قصة القروية 37

قصة القروية 37

361 جلس على رجليه وشد يدها وباسها قيس : سمحي ليا على كاع شي لي فات انا ضلمتك معايا بزاف انا ما نستاهلكش مريم : ما عندي علاش نسمح ليك حنا تعرفنا ف ظروف غير مناسبة والقدر كان ضدنا الناس لي قلبهم كحل وفيهم الخبت هما سبب انا عمري حقدت عليك كان عندي خوف ولكن مع المدة مشى نور الدين مجرد دكرى ما نكدبش عليك واخا تزوجنا كان قلبي مزال كايدق ليه ولكن عمرني خنتك ولو بكلمة خبيت داك الحب ف قلبي وحتافضت بيه لنفسي ومع المدة بدأ كايزول وتدريجيا بدأ حبك كايتسلل لقلبي خصوصا فهاد الأواخر فالأول ما كانتش حاسة ولكن مع الوقت وليت كانحس قيس : (ضمها لصدرو ) واش بصح هاد الكلام من قلبك نتي مسامحة ليا على كلشي (ضمها بقوة ) صدقيني انا من ديما كنت كانبغيك هذا علاش واخا شفتكم وفهمت غلط ما طلقتكش وكنت كانوهم نفسي بلي غاندمك وفكل مرة كنت كانشوفك كانضعف حياتي غانعوضك على كاع لي ضاع نتي حاضري ومستقبلي وحياتي (طبع قبلة فمها ) كانموت عليك مريم : دابا ما بقات حتى حاجة مخوفاك قيس : نن دوك الحتالة الاسبوع الماجي عندهم محكمة حياتنا من اليوم غاتبدا بغيتك ديري لميس وملاك ف عينيك هما يتيماات من آلام والأب من اليوم نتي هي مهم وانا هو باهم مريم : هما ف عينية بلا ما توصيني قيس : واخا ملاك رأسها ناشف ورتات طبه افنان الله يرحمها واخا عنيده كانت حنين خاص غير لي يفهمها نفس شيئ بنسبة ل ملاك خاصها غير الخاطر ولي يفهمها وانا متأكد بلي نتي غاتكسبيها مريم : انا تافقت معاها هي ساهل تعامل معاها بالعكس ما عنيداش بزاف قيس : (خدا قبله من فمها ) حياتي توحشتك

364 جلسوا كايضحكو فطومة وجدات الطبلة ومريم طلعات لغرفة لبنات فيقاتهم بدلات لميس حوايجها وملاك تكلفات بنفسها نزلو معاها باسو جداتهم وجلسو فطرو معاهم فجو مرح بعد الفطور خرجوا البنات كايلعبو ف الجردة (الحديقة ) وفطومة غسلات الماعن وقيس ومريم وبشرى جلسوا فالصالة حكى ليها كلشي وتفاصيل المملة بكات بحرقة على بنتها لي مشات ضحية بشرى : هئ هئ الله ياخد فيهم الحق شنو ذنب بنتي حتى تغصب ف شبابها شنو درنا ليهم حتى يدمرو حياتنا واش الإنسان لهاد الدرجة ضعيف قدام الفلوس ولهاد الدرجة أرواح الناس رخيصة عندهم قيس : هما نالو جزأهم وانا غاندير المستحيل باش ياخدو أكبر عقوبة وعمرها يشوفو الشمس من جديد بشرى : شنو ذنب دوك البنات تيتمو وباهم طلع أكبر مجرم باشمن وجه غانشوف فيهم مزال وشنو غانقوليهم من يكبرو باكم قتل مكم وكان ناوي يقتلني مريم : هما مزال صغار من يكبرو غايعرفو حقيقت باهم نتي ماعندك حتى ذنب قيس : (باس ليها يدها وجبينها ) ماما ما تبكيش دموعك غالين داك الحتالة نال جزاؤ والبنات معانا ونتي لي غاتكبريهم وهاد الحقيقة ما خاصش يعرفوها باش ما تأترش على نفسية ديالهم بشرى : (ضماتهم بزوج ) الله يخليكم ليا وما يحرمنيش منكم والله يرحم بنتي الحبيبة ويجعل مثواها الجنة ويبارك ليا ف بناتها قيس / مريم (باسو ليها يدها ) امييين

365 *** بعد يومين *** ايلن : قلبي كايضرب بسرعة ههه غالي : (اشار لباب ) ورا هاد الباب فين كاينا مريم ما بقى والو باش تشوفيها ايلن : (بركات على زر ) ترن. . . . . ترن ههههه فتحات فطومة الباب شافت غالي عرفات بلي خوت مريم جاو كاملين بتسمات ورحبات بيهم فطومة : (ضمات ايلن ) مرحبا مرحبا ايلن : (كاتقلب بعينيها على مريم ) شكرا ليل : سلام عليكم فطومة : وعليكم السلام اولدي تفضل نهار كبير هذا ليل : بارك الله فيك غالي : خالتي فين هي مريم فطومة : كاينا الفوق انا غانقولها تنزل تفضلوا دخلوا لصالة كانت ايلن جالسة على اعصابها وقلبها كايدق بسرعة ومتشوقة تشوف ختها طلعات فاطمة لطابق الثاني ودخلات لغرفتها كانت كاطوي الحوايج مريم : دخلي اخالتي فطومة : خلي داك شي لي فيدك واجي نزلي معايا شي ناس بغاو يشوفوك جاو فبالها خوتها حيت غالي واعدها غايرجع قريب قلبها خفق من الفرح وعينيها لمعو وقفات بسرعة وحسات بالتوتر والفرحة والخلعة كلشي تخلط عليها مريم : (بلهفة ) هما ياك؟ ؟ فطومة : ( بتاسمات ) اااه ههه ماتصوريش البنت شحال كاتشبه ليك نسخة طبق الأصل مريم : ( بفرح ) بصح خرجات من الغرفة بسرعة ورجعات ثاني فطومة : نتي فعار الله ابنتي مالك ههه وقفات قدام المرايا وكاتشوف فوجها والبيجامة لي لابسة مريم : ويلي غانزل عندهم هاكا حشومة بلاتي نبدل حوايجي فطومة : راك غزالة غير نزلي خلاص مريم : لا (خرجاتها من الغرفة ) نزلي نتي عندهم وجلسي معاهم انا غانلحق عليك فطومة : أمري لله ههه ماتعطليش حيدات البيجامة بسرعة ولبسات فستان طويل فالبلومارين وطلقات شعرها ودارت ميكاب خفيف والبارفان ديالها ونزلات مع الدروج بخطوات بطيئة وكاتلعب بيدها من توتر وقفات جنب الصالة خدات نفس عميق وغمضات عينيها وبتسمات ودخلات لعندهم جات عينيها على عينين ليل شافها وبتسم ناض عندها وضمها بقوة ضماتو ونزلو دموعها دموع الفرحة والشوق كانت ايلن واقفة وكاتنتظر الدور ديالها ودموعها نازلين وكاضحك ف نفس الوقت طلق منها ليل وضماتها ايلن مريم : ختي الحبيبة وأخيرا جا هاد اليوم هئ هئ ايلن : (باستها فخدها وضماتها من جديد ) هذا اسعد نهار ف حياتي هئ هئ انا عندي اخت هههه

366 دمعو عينين فطومة من شافتهم وقف غالي وضمهم بزوج وباس جبين مريم غالي : من اليوم عمرنا غانتفرقو مريم : (مسحات دموعها وبتسمات ) ان شاء الله ليل : باركة من الدموع حنا جينا نفرحو ماشي نبكيو ايلن : (مسحات دموعها ) عندك الصح هههه حنا جينا نفرحو انا فرحانة بزاف فوق ما تصورو مريم : حتى انا فرحانة بزاف وأخيرا قدرت نشوف عائلتي لي كنتي مفتاقداها وقت طويل (دكرات مها وتنهدات ) الله يرحم ماما ويسمح للي كان سبب واخا كان خالي كايرعاني وولادو كانوا نعمة الاخوة ولكن عمرهم قدرو يعمرو داك الفراغ لي خليتوا غالي : الله يرحمها ويجعل مثواها الجنة ولي كان سبب عمري ما نسمح ليه وغاندمهم انا رجعت على قلبك وعلى قبلهم غاندفعهم الثمن غالي وحتى ديك سميرة لي كانت كاتحفر ليك باش دمر حياتك غاندمها بهيجة حكات ليا كلشي انا ما غاندوزوش ليها هاد شي مريم : (شدات فيدو )وياك إلى كنتي عزيزة عندك وياك تنتقم من شي حد العربي لي كان دخل على ماما وجبد ليها صداع مشى عند الله سنين هادي وحسابو مع الله وبابا الله يرحمو حتى هو كان ضحية شكون لي غاتندم هاااا؟ ؟جدة مشات حتى هي عند الله الله يغفر ليها وعمتي الله يسمح ليها راها مرة كبيرة وعندها الحفاد خلي عليك الصداع وكل واحد يخلصو الله سميرة انا بإمكاني نجبد ليها صداع ولكن على وجه خالي ورشيد علاش سكت وعلى وجه دوك صبيان باقين صغار ومحتاجين مهم وباهم جنبهم إلى فضحتها غايطلقها والولاد غايتحرمو من دفئ العائلة والاستقرار خليها الله غايخلصها شحال حفرات ليا وعمر ربي ما كمل عليها الله يسمح ليها إلى كان الله غفور رحيم شكون حنا حتى ما نسمحوش؟

367 فطومة : مريم عندها الحق اولدي دنيا فايتة وكل واحد كايدي على قد نيتو ولي بغى المضرة لخوه المسلم عمر ربي يكمل عليه فرحو ونشطو وعيشو حياتكم وخليو كل واحد منو لله مريم : (حطات يدها على خدو ) انا بغيت نكون وسط عائلتي وفرحانة بلمتنا من جديد سميرة الله لي غايخلصها ما تعرف شنو مخبي ليها سيدي ربي والى الله هداها وتابت من هنا القدام شنو غانستافدو إلى خربنا حياتها والو (حطات يدها على كرشها ) ولدي قريب يخرج لدنيا وعائلتي رجعات ليا بفضل الله هي ما ستافدات والو غالي : ولكن. . . . (قاطعاتو ) مريم : ما كاين ما ولكن صافي نعل شيطان ليل : مريم كلامها صح صافي طويو صفحة الماضي وخليونا نبداو الحاضر غالي : (بتسم ) اوك مريم : (شدات ايلن من يدها ) اجيو معايا نعرفك على خالتي ايلن : واخا يالا ههه طلعات لطابق الثاني برفقت خوتها وفطومة طرقات باب الغرفة وبعد ما سمعات الادن بدخول دخلات كانت بشرى فوق الكرسي ديالها وكاتقرا كتاب شافتها وبتسمات مريم : سلام عليكم خالتي بشرى : (حطات الكتاب من يدها ) وعليكم السلام تفضلوا مريم : خالتي (شدات غالي من يدو ) هذا خويا غالي وهذا خويا ليل وهادي ختي ايلن سلموا عليها ورحبات بيهم كان وجها منشور وعينيها كايلمعو من الفرحة من شافت مريم فرحانة بشرى : مرحبا بيكم وأخيرا جا هاد اليوم غالي : شكرا ليك بشرى : علاش؟ غالي : حينت عتبرتي ختي بحال بنتك بشرى : مريم مقامها عالي وغالية على قلبي انا لي خاصني نشكرها على صبرها وطيبت قلبها الحمد لله ربي ما خيبش ظني فيها طلعات عند حسن ظني ودارت شي لي مستحيل ديرو شي بنت صبرات وكانت نعمة الزواجة انا كانحمد الله ليل ونهار عليها مريم : (دمعو عينيها ) الله يخليك ليا وما يحرمنيش منك

368 بشرى : ويخليك ليا ههه فطومة : (مسحات دموعها ) صافي بكتونا معاكم كاع ههه بشرى : ما عليش هادو غير دموع الفرحة ههه مريم : يالا نزلو لتحت بشرى : واخا مشات كاتجري لحمام وكاترد نعيمة : نتي فعار الله ابنتي مالك فاطمة : اووووف ريحت داك دجاج كاتنوض القلب نعيمة : (بتسمات ) ياكما؟ ؟ فاطمة :(كاتمسح فمها ) ياكما شنو نعيمة : حالك ما بقاش عاجبني هاد الايام غير كاتردي فاطمة : وييه هاد المعدة ولات قاتلاني لي كليتها كانردها نعيمة : يالا معايا دابا عند الطبيب رجلي على رجلك عندي احساس بلي جايني شي حفيد فالطريق ههه فاطمة :(بتسمات وحطات يدها على فمها ) هههه لا مايمكنش نعيمة : حنا ما خاسرين والو غانتأكدو دابا فاطمة : (بخجل ) واخا ههه كانوا جالسين ف الجردة (الحديقة ) مجموعين من غير قيس لي كان مزال فالشركة ايلن كانت كاتحكي لمريم على نفسها وعلى المغامرات ديالها والكل كانوا كايسمعو ليها ب هتمام وكايضحكو مرة مرة على الطرائف ديالها ايلن :من تما ما بقاتش كادور بساحتي هههه الكل : هههههه شافت ف تجاه قيس ومشات كاتجري لميس : خالوووو هههه قيس : (هزها ) حبيبت خالو بشرى : ولدي على سلامتك قيس : (باس يدها) الله يسلمك سلام عليكم الكل /وعليكم السلام قيس : (شاف ف ايلن ) بلا شك نتي ايلن ايلن :(بتسمات ) وي وبلا شك انت قيس قيس : (مد يدو وسلم عليها ) وي مرحبا بيكم ايلن :شكرا قيس : (سلم على ليل ) مرحبا بيك معانا ليل : شكرا بارك الله فيك قيس : (ضم غالي ) مرحبا ب نسيبي العزيز وشريكي ههه مريم : (متفاجأة ) كيفاش؟ غالي : وي ههه قيس : بغينا نخليوها ليك مفاجأة طول هاد الكنت كانتواصل مع غالي وقررنا نزيدو نقويو العلاقة اكتر بشرى : هذا خبر صار الله يكمل عليكم بالخير غالي / قيس : ان شاء الله سليمان : (جا لعندهم ) شفتكم مجموعين بلا بيا هههه بشرى : (شافت فيه وبتسمات ) هذا شكون فتح ليه الباب هههه

369 قيس : جا معايا انا دخلت وهو كان كايهضر فالتلفون هههه سليمان : نفهم من هاد لكلام كاتجري عليا (دار راسو تقلق وغادي بشرى : (كاضحك حتى دمعو عينيها ) اجي رجع يا هاد الحمق امتى غادير عقلك هههههه سليمان : ( رجع وضمها ) حتى تزوجيني كيف ما زوجتي قيس عاد غاندير عقلي هههه بشرى : (ضرباتو لرأس وبتسمات ) سكت يا الباير وريني هاد سعيدة الحظ وانا نخطبها ليك بنفسي سليمان : باقي على باب الله بغيتها تكون زوينة بحال مرات خويا ههه قيس : (شدو من ودنو ) ايه بعد ليا من مراتي حتى شي وحدة ما بحالها حمارو خدودها من الخجل وبتسمات غالي : ههههه شفتي ختي ما منهاش زوج ايلن : (بتسمات ) معلوم سليمان : (رفع راسو) اكيد مرات خويا ما منهاش زوج والى كيفاش صبرات لهاد بوراس لي حدايا سألوني انا عليه كايحمق هههههه الكل /ههههههه ¤¤¤بعد مرور ¤¤¤ مريم : (شادة ظهرها ) ااااااااه قيس : (فتح عينيه على صراخها ) حياتي مالك مريم : (شادة فيديه ) الوجع بزاف ااااااااااه هئ هئ قيس : (بتوتو ) كيفاش لا مايمكنش واش غاتولدي دابا الله ياربي شنو غاندير كيفاش غانساعدك مريم : (بصوت عالي ) ااااااااااااااه ما قادراش نصبر ناض من سرير وبقى غادي جاي وتالف جلس جنبها وشد يدها وباسهم وطبع قبلة فمها قيس : حياتي صبري انا غانتاصل بالأسعاف مريم : سربي كانموت هئ هئ قيس : (باسها فمها ) نموت انا الله ينجيك مريم : (بألم ونفاد صبر ) سربي خرج من الغرفه كايجري تاصل بالأسعاف هي للولة وعطاهم العنوان وتاصل ب بشرى وعلمها كانت 2:00 ديال اليل رجع لعندها لغرفة وجلس جنبها

370 قيس : حياتي صبري ان شاء الله ولدنا غايكون معانا اليوم هههه انا فرحان بزاف وأخيرا غانقدر نشوفو ونهزو مريم : (دموعها نازلين وكاضحك ) حتى انا فرحانة ومتشوقة نشوفو عندي احساس غاتكون بنت ههههه قيس : (خدا قبله طويلة من فمها ) لي جا منك عسل مريم :(بصوت عالي ) اااااااااااااااااااااااه هئ هئ كان دم نازل منها والإسعاف تعطلات خاف بزاف ودكر افنان ماتت بسبب النزيف خاف بزاف هزها بين دراعو بسرعة وحطها ف السيارة بشرى : (كاتمشى ببطئ ) الله ياربي مريم كاتولد وانا ماشي جنبها فطومة : غير بشوية عليك الحاجة راجلها جنبها بشرى : كانقوليه خليكم هنا هذا شهرها وما كايسمعش قالك بغى يمشي لدار لي ف جبل وايلي وحدي 6 سوايع عاد نوصلو وتما ما كاينش مستشفى كبير وطريق بعيدة فطومة : ربي معاه وان شاء الله غايشوف من حالهم ساق السيارة بسرعة وتوجه للمصحة لي كاين فداك الفيلاج نزل من سيارة وتوجه لباب المصحة كانت الشتا مجهدة والريح قوية طرق الباب كدا مرة وحتى حد ما رد عليه رجع لسيارة وشد يدها كان فازg وشعرو نازل على عينيه وكايرجف من البرد قيس : حياتي غير صبري حنا غانوقفو جنب الطريق الإسعاف جاية ف طريق مريم : (كاتحاول تكتم الألم ) و ا خ واخا ااااااه

371 وقف السيارة جنب الطريق وتاصل بيهم من جديد قيس : فين وصلتو؟ ؟ الشخص : شوف واش كاينا شي مصحة تما الشتا مجهدة والطريق مقطوعة ولازمنا كتر من خمس ساعات باش نكونو عندكم قيس : (بعصبية وبصوت عالي ) علامن كاضحو هاااا اشمن مصحة كاينا هنا مصحة وحدة لي كاينا سادة مراتي كاتقطع بالوجع وكاتنزف إلى ما سرعتوش غاندمكم الشخص : اسيدي حنا مادا بينا نكونو جنبها ونساعدوها ولكن ما عندنا جهد شوية الصبر قيس : غاتاخدو المروحية ودابا تكونو هنا ولا ما تلومو غير نفسكم قطع الاتصال ورجع لعندها كان دمو كايغلي من الأعصاب وقلبوا كايخفق من الخوف خافت يفقدها وتلقى نفس المصير لي لقات افنان ضمها لصدرو ونزلات دمعة من عينيو قيس : حياتي صبري مزال ما بقى والو مريم : (طبعات قبلة فمو ) ما تخافش كلشي غايكون مزيان قيس :( ضمها بقوة ) هادي اسعد لحظة وأصعب لحظة ف نفس الوقت مريم : (كاتألم ) ااااااه هههه اوووووف هاد شي بزاف كايركل باغي يخرج بسرعة ههه ما قادرش بصبر قيس : (حط راسو على كرشها ) هههه والله هيلا كايركل صبر اولدي من دابا شوية بابا غايهزك بين يدو ههه الشتا (المطر ) ماحبساتش ويالا ما كاتجهد ساق السيارة ودخل واحد الدوار جنب الطريق وقف السيارة وتكلم معاها قيس : حياتي انا غانجي دابا ما تخافيش مريم : (حسات بالخوف ) فين غادي؟ قيس : غانشوف شكون يساعدنا غير صبري وتيقي فيا مريم : (شداتو يدو ) انا خايفه خليك معايا قيس : لازم نشوف شي حد يساعدنا عمري ما تخافيش ما حدي انا معاك (طبع قبلة فمها )

372 نزل من السيارة وخلاها جالسة وحاسة بالخوف توجه لدورا لي قدامو وطرق على اول باب جات عينو عليه دق . . . . دق. . . . . دق الشخص : شكون قيس : ضيف الله بعد ثواني تفتح الباب كان رجل ف الخميس من عمرو لابس جلابة فالمارو وهاز البيل ف اليد اليسرى وعصى فاليد اليمنى صالح : اش حب الخاطر قيس : قلت ليك ضيف الله ماتخافش اسيدي انا محتاج المساعدة ديالك مراتي كاتولد وحنا ماشي من هاد المنطقة صالح : مرحبا بضيف الله فين هي المرا ديالك قيس : (اشار لسيارة ) جالسة فالطنوبيل تاصلت بالاسعاف وخاصهم شحال باش يوصلو صالح : يكون خير ان شاء الله ( بصوت عالي ) مباركة وااااا مباركة مباركه : نعام اراجل صالح : اتي نوضي طلقي راسك جات لعندو وكاتصايب فدرتها (الحجاب ) اش كاين ياك لاباس (شافت ف قيس ) شكون هذا صالح : (اشار لسيارة ) ديك الطنوبيل كاينا فيها واحد المرا سايرة تولد وجدي البيت وسخني الما وسيري عيطي على مي فاطنة يالا طلقي راسك واش انا غانوريك شغلك مباركة : واخا هي للولة مشات كانجري للغرفة وجداتها وقادات ليها الفراش ودارت الما يسخن وحطات جنب الفراش يزار بيض ومشات كاتجري كادق على جارتها مي فاطنة وفنفس الوقت القابلة ديال دوار

373 هزها بين دراعو ودخلها لدار سي صالح وراه الغرفة لي جهزات ليها مباركة حطها فوق الفراش وجلس جنبها وشاد ليها فيدها صالح : فازg (مبلول ) كلك هاهي مباركة معاها واجي نعطيك ما تلبس غايضربك البرد قيس : شكرا غير خليني معاها كان الرعد والشتا مجهدة وريح قوية تأخرات فاطنة ومريم كاتقطع بألم المخاض مباركة : (بخوف ) تبارك الله على شتا نزلات انا لي غالعني هو هاد الرعد الله يعطيها لينا على قد نفع سعدية : (بصوت عالي ) مي وااااا ومي وجري الما داخل علينا والكوري فايض البهايم شبعو ما مباركة : (مشات كاتجري ودايرة يدها فوق رأسها ) ياااااربي السلامة ياربي تلطف بينا مريم : (بصوت عالي ) ااااااااااااه هئ هئ قيس : (ضمها لصدرو ) صبري احياتي فاطنة : فين هي المرا؟ مسعودة : راها ف بيت بالعربي الله يرحمو توجهات ليها بخطوات متسارعة كانت مباركة وصالح وبناتو ومرات ولدو مشغولين مع الفيضان لي جاهم دار كلها تهزات بالما شي كايشطب الما لبرا وشي كايلوح الما لي ف الكوري وشي كايصايب القزدير جلسات قدامها ولاحت عليها ليزار وفرقات ليها رجليها فاطنة : (بصوت عالي ) واااا مباركة جيبي ليا الما السخون قيس : (وقف بسرعة ) انا غانجيبو ليك خرج من الغرفه وسأل مسعودة على الكوزينة (المطبخ ) فين هي الكوزينة؟ مسعودة : غير رتاح اخويا انا غانجيبو ليكم قيس : واخا شكرا رجع لعندها وجلس جنبها وشد فيدها كانت كاتصرخ من الألم دخلات ليهم مسعودة الما وسد وراها الباب

374 حيدات ليا الملابس الداخلية لي لتحت وفرقات ليها رجليها وخشات رأسها تحت ليزار باش تشوف واش الوالدة (الرحم ) مفتوحة فاطنة : الرأس ديالو باين زحمي مزيان قريب ربي يفكك غير صبري مريم : (خدات نفس عميق وزحمات ) اااااااااااااااااااااه قيس : (كان كايبوس رأسها وحاس بالخوف ) ما بقي والو احياتي فاطنة : زيدي زيدي مريم : هئ هئ ما بقاش عندي جهد حاسة بسخفة حسات بالخوف اول مرة تولد شي حالة بهاد شكل حاولات تشجعها وتخبي خوفها فاطنة : غير زيدي زحمي قريب إن شاء الله تفكي كانت كاتزحم بكل قوتها وكاتصرخ من الألم صالح وعائلتو العاصفة شغلاتهم عليها ومع دلك كانوا كايدعيو ربي يفك وحايلها خصوصا مباركة ومسعودة هما لي كانوا حاسين بيها صرخات وصرخات وأخيرا خرج البيبي هزاتو فاطنة من رجليها وكاتحرك فيك باش يبكي كان ساكت حلات فمها وكاتشوف فالبيبي وكاطلب من الله يسمعها صوتو نسات الألم لي كاتحس بيه وولا بالها كلو مع ولدها كان كايشوف فيها وما مهتمش بالبيبي كان هتمامو بيها أكبر باس جبينها وضمها لصدرو قيس : واخيييرا مريم : (بصوت ضعيف ) م م ل مالو؟ ضرباتو زواج ضربات خفاف على مؤخرتو وصرخ بصوت عالي بتسمات وعاد رجعات فيها روح من جيهتو لكن بالها كان مشوش على مريم لي عينيها كانو دابلين والدم كاينزل منها بغزارة قطعاات ليها الحبل السري

375 ولواتو بسرعة ف ليزار وحطاتو فحضن مو وطلبات من مسعودة تجيب ليها الفوطات جابت ليها بسرعة وكانت كاتحطهم تحت الرحم ديال مريم وكايعمرو بدم كان قيس مراقب تصرفات فاطنة وشاف الخوف ف عينها قيس : (بخوف) مالك شنو واقع مريم : (كاتغمض ف عينيها ) فيا البرد بزاف والنعاس (تفاهات فاطنة : (بخوف شديد ضرباتها على وجها ) لا ماتنعسيش فيقي فيقي قيس : (الخوف تملك قلبوا ) اشنو واقع (شاف ف مريم ) حياتي شوفي فيا ها هو ولدنا شوفيه شحال زوين مريم : (بتعب ) فيا نعااااس غمضات عينها ببطئ وميلات رأسها كان وجها صفرررر وفمها بيض بقات فاطنة كاضرب فيها فوجها ومسحات ليها وجها بالما ووالو كان حال فمو ومخرج عينيه الزمن توقف عندو ما بقى كايسمع حتى صوت كايشوف ف فاطنة كاضرب ليها فوجها والغرفة عمرات ب صالح وعائلتو ضمها لصدرو وغوت قيس : مرييييييييييم فاطنة : (بعصبية ) هذا ماشي وقت العواطف لازم توكض المرا غاضيع من بين يدنا جاتها الفيضة (نزيف ) والطونسيو طاح ليها وجاتها الباردة تاصل بالطبا (الأطباء ) انا ما بقى عندي ما ندير ليها ولدك ها هو عندك مسعودة : مي فاطنة غير شوفي اش ديري البنت غاتموت وصلو تصال من عند رجال الإسعاف قيس : (بلهفة ) الووو الشخص : حنا وصلنا للمنطقة بالمروحية فين انتما؟ ، قيس : فين واقفين نتما باش نجي عندكم

376 قاليه الشخص فين هما وتوجه لعندهم بسرعة وجابوا لبياص (لحمالة ) وتوجهوا لغرفة بسرعة واحد من المسعفين هز البيبي والمسعفين الآخرين دارو مريم فالبياص وغطاوها بالمانطة وداروها فالمروحية طلع معاهم قيس بسرعة بدون ما يشوف وراه أو يشكر الناس توجهوا بسرعة لرباط فطومة : هذا قيس لي كان كايهضر مبروك ولدات ولد هما دابا غادين بيها لسويسي (مستشفى ابن سينا ) بشرى : (دمعو عينيها من الفرحة ) حمدتك اربي وشكرتك يالا نمشيو بسرعة لازم نوصلو قبل منهم عيطات لسائق وداهم بسرعة لمستشفى وصلو بسرعة بقات غادية جاية وكاتسنى قدومهم بعد لحظات لتحقات بيها فاطمة وسعد وفطومة بشرى : علاش جيتي فين هما البنات؟ فطومة : ما تخافيش تاصلت بسعد وقلت ليه يجيب مو معاه خليناها معاهم انذرا مزال ما وصلوا؟ ؟ بشرى : مزال وحتى من قيس ما كايردش على تصالاتي فاطمة : الحمد لله على سلامتها بشرى : لعقبى ليك ابنتي والله يفك وحايلك على خير فاطمة : امين سعد : ( شاف ف تجاه الباب ) شي إسعاف وصلات غايكونو هما بشرى : (بشوق ) على الله كان ف المقدمة شاب من الطاقم هاز البيبي ومن وراه البياص فيه مريم فاقده الوعي وقيس شاد ليها فيدها وعينيه حمرين مشاو كلهم كايجريو لعندهم دخلوها لغرفة العمليات بسرعة كانوا عالمينهم بالحالة وجهزوها منعو قيس من دخلوا وسدو الباب فوجهو بشرى : (ضماتو بخوف ) ولدي شنو واقع مريم مالها؟ ؟ قيس : (ضمها بقوة ونزلات دمعة من عينيو ) انا غانموت إلى وقعات ليها شي حاجة بشرى : (نزلوا دموعها ودكرات افنان ) ربي يحفظك ليا ويحفظ مريم ان شاء الله

377 بعد ساعتين من الانتظار خرج عندهم الطبيب قيس : مارتي كيف بقات؟ الطبيب : الحمد لله حالتها الان مستقرة ضاع ليها بزاف ديال دم ولحسن الحظ الدم كان موجود هنا وقدرنا نعوضوها شوية عندها ضغط نازل بزاف دابا الحمد لله تقاد شوية هي دابا تحت تأتير المخدر ومع العيا لازمها الراااااحة التامة قيس : واش ممكن نشوفها ؟ الطبيب : لا من الاحسن خليها ترتاح فاطمة : واش درتو ليها الغراز؟ ؟ الطبيب : اه معلوم المريضة عندها عنق الرحم ضيق بزاف وكانت عندها الولادة عسيرة وكان لابد من الغراز شكون لي ولدها؟ قيس : واحد المرا الطبيب : ايوا هاد المرة كايخص تشكرها الله يعطيها صحة خدمات معاها بتقنية عالية واخا المواد بسيطة بشرى : الله يرحم ليها الولدين مباركة : مشى مسكين كايجري بلا عقل يعلم الله كيف وصلات واش مزال عايشة ولا مشات عند الله مسعودة : محااال واش تعيش ما شفتيهاش مسكينة كيف داوها من هنا كي شرويطة صالح : تبااارك الله على شتا طاحت داك طفل جا بخيرو فاطنة : ايه سبحان الله مو كاتولد وخير ربي نازل الله شاف من جيهتنا وخلاص والله يشوف من حال ميمتو مسكينة الكل / اميين الله أكبر الله أكبر. .... صالح ::الله أكبر الفجر كايادن والنهار بدا يطلع وحنا ما غفيناش نوض نصلي ونخمد واحد الساعة مباركة : في سبيل الله

379 ~~~بعد مرور ثلاث أيام ~~~ فطومة : (ستقبلاتهم بالثمر والحليب ) مرحبا بيك ف دارك دخلي برجلك اليمني ههه زينب : (زغرتات ) لو لو لو لو لو ي ي ي ي ي ي ضماتها بهيجة بهيجة : على سلامتك مريم : الله يسلمك بشرى : (شداتها من يدها ) اجي ترتاحي قيس : لا ما طلعش فالدروج غاطلع فالمصعد فطومة : صابح داك سانسور واقف ما نعرف مالو. قيس : ( هزها بين دراعو ) انا اش كاندير هنا هههه بشرى : (بتسمات ) الله يخليكم لبعض الكل / امين طلعها لغرفتها لكانوا مجهزينها ليها وحطها برفق فوق السرير مع قبلة فالفم مريم : (حسات بالخجل بصوت شبه مسموع ) اش كادير حشم شوية بشرى : (دخلات عندهم ) هاهو الأمير ديالنا بغى يرضع مريم : (مدات يدها وخدتو من عندها ) حبيب ماما قيس : وبابا بشرى : (ضماتو ) إلى هي حبيبها حتى انا عندي حبيبي ههه قيس : (باس ليها يدها ) لهلا يخطيك عليا بشرى : وعليا انور عيني مريم : (نفخات شنايفها ) وانا فين مشيت بشرى : انتي هي الخير والبركة قيس : كايبكي يمكن فيه الجوع بشرى : رضعيه شوية ويجيب ليك فطومة الشربة وجداتها ليك بهيجة : اش غادير ليها الشربة انا كانوجد ليها الرفيسة بالدجاج البلدي والمساخن هما لي غايخليوها تشد رأسها ويكون فيها الحليب مريم : بهيحة غاتبقى مقابلاني بالماكلة حتى نولي كي الفيلة ههههه بشرى : هههه عندها الصح الدجاج البلدي هو لي غايخليك ترجعي صحتك شوفي وجهك كي ولا صفر قيس : انا عندي شي شغل ما غانتغداش هنا مريم : قيس دوك الناس لي ولدت عندهم مساكن ما شفتهمش مزال وما شكرناهمش بشرى : حتى تصحي ان شاء الله ونمشيو عندهم كان غايقول ليها غادي عندهم وفضل يديرها ليها مفاجأة قيس : ماما عندها صح حتى تصحي ان شاء الله ونمشيو عندهم

379 ~~~بعد مرور ثلاث أيام ~~~ فطومة : (ستقبلاتهم بالثمر والحليب ) مرحبا بيك ف دارك دخلي برجلك اليمني ههه زينب : (زغرتات ) لو لو لو لو لو ي ي ي ي ي ي ضماتها بهيجة بهيجة : على سلامتك مريم : الله يسلمك بشرى : (شداتها من يدها ) اجي ترتاحي قيس : لا ما طلعش فالدروج غاطلع فالمصعد فطومة : صابح داك سانسور واقف ما نعرف مالو. قيس : ( هزها بين دراعو ) انا اش كاندير هنا هههه بشرى : (بتسمات ) الله يخليكم لبعض الكل / امين طلعها لغرفتها لكانوا مجهزينها ليها وحطها برفق فوق السرير مع قبلة فالفم مريم : (حسات بالخجل بصوت شبه مسموع ) اش كادير حشم شوية بشرى : (دخلات عندهم ) هاهو الأمير ديالنا بغى يرضع مريم : (مدات يدها وخدتو من عندها ) حبيب ماما قيس : وبابا بشرى : (ضماتو ) إلى هي حبيبها حتى انا عندي حبيبي ههه قيس : (باس ليها يدها ) لهلا يخطيك عليا بشرى : وعليا انور عيني مريم : (نفخات شنايفها ) وانا فين مشيت بشرى : انتي هي الخير والبركة قيس : كايبكي يمكن فيه الجوع بشرى : رضعيه شوية ويجيب ليك فطومة الشربة وجداتها ليك بهيجة : اش غادير ليها الشربة انا كانوجد ليها الرفيسة بالدجاج البلدي والمساخن هما لي غايخليوها تشد رأسها ويكون فيها الحليب مريم : بهيحة غاتبقى مقابلاني بالماكلة حتى نولي كي الفيلة ههههه بشرى : هههه عندها الصح الدجاج البلدي هو لي غايخليك ترجعي صحتك شوفي وجهك كي ولا صفر قيس : انا عندي شي شغل ما غانتغداش هنا مريم : قيس دوك الناس لي ولدت عندهم مساكن ما شفتهمش مزال وما شكرناهمش بشرى : حتى تصحي ان شاء الله ونمشيو عندهم كان غايقول ليها غادي عندهم وفضل يديرها ليها مفاجأة قيس : ماما عندها صح حتى تصحي ان شاء الله ونمشيو عندهم

380 باس ولدو وطبع قبلة ف جبينها وخرج طلع ف سيارتو وتوجه لدار صالح كانت الفيلا عامرة ب فاطمة وحماتها وسعد ومحمد وزينب وبهيجة وولادها وفطومة ولميس وملاك بهيجة و فطومة تكلفو يالرفيسة وزينب تكلفات ب علي ولد بهيجة كانت كاتراري بيه وفاطمة كانت جالسة فالغرفة مع مريم وبشرى والبنات كانو ومحمد كان جالس مع سعد والسائق ف الجردة وجد الغدا وتغداو مجموعين سعد محمد إبراهيم السائق تغداو ف الجردة والعيالات تغداو فالصالة كانت مريم معاهم تغداو فجو مرح وشبعو ضحك فاق البيبي وسمعو بكاه طلعات فاطمة جابتو رضعاتو مريم وهزاتو بشرى كاتبوس فيه بعد الغدا جات حفصة وخديجة وبعض النساء كانوا ف النادي مع مريم باركو ليها وحطات بهيجة اتاي والحلوة حفصة : لا لا ما كايشبهش ليك نتي غير مسخرة خديجة : لا الشنايف غير مريم والشعر غير مريم نعيمة : لا شعر كحل بحال ديال باه والعوينات غير قيس ودورة الوجه غير قيس حتى العصبية ديال قيس ههههه غير يبكي خاص تهزو وياويلها تعطل عليه كايكسر الدنيا بالبكى ههههه حفصة : ايوا قولنا مسخرة وخلاص ههههه بشرى : والله إلى بصح غير باه ما خلى فيه وتقول فاش كان قيس قدو غير يبكي خاص تهزو والى ميكت عليه يكسر الدنيا بالبكى ويتنخسس هههه مريم : (كاتشوف فيها وتبتسم ) حبيب قلبي خديجة : شنو سمتوه مريم : مزال ما سميناه بشرى : حتى نهار سبعيام ان شاء الله خديجة : ان شاء الله ترن. . . ترن. . . . ترن فاطمة : انا غانخل غير جلسي اخالتي فطومة فطومة : واخا ابنتي الله يرضي عليك فتحات الباب كانت ايلن سلمات عليها ودخلات كاتجري لصالة شافت البيبي بين يدين بشرى ومشات ليهم بلهفة ايلن : (هزاتو بعد ما سلمات على بشرى ) حبيب خالتو وييييييينو على خنفوش مريم : الخنفوش لي بان ليك ايلن : (ضماتها ) وام الخنفوش حتى هي توحشتك بزاف على سلامتك مريم :(غمزاتها تسلم على الناس ) الله يسلمك

381 ايلن : ههههه ماتدوش عليا جاية جاية كانجري بلا عقل باش نشوف هاد طبيبز سلامت عليهم وحدة بوحدة مريم : غالي وليل ما جاوش معاك؟ ايلن : لا عندهم شي شغل الاسبوع الماجي غايجيو ان شاء الله مريم : ان شاء الله دق. . . . . دق. . . . . .دق مباركة : شكون قيس : (دفع الباب ) سلام عليكم مباركة : وعليكم السلام مرحبا اولدي دخل قيس : اش خباركم فين هو سي صالح؟ مباركة : الحمد لله راه فالكوري كايعلف البهايم دخل رتاح قيس : شكرا مباركة : اش خبار مراتك واش ولات لاباس عليها من نهار مشيتو وحنا مشوشين ما خلتي لا رقم ولا حتى حاجة كنا كانطلو على طنوبيل ديالك وكانقولو من غاترجع ليها غادوز ساعة فقنا الصباح ما لقيناهاش قيس : الحمد لله لاباس عليها والفضل كايرجع لله وليكم خيركم عمري ننساه السيارة الشركة لي سيارات لي تكلفات بيها وهما لي جابوها صالح : (دخل ) اهلن اهلن اهلن اش هاد الغيبة مشيتي بلا ما تخلي لا نمرة تلفون ولا والو بغينا غير نطمنو على ديك الولية مسكينة قيس : غير سمحوا ليا كنت مدعوق داك النهار وكان راسي مقلوب انا جيت نشكركم

382 بفضل الله وبفضلكم مراتي اليوم معايا كنت غانفقدها صالح : حنا ما درنا والو مرحبا بيكم فأي وقت قيس : شكرا انا جيت نعرض عليكم لسبوع وكانتمى تحضرو وما تردوهاش فوجهي صالح : من قلتيها بحال إلى جينا راك عارف الظروف اولدي قيس : ما تهزو الهم لحتى شي حاجة كاينا السيارة غاتوصلكم حتى لدار وكلكم وبدون استثناء صالح : ان شاء الله ان شاء الله قيس : بغيت نشوف السيدة لي ولدات مريم صالح : ايه اجي نديك عندها قيس : واخا قبل ما نمشيو لعندها بلاتي ناخد شي حاجة من الطنوبيل صالح : ايه واخا توجه لسيارة وجبد منها كارتونة ديال سكر واكياس فيهم الدسير (الفواكه ) والمواد الاسية والبيسكوي لولاد صغار مباركة : علاش معدب راسك اولدي صالح : الله يعطيك الخير قيس : تستاهلو كتر مشاو بالسيارة لعند فاطنة كانت ساكنه ورا الدار قبل ما ينزل من السيارة حط ليه ظرف فيديه فيه الفلوس صالح : (فتحو وردو ليه ) زدتي فيه ما بيناتناش حنا ما عاوناكش على ود الفلوس كلشي درناه لوجه الله قيس : (ردو ليه ) انا عارف هادي هدية والهدية ما كاترجعش

383 صالح : الله يعطيك الخير طرقو باب مي فاطنة فتحات ليهم الباب وغير شافتو عقلات عليه قيس : سلام عليكم فاطنة : وعليكم السلام قيس : عقلتي عليا فاطنة : (بتسمات ) معلوم معلوم مرحبا اولدي دخل قيس : شكرا فاطنة : انظرا اش خبار ديك المرا كي ولات قيس : الحمد لله فاطنة : والوليد لاباس عليه قيس : الحمد لله ديك اليله كان بالي مع مريم ومشيت بلا ما نشكركم فاطنة : عدرتك اولدي كانت مسكينة حالتها وما كانش الوقت مناسب لكلام وما كاين لاش تشكرني هداك واجب واي واحد فبلاصتي كان غايدير نفس الشي انا خديت أجر كبير مع الله وكانشكر سي صالح لي جاب ليا هاد الاجر قيس : بارك الله فيك نزل من سيارتو نفس الشيء لي عطى لصالح وحط ليها ظرف فيدها فيه مبلغ فاطنة : لاش محن راسك حنا ما شي طامعين ف الفلوس طامعين فالاجر مع لله قيس : هادي هدية بسيطة نتما تستاهلو كتر ومرحبا بيك نهار السبت لسبوع مريم باغية تشوفكم فاطنة : ان شاء الله ايه علاش لا يتربي ف عزكم ودلالكم ان شاء الله قيس ان شاء الله

384 ☆☆☆...النهااااااااااااااااااااااااااية ☆☆☆... ....¤¤¤اليوم الساابع ¤¤¤.... بشرى : الدنيا عمرات وكاع الناس جاو يالا طلقو راسكم قيس : واخا الحاجة دقيقة وها حنا معاك بشرى : يالا الله يرضي عليكم خرجات من الغرفة وسدات الباب وراها جرها لعندو وطبع قبلة فمها مريم : (دفعاتو ) ايه خسرتي ليا العكر قيس : (رفع حاجبو ) ما لاحظتيش بلي كترتي من المكياج (مسح ليها فمها ) هاد الفم حمر كتر من لازم العكر غادريه هنا وانا لي من حقي نشوفو فقط مريم : ايييه زدتيه فيه اليوم السبوع ديال ولدي قيس : ولدنا ولدنا صحي الخطأ يالا يالا مريم : (خرجات عينها فيه وكاترمش ) دابا شنو بغيتي قيس : (بعصبية ) بغيتك تقولي ولدنا ماشي ولدك نتي بوحدك وبغيت هاد المكياج يتمسح بنت ليك أنا ماشي راجل باش تنزلي بهاد لوجه مزوق كي طعريجة؟ ؟ مريم : (غرغرو عينيها ) انا دابا طعريجة شنو وقع ليك ثاني رجعات حليمة لعادتها لقديمة قيس : (بعصبية ) ايه رجعات يالا غسلي هاد لوجه (رفع يدو ) ولا غاندمك مريم : (خبات وجها بيدها ) زدتي فيه بناقص من شي حفلة الى غاتبدا بالصداع نفاجر بضحك جرها لعندو وخشاها فحضنو وطبع قبلة فمها قيس : نتي حياتي وانا مستحيل نأدي حياتي انا غير ضحكت معاك وبغيت نستفزك شوية توحشت الحرب معاك هههه مريم : (ضرباتو بيدها على صدور ) هذا ماشي وقت الضحك حيد غانجهز نفسي الناس كايتسناو

385 كانت لابسة تكشيطة فالغوز بارد ومخيطة بالباج ومحجرة بالاحجار الكريمة وفولار فالباج وصندالة عالية فالباج دارت الفوندو تان ملائم للبشرة ديالها والكحل والماسكارة وشوية الفغاجو والعكر فالغوز خفيف كان لابس الجبادور فالبيض وراد شعرو الور والحية مقادها كانها مسطرة وقف مايل على الباب ومربع يديه ومراقبها من كملات لمسات الأخيرة وقفات وشافت فيه وبتسمات مريم : (ببراءة ) كيف جيتك قيس : (قرب منها وطبع قبلة فمها ) كي الوردة ولكن ما تحلميش تنزلي هاكا مريم : ناس كايتسناو يالا نزل خلاص مسح ليها فمها وجرها من يدها لحمام وغسل ليها وجها مستحيل تنزلي هاكا انتي زوينة بلاش من ديك صباغة لي حاطة فوجهك يالا دابا ممكن نزلو مريم : حرام عليك والله واش باغي ضحك فيا الناس خليني ندير المكياج سوف تحت عيني كي كحل من سهير بسبب ولدك وجهي ولا دابل معاكم قيس : دابا ولا ولدي ماشي ولدك قلت لا هي لا يالا زيدي قدامي مريم : يالا ندير غير شوية الكحل قيس : (بعد تفكير ) الكحل فقط وشوية صافي مريم : اييه غير شوية وقفات قدام المرايه ودارت الكحل وخدات العكر gلوس فالغوز بلا ما يشوفها هز البيبي بين دراعو وحطات يدها ف دراعو ونزلو لجردة كانت عامرة بالعائلة والأصدقاء حفصة وخديجة والمجموعة ديالهم ودار خالها وخوتها وسعد ومو وفاطمة وبعض الموظفين من الشركة وسليمان والمفاجأة لي ما كانتش متوقعاها مريم صالح وعائلتو وفاطنة القابلة لي ولداتها بعت ليهم زوج سيارات مع براهيم السائق والسائق ديال الشركة شافتهم وبتسمات توجهات ليهم وضمات فاطنة مريم : هادي احسن مفاجأة مرحبا بيكم فاطنة : بارك الله فيك وعلى سلامتك مريم :لله يسلمك وشكرا بزاف بزاف بلا بيك ما نعرف شنو كان وقع ليا فاطنة : انا غير سبب الله سبحانه وتعالى مكتب ليك تولدي فدوار عندنا وعلى يدي مريم : ونعم بالله

386 سلمات على صالح ومباركة وبناتها وشكراتهم مباركة : الحمد لله ولدك جا بخيرو شحال ديال شتا تبارك الله صبات ديك اليله مريم الحمد لله وبارك الله فيكم خيركم عمرنا ننساوه صالح : بلا جميل ابنتي مكتاب لينا نتعرفو عليكم ونشركو الملح وطعام حنا دابا محسوبين عائلة مريم /وقيس : معلوم معلوم هذا شرف لينا بعد ما تكلمات معاهم رحبات بالضيوف مع سعد وجلسات فالطابلة مع صحباتها شوية حفصة : واااو احسن سمية محمد الله يحفظو ليكم ويبارك ليكم فيه مريم : امين اختي ويحفظ ليك ندى ونزار حفصة : اللهم امين سناء : شكون سماه نتي ولا باه؟ مريم : قيس لي سماه على سميت باه الله يرحمو سناء : الله يرحمو بعد ما دردشات شوية مع صحباتها مشات لطبلة فين كاينين عائلتها وجلسات معاهم كان كلشي فرحان وناشط جابوا فرقة اندلسية والصويري بما انا بشرى كايعجبها الطرب الأندلسي كانت ليلة ولا الف ليلة بنسبة لمريم عائلتها وناس لي كاتبغي جنبها وولدها فحضنها كان طول الحفلة مراقب حركاتها وغير لاصق فيها فينما تحركات لاحظ بلي دارت العكر قرب منها وهمس فودنها قيس : غاتمسحي داك زبل لي درتي فمك ولا غانمسحو ليك بطريقتي وقدام ناس راك فاهمه شنو (غمزها ) فهمات قصدو ومساحتو بيدها بسرعة وبدون تردد مريم : واخا واخا قيس : (بتسم ) هاكا نبغيك هههه

387 ...☆☆☆النهااااااااااااااااااااااااااية ☆☆☆... *** بعد مرور ثلاث سنوات *** مريم : (بعصبية ) زدتي فيه بزااااف وكتر من لازم اووو مانخرج ماندرج ما ندير مكياج صافي على هاد الحساب ندير نيقاب ونجلس فالدار باش تبقى على خاطرك؟ قيس : ولله ما كرهت عرفتي إلى درتي نيقاب وجلستي فالدار نعطيك لي بغيتي لي بغيتي مريم : (بنفاد صبر ) لا لا انت خرج ليك العقل نيشان واش ما كاتيقش فيا قيس :( شد وجها بين يدو وطبع قبلة فمها ) بالعكس انا كانتيق فيك كتر من نفسي علاش ما باغياش تفهمي انا كانغير عليك ما كانقدرش نستحمل شي حد يشوف فيك وما كانقدرش نستحمل نجي لدار وما تكونيش فيها حياتي انا كانموت عليك واي حاجه كانديرها من حبي ليك نساي الخدمة شوية ولا تولي وخليك معايا هاد الاسبوع اش بان ليك نمشيو لدار لي ف الجبل فين تولد ولدنا مريم : نن دابا لا ما نقدرش نخلي لاتولي والبنات لي فيها بوحدهم خصوصا عندي عرض فالشهر الجاي الايام كاتجري لازم نضبط وقتي قيس : (بعد تفكير ) اوك ولكن بعد العرض غانمشيو (حط يدو على بطنها ) بشوية على بنتي ما تعبيهاش معاك مريم : عندي احساس هاد المرة غاتكون بنت ههههه قيس : (باسها من فمها ) حتى انا ههه محمد دخل لغرفة كايجري ولميس تابعاه محمد : مامااااااااا ماما (تخبى وراها ) مريم : مالكم ثاني لميس : خدا ليا لعبة ديالي محمد : لاااااااا ديااالي قيس : (هزو ) مالك المشاغيب مع ختك عطيها لعبة ديالها محمد : (شاف فيه ببراءة ) لا أبابا هادي ديالي لميس : (بصوت عالي ) لاااااااا لا ديااالي مريم : (شدات وجها بين يدها ) الاميرات الزوينات ما كايغوتوش ها حنا دابا غانخدوها من عندو ولكن غير بشوية وبلاش ما نغوتو شافت ف محمد شاد لعبة بيديه بزوج وما باغيش يطلقها مريم : قيس شفتي ديك السيارة لي شرينا لكنا غانشريو لمحمد لبارح قيس : وي زوينة بزاف مريم : إلى محمد رد دابا لعبة لميس غاتمشي تجيب ليه سيارة لي شفت هههه محمد : (بفرح ) هيييييه قيس : (نزلوا ) يالا عطي لميس لعبة ديالها محمد : (مد ليها لعبه ) هاكي

388 نزلوا لطابق السفلي كايجريو مريم : (شافت ف الساعة ) انا غانمشي نكمل شي شغل ونرجع قيس : اشمن شغل اليوم الحد مريم : اه عارفه غير ساعة ونرجع قيس : اوك انا غانوصلك غانمشي عند سليمان ومن تكوني جاية تاصلي بيا باش ندوز عليك مريم : حتى انا بغيت نشوف ايلن توحشتها يومين ما شفتهاش اش بان ليك تمشي معايا لاتولي ومن نسالي نمشيو بزوج قيس : واخا لبسات حوايجها ونزلات هي وياه طلعوا ف السيارة وتوجهوا لمكان لي غادية ليه مريم مريم فهاد ثلات سنوات وبعد ما خدات دبلوم سجلها قيس ف ايكول خاصة لتصميم الأزياء قرأت عامين ومن بعد خدات الدبلوم وفتح ليها لاتولي وجاب ليها الناس لي يساعدوها ولات كاتصمم الأزياء وكاتعامل مع الشركات الكبرى والشهر الماجي عندها عرض وكاتجهز الأزياء لي غاتشارك بيهم بعد ما قدرت الشغل لي بغات توجهوا لعند ايلن طرقات الباب وفتحات ليهم ايلن : (ضماتها ) توحشتك بزاف مريم : اممممممم باين ايلن : والله حتى توحشتك وتوحشت المشاغب ديال محمد علاش ما جبتيهش معاك قيس : شنو نبقى واقف فالباب ههه سليمان : (نضم ليهم ) صاحبي العزيز توحشتك اجي لعندي غير هما لي يعرفو يتعانقو هههه قيس : (ضمو ) هههه اش خبارك شفتك ولفتي راحة سليمان : (رفع حاجبو ) واش دابا جاي حيت توحشتيني ولا جاي باش تجبد ليا حس الخدمة ايلن : اويلي على الخدمة حنا يالا جينا من سفر ومزال عرسان نساو علينا الخدمة دابا سليمان : (ضمها ) قوليها ليهم اعمري هههه

389 فاطمة : أنت ما بقتيش باغي تجلس فالدار وما بقيتش مسوق لينا لا انا ولا بنتك ولا مك سعد : (حط الشانطة ) هذا هو الاستقبال فاطمة : (كاتعوج فمها ) ايييه هذا جزاء لي كايخلي عائلتو ويسافر من بلاد لبلاد بلا بيهم سعد : ههههههه مممم فهمتك (جرها ل حضنو ) اجي لعندي توحشتك وكانواعدك المرا الجاية غانمشي غير انا ونتي رأس ف الرأس فاطمة : و رنيم؟ سعد : غاتبقى مع جداها ههه نعيمة : (هازة رنيم ) نتما كاتحابو هنا والبنت كانت غاطيح فالبسين (المسبح ) فاطمة : (دفعاتو ومشات كاتجري خدماتها من عندها ) بنتي الحبيبة سعد : (بعصبية ) شحال من مرة كانقوليك ردي ليها البال وماتخليهاش ف الجردة (الحديقة ) بوحدها نعيمة : ما وقع باس الحمد لله ربي لطف ولكن لازم تنتابهو ليها بزوج ماشي غير هي رنيم بنتكم بزوج فاطمة : (بعصبية ) قوليها ليه نعيمة : كاتشوف فيهم ) عمرك تبدلو كي المش مع الفار هههههه بشرى : محمد محمد : نعام ميمة بشرى : اجي لعب حدايا هنا وماتبقاش تجري غاطيح ملاك : اووووف صدعوني ما خلاونيش نحفظ عندي متحان بشرى : طلعي لبيتك وسدي عليك ما كاين لي غايصدك هزات كتابها وطلعات لغرفتها فطومة : ثلت سنين دازت ومزال كاتسول على باها كاتقطع ليا قلبي بشرى : الحمد لله ما بقاتش مأزمة كيف كانت شوية الله يرضي على مريم بقات معاها حتى تحسنات وولات كاديها ف قرايتها داك داك الكلب المجرم مؤبد عمرو يشوف شمس دارها لراسو قتل زوج رواح وكان غايقتلني وسرق ونهب لاش هاد شي كلو على قبل الفلوس ها هو تدفن وسط ربعة الحيوط وضيع حياتو وشبابو وداك حفيظ لهلا يرحمو كيف ما حرق ليا قلبيعلى بنتي لي حفر شي حفرة كايطيح فيها ما كملش حتى عام ومات بالفقصة شنو دا معاه والو تقل غير بذنوب فطومة : كل واحد كاياخد على قد نيتو شحال وهما يحفرو لقيس فالاخر نيتو غلبات شرهم ربي جزاه ببنت الناس صالحة صبرات ليه وحافظات ليه على شرفو ورزقو كتب ليها كل ما كا يملك وغير تصلحات الأمور رجعات ليه كلشي كن شي وحدة كن هزاتو وطلقاتو

قصة  القروية, قصة القروية 37, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

 قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية 

شارك! :