﻛﻠﺸﻲ ﻏﺎﻳﺘﺼﻠﺢ ﺍﻥ ﺷﺎﺀ ﺍﻟﻠﻪ ﺗﻴﻘﻲ ﻓﻴﺎ ﺍﻧﺎ ﺩﻳﻤﺎ ﻏﺎﻧﻜﻮﻥ ﻑ ﺟﻨﺒﻚ ﺑﻘﺎﺕ ﻛﺎﺗﻬﺪﻥ ﻓﻴﻬﺎ ﻭﺗﻨﺼﺤﻬﺎ ﺑﻬﻴﺠﺔ ﻛﺎﻧﺖ ﻑ ﺍﻟﻤﻄﺒﺦ ﻣﻊ ﺯﻳﻨﺐ ﻛﺎﻳﻮﺟﺪﻭ ﺍﻟﻌﺸﺎ ﺯﻳﻨﺐ ﺩﺍﻳﺮﺓ ﺍﻟﺤﻨﺎ ﻟﺒﻨﺘﻬﺎ ﻭﻋﺎﺭﺿﺔ ﻋﻠﻰ ﺷﻲ ﻋﻴﺎﻻﺕ ﻣﻦ ﺍﻟﺪﻭﺍﺭ ﻓﺎﻃﻤﺔ ﺟﻬﺰﺍﺕ ﻧﻔﺴﻬﺎ ﺑﻤﺴﺎﻋﺪﺓ ﻣﺮﻳﻢ ﻭﺟﻠﺴﺎﺕ ﻓﺎﻟﺼﺎﻟﺔ ﺟﺎﻭ ﺍﻟﻌﻴﺎﻻﺕ ﻟﻲ ﻣﻌﺮﻭﺿﻴﻦ ﻭﻟﻲ ﻋﺪﺩﻫﻢ ﻣﺎ ﺗﺠﺎﻭﺯﺵ 15 ﻣﺮﺍ ﺟﻠﺴﻮﺍ ﻓﺎﻟﺼﺎﻟﺔ ﻣﻊ ﻓﺎﻃﻤﺔ ﻭﺍﻟﻨﻘﺎﺷﺔ ﺯﻳﻨﺎﺕ ﻟﻴﻬﺎ ﻳﺪﻫﺎ ﺑﺎﻟﺤﻨﺔ ﺻﻼﻭ ﻋﻠﻰ ﺍﻟﻨﺒﻲ ﻭﺗﻌﺸﺎﻭ ﻓﺠﻮ ﺭﺍﺋﻊ ﺑﻌﺪ ﺍﻟﻌﺸﺎ ﻛﻞ ﻭﺣﺪﺓ ﻣﺸﺎﺕ ﻟﺪﺍﺭﻫﺎ ﺑﺸﺮﻯ : ﺟﻬﺰﺕ ﻛﻠﺸﻲ ﻏﺪﺍ ﺍﻥ ﺷﺎﺀ ﺍﻟﻠﻪ ﻣﻮﺭ ﺍﻟﻌﻘﺪ ﻏﺎﺩﻭﺯﻭ ﺍﻟﻔﻴﻼ ﻛﻠﺸﻲ ﺟﺎﻫﺰ ﺑﻬﻴﺠﺔ : ﺑﺎﺭﻙ ﺍﻟﻠﻪ ﻓﻴﻚ ﺍﻧﺎ ﻏﺎﻧﻜﻮﻥ ﻋﻨﺪﻙ ﺻﺒﺎﺡ ﺑﻜﺮﻱ ﻗﺒﻞ ﻣﺎ ﻳﺤﻠﻮ ﻋﻴﻨﻴﻬﻢ ﺍﻧﺎ ﻭﻣﺮﻳﻢ ﺑﺎﺵ ﻧﻜﻤﻠﻮ ﺷﻲ ﻟﻲ ﺑﻘﻰ ﺑﺸﺮﻯ : ﻗﻠﺖ ﻟﻚ ﻛﻠﺸﻲ ﺟﺎﻫﺰ ﻏﻴﺮ ﺭﺗﺎﺣﻮ ﺑﻬﻴﺠﺔ : ﻟﻬﻼ ﻳﺨﻄﻴﻚ ﻋﻠﻴﻨﺎ ﺍﻟﺤﺎﺟﺔ ﻗﻄﻌﺎﺕ ﺍﻻﺗﺼﺎﻝ ﻭﻣﺸﺎﺕ ﺗﻌﺎﻭﻧﻬﻢ ﻑ ﻏﺴﻴﻞ ﻟﻤﺎﻋﻦ ﺑﻌﺪ ﻣﺎ ﺟﻤﻌﻮﺍ ﺍﻟﺪﻧﻴﺎ ﻭﺟﺪﺍﺕ ﻣﺮﻳﻢ ﺑﺮﺍﺩ ﻳﺎﻝ ﺍﺗﺎﻱ ﺩﺍﻳﺰﻭ ﻟﻜﻼﻡ ﻭﺣﻄﺎﺕ ﺯﻳﻨﺐ ﻃﺒﺴﻴﻞ ﺩﻳﺎﻝ ﺍﻟﺤﻠﻮﺓ ﻣﺸﻜﻠﻪ ﻭﻃﺒﺴﻴﻞ ﺩﻳﺎﻝ ﺍﻟﻔﺎﻛﻴﺔ ‏( ﺍﻟﻔﻮﺍﻛﻪ ﺍﻟﺠﺎﻓﺔ

143_ﻣﺤﻤﺪ : ‏( ﻭﺟﻪ ﻛﻼﻣﻮ ﻝ ﻓﺎﻃﻤﺔ ‏) ﻛﺎﻉ ﻣﺎ ﻗﻠﺘﻲ ﻟﻴﻨﺎ ﻛﻴﻔﺎﺵ ﺣﺘﻰ ﺷﺎﻓﻚ ﺳﻌﺪ ﻭﻣﻦ ﺍﻣﺘﻰ ﺷﻔﺘﻴﻪ ؟ ﻓﺎﻃﻤﺔ ﺗﻠﻔﺎﺕ ﻣﺎﻋﺮﻓﺎﺕ ﻣﺎﺗﻘﻮﻝ ﻣﺎ ﻛﺎﻧﺘﺶ ﻣﺘﻮﻗﻌﺔ ﺳﺆﺍﻝ ﺩﺧﻼﺕ ﺑﻬﻴﺠﺔ ﺑﺴﺮﻋﺔ ﻭﻋﺘﻘﺎﺕ ﺍﻟﻤﻮﻗﻒ ﻛﻴﻒ ﺍﻟﻌﺎﺩﺓ ﺑﻬﻴﺠﺔ : ﺑﺎ ﻣﺤﻤﺪ ﺍﻟﻄﻔﻠﺔ ﺣﺸﻤﺎﻧﺔ ﻫﻬﻬﻪ ﺍﻧﺎ ﻧﺠﺎﻭﺑﻚ ﺩﻳﻚ ﺍﻟﻨﻬﺎﺭ ﻛﻨﺎ ﻣﻌﺮﻭﺿﻴﻦ ﻋﻨﺪ ﻣﺮﻳﻢ ﻟﻌﺸﺎ ﻭﻣﻦ ﻣﺸﻴﻨﺎ ﻛﺎﻥ ﻫﻮ ﻋﻨﺪﻫﻢ ﻭﻏﻴﺮ ﺷﺎﻓﻬﺎ ﻗﺎﻝ ﻣﻨﻬﺎ ﻧﺨﻼﻕ ﻫﻀﺮ ﻣﻊ ﺧﻮﻩ ﻭﺧﻮﻩ ﻗﺎﻟﻬﺎ ﻝ ﻣﺮﻳﻢ ﻭﺳﻮﻻﺕ ﻓﺎﻃﻤﺔ ﻣﺎﻟﻘﺎﺕ ﻓﻴﻪ ﻣﺎﻳﺘﻌﺎﺏ ﻭﻟﻜﻦ ﻣﺎ ﻗﺎﻟﺖ ﻻ ﺍﻳﻪ ﻭﻻ ﻻ ﻗﺎﻟﺖ ﺍﻟﻜﻠﻤﺔ ﻟﻠﻮﻟﺔ ﻭﻟﺨﺮﺍ ﺩﻳﺎﻝ ﺑﺎ ﻭﺍﻟﺤﻤﺪ ﻟﻠﻪ ﺭﺑﻲ ﺳﺨﺮ ﻟﻴﻬﻢ ﻣﺤﻤﺪ : ‏( ﺑﺎﺱ ﺟﺒﻴﻨﻬﺎ ‏) ﺍﻟﻠﻪ ﻳﺮﺿﻲ ﻋﻠﻴﻚ ﺍﺑﻨﺘﻲ ﻭﻳﺮﺯﻗﻚ ﺍﻟﺪﺭﻳﺔ ﺍﻟﺼﺎﻟﺤﺔ ﻓﺎﻃﻤﺔ ﻣﺎ ﻗﺪﺭﺍﺗﺶ ﺗﺘﺤﻜﻢ ﻓﺮﺍﺳﻬﺎ ﺗﺨﺸﺎﺕ ﻓﺤﻀﻮ ﻭﺟﻠﺴﺎﺕ ﺗﺒﻜﻲ ﺑﺤﺮﻗﺔ ﻣﺮﻳﻢ ﻭﺑﻬﻴﺠﺔ ﻗﻠﺒﻬﻢ ﻛﺎﻥ ﻛﺎﻳﻀﺮﺏ ﻑ 90 ﺧﺎﻓﻮ ﻻ ﺗﻘﻮﻝ ﺷﻨﻮ ﻭﻗﻊ ﻭﻫﺎﺩ ﺍﻟﻔﺮﺡ ﻳﺘﻘﻠﺐ ﻟﻘﺮﺡ ﺑﻬﻴﺠﺔ ‏( ﺑﺘﻮﺗﺮ ‏) ﺍﻳﻮﺍ ﻻﻭﺍﻩ ﻣﺎﺗﺒﻜﻴﺶ ﺭﺍﻙ ﻏﺎﺗﺒﻘﺎﻱ ﺩﻳﻤﺎ ﺗﺠﻲ ﻋﻨﺪﻫﻢ ﺯﻳﻨﺐ : ﺍﻟﻠﻪ ﻋﻠﻰ ﺑﻨﺘﻲ ﻣﺎ ﺳﺎﺧﻴﺎﺵ ﺑﻴﻨﺎ ﻫﺊ ﻫﺊ ﺳﻤﻴﺮﺓ ‏( ﻋﻮﺟﺎﺕ ﻓﻤﻬﺎ ‏) ﺍﻣﻤﻤﻢ ﺣﻨﺎ ﻛﺎﻉ ﺑﻜﻴﻨﺎ ﻭﻓﺮﻗﻨﺎ ﻣﻮﺍﺗﻨﺎ ﺑﻬﻴﺠﺔ : ‏( ﺧﻨﺰﺭﺍﺕ ﻓﻴﻬﺎ ‏) ﺑﺎ ﻣﺤﻤﺪ ﺳﻜﺘﻬﺎ ﺑﺎﺭﻙ ﺣﻨﺎ ﺑﻐﻴﻨﺎ ﻧﻔﺮﺣﻮ ﻣﺎﺷﻲ ﻧﺒﻜﻴﻮ ﻻﻭﺍﻩ ﻣﺤﻤﺪ : ‏( ﺿﻢ ﻓﺎﻃﻤﺔ ﻟﺼﺪﺭﻭ ‏) ﻏﻴﺮ ﺧﻠﻴﻬﺎ ﺗﺨﻮﻱ ﻗﻠﺒﻬﺎ ﺍﻟﻌﺎﻟﻢ ﺍﻟﻠﻪ ﺍﻣﺘﻰ ﻏﺎﻧﺸﻮﻓﻬﺎ ﻣﺮﻳﻢ : ﻣﺎﻟﻚ ﺍﺧﺎﻟﻲ ﻋﻠﻰ ﻫﺎﺩ ﻟﻜﻼﻡ ﻓﺎﻃﻤﺔ ﻏﺎﺗﺒﻘﻰ ﺩﻳﻤﺎ ﺗﺠﻲ ﻭﺍﻧﺖ ﻛﺬﻟﻚ ﻣﺤﻤﺪ : ﺍﺣﻴﺎﻧﻲ ﻏﻴﺮ ﻛﺎﺩﻳﺮﻭ ﺩﻳﻮﺭﻛﻢ ﻛﺎﺗﻨﺴﺎﻭ ﻭﻟﺪﻳﻜﻢ ﻳﺎﻙ ﻧﺘﻲ ﻛﺘﺮ ﻣﻦ ﺷﻬﺮ ﻣﺎ ﺷﻔﻨﺎﻙ ﻛﻦ ﻣﺎ ﻓﺎﻃﻤﺔ ﻣﺎ ﻧﺸﻮﻓﻮﻛﺶ ﻣﺮﻳﻢ : ﻭﺍﻟﻠﻪ ﺍﺧﺎﻟﻲ ﻏﻴﺮ ﻣﻊ ﺍﻟﻮﻗﺖ ﻫﺎﻧﻲ ﺟﻠﺴﺖ ﻣﻌﺎﻙ ﺳﻴﻤﺎﻧﺔ ﻭﻏﺎﻧﺮﺟﻊ ﺗﺎﻧﻲ ﻫﻬﻬﻪ ﻣﺤﻤﺪ : ﻫﺎﺩﻱ ﺩﺍﺭﻛﻢ ﺍﺑﻨﺘﻲ ﻣﺎﺩﺍ ﺑﻴﺎ ﻧﺸﻮﻓﻜﻢ ﺩﻳﻤﺎ ﺣﺪﺍﻳﺎ

144_♡ ﺃﺻﺒﺤﻨﺎ ﻭﺃﺻﺒﺢ ﺍﻟﻤﻠﻚ ﻟﻠﻪ ♡ ﻓﺎﻗﺖ ﻣﺮﻳﻢ ﻣﻊ ﺍﻟﻔﺠﺮ ﺻﻼﺕ ﻭﺟﻤﻌﺎﺕ ﺑﻴﺘﻬﺎ ﻭﻭﺟﺪﺍﺕ ﺍﻟﻤﺴﻤﻦ ﻭﺍﻟﻜﻴﻚ ﺻﻼﺕ ﺑﻬﻴﺠﺔ ﺍﻟﻔﺠﺮ ﻭﻭﺟﺪﺍﺕ ﺍﻟﺒﻐﺮﻳﺮ ﻭﻋﺠﻨﺎﺕ ﺍﻟﺒﻄﺒﻮﻁ ﻭﻣﺸﺎﺕ ﺣﻠﺒﺎﺕ ﺍﻟﺒﻘﺮﺓ ﻭﻭﺟﺪﺍﺕ ﺍﻟﻘﻬﻮﺓ ﻓﺎﻃﻤﺔ ﻛﺎﻧﺖ ﺟﺎﻟﺴﺔ ﻑ ﻏﺮﻓﺘﻬﺎ ﻭﻗﻠﺒﻬﺎ ﻣﺰﻳﺮ ﻭﺧﺎﻳﻔﺔ ﻣﻦ ﺍﻟﺨﻄﻮﺓ ﺍﻟﺠﺎﻳﺔ ﺯﻳﻨﺐ : ‏( ﻛﺎﺗﺸﻢ ‏) ﺍﻟﻠﻪ ﻋﻠﻰ ﺭﻳﺤﺔ ﺧﺎﺭﺟﺔ ﻣﻦ ﺍﻟﻜﺸﻴﻨﺔ ﺷﺤﺎﻝ ﻫﺬﺍ ﻣﺎ ﺷﻤﻴﺘﻬﺎ ﺗﺒﺎﺭﻙ ﺍﻟﻠﻪ ﻋﻠﻴﻜﻢ ﺑﻬﻴﺠﺔ : ﺍﻳﻮﺍ ﺷﻔﺘﻲ ﻏﻴﺮ ﺧﻄﻴﺘﻚ ﺍﻧﺎ ﻭﻣﺮﻳﻢ ﻣﺎﺑﻘﻴﺘﻲ ﺷﻤﻴﺘﻲ ﺭﻳﺤﺔ ﺍﻟﻤﺴﻤﻦ ﻭﺍﻟﻜﻴﻜﺔ ﻫﻬﻬﻪ ﺯﻳﻨﺐ : ﺍﻟﻠﻪ ﻳﺮﺿﻲ ﻋﻠﻴﻜﻢ ﻭﺟﺪﻭ ﻛﻠﺸﻲ ﻭﺣﻄﻮ ﺍﻟﻔﻄﻮﺭ ﻓﺎﻟﺼﺎﻟﺔ ﺻﻠﻰ ﻣﺤﻤﺪ ﻭﺭﺷﻴﺪ ﻭﺟﻠﺴﻮ ﻓﺎﻟﺼﺎﻟﺔ ﺗﺠﻤﻌﻮﺍ ﻛﻠﻬﻢ ﻭﻓﻄﺮﻭ ﻓﺠﻮ ﻣﺮﺡ ﻛﺎﻧﻮﺍ ﻛﺎﻳﻀﺤﻜﻮ ﻣﺎﺑﻴﻨﻬﻢ ﺗﺮﻥ . .... ﺗﺮﻥ . ..... ﺗﺮﻥ ﻣﺮﻳﻢ : ﺻﺒﺎﺡ ﺍﻟﺨﻴﺮ ﻗﻴﺲ : ﺻﺒﺎﺡ ﺍﻟﺨﻴﺮ ﻓﻘﺘﻮ ﻭﻻ ﻣﺰﺍﻝ؟ ﻣﺮﻳﻢ : ﻓﻘﻨﺎ ﻛﺎﻧﻔﻄﺮﻭ ﻭﺍﺣﺪ ﻧﺺ ﺳﺎﻋﺔ ﻭﻧﺸﺪﻭ ﺍﻟﻄﺮﻳﻖ ﻗﻴﺲ : ﻣﺎﺗﻌﻄﻠﻮﺵ ﻛﻠﺸﻲ ﺟﺎﻫﺰ ﺧﺎﺹ ﻏﻴﺮ ﺗﻮﻗﻴﻊ ﺩﻳﺎﻝ ﻓﺎﻃﻤﺔ ﻣﺮﻳﻢ : ﻭﺍﺧﺎ ﺍﻥ ﺷﺎﺀ ﺍﻟﻠﻪ ﺯﻳﻨﺐ : ﻫﺬﺍ ﺭﺍﺟﻠﻚ ؟ ﻣﺮﻳﻢ : ﺍﻩ ﺍﺧﺎﻟﺘﻲ ﻫﺬﺍ ﻗﻴﺲ ﻳﺎﻻ ﺑﺎﺵ ﻧﻤﺸﻴﻮ ﻛﺎﻳﺘﺴﻨﺎﻭ ﺯﻳﻨﺐ : ﻭﺍﺧﺎ ﻛﻠﺸﻲ ﻭﺍﺟﺪ ﺑﻬﻴﺠﺔ : ﺍﻧﺎ ﻏﺎﻧﻐﺴﻞ ﻣﻌﺎﻥ ﺍﻟﻔﻄﻮﺭ ﺩﻏﻴﺔ ﻭﻧﻤﺸﻴﻮ ﻧﺎﺿﻮ ﻛﻞ ﻭﺍﺣﺪ ﺷﻨﻮ ﺩﺍﺭ ﺑﻌﺪ 15 ﺩﻗﻴﻘﺔ ﺳﺎﻻﻭ ﺷﻐﺎﻟﻬﻢ ﻭﺧﺮﺟﻮﺍ ﺃﺯﻫﺎﺭ : ﻣﺮﺍﺗﻮ ﺍﻟﻴﻮﻡ ﻟﻲ ﻑ ﻛﺮﺷﻬﺎ ﻏﺎﻳﻨﺰﻝ ﻛﺎﻳﻦ ﻟﻲ ﻏﺎﻳﺘﻜﻠﻒ ﺣﻔﻴﻆ : ﻧﺒﻐﻴﻚ ﺗﺤﻴﺪﻳﻬﺎ ﻣﻦ ﻃﺮﻳﻘﻮ ﻭﺑﺎﻗﺼﻰ ﺳﺮﻋﺔ ﺷﺤﺎﻝ ﺩﻳﺎﻝ ﺍﻟﻮﻗﺖ ﺿﺎﻉ ﺃﺯﻫﺎﺭ : ﻛﻦ ﻫﺎﻧﻲ ﻣﺎ ﺑﻘﻰ ﻗﺪ ﻣﺎ ﻓﺎﺕ ﻋﺪﻧﺎﻥ : ﻻﺯﻡ ﺗﻜﺴﺒﻲ ﺻﺪﺍﻗﺔ ﺍﻓﻨﺎﻥ ﺍﻛﺘﺮ ﻣﻦ ﺍﻻﻭﻝ ﺃﺯﻫﺎﺭ : ﺍﻓﻨﺎﻥ ﻭﻻﺕ ﺧﺎﺗﻢ ﺑﻴﻦ ﻳﺪﻱ ﻣﺎﻟﻘﻴﺘﺶ ﻣﻌﺎﻫﺎ ﺻﻌﻮﺑﺔ ﺑﺎﻟﻌﻜﺲ ﻭﻟﻲ ﺯﺍﺩ ﺳﻬﻞ ﻋﻠﻴﺎ ﻣﺎ ﻋﻨﺪﻫﺎﺵ ﻣﻊ ﻣﺮﺍﺕ ﺧﻮﻫﺎ ﻋﺪﻧﺎﻥ : ﻛﻦ ﻗﺪﺭﺗﻲ ﺗﻜﺴﺒﻲ ﺣﺘﻰ ﺻﺪﺍﻗﺔ ﻣﺮﻳﻢ ﻛﺎﻥ ﻏﺎﻳﻜﻮﻥ ﺍﺣﺴﻦ ﻣﻲ ﻣﺎﺷﻲ ﻣﺸﻜﻞ ﺃﻫﻢ ﺣﺎﺟﺔ ﺗﺮﻭﺕ ﻗﻴﺲ ﺗﻜﻮﻥ ﺑﻴﻦ ﻳﺪﻱ

145_ﺣﻔﻴﻆ : ﻫﺬﺍﻙ ﺍﻟﻘﻴﻂ ﻗﺴﻢ ﺍﻟﺜﺮﻭﺓ ﻭﻻ ﺍﻻﺑﻦ ﺍﻟﺸﺮﻋﻲ ﻭﻭﻻ ﻋﻨﺪﻭ ﺣﻖ ﻑ ﺍﻷﻣﻼﻙ ﺑﺤﺎﻟﻮ ﺑﺤﺎﻝ ﻗﻴﺲ ﺍﻟﻠﻪ ﻳﻠﻌﻦ ﺍﻟﺤﻆ ﻣﺎ ﺟﺎﺷﺶ ﻓﺼﻔﻨﺎ ﻋﺪﻧﺎﻥ : ﻫﺬﺍﻙ ﺣﺎﻟﻮ ﺳﺎﻫﻞ ﻭﺃﺳﻬﻞ ﻣﻤﺎ ﺗﺨﻴﻞ ﻫﻮ ﺳﺎﺧﻂ ﻋﻠﻰ ﺍﻟﻮﺿﻌﻴﺔ ﻭﻣﺎ ﺣﺎﻣﻞ ﺣﺘﻰ ﺣﺪ ﻭﻣﺒﻠﻲ ﺑﺎﻟﻐﺒﺮﺓ ﻭﺍﻟﺤﺸﻴﺶ ﻓﻠﻮﺳﻮ ﻏﺎﻧﺪﻳﻬﻢ ﻓﺄﻗﻞ ﻣﻦ ﺷﻬﺮ ﻭﻏﺎﻧﺮﺟﻌﻮ ﻟﻠﻔﻘﺮ ﻟﻲ ﻛﺎﻥ ﻓﻴﻪ ﺍﻟﻤﺼﻴﺒﺔ ﻫﻮ ﻗﻴﺲ ﺩﺍﻫﻴﺔ ﻛﺎﺭﺛﺔ ﺣﺘﻰ ﺣﺎﺟﺔ ﻣﺎ ﻛﺎﺗﻬﺰﻭ ﺣﺮﺕ ﻣﻌﺎﻩ ﺃﺯﻫﺎﺭ : ﺷﺤﺎﻝ ﻣﺎ ﺩﺍﺭ ﺍﻻﺣﺘﻴﺎﻁ ﻏﺎﻳﺠﻲ ﻧﻬﺎﺭ ﻟﻲ ﻳﻄﻴﺢ ﺑﻴﻦ ﻳﺪﻱ ﻫﻬﻬﻪ ﺳﻌﺪ : ‏( ﻏﺎﺩﻱ ﺟﺎﻱ ﻭﻣﺎ ﻋﺎﺟﺒﻮ ﺣﺎﻝ ‏) ﺣﺘﻰ ﻟﻴﻦ ﻏﺎﻧﺒﻘﻰ ﻧﺘﺴﻨﻰ ﺳﻴﺎﺩﺗﻬﻢ؟ ﻧﻌﻴﻤﺔ : ﺻﺒﺮ ﺍﻭﻟﺪﻱ ﻗﺮﺑﻮﺍ ﻳﻮﺻﻠﻮ ﻗﻴﺲ : ﻫﺎ ﻫﻤﺎ ﻭﺻﻠﻮ ﻣﺤﻤﺪ : ‏( ﺳﻠﻢ ﻋﻠﻰ ﻗﻴﺲ ‏) ﻳﺎﻛﻤﺎ ﺗﻌﻄﻠﻨﺎ ﻭﺍﻟﻠﻪ ﻏﻴﺮ ﺳﻤﺤﻮﺍ ﻟﻴﻨﺎ ﺍﻟﻄﺮﻳﻖ ﻋﺎﻣﺮﺓ ﻧﻌﻴﻤﺔ : ﻋﻠﻰ ﺳﻼﻣﺘﻜﻢ ﻻ ﻻ ﻣﺎ ﺗﻌﻄﻠﺘﻮ ﻭﺍﻟﻮ ﻫﺬﺍ ﻫﻮ ﺍﻟﻮﻗﺖ ﻗﻴﺲ : ﻳﺎﻻ ﺍﻟﻌﺪﻭﻝ ﻛﺎﻳﺘﺴﻨﻰ ﺩﺧﻠﻮﺍ ﺩﺧﻞ ﻣﺤﻤﺪ ﻭﻓﺎﻃﻤﺔ ﻭﺳﻌﺪ ﻭﻗﻴﺲ ﻭﺭﺷﻴﺪ ﻭﻧﻌﻴﻤﺔ ﺑﻘﺎﺕ ﺧﺎﺭﺝ ﺍﻟﻤﻜﺘﺐ ﻣﺤﻤﺪ : ﺍﻟﺴﻼﻡ ﻋﻠﻴﻜﻢ ﺍﻟﻌﺪﻭﻝ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﺗﻔﻀﻠﻮﺍ ﺍﻟﻌﺪﻭﻝ : ﺷﻜﻮﻥ ﺍﻟﻌﺮﻳﺲ؟ ﻣﺤﻤﺪ : ‏( ﺍﺷﺎﺭ ﻝ ﺳﻌﺪ ‏) ﺳﻌﺪ ﺍﻥ ﺷﺎﺀ ﺍﻟﻠﻪ ﺍﻟﻌﺪﻭﻝ : ﺍﻥ ﺷﺎﺀ ﺍﻟﻠﻪ ﺍﻟﻠﻪ ﻳﻜﻤﻞ ﺑﺎﻟﺨﻴﺮ ﺑﻼ ﺷﻚ ﺍﻧﺖ ﻭﺍﻟﻲ ﺍﻟﻌﺮﻭﺱ؟ ﻣﺤﻤﺪ : ﺍﻳﻪ ﺍﻧﺎ ﺑﺎﻫﺎ ﺍﻟﻌﺪﻭﻝ ﺷﺎﻑ ﻑ ﺍﻟﻮﺛﺎﺋﻖ ﻟﻲ ﺑﻴﻦ ﻳﺪﻳﻪ ﻭﻃﺮﺡ ﺍﻟﺴﺆﺍﻝ ﻋﻠﻰ ﻓﺎﻃﻤﺔ ﺍﻟﻌﺪﻭﻝ : ﻋﻠﻰ ﺑﺮﻛﺔ ﺍﻟﻠﻪ ﻓﺎﻃﻤﺔ ﻣﺤﻤﺪ ﺑﻦ ﺍﻟﺤﺴﻦ ﺍﻟﻘﺪﻣﻴﺮﻱ ﻭﺍﺵ ﻣﻮﺍﻓﻘﺔ ﻋﻠﻰ ﺳﻌﺪ ﺑﻦ ﻣﺤﻤﺪ ﺑﻦ ﻳﻮﺳﻒ ﺍﻟﻌﻤﺮﺍﻧﻲ ﺯﻭﺟﺎ ﻟﻚ ﻋﻦ ﻃﻴﺐ ﺧﺎﻃﺮ ﻭﺑﺪﻭﻥ ﺇﻛﺮﺍﻩ؟ ﻓﺎﻃﻤﺔ ﻟﺴﺎﻧﻬﺎ ﺗﻌﻘﺪ ﻭﻣﺎ ﻋﺮﻓﺎﺗﺶ ﺑﺎﺵ ﺗﺮﺩ ﻫﺰﺍﺕ ﻋﻴﻨﻬﺎ ﻑ ﻣﺤﻤﺪ ﻛﺎﻥ ﻣﺒﺘﺴﻢ ﻭﺷﺎﻓﺖ ﻑ ﺳﻌﺪ ﻟﻠﻤﺮﺓ ﺍﻷﻭﻟﻰ ﻛﺎﻥ ﻋﺎﻗﺪ ﺣﺠﺒﺎﻧﻮ ﻭﺳﺎﺧﻂ ﻋﻠﻰ ﺍﻟﻮﺿﻌﻴﺔ ﺑﺘﺴﻤﺎﺕ ﻭﻗﺎﻟﺖ ﻣﻊ ﻧﻔﺴﻬﺎ ﻫﺬﺍ ﺍﻛﺒﺮ ﻋﻘﺎﺏ ﻟﻴﻪ ‏) ﻓﺎﻃﻤﺔ : ﻣﻮﺍﻓﻘﺔ ﺍﻟﻌﺪﻭﻝ : ﺳﻌﺪ ﺑﻦ ﻣﺤﻤﺪ ﺑﻦ ﻳﻮﺳﻒ ﺍﻟﻌﻤﺮﺍﻧﻲ ﻭﺍﺵ ﻣﻮﺍﻓﻖ ﻋﻠﻰ ﻓﺎﻃﻤﺔ ﺑﻨﺖ ﻣﺤﻤﺪ ﺑﻦ ﻟﺤﺴﻦ ﺍﻟﻘﺪﻣﻴﺮﻱ ﺯﻭﺍﺟﺔ ﻟﻴﻚ ﻭﺑﺪﻭﻥ ﺇﻛﺮﺍﻩ؟ ﺳﻌﺪ : ﻣﻮﺍﻓﻖ ﺍﻟﻌﺪﻭﻝ : ﻣﺤﻤﺪ ﺑﻦ ﺍﻟﺤﺴﻦ ﺍﻟﻘﺪﻣﻴﺮﻱ ﻭﺍﺵ ﻋﻠﻰ ﻫﺎﺩ ﺯﻭﺍﺝ؟ ﻣﺤﻤﺪ : ‏( ﺑﺘﺴﻢ ‏) ﻃﺒﻌﺎ ﻣﻮﺍﻓﻖ ﺍﻟﻠﻪ ﻳﻜﻤﻞ ﻋﻠﻴﻬﻢ ﺑﺎﻟﺨﻴﺮ ﻭﻳﺮﺯﻗﻬﻢ ﺍﻟﺬﺭﻳﺔ ﺍﻟﺼﺎﻟﺤﺔ

146_ﻭﻗﻌﺎﺕ ﻓﺎﻃﻤﺔ ﻋﻠﻰ ﺍﻟﻌﻘﺪ ﻭﻭﻗﻊ ﻭﺭﺍﻫﺎ ﺳﻌﺪ ﻭﻣﻦ ﺑﻌﺪ ﻭﻗﻊ ﻗﻴﺲ ﻭﺭﺷﻴﺪ ﺑﺼﻔﺘﻬﻢ ﺷﻬﻮﺩ ﺑﺎﺭﻙ ﻟﻴﻬﻢ ﺍﻟﻌﺪﻭﻝ ﺍﻟﺰﻭﺍﺝ ﻭﺗﻤﻨﻰ ﻟﻴﻬﻢ ﺣﻴﺎﺓ ﺯﻭﺟﻴﺔ ﺳﻌﻴﺪﺓ ﺧﺮﺟﻮﺍ ﻣﻦ ﻣﻜﺘﺐ ﺍﻟﻌﺪﻭﻝ ﻭﺗﻮﺟﻬﻮﺍ ﻟﻔﻴﻼ ﻛﺎﻧﺖ ﻣﺮﻳﻢ ﻭﺑﻬﻴﺠﺔ ﻭﺑﺸﺮﻯ ﻭﺯﻳﻨﺐ ﻭﺍﻓﻨﺎﻥ ﻭﺳﻤﻴﺮﺓ ﻏﻴﺮ ﺩﺧﻠﻮﺍ ﺯﻏﺮﺗﺎﺕ ﺑﻬﻴﺠﺔ ﻭﺑﺸﺮﻯ ﺳﺘﻘﺒﻠﻬﻢ ﺑﺎﻟﺜﻤﺮ ﻭﺍﻟﺤﻠﻴﺐ ﻧﻌﻴﻤﺔ ﺭﻓﻌﺎﺕ ﻋﻴﻨﻴﻬﺎ ﻑ ﺑﺸﺮﻯ ﻭﻧﺰﻻﺕ ﺭﺃﺳﻬﺎ ﻣﻦ ﺍﻟﺨﺠﻞ ﻣﺎ ﻗﺪﺭﺍﺗﺶ ﺗﺸﻮﻑ ﻑ ﻋﻴﻨﻬﺎ ﺭﺣﺒﺎﺕ ﺑﻴﻬﻢ ﺑﺸﺮﻯ ﺟﻠﺴﻮﺍ ﻓﺎﻟﺼﺎﻟﺔ ﻛﺎﻧﺖ ﻃﺎﻟﻘﺔ ﻣﻮﺳﻴﻘﻰ ﺍﻧﺪﻟﺴﻴﺔ ﻭﻻﺑﺴﻪ ﺗﻜﺸﻴﻄﺔ ﻓﺎﻟﺒﻮﻏﺪﻭ ﻭﺑﻬﻴﺠﺔ ﺗﻜﺸﻴﻄﺔ ﻓﺎﻟﺼﻮﻣﻮ ﻭﻣﺮﻳﻢ ﺗﻜﺸﻴﻄﺔ ﻓﺎﻟﻐﻮﺯ ﻭﺍﻟﺒﺎﺝ ﻭﺯﻳﻨﺐ ﻗﻔﻄﺎﻥ ﻣﺎﺭﻭ ﻭﺳﻤﻴﺮﺓ ﺗﻜﺸﻴﻄﺔ ﻑ ﺍﻷﺯﺭﻕ ﻭﺍﻓﻨﺎﻥ ﻓﺴﺘﺎﻥ ﻓﻮﻕ ﺍﻟﺮﻛﺒﺔ ﻓﺎﻟﻤﻮﻃﺎﻏﺪ ﻓﺎﻃﻤﺔ ﻛﺎﻧﺖ ﻻﺑﺴﺔ ﺟﻼﺑﺔ ﻓﺎﻟﺒﻴﺾ ﺑﻘﻔﻄﺎﻧﻬﺎ ﻭﻧﻌﻴﻤﺔ ﻗﻔﻄﺎﻥ ﻓﺎﻟﺘﺮﻛﻮﺍ ﺑﺸﺮﻯ : ﻣﺒﺎﺭﻙ ﻭﻣﺴﻌﻮﺩ ﺑﺮﻓﺎﻩ ﻭﺍﻟﺒﻨﻴﻦ ﺍﻥ ﺷﺎﺀ ﺍﻟﻠﻪ ﺯﻳﻨﺐ : ﺍﻟﻠﻪ ﻳﺒﺎﺭﻙ ﻓﻴﻚ ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺑﻬﻴﺠﺔ : ﻓﻴﻦ ﻫﻮ ﺭﺷﻴﺪ؟ ﻣﺤﻤﺪ : ﺗﺎﺻﻞ ﺑﻴﻪ ﺷﻲ ﺣﺪ ﺷﻮﻳﺔ ﻭﻳﺠﻲ ﺟﻠﺴﻮﺍ ﻛﺎﻳﻀﺤﻜﻮ ﻣﻊ ﺑﻌﻀﻬﻢ ﻭﻳﺪﺭﺩﺷﻮ ﻃﻠﻌﺎﺕ ﺑﺸﺮﻯ ﺗﺼﻠﻲ ﻭﻟﺤﻘﺎﺕ ﻋﻠﻴﻬﺎ ﻧﻌﻴﻤﺔ ﻗﺒﻞ ﻣﺎ ﺩﺧﻞ ﻟﻐﺮﻓﺘﻬﺎ ﻭﻗﻔﺎﺗﻬﺎ ﻧﻌﻴﻤﺔ : ﻣﺎﻋﻨﺪﻳﺶ ﺍﻟﻮﺟﻪ ﻟﻲ ﻳﺸﻮﻑ ﻓﻴﻚ ﺧﻴﺮﻙ ﻋﻤﺮﻱ ﻧﻨﺴﺎﻩ ﻭﺍﺧﺎ ﻏﻠﻄﺖ ﻓﺘﺤﺘﻲ ﺑﺎﺑﻚ ﻓﻮﺟﻪ ﻭﻟﺪﻱ ﺑﺸﺮﻯ : ﻛﻠﻨﺎ ﻛﺎﻧﺨﻄﺄﻭ ﻭﺧﻴﺮ ﻟﻲ ﻛﺎﻳﺨﻄﺄ ﺍﻟﺜﻮﺍﺏ ﻟﻲ ﻛﺎﻳﺘﻮﺏ ﻭﻳﺴﺘﻐﻔﺮ ﺍﻟﻠﻪ ﻧﻌﻴﻤﺔ : ﻛﻨﺖ ﺻﻐﻴﺮ 19 ﺳﻨﺔ ﻛﺎﻥ ﻋﻘﻠﻲ ﻃﺎﻳﺶ ﻭﺃﻭﻝ ﻣﺮﺓ ﻳﺪﻕ ﺍﻟﺤﺐ ﺑﺎﺑﻲ ﻭﻭﻟﺪﺕ ﻋﻠﻰ 20 ﻛﻦ ﻛﺎﻥ ﻋﻨﺪﻱ ﺍﻟﻌﻘﻞ ﻋﻤﺮﻱ ﻣﺎ ﻛﻨﺖ ﻧﺪﺧﻞ ﺑﻴﻨﻚ ﻭﺑﻴﻨﻮ ﺑﺸﺮﻯ : ﻫﺎﻧﺘﻲ ﻗﻠﺘﻴﻬﺎ ﻛﻨﺘﻲ ﺑﻨﺖ 19 ﻳﻌﻨﻲ ﻋﻘﻞ ﻃﺎﻳﺶ ﻭﻫﻮ ﺍﻟﻠﻪ ﻳﺮﺣﻤﻮ ﺣﻨﺎ ﻭﻻﺩ ﺍﻟﻴﻮﻡ ﻭﻧﺘﻲ ﻣﺎ ﺍﺩﺗﻴﻨﻲ ﻑ ﻭﺍﻟﻮ ﺑﺎﻟﻌﻜﺲ ﺍﺩﻳﺘﻲ ﻧﻔﺴﻚ ﻭﻭﻟﺪﻙ ﻭﺍﻧﺎ ﻛﺎﻧﺸﻜﺮﻙ ﺑﻔﻀﻞ ﺍﻟﻠﻪ ﻭﺑﻔﻀﻠﻚ ﻭﻟﺪﻱ ﻋﻨﺪﻭ ﺍﺥ ﻭﺭﺍﺟﻞ ﻏﺎﻳﻜﻮﻥ ﺩﻳﻤﺎ ﻑ ﺟﻨﺒﻮ

147_ﻧﻌﻴﻤﺔ ﺿﻤﺎﺗﻬﺎ ﺭﺑﻲ ﻳﺨﻠﻴﻚ ﻭﺍﻟﻠﻪ ﻳﺠﻤﻊ ﺷﻤﻠﻬﻢ ﻭﻳﺤﻨﻦ ﻗﻠﻮﺑﻬﻢ ﻋﻠﻰ ﺑﻌﻀﻬﻢ ﺑﺸﺮﻯ : ﺍﻟﻠﻬﻢ ﺍﻣﻴﻦ ﺻﻼﺕ ﺑﺸﺮﻯ ﻭﻧﺰﻻﺕ ﻋﻨﺪﻫﻢ ﺩﻭﺯﻭ ﺍﻟﻨﻬﺎﺭ ﻣﺠﻤﻮﻋﻴﻦ ﻭﻭﺻﻞ ﺍﻟﻴﻞ ﻣﺮﻳﻢ ﻭﺑﻬﻴﺠﺔ ﻟﻲ ﺗﻜﻠﻔﻮ ﺑﺎﻟﻌﺸﺎ ﺑﺸﺮﻯ : ﺍﻣﻤﻤﻤﻤﻤﻢ ﺗﺒﺎﺭﻙ ﺍﻟﻠﻪ ﻋﻠﻴﻜﻢ ﺭﻳﺤﺔ ﺍﻟﻄﻴﺎﺏ ﻭﺻﻼﺕ ﺣﺘﻰ ﻟﻬﻨﺎ ﻧﻌﻴﻤﺔ : ﺭﻳﺤﺔ ﺍﻟﺪﺟﺎﺝ ﻏﺰﺍﻟﺔ ﺍﻟﻠﻪ ﻳﻌﻄﻴﻜﻢ ﺍﻟﺼﺤﺔ ﻏﻴﺮ ﻣﻦ ﺭﻳﺤﺔ ﺷﺒﻌﻨﺎ ﻫﻬﻬﻬﻪ ﺑﺸﺮﻯ : ﻣﺮﺍﺕ ﻭﻟﺪﻱ ﺗﺒﺎﺭﻙ ﺍﻟﻠﻪ ﻋﻠﻴﻬﺎ ﻋﺮﻓﺖ ﺍﺵ ﺩﻳﺖ ﻫﻬﻬﻬﻪ ﺑﻬﻴﺠﺔ : ﺍﻟﻠﻪ ﻳﺴﻤﺢ ﻟﻴﻚ ﺍﺧﺎﻟﺘﻲ ﻭﺍﻧﺎ ﺷﻜﻮﻥ ﻳﺸﻜﺮﻧﻲ ﺑﺸﺮﻯ : ﻧﺘﻲ ﺍﻟﺨﻴﺮ ﻭﺍﻟﺒﺮﻛﺔ ﺯﻳﻨﺐ : ﺍﻟﻠﻪ ﻳﺮﺿﻲ ﻋﻠﻴﻬﻢ ﺩﻳﻤﺎ ﺷﻘﺎﻫﻢ ﻣﺘﻮﻝ ﺑﻬﻴﺠﺔ : ﻟﻠﻪ ﻳﺨﻠﻴﻜﻢ ﻟﻴﻨﺎ ﺑﺸﺮﻯ : ﺍﻣﻴﻦ ﻭﻳﺨﻠﻴﻜﻢ ﺳﻤﻴﺮﺓ ﻣﺎ ﺳﻤﻌﻨﺎﺵ ﺻﻮﺗﻚ ﺣﺸﻤﺎﻧﺔ ﻫﻬﻬﻪ ﺳﻤﻴﺮﺓ : ﺩﺍﺭ ﺩﺍﺭﻱ ﻭﺍﻧﺘﻤﺎ ﻧﺎﺳﻲ ﻣﺎﻋﻨﺪﻱ ﻻﺵ ﻧﺤﺸﻢ ﻏﻴﺮ ﻛﺎﻧﺴﻤﻊ ﻟﻴﻜﻢ ﺣﻤﺰﺓ : ﻣﺎﻣﺎ ﻓﻴﺎ ﺣﺮﻳﻖ ﺍﻟﺒﻮﻝ ﺳﻤﻴﺮﺓ ‏( ﻃﻠﻌﺎﺕ ﻣﻌﺎﻫﺎ ﺑﻘﺮﺻﺔ ‏) ﻗﻮﻝ ﺑﻴﺒﻲ ﺯﻳﺪ ﻗﺪﺍﻣﻲ ﺑﺸﺮﻯ : ﺍﺵ ﺑﻐﻴﺘﻲ ﻋﻨﺪﻭ ﻣﺴﻜﻴﻦ ﻫﻬﻪ ﻃﻮﺍﻟﻴﻂ ﻋﻠﻰ ﻳﺪﻙ ﻟﻴﺴﺮ ﻓﺎﺧﺮ ﺍﻟﻤﻤﺮ ﺳﻤﻴﺮﺓ : ﻭﺍﺧﺎ ﺷﻜﺮﺍ ﺑﻬﻴﺠﺔ : ﻣﺮﻳﻢ ﺭﺍﻩ ﺍﻟﻴﻤﻮﻥ ﻋﺼﺮﺗﻮ ﻟﻴﻚ ﻭﺑﻼ ﺳﻜﺮ ﻛﻴﻒ ﻛﺎﺗﺒﻐﻴﻪ ﺳﻴﺮﻱ ﺷﺮﺑﻴﻪ ﻣﺮﻳﻢ : ﻭﺍﺧﺎ ﻟﻬﻼ ﻳﺨﻄﻴﻚ ﻣﺸﺎﺕ ﺳﻤﻴﺮﺓ ﻣﻊ ﻭﻟﺪﻫﺎ ﻟﻄﻮﺍﻟﻴﻂ ﺳﻤﻌﺎﺕ ﻛﻼﻡ ﺑﻬﻴﺠﺔ ﻭﻗﺎﻟﺖ ﻫﺎﺩﻱ ﻫﻲ ﺍﻟﻔﺮﺻﺔ ﺩﺧﻼﺕ ﺣﻤﺰﺓ ﻟﻄﻮﺍﻟﻴﻂ ﻭﺩﺍﺯﺕ ﻟﻠﻤﻄﺒﺦ ﺷﺎﻓﺖ ﻛﺄﺱ ﺍﻟﻴﻤﻮﻥ ﺟﺒﺪﺍﺕ ﻗﺮﻋﺔ ﺻﻐﻴﺮﺓ ﻣﻦ ﺻﺪﺭﻫﺎ ﻭﺧﻮﺍﺕ ﺍﻟﺴﺎﺋﻞ ﻟﻲ ﻓﻴﻬﺎ ﻋﺒﺎﺭﺓ ﻋﻦ ﺃﻋﺸﺎﺏ ﺳﺎﻣﺔ ﻣﺮﻗﺪﺓ ﻓﺎﻟﻤﺎ ﺣﺮﻛﺎﺕ ﺍﻟﻜﺄﺱ ﺑﺎﻟﻤﻌﻠﻘﺔ ﻭﺧﺮﺟﺎﺕ ﻣﻦ ﺍﻟﻤﻄﺒﺦ ﺑﺴﺮﻋﺔ ﺩﺧﻼﺕ ﻭﺭﺍﻫﺎ ﻣﺮﻳﻢ ﺑﻼ ﻣﺎ ﺗﺮﺩ ﺍﻟﺒﺎﻝ ﻭﺷﺮﺑﺎﺕ ﺍﻟﻜﺄﺱ ﺩﻓﻌﺔ ﻭﺣﺪﺓ

ﺑﻌﺪ ﻣﺎ ﺷﺮﺑﺎﺕ ﺍﻟﻌﺼﻴﺮ ﺷﺎﻓﺖ ﺍﻟﻌﺸﺎ ﻓﻴﻦ ﻭﺻﻠﺘﻲ ﺑﻌﺪ ﺩﻗﺎﺋﻖ ﺍﻟﻌﺸﺎ ﻭﺟﺪ ﻭﺟﺪﻭ ﺍﻟﻄﺒﻠﺔ ﻭﺗﺠﻤﻌﻮ ﻋﻠﻴﻬﺎ ﻛﺎﻥ ﺍﻟﻜﻞ ﻓﺮﺣﺎﻥ ﻣﺎ ﻋﺎﺩ ﻓﺎﻃﻤﺔ ﻭﺳﻌﺪ ﻭﺳﻤﻴﺮﺓ ﻟﻲ ﻛﺎﻧﺖ ﻣﺮﺍﻗﺒﺔ ﺣﺮﻛﺎﺕ ﻣﺮﻳﻢ ﻗﺒﻞ ﻣﺎ ﺗﻜﻤﻞ ﻋﺸﺎﻫﺎ ﺣﺴﺎﺕ ﺑﺄﻟﻢ ﻓﺎﻟﺮﺣﻢ ﺩﻳﺎﻟﻬﺎ ﻣﺎ ﻗﺪﺭﺍﺗﺶ ﺗﺼﺒﺮ ﻭﻏﻮﺗﺎﺕ ﻛﻠﺸﻲ ﺷﺎﻑ ﻓﻴﻬﺎ ﻭﻗﻔﺎﺕ ﻭﺣﻄﺎﺕ ﻳﺪﻫﺎ ﺗﺤﺖ ﺃﺳﻔﻞ ﺍﻟﺒﻄﻦ ﺣﺴﺎﺕ ﺗﺤﺖ ﻣﻨﻬﺎ ﻓﺎﺯ g ﻭﻗﻒ ﻗﻴﺲ ﻭﺷﺪ ﻟﻴﻬﺎ ﻓﻴﺪﻫﺎ ﻗﻴﺲ : ﻣﺎﻟﻚ ؟ ﺑﺸﺮﻯ : ﻣﺎﻟﻚ ﺍﺑﻨﺘﻲ ﻧﺘﻲ ﻓﻌﺎﺭ ﺍﻟﻠﻪ ﻣﺮﻳﻢ : ‏( ﺑﺼﻮﺕ ﻣﻨﺨﻔﺾ ‏) ﺍﻟﻮﺟﻊ ﺑﺰﺍﺍﺍﺍﻑ ﻫﺊ ﻫﺊ ﻓﺎﻃﻤﺔ : ‏( ﺑﺼﻮﺕ ﻋﺎﻟﻲ ﺃﺷﺎﺭﺕ ﻟﻤﺮﻳﻢ ‏) ﺍﻟﺪﻡ ﺍﻟﺪﻡ ﻛﺎﻥ ﺩﻡ ﻧﺎﺯﻝ ﺑﻴﻦ ﺭﺟﻠﻴﻬﺎ ﻫﺰﻫﺎ ﻗﻴﺲ ﺑﻴﻦ ﺩﺭﺍﻋﻮ ﻭﺧﺮﺝ ﺑﺴﺮﻋﺔ ﻣﻦ ﺍﻟﻔﻴﻼ ﺣﻄﻬﺎ ﻑ ﺍﻟﺴﻴﺎﺭﺓ ﻃﻠﻊ ﻣﻌﺎﻩ ﻣﺤﻤﺪ ﻭﺭﺷﻴﺪ ﻭﺑﻬﻴﺠﺔ ﻣﺸﻰ ﻟﻠﻤﺴﺘﺸﻔﻰ ﺑﺄﻗﺼﻰ ﺳﺮﻋﺔ ﺧﻠﻰ ﺍﻟﺒﻘﻴﺔ ﻓﺎﻟﺪﺍﺭ ﻗﻠﺒﻬﻢ ﻏﺎﻳﺴﻜﺖ ﻣﻦ ﺍﻟﺨﻮﻑ ﻣﻦ ﻏﻴﺮ ﺳﻤﻴﺮﺓ ﻟﻲ ﻛﺎﻧﺖ ﻓﺮﺣﺎﻧﺔ ﺑﺎﻻﻧﺠﺎﺯ ﺳﻌﺪ ﺧﺮﺝ ﻣﻦ ﺍﻟﻔﻴﻼ ﻭﻣﺸﻰ ﻋﻨﺪ ﺻﺤﺎﺑﻮ ﻧﺴﺎﺣﺒﺎﺕ ﺳﻤﻴﺮﺓ ﻭﺧﺮﺟﺎﺕ ﻟﺠﺮﺩﺓ ﺧﺪﺍﺕ ﺗﻠﻔﻮﻧﻬﺎ ﻭﺗﺎﺻﺎﻻﺕ ﺏ ﺃﺯﻫﺎﺭ ﺃﺯﻫﺎﺭ : ﺍﻟﻮﻭ ﺳﻤﻴﺮﺓ : ﺍﻟﻤﻬﻤﺔ ﺗﻤﺖ ﺑﻨﺠﺎﺡ ﻓﻠﻮﺳﻲ ﻏﺪﺍ ﻳﻜﻮﻧﻮ ﻋﻨﺪﻱ ﻭﺍﻟﻰ ﻓﻜﺮﺗﻲ ﺿﺤﻜﻲ ﻋﻠﻴﺎ ﻏﺎﻧﻔﻀﺤﻚ ﺃﺯﻫﺎﺭ : ﻭﺍﺵ ﺑﺼﺢ ﻗﺪﺭﺗﻲ ﺗﻨﻔﺪﻱ ﻫﻬﻬﻬﻬﻪ ﻣﺎﻣﺼﺪﻗﺎﺵ ﺑﺮﺍﺍﺍﺍﻓﻮ ﻋﻠﻴﻚ ..

149_ﺑﺸﺮﻯ : ﺍﻧﺎ ﻣﺎ ﻗﺎﺩﺭﺵ ﻧﺘﺴﻨﻰ ﻛﺘﺮ ﻗﻠﺒﻲ ﻏﺎﻳﺴﻜﺖ ﻣﻦ ﺍﻟﺨﻮﻑ ﻓﺎﻃﻤﺔ : ﺣﺘﻰ ﺍﻧﺎ ﻣﺎﺑﻘﻴﺘﺶ ﻗﺎﺩﺭﺓ ﻳﺎﻻ ﻧﻠﺤﻘﻮ ﻋﻠﻴﻬﻢ ﺯﻳﻨﺐ : ﺑﻼﺗﻲ ﻣﺤﻤﺪ ﻛﺎﻳﺘﺎﺻﻞ ﻣﺤﻤﺪ : ﺍﻟﻮﻭ ﺯﻳﻨﺐ : ﺧﺒﺎﺭ ﺍﻟﺨﻴﺮ ﺍﻥ ﺷﺎﺀ ﺍﻟﻠﻪ ﻣﺤﻤﺪ : ﺭﺍﻩ ﻣﺰﺍﻝ ﻣﺎ ﺷﻔﻨﺎﻫﺎ ﺩﺧﻠﻮﻫﺎ ﻟﻮﺍﺣﺪ ﺍﻟﻘﺎﻋﺔ ﻭﻣﺰﺍﻝ ﻣﺎ ﺧﺮﺝ ﻋﻨﺪﻧﺎ ﺍﻟﻄﺒﻴﺐ ﻋﺮﻓﺘﻜﻢ ﻣﺎ ﻗﺎﺩﺭﻳﻨﺶ ﺗﺼﺒﺮﻭ ﻏﻴﺮ ﺻﺒﺮﻭ ﺍﻧﺎ ﻣﻦ ﺩﺍﺑﺎ ﺷﻮﻳﺔ ﻭﻧﺘﺎﺻﻞ ﺑﻼ ﻣﺎ ﺗﺠﻴﻮ ﻓﻬﺎﺩ ﺍﻟﻴﻞ ‏( ﺧﺪﺍﺕ ﻟﻴﻬﺎ ﺑﺸﺮﻯ ﺗﻠﻔﻮﻥ ‏) ﺑﺸﺮﻯ : ﻭﺍﺵ ﻣﺎﺷﻔﺘﻮﻫﺎﺵ ﻣﺎ ﻗﺎﻟﻮﺵ ﻟﻴﻜﻢ ﺷﻨﻮ ﺳﺒﺐ ﺣﺘﻰ ﻧﺰﻓﺎﺕ؟ ﻣﺤﻤﺪ : ﻣﺰﺍﻝ ﻣﺎ ﻫﻀﺮ ﻣﻌﺎﻧﺎ ﺣﺘﻰ ﻭﺍﺣﺪ ‏( ﺷﺎﻑ ﻗﻴﺲ ﻣﻊ ﺍﻟﺪﻛﺘﻮﺭ ‏) ﺗﺴﻨﺎﻱ ﺗﺴﻨﺎﻱ ﻫﺎﻫﻮ ﻗﻴﺲ ﻛﺎﻳﻬﻀﺮ ﻣﻊ ﺍﻟﺪﻛﺘﻮﺭ ﺑﺸﺮﻯ : ﺍﻟﻠﻪ ﻳﺨﻠﻴﻚ ﺟﺮﻱ ﻭﻗﻒ ﺣﺪﺍﻫﻢ ﻭﺧﻠﻲ ﺍﻟﺨﻂ ﺩﺍﻳﺰ ﺑﺎﺵ ﻧﺴﻤﻊ ﻣﺤﻤﺪ : ﻭﺍﺧﺎ ﻗﻴﺲ : ﻛﻴﻒ ﺑﻘﺎﺕ؟ ﺍﻟﺪﻛﺘﻮﺭﺓ : ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻬﺎ ﻗﺪﺭﻧﺎ ﻧﻘﺪﻭ ﺍﻟﺠﻨﻴﻦ ﻓﺎﺧﺮ ﻟﺤﻈﺔ ﻭﻟﻜﻦ ﻣﺰﺍﻝ ﺗﺤﺖ ﺍﻟﺨﻄﺮ ﻳﻘﺪﺭ ﻳﻨﺰﻝ ﻓﺄﻱ ﻟﺤﻈﺔ ﻛﺬﻟﻚ ﻧﺰﻓﺎﺕ ﺑﺰﺍﻑ ﻭﻋﻄﻨﺎﻫﺎ ﺍﻟﺪﻡ ﻭﻗﺪﺭﻧﺎ ﻧﻮﻗﻔﻮ ﺍﻟﻨﺰﻳﻒ ﻻﺯﻣﻬﺎ ﺍﻟﺮﺍﺍﺍﺍﺣﺔ ﻭﻣﺎﺗﻌﺒﺶ ﻧﻔﺴﻬﺎ ﻋﻠﻰ ﺍﻷﻗﻞ ﻏﻴﺮ ﻓﻬﺎﺩ ﺍﻷﺷﻬﺮ ﺍﻷﻭﻟﻰ ﻏﻴﺮ ﺣﺘﻰ ﻳﺎﺧﺪ ﺍﻟﺠﻨﻴﻦ ﻣﻜﺎﻧﻮ ﻭﻳﺘﻜﻮﻥ ﻗﻴﺲ : ﺷﻨﻮ ﺳﺒﺐ ﺣﺘﻰ ﻧﺰﻓﺎﺕ ؟ ﺍﻟﺪﻛﺘﻮﺭﺓ : ﺍﻟﻄﻮﻧﺴﻴﻮ ﻛﺎﻥ ﻧﺎﺯﻝ ﺑﺰﺍﻑ ﻧﺰﻝ ﻋﻠﻰ ﺍﻟﺒﻴﺒﻲ ﻭﻫﻮ ﻟﻲ ﺩﺍﺭ ﻟﻴﻬﺎ ﻧﺰﻳﻒ ﻗﻴﺲ : ﻧﻘﺪﺭ ﻧﺎﺧﺪﻫﺎ ﺩﺍﺑﺎ؟ ﺍﻟﺪﻛﺘﻮﺭﺓ : ﻻ ﻏﺎﺗﺒﻘﻰ ﻋﻨﺪﻧﺎ ﻫﺎﺩ ﺍﻟﻴﻠﻪ ﺗﺤﺖ ﺍﻟﻤﺮﺍﻗﺒﺔ ﻏﺪﺍ ﺍﻥ ﺷﺎﺀ ﺍﻟﻠﻪ ﺗﻘﺪﺭ ﺗﺎﺧﺪﻫﺎ ﻣﺤﻤﺪ : ﺳﻤﻌﺘﻲ ﺍﻟﺤﺎﺟﺔ ﺍﻟﺤﻤﺪ ﻟﻠﻪ ﻭﻟﺪﻛﻢ ﻭﻟﺪ ﺍﻟﺪﻧﻴﺎ ﻭﻣﻜﺘﺐ ﻟﻴﻪ ﺍﻟﻠﻪ ﻳﻌﻴﺶ ﺍﻥ ﺷﺎﺀ ﺍﻟﻠﻪ ﺑﺸﺮﻯ ‏( ﺗﻨﻬﺪﺍﺕ ‏) ﺍﻟﺤﻤﺪ ﻟﻠﻪ ﺣﻤﺪﺍ ﻛﺜﻴﺮﺍ ﺷﻜﺮﺍ ﺍﺳﻲ ﻣﺤﻤﺪ ﻗﻄﻊ ﺍﻻﺗﺼﺎﻝ ﻭﺩﺧﻞ ﻣﻌﺎﻫﻢ ﺷﺎﻓﻮ ﻣﺮﻳﻢ ﺑﻬﻴﺠﺔ : ‏( ﺑﺎﺳﺘﻬﺎ ‏) ﻋﻠﻰ ﺳﻼﻣﺘﻚ ﻣﺮﻳﻢ : ﺍﻟﻠﻪ ﻳﺴﻠﻤﻚ ﻣﺤﻤﺪ : ﻋﻠﻰ ﺳﻼﻣﺘﻚ ﺍﺑﻨﺘﻲ ﻣﺮﻳﻢ : ﺍﻟﻠﻪ ﻳﺴﻠﻤﻚ ﺍﺧﺎﻟﻲ ﺑﻬﻴﺠﺔ : ﻧﺘﻤﺎ ﻏﻴﺮ ﺳﻴﺮﻭ ﺭﺗﺎﺣﻮ ﺍﻧﺎ ﻏﺎﻧﺒﺎﺕ ﻣﻌﺎﻫﺎ ﻣﺤﻤﺪ : ﻭﺍﺧﺎ ﺍﻟﻠﻪ ﻳﺮﺿﻲ ﻋﻠﻴﻚ ﺑﻬﻴﺠﺔ : ‏( ﺗﻜﻠﻤﺎﺕ ﺑﻴﻨﻬﺎ ﻭﺑﻴﻦ ﻗﻴﺲ ‏) ﻏﺎﻳﺨﺼﻬﺎ ﺑﻴﺠﺎﻣﺔ ﻭﺍﻟﻤﻼﺑﺲ ﺍﻟﺪﺍﺧﻠﻴﺔ ﺣﻮﺍﻳﺠﻬﺎ ﻋﻤﺮﻭ ﺑﺎﻟﺪﻡ ﻗﻴﺲ : ﻭﺍﺧﺎ ﺍﻧﺎ ﻏﺎﻧﺠﻴﺐ ﻟﻴﻬﺎ ﺧﺮﺟﻮﺍ ﻣﻦ ﻋﻨﺪﻫﺎ ﻭﺻﻠﻬﻢ ﻟﺪﺍﺭ ﻭﻃﻠﻊ ﻟﻐﺮﻓﺘﻮ ﻓﺘﺢ ﺍﻟﺨﺰﺍﻧﺔ ﻭﺧﺪﺍ ﻣﻨﻬﺎ ﺍﻟﻤﻼﺑﺲ ﺍﻟﺪﺍﺧﻠﻴﺔ ﻭﺑﻴﺠﺎﻣﺔ

150_ﺩﺍﺭﻫﻢ ﻓﺎﻟﺼﺎﻙ ‏( ﺍﻟﺤﻘﻴﺒﺔ ‏) ﻭﺧﺪﺍ ﺍﻟﻤﺎﻧﻄﺔ ﻭﻧﺰﻝ ﻟﻄﺎﺑﻖ ﺍﻟﺴﻔﻠﻲ ﺑﺸﺮﻯ : ﺗﺴﻨﻰ ﻧﻤﺸﻲ ﻣﻌﺎﻙ ﻗﻴﺲ : ﻣﺎ ﻛﺎﻳﻦ ﻻﺵ ﻏﺪﺍ ﺍﻥ ﺷﺎﺀ ﺍﻟﻠﻪ ﻏﺎﻧﺠﻴﺒﻬﺎ ﺑﻬﻴﺠﺔ ﻏﺎﺗﺒﺎﺕ ﻣﻌﺎﻫﺎ ﻭﻏﺎﺗﻬﺘﻢ ﺑﻴﻬﺎ ﺑﺸﺮﻯ : ﻭﺍﺧﺎ ﺍﻟﻠﻪ ﻳﺮﺿﻲ ﻋﻠﻴﻬﺎ ﺧﺮﺝ ﻣﻦ ﺍﻟﺪﺍﺭ ﻭﻃﻠﻊ ﻑ ﺳﻴﺎﺭﺗﻮ ﻭﺗﻮﺟﻪ ﻟﻤﺴﺘﺸﻔﻰ ﺳﻤﻴﺮﺓ ﻗﻠﺒﻬﺎ ﻛﺎﻥ ﻏﺎﻃﺮﻃﻖ ﺑﺎﻟﻔﻘﺼﺔ ﻛﻴﻔﺎﺵ ﺣﺘﻰ ﻧﻘﺪﻭ ﺍﻟﺠﻨﻴﻦ ﺩﺍﺑﺎ ﺍﻟﻔﻠﻮﺱ ﻏﺎﻳﻀﻴﻌﻮ ﻟﻴﻬﺎ ﻭﺻﻞ ﻟﻤﺴﺘﺸﻔﻰ ﺩﺧﻞ ﻟﻴﻬﻢ ﺍﻟﺤﻮﺍﻳﺞ ﻭﺍﻟﻌﺸﺎ ﺧﺪﺍﻩ ﻣﻦ ﺍﻟﻤﻄﻌﻢ ﺣﻴﺖ ﻣﺎ ﻛﻤﻠﻮﺵ ﻋﺸﺎﻫﻢ ﺭﺟﻊ ﻟﻔﻴﻼ ﻭﻃﻠﻊ ﻟﻐﺮﻓﺘﻮ ﻭﺻﻠﻮﺍ ﺗﺼﺎﻝ ﻣﻦ ﻋﻨﺪ ﺃﺯﻫﺎﺭ ﺗﺠﺎﻫﻞ ﺗﺼﺎﻟﻬﺎ ﻭﻧﻌﺲ *** ﺃﺻﺒﺤﻨﺎ ﻭﺃﺻﺒﺢ ﺍﻟﻤﻠﻚ ﻟﻠﻪ *** ﻓﺎﻕ ﻗﻴﺲ ﻣﺒﻜﺮ ﺻﻠﻰ ﺍﻟﺼﺒﺢ ﻭﻟﺒﺲ ﺣﻮﺍﻳﺠﻮ ﻭﻧﺰﻝ ﺧﺪﺍ ﻛﺄﺱ ﺍﻟﻘﻬﻮﺓ ﻭﺧﺮﺝ ﻗﺒﻞ ﻣﺎ ﺗﻔﻴﻖ ﺑﺸﺮﻯ ﺗﻮﺟﻪ ﺍﻟﻤﺴﺘﺸﻔﻰ ﺗﻜﻠﻢ ﻣﻊ ﺍﻟﺪﻛﺘﻮﺭ ﻟﻲ ﺭﺍﻗﺐ ﻣﺮﻳﻢ ﺗﻜﻠﻢ ﻟﻴﻪ ﻋﻠﻰ ﺣﺎﻟﺘﻬﺎ ﺍﻟﺼﺤﻴﺔ ﺩﺧﻞ ﻟﻐﺮﻓﺘﻬﺎ ﻛﺎﻧﺖ ﺟﺎﻫﺰﺓ ﻭﻛﺎﺗﺴﻨﻰ ﺣﻀﻮﺭﻭ ﻟﻘﻰ ﺍﻟﺴﻼﻡ ﻭﻋﻠﻤﻬﻢ ﺑﻠﻲ ﻏﺎﻳﺮﺟﻌﻮ ﻟﺪﺍﺭ ﻭﻗﻔﺎﺕ ﻣﺮﻳﻢ ﻭﺑﻬﻴﺠﺔ ﻻﺣﺖ ﻋﻠﻴﻬﺎ ﺍﻟﻜﺎﺏ ﻭﻟﺤﻘﺎﺕ ﻋﻠﻴﻪ ﺑﺮﻓﻘﺔ ﺑﻬﻴﺠﺔ ﺩﻓﻊ ﺗﻜﺎﻟﻴﻒ ﺍﻟﻤﺴﺘﺸﻔﻰ ﻭﺧﺮﺟﻮﺍ ﺭﺟﻌﻮﺍ ﻟﻔﻴﻼ ﻛﺎﻧﻮﺍ ﻛﻠﻬﻢ ﻛﺎﻳﻨﺘﺎﻇﺮﻭﻫﻢ ﺑﺸﺮﻯ ﻏﻴﺮ ﺷﺎﻓﺘﻬﺎ ﺑﺘﺎﺳﻤﺎﺕ ﺑﺸﺮﻯ : ﻋﻠﻰ ﺳﻼﻣﺘﻚ ﺍﺑﻨﺘﻲ ﻣﺮﻳﻢ : ‏( ﺳﻠﻤﺎﺕ ﻋﻠﻴﻬﺎ ‏) ﺍﻟﻠﻪ ﻳﺴﻠﻤﻚ ﻧﻌﻴﻤﺔ ‏( ﺿﻤﺎﺗﻬﺎ ‏) ﻋﻠﻰ ﺳﻼﻣﺘﻚ ﻣﺮﻳﻢ : ﺍﻟﻠﻪ ﻳﺴﻠﻤﻚ ﺍﺧﺎﻟﺘﻲ ﺯﻳﻨﺐ : ﻋﻠﻰ ﺳﻼﻣﺘﻚ ﺧﻮﻓﺘﻴﻨﺎ ﻋﻠﻴﻚ ﻣﺮﻳﻢ : ﺍﻟﻠﻪ ﻳﺴﻠﻤﻚ ﺳﻤﺤﻮﺍ ﻟﻴﺎ ﺷﻄﻨﺘﻜﻢ ﻣﻌﺎﻳﺎ ﺑﺸﺮﻯ : ﻭﻳﻠﻲ ﻋﻠﻰ ﺣﻤﻘﺔ ﺍﻟﺤﻤﺪ ﻟﻠﻪ ﺭﺑﻲ ﺷﺎﻑ ﻣﻦ ﺟﻴﻬﺘﻨﺎ ﻭﺭﺟﻌﻚ ﻟﻴﻨﺎ ﻓﺨﻴﺮ ‏( ﺣﻄﺎﺕ ﻳﺪﻫﺎ ﻋﻠﻰ ﺑﻄﻦ ﻣﺮﻳﻢ ‏) ﻭﺍﻟﺤﻤﺪ ﻟﻠﻪ ﻣﺰﺍﻝ ﻣﻜﺘﺎﺏ ﻟﻬﺎﺩ ﺍﻟﻮﻟﺪ ﻳﻌﻴﺶ ﻣﺮﻳﻢ : ﺍﻟﺤﻤﺪ ﻟﻠﻪ ﻓﺎﻃﻤﺔ : ‏( ﻋﻨﻘﺎﺗﻬﺎ ‏) ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻚ ﻣﺮﻳﻢ : ﺍﻟﻠﻪ ﻳﺴﻠﻤﻚ ﺑﺸﺮﻯ : ﺍﻟﻌﺠﺐ ﻛﻴﻔﺎﺵ ﻭﻗﻊ ﻫﺎﺩ ﺷﻲ ﻛﻨﺘﻲ ﺻﺤﺔ ﺳﻼﻡ ﻓﺮﻣﺸﺖ ﻋﻴﻦ ﻛﻠﺸﻲ ﺗﻘﻠﺐ ﻣﺮﻳﻢ : ﻣﺎ ﻋﺮﻓﺘﺶ ﺷﻨﻮ ﻭﻗﻊ ﻟﻴﺎ ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ

151_ﻧﻌﻴﻤﺔ ﻛﺎﻧﺖ ﺟﺎﻟﺴﺔ ﻋﻠﻰ ﺍﻋﺼﺎﺑﻬﺎ ﻭﺣﺸﻤﺎﻧﺔ ﻣﻦ ﻓﻌﺎﻳﻞ ﻭﻟﺪﻫﺎ ﻣﻦ ﺍﻟﺒﺎﺭﺡ ﻣﺎ ﺷﺎﻓﺘﻮ ﻣﺎﻋﺮﻓﺎﺕ ﻣﺎﺗﻘﻮﻝ ﻟﻴﻬﻢ ﺟﺎﺏ ﺍﻟﻠﻪ ﺗﺪﻫﺎﻭ ﻣﻊ ﻣﺮﻳﻢ ﻭﻣﺎﺩﺍﻫﺎ ﻓﻴﻪ ﺣﺪ ﻣﺤﻤﺪ : ‏( ﺑﺴﺘﻐﺮﺍﺏ ‏) ﻭﺍﺣﺪ ﺳﻌﺪ ﻣﺎ ﺑﺎﻧﺶ ﻣﻦ ﺍﻟﺒﺎﺭﺡ ‏( ﺷﺎﻑ ﻑ ﻓﺎﻃﻤﺔ ‏) ﻓﻴﻦ ﻫﻮ ﺭﺍﺟﻠﻚ؟ ﺩﺧﻞ ﻗﻴﺲ ﺑﺴﺮﻋﺔ ﻗﻴﺲ : ﻋﻨﺪﻱ ﺷﻲ ﺷﻐﻞ ﻭﺻﻴﻔﻄﺘﻮ ﺑﻼﺻﺘﻲ ﻛﻨﺖ ﻣﺸﻐﻮﻝ ﻣﻊ ﻣﺮﻳﻢ ﺯﻳﻨﺐ : ﺍﻟﻠﻪ ﻳﻌﺎﻭﻧﻮ ﻣﺤﻤﺪ : ﺍﻩ ﻋﻠﻴﻬﺎ ﻣﺎ ﺷﻔﻨﺎﻫﺶ ﺍﻟﻠﻪ ﻳﻌﺎﻭﻧﻮ ﻭﻳﺮﺿﻰ ﻋﻠﻴﻪ ﻧﻌﻴﻤﺔ ‏( ﺷﺎﻓﺖ ﻑ ﻗﻴﺲ ﺑﻤﺘﻨﺎﻥ ‏) ﺍﻣﻴﻦ ﺃﻧﻴﺲ : ﺗﺒﺎﺭﻙ ﺍﻟﻠﻪ ﻋﻠﻰ ﺍﻟﻌﺮﻳﺲ ﻫﻬﻬﻬﻬﻬﻪ ﻣﺮﻭﺍﻥ : ﻋﺮﻳﺲ ﺍﻟﻐﻔﻠﺔ ﺧﻠﻰ ﺍﻟﻤﺪﺍﻡ ﻓﺎﻟﻴﻞ ﻭﺟﺎﻱ ﻣﻘﺼﺮ ﻣﻌﺎﻧﺎ ﻫﻬﻬﻬﻬﻪ ﺃﻧﻴﺲ : ﻣﺎﺳﺨﺎﺵ ﺑﻴﻨﺎ ﺍﺻﺎﺣﺒﻲ ﺳﻌﺪ : ‏( ﻫﺰ ﻣﺨﺪﺓ ﻭﺿﺮﺏ ﺑﻴﻬﺎ ﻣﺮﻭﺍﻥ ‏) ﺳﻜﺖ ﻳﺎﻭﺟﻪ ﻟﺒﻼ ﺑﺴﺒﺎﺑﻚ ﺍﻧﺎ ﻭﺍﺣﻞ ﻛﻦ ﻣﺎ ﺩﺍﻙ ﺍﻟﺒﻼﻥ ﺍﻟﺨﺎﻭﻱ ﺩﻳﺎﻟﻚ ﻛﻦ ﻛﺎﻉ ﻣﺎ ﻧﻐﺮﻕ ﻣﺮﻭﺍﻥ : ﺍﻧﺖ ﻛﺘﺮﺗﻲ ﺣﺘﻰ ﺗﺒﻮﻗﺘﻲ ﻭﺧﺮﺝ ﻓﻴﻬﺎ ﺍﻟﺒﻼﻥ ﺣﻨﺎ ﻣﺎﻟﻨﺎ ﻫﻬﻬﻬﻬﻬﻬﻬﻪ ﺳﻌﺪ : ‏( ﺣﻂ ﺍﻟﺴﻴﺠﺎﺭﺓ ﻣﻦ ﻳﺪﻭ ﻭﺭﺩ ﻋﻠﻰ ﺗﺼﺎﻝ ﻣﻮ ‏) ﺍﻟﻮﻭﻭ ﻧﻌﻴﻤﺔ : ﺍﻟﻠﻪ ﻳﻤﺴﺨﻚ ﻭﺍﺵ ﻣﺎ ﺑﻐﻴﺶ ﺗﺤﺸﻢ ﻋﻠﻰ ﻋﺮﺿﻚ ﺳﻌﺪ : ﺍﺷﻨﻮ ﺑﺎﻏﻴﺔ ﺛﺎﻧﻲ ﻧﻌﻴﻤﺔ : ﻗﻬﺮﺗﻴﻨﻲ ﺍﻭﻟﺪﻱ ﺗﻬﺪﻳﺖ ﻣﻌﺎﻙ ﻣﺎﺑﻘﺎﺵ ﻋﻨﺪﻱ ﻟﻮﺟﻪ ﻟﻲ ﻳﺸﻮﻑ ﻓﺎﻟﻨﺎﺱ ﺑﺴﺒﺒﻚ ﻭﺍﺵ ﻣﻦ ﺍﻟﺒﺎﺭﺡ ﺣﺴﻚ ﻣﻘﻄﻮﻉ ﻋﻠﻰ ﺍﻷﻗﻞ ﺑﻘﻰ ﺣﺘﻰ ﻳﻤﺸﻴﻮ ﻧﺴﺎﺑﻚ ﺳﻌﺪ : ﺍﻧﺎ ﻣﺎﻋﻨﺪﻱ ﻧﺴﺎﺏ ﻫﺎﺩﻭﻙ ﻧﺴﺎﺑﻚ ﻧﺘﻲ ﻭﻫﺪﺍﻙ ﻣﻴﺨﻲ ﻟﻲ ﺩﺍﻳﺮ ﻓﻴﻬﺎ ﻭﺍﻋﺮ ﻳﺎﻙ ﻧﻔﺪﺕ ﺍﻭﺍﻣﺮﻛﻢ ﺍﻳﻮﺍ ﻋﻄﻴﻮﻧﻲ ﺗﺴﺎﻉ ﻣﺎﺗﺒﻘﺎﻭﺵ ﻓﺎﺭﻋﻴﻦ ﻟﻴﺎ ﻣﺨﻲ . ... ﻃﻴﻴﻴﻴﻴﻴﻴﻂ ﻗﻄﻊ ﺍﻻﺗﺼﺎﻝ *** ﺑﻌﺪ ﻣﺮﻭﺭ ﺃﺳﺒﻮﻉ *** ﻧﻌﻴﻤﺔ : ﺟﻠﺴﻲ ﺍﺑﻨﺘﻲ ﻓﻴﻦ ﻏﺎﺩﻳﺔ ﻭﻋﻼﺵ ﻫﺎﺯﺓ ﺍﻟﺸﺎﻧﻄﺔ ‏( ﺍﻟﺤﻘﻴﺒﺔ ‏) ﻓﺎﻃﻤﺔ : ﺟﻠﺲ ﺍﺳﺒﻮﻉ ﻋﻠﻰ ﻗﺒﻞ ﻋﺎﺋﻠﺘﻲ ﺑﺎﺵ ﻣﺎﻳﺸﻜﻮ ﻑ ﻭﺍﻟﻮ ﺩﺍﺑﺎ ﻣﺸﺎﻭ ﻣﺎﻋﻨﺪﻱ ﻣﺎﻧﺪﻳﺮ ﻫﻨﺎ ﻣﺰﺍﻝ ﻧﻌﻴﻤﺔ : ﻻﻭﺍﻩ ﺍﺑﻨﺘﻲ ﻫﺎﺩﻱ ﺩﺍﺭﻙ ﻓﺎﻃﻤﺔ : ‏( ﺷﺎﻓﺖ ﻓﻴﻬﺎ ﺑﺤﺪﺓ ‏) ﻳﻤﻜﻦ ﻧﺴﺘﻲ ﺍﻻﺗﻔﺎﻕ ﺍﻧﺎ ﻣﺎ ﻏﺎﻧﺠﻠﺲ ﻣﻌﺎﻙ ﻭﻻ ﻣﻊ ﺩﺍﻙ ﺍﻟﺸﻤﻜﺎﺭ ﺩﻳﺎﻝ ﻭﻟﺪﻙ ﻭﻣﻦ ﻫﻨﺎ ﻟﺸﻬﺮ ﺑﺮﺍﺗﻲ ﺗﻮﺻﻠﻨﻲ ﺧﻠﻴﺖ ﻟﻴﻚ ﺭﺍﺣﺔ ﻧﻌﻴﻤﺔ : ‏( ﺷﺪﺍﺕ ﻟﻴﻬﺎ ﻑ ﻳﺪﻫﺎ ‏) ﺍﻟﻠﻪ ﻳﺮﺿﻲ ﻋﻠﻴﻚ ﺍﺑﻨﺘﻲ ﺟﻠﺴﻲ ﻫﺎﺩﻱ ﺩﺍﺭﻙ ﻋﻴﺐ ﺗﺨﺮﺟﻲ ﻣﻨﻬﺎ ﻭﻧﺘﻲ ﻳﺎﻻ ﻛﻤﻠﺘﻲ ﺍﺳﺒﻮﻉ

قصة  القروية, قصة القروية 27, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :