قصة القروية 35

قصة القروية 35

300 بشرى : لا ما يمكنش كيفاش تجرأت مايمكنش تكون افنان ورا زواجهم مريم : ما عرفتش بشرى : انا غانوريه والله وما يطلقها حتى ندمو مريم : (بخوف ) عفاك اخالتي بلاش هو غايضن بلي انا لي قلتها ليك وغايبرد اعصابو فيا بشرى : سكتي يا ضبعة هاد الخوف ديالك هو لي خلاك فالهاوية خدات التلفون وتاصلات ب قيس ترن. . . . . ترن. . . . . ترن. . . . . قيس : الووو بشرى : بغيتك تجي دابا دابا قيس : (بخوف) علاش شنو واقع ؟؟ بشرى : هذا ما سويت عندك هاااا تزوج بلا خبار مك علاش مريم شنو ناقصها حتى تزوج عليها بدلتيها بديك صفرت الوجه لا زين ولا أخلاق قيس : الصمت بشرى : ساكت شوف والله وما طلقها واليوم قبل غدا حتى نسخط عليك وعمرك تشوف وجهي مزال قيس : (بعصبية ) هاديك لي عمرات ليك راسك حسابي معاها هو لخر بشرى : والله وحطيت يدك عليها حتى نتبرا منك ف الدنيا والآخرة هاني قلتها قيس : ما.... (قاطعاتو ) بشرى : لي عندي قلتوا طييييبببط. . . . . . قيس : الووو الووو

301 مريم : شفتي اخالتي جيدتي ليا غير صداع قلت ليك غايبرد فيا سمو بشرى : والله وحط يدو عليك حتى نوريه مزيان تبارك الله راجل دار لمرا وانا فدار غفلون عمرها كانت لا على الخاطر ولا على البال كان غادي جاي ودمو كايغلي من الأعصاب شعل السيجارة ودخن بعد دقائق خدا تلفون ديالو وتاصل ب سليمان ومن بعد خدا سيارة ديالو وتوجه للمزرعة بعد ساعات وصل قيس: سلام عليكم فطومة : وعليكم السلام على سلامتك اولدي قيس :(كان كايقلب بعينيه عليها ) الله يسلمك فين هي مريم فطومة : كانت هنا مور الغدا مشات لدار خالها قيس : اوك خرج من المزرعة بدون ما يتكلم مع بشرى طلع ف سيارتو وساق بسرعة وصل لدار محمد طرق الباب فتحات ليه بهيجة قيس : سلام عليكم بهيجة : وعليكم السلام مرحبا قيس : شكرا كيانا مريم؟ بهيجة : (كادور عينيها ) هه دخل بعدا ايه كاينا قيس : (دخل ) ف غرفتها ياك بهيجة : (بتوتر ) ل ا لا كاينا ف السطح دخل لصالة انا غانقولها تنزل قيس : غير خليك انا غانطلع عندها بهيجة : (بتوتر اكتر ) لا لا غير رتاح انا غانقولها تنزل قيس : واخا واخا دخل لصالة وجلس كايتسنى فيها على اعصابو خرجات كاتجري جرات حمزة ولد سميرة من يدو خرجاتو حمزة : ايه مالك اخالتي؟ بهيجة : (بصوت شبه مسموع ) شوف غاطير دابا عند رقية وقول لمريم دابا تكون هنا راجلها جا خمزة : خالني نلعب بهيجة : ويلي وحدي على ولد حمقة جري فين قلت لك وغانعطيك 5 دراهم حمزة : بصح بهيجة : والله العظيم يالا جري الله يرضي على ولدي. . . . . يتبع

302 حمزة : ( دخل كايجري بلا ما يدق عنق مريم وتكلم فودنها بصوت شبه مسموع ) قالت ليه خالتي بهيجة اجي دابا دابا راجلك عندنا فالدار مريم : (الما طاح ليها فالركابي ) واخا رقية : اداك انمس اش كاتوشوش تما وليني راك مقرص مريم : خالتي جاو شي ناس نخليك دابا رقية : ايوا باني ماتغبريش ثاني مريم : ان شاء الله جرات حمزة من يدو ومشاو كايجريو وصلات لباب الدار كاتلهت كانت بهيحة غادية جاية على اعصابها غير شافتها جراتها من يدها بهيجة : جري لصالة راه جالس يتسنى انا قلت ليه راك ف السطح كنتي كاتنشري الحوايج بهيجة : واخا لهلا يخطيك حمزة : ( مد يدو ) يالا عطيني 5 دراهم بهيجة : (باستو من خدو ) تستاهل اجنين ديالي مريم : سلام عليكم قيس : هاد الوقت كلو ف السطح؟ مريم : كنت كانصبن شي حوايج قيس : (وقف وجرها لعندو حتى لصقات عليه ) شنو كاتحاولي ديري همم مريم : ما فهمتش قيس : (حط يدو ورا رقبتها حتى تخلطو أنفاسهم ) عند بالك إلى قلتيها لماما غانطلقها مريم : (كاتحاول تفك من بين يدو ) ماشي انا لي قلتها ليها قيس : (زير على رقبة ديالها ) كن ما حلفاتني كن هرست ليك راسك المنافقة مريم : (حسات بالألم ) قلت ليك ماشي انا لي قلتها ليها لصقها مع الحيط وخدا بوسة من فمها بعنف كانت كاترجف من الخوف خافت يشوفهم شي حد فداك الوضع مريم : (صوتها كايرجف ) الله يخليك طلق مني خالي كاين هنا سمعات صوت زينب ورشيد جاين ناحيتهم شافت فيه بترجي طلق منها بسرعة قبل ما يدخلو زينب : (شافتو واقف جنبها ) سلام عليكم اولدي اش خبارك زارتنا البركة قيس : قيس : (سلم عليها) وعليكم السلام شكرا

303 فطومة : ايه غير قلت ليه مريم ما كايناش خرج بشرى : اكيد غادي يحيح عليا خرجات من المزرعة وتوجهات لعندهم زينب : أو على تمشي اليوم يالا جات بشرى : سلام عليكم الكل / وعليكم السلام زينب : نهار كبير هذا كاع الحباب تجمعوا بشرى : (بإبتسامة ) بارك الله فيك بهيجة : جابك الله الحاجة يالا لقتينا كانتكلمو على مريم قالك غاتمشي اليوم وايلي يالا جات مزال ما شبعنا منها بشرى : هادي هي سنة الحياة ابنتي كانتجمعو شوية ونبعدو شوية شحال ما جلسات معاكم ما عمرك تشبعي منها زينب : ايه كلامك معقول قيس : (شد مريم من يدها ووقف ) يالا خليناكم على خير زينب : ايوا لاواه العشية تعاشات حتى لغدا ان شاء الله وسيرو فين مزروبين قيس : عندي شي شغل غدا (شاف ف مريم وبتسم ) غادي تبقى تجي هادي ماشي آخر مرة بشرى : ايه معلوم ولدي خليها تسلم عليهم اجي معايا بغيتك فشي غرض قبل ما تمشيو قيس : (بتسم بزز عارف شنو باغية منو ) واخا قبل ما يخرج هو وبشرى ودعهم وخلى مريم كاتسلم عليهم خرج على برا مع مو وتكلمو

304 بشرى : انا عارفاك علاش جيتي والله ثم والله ومشيتي حتى حطيتي يدك عليها على قبل ديك بنت زنافي انا ساخطة عليك سخط دنيا والاخر وهديك قليلة الاصل لي ضارت بيك غاطلقها واليوم قبل غدا والا نسى بلي عندك ام قيس : (بنفاد صبر ) اوك بشرى : مانيش كانرضع صبعي باش تقولي واخا قيس : الحاجة الله يهديك هنا ماشي بلاصة هاد لكلام بشرى : انا علمتك وانت ختار طريق لي تسلكك عندك اسبوع وما نفوتوش ليك غاطلقها وتعطيني البرا باش نتأكد والى انا بنفسي غانطلق مريم منك وتعيش معايا والولد ما تحلمش تاخدو ليها حيت غاتلقاني فوجهك وعمر وجهي ما يتقابل مع وجهك مزال خرجات مريم من دار خالها بعد ما ودعاتهم ركبات ف السيارة مع قيس وبشرى توجهوا للمزرعة خدات حوايجها وشدو طريق الرباط ☆☆المساء☆☆ فتح الباب ودخلوا لفيلا بزوج حط الشانطة يالا بغى يهضر وهو يوصلو تصال من سليمان ترن. . . . ترن. . . . ترن قيس : وي الوو سليمان : صاحبي فينك؟ قيس : فالدار علاش؟ سليمان : موضوع مهم جدا نجي عندك ولا تجي انت ؟ قيس : (شاف ف مريم ) لا انا غانجي سليمان : اوك كانتسناك قطع الاتصال وخرج بلا ما يتكلم معاها طلع ف سيارتو وتوجه لدار سليمان عدنان : (ضحك بهستيرية ) ههههههههه ووووو انا ما مصدقش قيس بدا ينهار وهذا كلو بفضلك احياتي انتي احلى نسيم فالعالم أزهار : باش تعرف شكون هي نسيم مي ما تنساوش العرض الأول ما بقاش معمر ليا عيني انا بغيت نصيبي ف كاع الصفقات لي فشل فيهم قيس خصوصا هاد الصفقة كانت مهمة بزاف

305 حفيظ : نسيم هذا ما كانتش تفاقنا انت غاتاخدي شي لي تافقنا عليه فالأول سي نوو نساي الاتفاق أزهار : هاد شي لي وقع لقيس بمجهودي ما تنساش اسي حفيظ أو. . . . (قاطعاها عدنان ) عدنان : (غمز حفيظ ) نسومي حنا عارفين هذا كلو بفضل مجهودك وان شاء الله غا يكون غير الخير قيس : اشنو هو الموضوع المهم سليمان : طاحوا فالفخ ماتصورش شنو لي كتاشفت قيس : شنو سليمان : المخبر لي كلفناه على قبل أزهار جاب ليا تقرير عليها وبخصوص الفخ لي وضعتي حتى هو جاب نتيجة قيس : نبداو ب أزهار سليمان : أزهار هذا اسم مستعار هي سميتها نسيم الفيلالي من مواليد 1987 بضبط تزادت ف فاس من اب مغربي فاسي الاصل وام لبنانية عاشت فترة ف فرنسا ومن بعد رجعات المغرب نصبات على عدة رجال أعمال وجلساتهم على الحديدة كانت هي وعدنان كوبل قبل 10 سنين وقع بينهم شي خصام وتفارقو مدة عام ورجعات المغرب بطلب منو حفيظ لي تكلف بالوثائق المزورة ورسالها باش طيحك ف شباكها وتنصب عليك وهي وعدنان لحد الان مزال على علاقة (مد ليه صور ) هادو صور خداهم ليهم المخبر السري من يومين أزهار طلعات ماشي أزهار وفهاد الحالة زواجكم باطل لأن الوثائق مزورة خاصك غير ترمي عليها اليمين فقط اما بخصوص الصفقة هي ورا رفض ماركوس المزعوم كيف تافقتي معاه طيحهم فالفخ والمناقصة لي فاتت هي وراها والاختلاسات هي وراهم بمساعدة حفيظ وداك سلوكي ديال عدنان

306 قيس كان كايسمع بدون ما يقاطعو طلع شكو ف محلو ما تصدمش بزاف حينت كان داير احتمال 80% عندها يد معاهم قيس : قليلة الاصل العاهرة غاندمهم على نهار لي تخلقو فيه سليمان : بخصوصها هي الأمر ساهل مي بخصوص حفيظ وعدنان؟ عدنان راجل ختك وبات ملاك ولميس وجاي بيبي آخر فالطريق واش غاتقدر تواجه افنان والمستقبل غاتقدر تواجه ملاك ولميس ؟؟ قيس : هو لي حفر قبرو بيدو وانا ما غاندوزوش ليه هاد شي سليمان : فكر مزيان هذا غايبقى مشكل مرافقك طول حياتك سير لدر وفكر مزيان وانا معاك فأي قرار تاخدتيه قيس : كلهم عاهرات وتابعين الفلوس خرج من عند سليمان ودمو كايغلي طلع ف سيارتو وساق بسرعة لدار أزهار فتح الباب ودخل لدار ما كانتش طفى ضو وجلس كايتسنى فيها كتر من ساعة بعد ما فاتت 1:30 دخلات وما كانتش بوحدها كان مرافقها عدنان كانوا كايضحكو شعلات الضو وكانت المفاجأة دار رجل فوق رجل وكايصفق بيديه حلات فمها 180درجة شافت ف عدنان بخوف ومن بعد شافت ف قيس يالا بغات تكلم وهو رفع يدو ونزل عليها لوجه طراااااااااااخ

307 قيس : ق*** عاهرة بنت زناقي طحتي ف سهمك أزهار : (نزلات دموع التماسيح ) حياتي خليني نشرح ليك ما تفهمش غلط قيس : ما تستاهليش نوسخ فيك يدي نتي طالق طالق طالق وشي لي ف كرشك غاتنزليه بالخاطر ولا بزز مايشرفنيش ولدي يكون فاحشاء عاهرة عدنان ::انت ظالم خليها تشرح ليك دخل فيه براس حتى طاح ودمو نقز جلس فوقو وكايضرب فيه لكمة مورا لكمة ما ناض فوق منو حتى خلط ليه المعالم ديال وجهو قيس : السلوكي الغدار كايخص تبوس ل افنان رجليها حيت دزتي فوجها ووجه بناتك مي كن اكيد بلي غاندمك ما عمرك تفكر تحط رجليك فالشركة ولا فالدار عندي وافنان غاطلقها وياويلك تفكر تاخد البنات حيت غانغرقك فالحبس وما عمرك تحلم تشوف الشمس لا انت لا داك الشارف ديال باك ونتي العاهرة غاتمشي معايا دابا رجلي على رجلك باش تنزلي البيبي يالااااااااااا عدنان : (وقف ومسح الدم من نيفو ) مايمكنش هاد شي لي كاتقول افنان ما غايصدقكش قيس : (جرو من الرقبة ديالو ودفعو على الحيط ) عندي الدليل اشماته كنت عارفكم اش كاتسواو وطيحتكم فالفخ ونزيدك ماركوس حتى هو لعب عليكم والى ما نفدتيش لي قلت ليك غانصيفطك الحبس جر أزهار من يدها بقوة وطلعها ف السيارة كان مع الدكتور صديقو فتح العيادة على قبلوا وصلوا بعد 15 دقيقة كانت كاتحاول تفك من يدو أزهار : طلق مني الحيوان واش عند بالك انا لهاد الدرجة غبيه باش نحمل منك

308 قيس : (زير على الفك ديالها بقوة ) غاتقطعي حسك ولا غانقطع ليك لسانك (دفعها حتى طاحت فوق البياص ) الدكتور : قيس تقدر تسناها برا بنتي ليا فاقد أعصابك قيس : لا غاتقلبها قدامي الدكتور : اوك بعد ما هددها قيس ستسلمات وحيدات حوايجها وقلبها الدكتور ف حضور قيس الدكتور : المدام ما حاملاش أزهار : (لبسات فستانها ) دابا خليني نمشي قيس : (تف فوجها ) ما بقيتش باغي نشوف وجهك برااا أزهار : كيفاش برا غاتوصلني لدار هادي 2:00 ديال اليل ما يمكنش نمشي بوحدي قيس : عيطي على سلوكي ديالك يوصلك (جرها من يدها ولاحها خارج العيادة وردخ الباب دفع لدكتور الاتعاب ديالو وخرج من عندو كانت جالسة على الرصيف كاتسناه يخرج طلع ف سيارتو بدون ما يشوف فوجها وقفات وتبعاتو كاتجري ساق بسرعة وخلاها أزهار : (بصوت عالي ) حماااااااار غاندمك خدات تلفونها وتاصلات ب عدنان بعد دقائق جا لعندها وطلعات معاه ف السيارة

309 وصل لفيلا ودخل ودمو كايغلي من الأعصاب جلس فالصالة بلا ما يشعل ضو شعل السيجارة ودخن وبعد ما تهدن شوية جات فبالو فكرة طلع لطابق الثاني وفتح الباب ودخل جلس ف طرف السرير ودقق ف ملامحها كانت ناعسة وما على بالها بوالو شاف فيها ب نكسار ودخل ف جرب من جديد بين قلبوا وعقلو قيس : (مع نفسو ) اكيد نتي بحالها وكتر منها كاع كلكم بحال بحال رخصات وتابعين الفلوس ناض من جنبها دخل الحمام وخدا دوش من بعد لبس شورط كيطما وخرج البالكو شعرو مبلول وصدرو عريان شعل سيجارة وجلس يدخن حتى ادن الفجر عاد صلى ونعس ***أصبحنا وأصبح الملك لله *** فاقت مع 7:00 توضات وصلات وجمعات الحمام لي كان مخربق من بعد نزلات لطابق السفلي وجدات الفطور وهو مزال ناعس حفيظ : (ضرب الكأس مع الحيط ) لاااا ما يمكنش كيفاش دار ليكم فخ؟ ؟؟الله ياربي تعب لي تعبتو سنين ضاع بسبب غبائك عدنان : هو كان مراقب تحركاتنا شنو درت انا قلت ليك مرارا وتكرارا هذا شيطان في صفة انسان صعيب يطيح حفيظ : كن ما تهور ديالك كان غايطيح حتى الورقة الأخيرة لي بقات لينا ضيعتيها عدنان : ما غايضيع والو انا مستحيل نطلق افنان حيت بيها غانوصل لشي لي بغيت انا غانتكلم معاها قبل ما يقولها شنو وقع وانقلب ليها دماغها بطريقتي صدقني قيس غايطيح وهاد المرة ما غايقدرش يكشفني

310 أزهار : كلشي ضاع كيفاش غاتقنع افنان بلي انت المظلوم وشنو هي الخطة لي عندك؟ ؟ عدنان : افنان فيدي ومستحيل تصدقو حيت اصلا علاقتهم متوترة مؤخرا أما بخصوص الخطة ف غاتبرهكم حفيظ : (بعصبية) يالا بهرنا بشرى : انذرا شنو وقع ياكما رفع يدو عليك؟ مريم : لا لا البارح انا غير وصلت ونعست وهو كان خرج ما عرفتش معاش دخل دابا مزال ناعس بشرى : (شافت الساعة ) دابا ل 10:15 ما مولفش ينعس حتى لهاد الوقت؟ مريم : اه بصح ما مولفش ينعس حتى ل 10:15 بشرى : من يفيق تاصلي بيا واي حاجه قوليها ليا وياك تبقاي تخبي عليا مريم : واخا ان شاء الله تهلاي فراسك 😘 بشرى : الله يرضي عليك ابنتي بسلامة طيييط قطعات الاتصال وصلها تصال من عند حفصة مريم : الوو حفصة : اش هاد الغبور من نهار دفنوه ما زاروه مريم : ههه توحشتك والله كنت مسافره يالا جيت البارح فاليل حفصة : حتى والله إلى توحشتك قالت لبا سناء قربو يشطبو عليك من اللائحة ما كاتمشيش لنادي علاش ؟ مريم : كيف قلت ليك كنت مسافرة غدا ان شاء الله غانمشي حفصة : اش بان ليك تجي اليوم ضارت عندي (جلسة الشاي ) ما كرهتش تكوني معانا والله مريم : حتى انا ما كرهتش مي راك عارفه ما غايبغيش ما فيا لي يصدع راسي معاه حفصة : غير حاولي الله يستر عليك تلحوني شوية عليه مريم : انا غانشوف ونرد عليك

311 حفصة : كانتسنى ردك مريم : ان شاء الله يالا خليت ليك الراحة قطعات الاتصال وطلعات لغرفة كان جالس ف طرف السرير وحاط يدو على راسو ومرة مرة كايعطس مريم : صباح الخير قيس : الصمت مريم : نوجد ليك الدوش؟ قيس : (بصوت مبحوح ) لا وقف وتوجه لبلاكار وخدا منو تيشورط وسروال جينز لبسهم ونزل بلا ما يفطر خدا سيارتو وتوجه لشركة كان جسمو مهدود وصل لشركة طلع للمكتب ديالو دخلات عندو سكرتيرة سكرتيرة : بون جوغ ميسيو قيس : بون جوغ السكرتيرة : (حطات ليه الملف ) ميسيو هاد الملف بعتو ليك ميسيو سليمان باش توقعوا وحتى هاد الملف خاص يتوقع قيس : اوك السكرتيرة : ميسيو قيس : وي السكرتيرة : ظاهر ليا مريض؟ قيس : شوية السكرتيرة : واش نلغي المواعيد لي عندك اليوم؟ قيس : وي انا ما غاتكونش اليوم عيان شوية (وقع الملفات) والى كانت شي حاجة ضرورية كاين سليمان وسعد غاتواصلي معاهم وبخصوص.. (بعد تفكير ) اوك ماشي مهم خرج من الشركة طلع ف سيارتو ورجع لفيلا كان مرهق طلع لطابق الثاني وتسطح فوق السرير

312 بعد ما جهزات الغدا وصلها تصال من عند سيدة خديجة كاتأكد عليها تحضر معاهم باش تغير الجو واعداتها غاتحاول تكون معاهم قطعات الاتصال وطلعات باش تاخد منو الادن كان ناعس وقفات وكاتلعب بيدها من توتر بعد تردد جلسات على طرف السرير وتكلمات مريم : قيس قيس : الصمت مريم : (حطات يدها على كتفو ) قيس قيس : (بصوت شبه مسموع ) نعام مريم : تاصلات بيا صاحبتي واخا نخرج شوية ونرجع؟ قيس : (كان متعب لدرجة ما قادراش يتكلم ) اوك مريم : (فرحات ) واش نسخن الغدا دابا؟ قيس : (بعصبية ) خرجي فين بغتي وعطيني تساع خرجات من الغرفة بسرعة قبل ما يتعصب عليها ويغير رائيو نزلات لطابق السفلي حطات ليها هي وخلات ليه حقو تغدات وغسلات الماعن وطلعات لغرفتها لبسات حوايجها وخرجات بعد دقائق وصلات ل عمارة طلعات ف سانسور (المصعد ) لطابق الثالت طرقات الباب وفتحات ليها حفصة عدنان : حياتي انا ما كرهتش ناخدك نتي وبناتنا ونمشيو لشي بلاصة بعيدة قيس باغي يفرق بينا باي طريقة افنان : قيس مستحيل يفرق بينا هو ما عندو حتى دخل فينا عدنان : نتي غالطة هو طلب مني نطلقك ومن رفضت هددني بالسجن وقال بلي غايدير ما فجهدو باش ندخل لسجن ويحرمني منك ومن البنات وصلات بيه الوقاحة انه يختلق كدبة باش يفرقنا تاهمني بلي انا وازهار عشاق باش يغسل ليك دماغك

313 افنان : اش هاد شي كانسمع كيفاش انت وازهار على علاقة ؟شنو دخل أزهار فالموضوع ؟! عدنان : حياتي أزهار ما عندها حتى علاقة هو باغي غير يخلق الفتنة باش يفرق بينا (باسها من فمها ) حياتي واعديني بلي حتى حاجة ما غاتفرقنا انا مستحيل نعيش بلا بيك افنان : (ضماتو ) حتى انا بعد ساعتين رجعات مريم لفيلا حطات الصاك ديالها ودخلات المطبخ باش تشرب الما لقات المطبخ كيف خلاتو باقي وحتى من الغدا لي خلات ما قاصوش شربات الما وطلعات لطابق الثاني فتحات الغرفة ودخلات كان مسطح فوق سرير كيف خلاتو باقي ستغربات خدات البيجامة ودخلات للحمام ولبساتها ورجعات الحوايج للخزانة جلسات ف طرف السرير وشافت فيه بستغراب حطات يدها على راسو كان سخون بزاف خافت وتوترات ما عرفات ما دير خصوصا هو شخصية عصبية حاولات تفيقو ما بغاش اصرات عليه فتح عينيه بصعوبة وجلس مريم : الحرارة مرتفعة ليك قيس : الصمت (حاولات توقفوا ) نوض معايا قيس : (حيد يدو منها ) تفرقي عليا مريم : (ما هتمتش ليه ) واخا خليك فبلاصتك توجهات للخزانة جبدات منها بروطيلا وشورط صيفين وحطاتهم فوق السرير دخلات الحمام خدات وعاء دارت فيه الما بارد وحطاتو قدام قيس

314 حيدات ليه تيشورط لي لابس وسروال الجينز وتقاشر وساعداتو يلبس البروطيلة والشورط ومن بعد خدات الما وغسلات ليه وجهو ويديه ورجليه رجعات كل حاجة لمكانها ورتبات الغرفة بسرعة عطاتو دولبران شربها ونزلات للمطبخ عصرات ليه اليمون وعطاتو ليه يشربو رفض فالأول وبزاتو عليه نزلات مرة اخرى سخنات ليه غداه رفض ياكلو عندو الشهية مسدود وجدات ليه سلاطة خفيفة والعصير وشوية الكفتة كلى شوية وتسطح فوق السرير غسلات الماعن وطلعات طمن عليه عدنان : هههه افنان فيدي واخا يهضر دابا ما عندو ما يصور مزال أزهار : الحمد لله من صدقاتك عدنان : افنان كاتموت عليا هذا علاش كانلعب بيها كيف بغيت أزهار : (رفعات حاجبها ) شنووو؟ عدنان : نتي لي ساكنة القلب احياتي ههه ☆☆المساااء☆☆ وجدات ليه الشربة وطلعاتها ليه مريم : ط (حطات البلاطو فوق السرير ) جلس باش تعشا قيس : ما فيا لي ياكل مريم : عرفت غير حاول قيس : (دفع ليها يدها ) قلت ليك ما فيا لي ياكل مريم : (خدات المعلقة وقرباتها لفمو ) انا غانساعدك. ...يتبع

315  🍃القرية 🍃 بشرى : قلبي مزير عليا فطومة : بسم الله عليك الحاجة اشنو لي مقلقك بشرى : ماعرفتش بالي ما هانيش اري داك تلفون الله يسهل عليك نطمن عليهم فطومة : واخا مدات ليها تلفون تاصلات ب افنان هي اللولة ومن طمنات عليها تاصلات ب مريم مريم : الحمد لله حنا لاباس والأمور هانيا بشرى : وقيس فين هو؟ مريم : (مابغاتش تخوفها ) قيس جالس فالغرفة كايراجع شي ملفات بشرى : الحمد لله الله يخليكم ليا تهلاو ف بعضكم والله يرضي عليك ابنتي بقاي تمشي مرة مرة عند افنان انا عارفاها لسانها باري منها ولكن على وجهي مريم : ان شاء الله اخالتي كوني هانيا بشرى : الله يهنيك ابنتي دنيا وآخره تصبحوا على خير مريم : اللهم امين تلقاي الخير وسلمي على خالتي فطومة بشرى : مبلغ قطعات الاتصال ونزلات البلاطو لي فيه الماعن (الأواني ) لمطبخ غسلاتهم وصلات العشا وطلعات لغرفة كان ناعس تسطحات حداه ومرة مرة كاتفيق تشوف واش الحرارة مرتفعة وصلات 2:30 طلعات ليه الحرارة حيدات ليه الغطا وفزgات الفوطة بالما وحطاتها على راسو فكل مرة كاتهزها ناشفة بكترت الحرارة وقفاتو بصعوبة ودخلاتو لدوش حيدات ليه حوايجو وطلقات عليه الما بارد من بعد الدوش بارد مسحات ليه بالفوطة وساعداتو يلبس غير شورط وصدور خلاتو عريان تسطح فوق السرير نزلات للمطبخ وجدات ليه عصير اليمون طبيعي وطلعاتو ليه

316 شربو بزز ورجعات فزgات الفوطة وحطاتها ليه على راسو وكل مرة كادير ميزان الحرارة وتشوف فين وصلات درجة الحرارة حتى طلع النهار ***أصبحنا وأصبح الملك لله *** ترن. . . . ترن خدات التلفون وخرجات خارج الغرفة بسرعة قبل ما يفيق مريم : الوو سناء : الوو مريم اش خبارك مريم : الحمد لله اختي ونتي سناء : الحمد لله انذرا اليوم غاتجي لنادي مريم : لا سناء : اصاحبتي عيقتي والله قربو يشطبو عليك مريم : والله اختي ما كرهت كنت ناوية نمشي اليوم ساعة ما كتابش غدا ان شاء الله الى كتاب غانجي سناء : ان شاء الله يالا خليتك على خير مريم : شكرا قطعات الاتصال وتوضات وصلات لبسات الجلابة وخدات الفلوس لي عندها وتوجهات ل صيدلية لي فراس الشارع قالت ل دكتورة الصيدلية على الحالة ديال قيس قالت ليها بلي غير نزلت برد عطاتها الدوا ورجعات الفيلا ووجدات ليه العصير والاومليط بالفرماج والخبز المحمص والحليب سخون مع العسل الحر طلعات ليه الفطور للغرفة حطات البلاطو جنب السرير وفيقاتو مريم : صباح الخير قيس : (بتعب ) صباح الخير مريم : كيف بقيتي شوية قيس : الحمد لله شكرا مريم : الحمد لله خدات البلاطو وحطاتو فوق السرير وساعداتو يجلس مقاد قيس : مافيا لي ياكل مريم : عرفت غير حاول ساعدتو كلى غير شوية ومن بعد عطاتو الدوا قيس : من جاك الدوا؟ مريم : جبتو من الفرمسيان (الصيدلية ) قيس : (شاف فيها وبعد تفكير تلكم ) اوك شكرا خدا الدوا خلاتو جالس نزلات الماعن للمطبخ وغسلاتهم دكر ليلة البارح وكيف سهرات حتى نزلات الحرارة وكيفاش كاتعامل معاه دابا بحل الأم وطفلها

317 قلبوا دق مي العقل دخل فالخط ومنعوا يدق مزال دخل ف حرب بين العقل والقلب عقلو : اكيد هذا كلو تمتيل هي رخيصة كتر من أزهار وكلهم عندهم هدف واحد اكيد كاتخطط باش تكسب قلبي وتلعب بيا وتضمن لعشيقها مستقبل قلبوا : لا مستحيل هي ماشي بحالها هي غير عقلو : انا ماشي غبي تم انا شفت الرسائل بعيني وشفتهم بزوج ويدها فيدو شنو مزال باغي حتى نشوفهم فالسرير مع بعضهم انا عارف شنو كاندير حتى يتزاد البيبي وغاندمها قلبوا : انت غالط ما تنكرش بلي كاضعف من كاتشوفها وقلبك كايخفق ليها عقلو : هاد القلب مستحيل يخفق لوحده رخيصة عدنان : الخطة خاص تدرس مزيان حيت هادي هي فرصتنا الأخيرة قيس لازم يموت وافنان لازم تورت أزهار : ولكن افنان ختو غير من مو ماشي من باه وفهاد الحالة ما عندها ما تورت كاينا مراتو وخوه وماتنساش مراتو حاملة والى ولدات ولد غايكون هو الوريث الوحيد للأملاك حفيظ : ممكن افنان تورت ف حالة وحدة كن ما كانش داك لقيط كانت غاتورت اووووف قيس إلى مات كاينا مو ومراتو وخوه وافنان آخر المستفدين لازم داك العقروشة ديال بشرى تموت وفأقرب وقت ومراتو الجنين لازم ينزل مستحيل يعيش وهي غانديرو ليها فخ وغايطلقها قبل ما يموت غايبقى لينا داك لقيط غانصيفطوه لقبر عند خوه ومراتو لي غاتهز التهمة وغاتبقى افنان هي الوريثه الوحيدة وشرعية للأملاك هههههههه عدنان : الخطة كاينا مي تنفيذ؟؟ صعيب بزاف أزهار : كاينا وحدة من عائلة مريم هي لي غاتساعدني فالفخ لي غايكون لمريم حفيظ : ممتاز عدنان : وبشرى كيفاش غاتموت؟ ؟ حفيظ : افنان هي طعم دير ليها شي حاجة باش يجيها نزيف وتاصل ب بشرى وقالها بلي افنان ف حالة خطيرة

318 غاتجي كاتجري عندها مي السيارة لي غاتكون جاية فيها غاتقلب وغاتموت مسكينة هههه أزهار : وااااو هاد شي مشوق حفيظ : مي قبل من أي تنفيذ لازم لازم دراسة معمقة للخطة ولاي تفصيل جمعات الدار ووجدات الغدا طلعات لغرفة لقاتو واقف مريم : فين غادي جلس ترتاح انت مزال مريض قيس : انا ما غادي فين قربات ليه وبغات ترجعو لسرير جرها لعندو ولصقها معاه ركز الشوف ف عينيها ومن بعد ف فمها ما قدرش يسيطر على نفسو خد قبلة من فمها لتهم شفاها ويديها كايتفحصو جسدها حطها فالسرير وتسطح فوقها وفمو كايلتهم فمها كاتحاول تفك من بين يدو ما قدراتش افنان : انت ما بقيتيش باغي دار عدنان : حياتي انتي عارفه شنو كاين إلى جلست فالدار شنو غاناكلو انا كانحاول نقلب على خدمة افنان : ومزال ما لقيتي عدنان : سي لقيت حياتي افنان : (ضماتو ) مبروك اعمري عدنان : حياتي كاين شي غدا؟ افنان ::وي انا غانحطو عدنان : (باس ليها يدها ) انا غانساعدك حفيظ : نتي تقدري تسافري رتاحي شوية وحتى انا غانسافر باش نريح راسي ونجمع افكاري ونيت باش قيس ما يبقاش حاضينا أزهار : وي عندك الحق انا لازم نسافر باش نرتاح ونيت باش ما يبقاش مركز علينا ¤¤¤ بعد مرور خمسة أشهر ¤¤¤ فهاد الخمسة أشهر مريم كانت كاتمشي لنادي بنتضام وخدات الدبلوم ديالها علاقتها بقيس مزال كيف هي ومزال معاه عصبي ومزاجي بشرى كاتزورهم كل اسبوع ونور الدين حاول كدا مرة يكلمها وصداتو بدون ما يعرف قيس ومزال ما فقد الأمل عندو يقين بلي غايجي اليوم لي يرجعو فيه حفيظ سافر خارج المغرب نفس الشيئ بنسبة ل أزهار أما عدنان مع افنان كايرسم خطتو بهيحة ولدات وولدها عندو أربع شهور وسماتو علي فاطمة الزهراء مزال ما هداها الله على سعد وهو مزال ما فقد الأمل كايدير ما فجهدو باش تبغيه للإشارة هي كاتبغيه غير دافعة عليه كبير بطلتنا وصلات لشهر السادس وكرشها كبرات والبيبي مشبعها ركيل باغي يخرج لدنيا مزال ما عرفات نوع الجنين عندها كيف كيف المهم الخلقة التامة والصحة وحفصة مزال عليها بالنصائح باش تير قيس ويحن قلبوا من ناحية الاتارة كاتيرو وكل ليلة مسهرها فالفراش

319 وما كايطلق منها حتى كايسخسخها واخا كاتحس بالألم ما كاتبينش ليه فهاد الفترة جا غالي ومشى لدوار وتوجه لدار خالو كانت بهيحة فالدار وهي لي فتحات ليه الباب سول على مريم وما عرفاتوش سالتو شكون هو قالها بلي هو خوها ورجع على قبل مريم ما صدقاتوش فالأول من حكى ليها صدقاتو فرحات برجوعو وقالت ليه بلي مريم تزوجات وعايشه ف الرباط طلب منها ما تقول لحتى واحد برجوعو ما باغي يشوف حتى شي حد رجع على قبل مريم فقط تفهمات طلبو كان غادي على أساس يشوفها ووصلوا تصال بلي ليل دار حادت رجع لفرنسا وتلهى مع ليل والخدمة مي ما نساش مريم وواعد نفسو بلي غايجي يوم ويشوفها ولي خلاه مرتاح انها ماشي فداك الدوار العين وبلي هي مزوجة ومرتاحة عدنان : توحشتك الوليد وأخيرا رجعتي حفيظ : ( ضمو ) حتى انا توحشتك عدنان : أزهار جات الاسبوع لي فات عدنان : وي مي خليك بعيد على أزهار ما تغامرش إلى حصلاتك افنان قبل ما نفدو الخطة غايمشي لينا كلشي فالزيرو عدنان : ما تخافش حفيظ : يالا المهمة غاتبدا من غدا عدنان : وانا مستعد خمس شهور دازت وصل وقت الجد ترن. . . . ترن. . . . ترن مريم : الوو خالتي بشرى : الوو بنتي اش خباركم واش خبار حفيدي لغزال مريم : الحمد لله حنا بخير ناقصنا غير وجودك بشرى : انا فهاد الأسبوع ان شاء الله غانجي مريم : ان شاء الله الله يجيبك على خير بشرى : امين ابنتي تهلاو ف بعضياتكم

320 مد ليه قرعة صغيرة بزاف بحجم الإصبع وفيها سائل اصفر حفيظ : هادي غاتحطها ليها فشي مشروب من الاحسن ف العصير باش ما دي ما تجيب ومن بعد ما تاخدها للمستشفى غاتاصل ب بشرى اكيد هداك الحقير غايجي وياك تخليه يستفزك عدنان : والى الطبيب قالهم هاذ الدوا لي دار ليها هاكا؟ حفيظ : حتى شي حد ما غايعرف سبب حيت هذا ما كايخليش الاتر ديالو ف التحاليل ودير فبالك غاتجهض عدنان : ( خداه منو ) اوك سليمان : هاد الهدوء ما عاجبنيش واش ف نظرك كايخططو لشي حاجة؟ قيس : انا ما غفلت عليهم حتى دقيقة هديك الق*** دخلات للمغرب الاسبوع لي فات وداك شارف دخل اليوم انا ماشي غبي باش نغفل عليهم شافت أنواع وأشكال ديال البشر وعرفت كل واحد ومعدنو وواحد بحال حفيظ لي خطط مدت 30 سنة باش يستولي على كلشي مستحيل يفقد الأمل سليمان : وي عندك الحق لازم نخنقوهم وما نخليوهمش يهزو الرأس الشركة لي أسس حفيظ ما خاصش تكبر حيت إلى كبرات غاتولي أكبر منافس لينا قيس : انا كانوجد ليه دقة سليمان : سعد تطلق شوية مابقاش كيف كان قيس : وي بدا كايتأقلم هو دكي بزاف وعنيد هههه راسو ناشف بحالي سليمان : وي عنيد بزاف كاتشابهو بزاف عندكم بزاف ديال نقط مشتركة بينكم قيس : سي نوغمال حنا خوت سليمان : وي الله يخليه ليك مريم اش خبارها ولدكم قربب يخرج لدنيا انا متشوق نشوفو قيس : لاباس عليها (سهى شوية ومن بعد تكلم ) وي قريب يخرج لدنيا احم نخليك دابا

321 سليمان : اوك تهلا *** المسااء *** افنان : (حاطة يدها على كرشها ) ااااااااه اي هئ هئ عدنان : (شدها من يدها ) مالك احياتي افنان : الوجع ااااااه هئ هئ عدنان : (تصنع الخوف ) واخا احياتي ها حنا غاتمشيو لمستشفى تسناي نجيب شي فلوس من الغرفة ونجي طلع للغرفة وسد الباب وخلاها كاتنزف وكاتقطع بالوجع خدا تلفون وتاصل بحفيظ حفيظ : مزيان بزاف انا غانتاصل بالشخص لي ف القرية وغايتكلف بالسيارة ديال بشرى انت دي افنان لمستشفى عدنان : اوك حفيظ : من غانفد الأمر غانعلمك باش تاصل ب بشرى عدنان : مزيان بزاف قطع الاتصال وفتح الخزانة ولبس حوايجو بدون ما يهتم بألم افنان نزل وهو ما مسوقش افنان : (الدم نازل من تحتها ) تعطلتي بزاف انا كانموت هئ هئ عدنان :واخا احياتي هاني جيت ولكن لمن غانخليو لبنات افنان : ناخدوهم معانا طلق راسك خرجو من الفيلا وملاك ولميس معاهم ساق السيارة وتوجه للمستشفى ما قدرتش تستحمل فقدات الوعي قبل ما توصل للمستشفى وجاها نزيف حاد بعد ما وصلوا للمستشفى تاصل بيه حفيظ بلي كلشي جاهز

322 تاصل ب بشرى وقالها بلي افنان جاها نزيف وجهضات وبلي حالتها خطيرة خرجات بسرعة من المزرعة كاتبكي وقالت ل فطومة شنو وقع وطلعات ف السيارة وشدات طريق الرباط بعد ساعة خرج الدكتور من غرفة العمليات عدنان :دكتور افنان واش لاباس عليها الدكتور : للأسف فقدنا الحالة البقاء لله عدنان : (حل فمو من الصدمة ) ك كيفاش؟ ؟؟ الدكتورة : المدام حاملة فالشهر الرابع وجاها نزيف حاد تأخرتي بزاف ضاع منها الدم والضغط نزل ليها عدنان : (حط يدو على فمو ) الله ياربي ملاك : مامااااااااا هئ هئ فالطريق السيار فقدات السيطرة على السيارة كانو قلبها مزير عليها ودموعها نازلين حاسة بنتها والسيارة كملات ليها التوتر لي ناقصها بعد محاولتها المتكررة تحكم ف السيارة ما قدراتش تنجح ودارت حادت قبل ما دخل لرباط ترن. . . . . ترن. . . . ترن. . . . . قيس : وي الوو فطومة : الوو اولدي انذرا افنان كيف بقات؟ قيس : (بستغراب ) افنان؟ ؟ علاش مالها؟ فطومة : واش ما فخباركش تاصل عدنان وقال للحاجة بلي افنان جاها نزيف وداها لمستشفى وماما خرجات من المزرعة وشادة طريق الرباط علاين وتوصل قيس : كيفاش واخا ادادا قطع الاتصال وخرج من الفيلا كايجري تبعتاتو مريم كاتجري وقفات قدام السيارة مريم : (بخوف ) شنو واقع؟ ؟ قيس : (بعصبية ) حيدي من قدامي مريم : خالتي مالها؟ ، قيس : ماشي ماما حيدي من قدامي خلاص ما تعصبنيش مريم : بعدات من طريقو ساق بسرعة ف طريقو تاصل ب عدنان

323 جاوبو وقاليه بلي افنان ماتت الدنيا ضارت بيه ما قدرش ينطق لسانو تعقد وقف سيارة فالطريق ونزل منها جلس الأرض ودموعو نازلين بكى بحرقة وضرب راسو مع السيارة عدة مرات طلع ف السيارة وساق بسرعة وقف قدام المستشفى نزل من سيارة ودخل كايجري بلا عقل ودموعو نازلين شاف ملاك ولميس جالسين وكايبكيو لميس ما كانت فاهمه والو شافت ختها كاتبكي وبكات حتى هي قيس :شنو وقع فين هي ختي المجرم عدنان : افنان ماتت ماتت هئ هئ قيس 😞 جر الدكتور ) فين هي ختي وشنو وقع؟ ، الدكتور : المدام وصلاتنا فاقده الوعي وجاها نزيف حاد حاولنا نقدوها مي فشلنا كان فاات الفوت البقاء لله والله يجعل محبتها صبر دخل قيس عندها ودموعو نازلين حيد ليها ليزار من وجها كانت ناعسة كيف الملاك نزلات دمعة حارة فوق وجها طبع بوسة فجبينها لي كان بارد كيف ثلج ما قدرش يتمالك نفسو نزلو دموعو وحط راسو فوق صدرها وصلوا تصال تجاهلوا ووصلوا للمرة الثانية وتجاهل والمرة الثالثة رد قيس : (بصوت مخنوق ) الو الشخص : قيس العمراني؟ ؟ قيس : وي قيس : المدام بشرى بن شقرون عملات حادث خطير فالطريق السيار بين الدار البيضاء والرباط قيس : (قلبوا كان غايوقف) شنووووو؟ ؟......يتبع هادو هما أجزاء اليلة ونتمنى ما تبخلوش عليا برائيكم وتوقعاتكم وشنو غايوقع ل بشرى ف نظركم واش غاتلحق على افنان ولا غاينقدوها وشنو كايتسنى مريم وقيس؟ ؟؟ وتعاليق داااااااااخل الرد ليلة سعيدة 😘

324 أزهار : (حطات يدها على فمها وشهقات ) افنان ماتت حفيظ : لسوء الحظ ماتت ما عرفتش اش هاد القدر الحظ ديما معاكسنا وواقف ضدنا فكل مرة كايطلع لينا شي مشكل أزهار : الكارثة هي الى عاق قيس حفيظ : مستحيل يعرفو سبب الوفات هداك الدوا لي عطيتو مستحيل يظهر ف التحاليل أزهار : الخطة فشلات كان لازم افنان تعيش وبشرى هي لي تموت حتى لو ماتت بشرى دابا ماعند موتها فاش ينفعنا حفيظ : بفففف مي ما غانيأسش توجه للمستشفى لي نقلوا ليه مدام بشرى طلع لطابق الرابع كايجري كانت ف غرفة العمليات سأل الممرضة لي كانت ف الاستقبال وطلبات منو يتسنى شوية بقى غادي جاي لمدة ساعة وصلوا كدا تصال من مريم ما طفاه بدون ما يشوف شكون كايتاصل بعد ما دازت ساعتين خرج الطبيب المسؤول على العملية قيس :( بلهفة ) شنو وقع لماما كيف بقات ؟ الدكتورة : الحالة لي وصلاتنا قبل ساعتين كانت عاملة حادث سير خطير عندها جروح على مستوى اليد والوجه وبعض الكدمات وعندها كسر على مستوى العمود الفقري والرقبة عملنا ليها الحديد فالظهر الان حالتها مستقرة لازمها الراحة التاااامة وان شاء الله غاتكون لاباس قيس : بغيت نشوفها الدكتور : من الاحسن لا (شاف الساعة ) دابا 2:00 الصباح أو يالا خرجات من العملية ناعسة دابا حتى الصباح وشوفها

325 جلس فالكولوار (الممر ) ودار راسو بين يديو ودموعو نازلين على ختو لي مشات عند الله وعلى مو لي مرمية ف المستشفى كيفاش غاتكون حالتها من تعرف بلي بنتها مشات عند الله بعد 15 دقيقة وقف ومسح دموعو تكلم مع الممرضة ووصاها تهتم بمدام بشرى خرج من المستشفى وتوجه فين كاينا افنان كان عدنان مشى تكلم مع الدكتور وسألو على سبب الوفات وأكد ليه بلي السبب نزيف حاد ما قنعوش100% طلب تشريح الجثة باش يعرف سبب وبما انا قيس صاحب نفود ما لقاش صعوبة شرحو الجته ولسوء الحظ ما ظهر ليهم والو حفيظ كان دارس كلشي بدقة طلع النهار وقيس مزال ف المستشفى مع 7:00 تاصل ب مريم وقالها شنو وقع ل مدام بشرى وطلب منها تمشي لعندها بعد ما عطاها العنوان قطع الاتصال وتكلم مع مدير المستشفى وكمل لإجراءات باش يقدر ياخد افنان مع 8:00 عاد جا عدنان غير شافوا شنق عليه قيس : انا متأكد بلي انت ورا موت ختي المجريم عدنان : (كايحاول يتفك من بين يدو ) طلق مني انت غالط افنان كانت حب حياتي كيفاش غانكون انا ورا موتها انا اصلا من سمعت الخبر انا مجرد جثه بلا روح هئ هئ انا. .. (قاطعوا بلكمة على الوجه ) قيس : ما غانرتاح حتى نصيفطك الحبس المجرم وملاك ولميس بلا ما تحلم تربيهم اليوم بعد الدفن غاناخدهم وياوليك تعارض انت عارف شنو نقدر ندير ليك وياوليك تعتب باب داري والى مشيتي حتى حاولتي تشوف ماما غانحيك عدنان : ما يمكنش نسمح ف بناتي قيس : ها حنا غانشوفو

326 تاصل ب سليمان وبعض الأقارب وتاصل ب مريم وطلب منها تمشي لفيلا غاتكون الجنازة تما الخبر طاح عليها كيف الصاعقة نزلو دموعها بدون ما تشوفها بشرى تاصلات ب فطومة وقالت ليها شنو وقع وطلبات منها تقولها لعائلتها من بعد تاصلات ب فاطمة وطلبات منها تجي تجلس مع مدام بشرى وتهتم بيها ووصاتها ماتقول ليها والو باست جبين بشرى لي كانت ناعسة وما على بالها والو خرجات من المستشفى وتوجهات لفيلا كان تما قيس مع سعد وسليمان جابوا السرباية والخدمات من مكتب التشغيل والمقرئين كلشي كان كايجري وكل واحد ملهي ف خدمتو مريم : سلام عليكم الكل /وعليكم السلام شافت ف قيس كان وجهو صفر وعينيه حمرين قربات منو وضماتو بدون ما تهتم لناس لي حاضرين همسات فودنو مريم : البركة فراسك قيس : ( بصوت خشن ) ما مشى معاك باس شدها من يدها وطلعو للغرفة مريم : كيفاش ماتت شنو وقع؟ قيس : هذا ماشي وقت الأسئلة ملاك ولميس غايكون هنا من دابا لساعة بغيتك تهتمي بيهم هما محتاجين لرعاية خصوصا ملاك نفسيتها مدمرة نانا المربية ديالهم غاتكون معاهم مي مابغيتكش تعولي عليها بزاف ما كانتيق فحتى واحد مريم : ان شاء الله كن هاني خالتي بشرى كاينا معاها فاطمة غير يمشيو الناس غانمشي لعندها قيس : نن غير خليك انا غانمشي عندها فاليل مريم : واخا

327 بعد ما تكلم مع مريم نزل عند الناس بعد دقائق وصلات الإسعاف لي فيها افنان وقفات قدام الفيلا خرج قيس وسليمان وسعد وبعض الرجال من الأقارب والأصدقاء كان من بينهم عدنان وحفيظ طلع قيس ف الإسعاف وجلس حدا رأس افنان تقدمات سيارة الإسعاف وتبعوها السيارة من الور وصلوا المقبرة بعد دقائق هزها سعد وقيس وسليمان وواحد الشخص من العائلة ودعها الوداع الأخير ودموعو نازلين كان قلبوا غايوقف فديك الحظة دفنوها قدام عينيه صلى عليها صلاة الجنازة مع الرجال لي كانوا وبعد صلاة دعاو معاها بالرحمة والمغفرة ورجعو الفيلا كان مرفوع كايتلقى تعازي بلا عقل مريم هتمات بكل صغيرة وكبيرة واخا كانت متقلة وكرشها ل فمها ما جلساتش مع العصر وصلات فطومة وزينب وبهيجة ومحمد عزاو قيس ومن بعد توجهوا لصالة فين كانت مريم جالسة مع النسا بهيجة : (ضماتها ) البركة ف راسك كيف بقات خالتي بشرى؟ مريم : ما مشى معاك باس حالتها مسكينة يعلم الله من تعرف بنتها ماتت كيف غاتكون زينب : كيفاش ماتت مسكينة؟ مريم : حاملة فالشهر الرابع وطاح ليها البيبي وجاتها الفيضة مجهدة ( نزيف حاد ) ضاع منها الدم بزاف وقالك طاح ليها طونسيو ما قدروش يعتقوها قالها ليا سليمان أما قيس ما قادرش يهضر واش عزيتوه؟ زينب : ايه راه كاين معاه خالك وفطومة مسكينة طريق كلها وهي تبكي وتقول واش سكتات مريم : الكبدة صعيبة راها ف مقام مها هي لي رباتها زينب : واحد فاطمة ما بانتش ليا فينها؟ مريم : من صباح وهي ف المستشفى مع خالتي

328 بهيجة : غدا ان شاء الله نمشيو لعندها مريم : ان شاء الله فطومة : (ضماتو وكاتبكي ) الله على بنتي الله الله على كبدتي الله مشات بنتي مشات هئ هئ ضمها وباس جبينها وحاول يهدنها سألتو على مريم قالها فين كاينا توجهات لعندها وضماتها وسألتها على على أحوال بشرى مريم : دارت العملية مزال ما عرفات بموت افنان فطومة : الله على الحاجة قلبها غايتكوا كيف تكوا قلبي هئ هئ مريم : (ضماتها ) الله يجعل محبتها صبر طلبي ليها الرحمة والمغفرة فطومة : (رفعات رأسها لسما ) الله يرحمك ابنتي ويوسع عليك الكل / اميين ***المسااء *** بعد العشا كل واحد مشى لدارو زينب ومحمد جلسوا ف غرفة الضيوف وبهيجة وفطومة جلسوا ف غرفة فطومة كانت مجهزاها ليها مدام بشرى من زمان وفكل ما كاتجي لعندهم كاتجلس فيها كان جالس ف لاطيراس وكايدخن ودموعو نازلين خدا تلفون ديالو وتاصل ب عدنان ترن. . . . ترن. . . . ترن. . . . . عدنان : الوو قيس : (بصوت خشن ) شوف اداك الكلب غدا قبل ما طلع شمس ملاك ولميس يكونو هنا ولا راك عارف اش كايتسناك عدنان : الصمت قيس : (بصوت عالي ) معاك كانهضر الحيوان برب ومايكونو البنات عندي قبل ما طلع شمس حتى نحيك عدنان : ان شاء الله فالصباح يكون عندك و. . . (قطع عليه ) طييييييييط. . . .

329 دخل الغرفة وجلس فوق السرير جنبها كانت فايقة وكاتشوف بدون ما تكلم قرب منها وتخشى ف حضنها وضمها بقوة ضماتو بنفس القوة حسات بقلبها مزير اول مرة غاتحس هاد الاحساس معاه ما عرفاتش واش الشفقة ولا الحب بقاو ضامين بعضهم بدون ما يتكلمو نفس الاحساس لي عندها عندو بعد دقائق حاولات تعتادل فالجلسة تحركات ببطئ هز راسو وشاف فيها وعينيه فيهم دموع طلب منها تسطح تسطحات على ظهرها وحط راسو فوق صدرها ويدها فوق ظهرو وغفاو ***أصبحنا وأصبح الملك لله *** فاقت مع أدان الفجر صلات ونزلات وجدات الفطور فاق بعدها صلى ونزل لعندها لمطبخ قيس : صباح الخير مريم : صباح الخير قيس : انا غانمشي عند ماما ملاك ولميس شوية غايجيو مريم : حتى انا بغيت نشوف خالتي قيس : ما كاين لاش الناس غايجيو لازم تكوني ف ستقبالهم مريم : واخا احم جلس تفطر بعدا قيس :لا شكرا خرج من الفيلا وتوجه للمستشفى فاقت فطومة وبهيجة جمعات بهيجة الغرفة ونزلو عند مريم بعد دقائق لتاحقات بيه زينب ومحمد زينب : صباح الخير عليكم الكل / صباح الخير مريم : كيف صبحتو ؟ محمد : الحمد لله ابنتي راجلك فين هو؟ مريم : عاد لقتيه خرج مشى يزور خالتي زينب : فين هي إي

قصة  القروية, قصة القروية 35, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

 قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :