قصة القروية 19

قصة القروية 19

رجعات مريم لدار بهيجة وفاطمة وزينب كانو ف ستقبالها بالحليب وثمر وزغاريد كانت لابسة جلابة فالبيض وبلغة فالباج مع شال فالباج دخل محمد وقيس وسليمان هما لولين عاد تبعاتهم هي وبشرى لي كانت طايرة من الفرحة اخيرا لقات البنت المناسبة لولدها بعد طول نتظار

بهيجة وفاطمة : صلى وسلام على رسول الله إله جاه إلى جاه سيدنا محمد الله معاه جاه العالي لو لو لو لو ي ي ي ي ي 

بهيجة :(ضماتها ) ألف ألف مبروك 

مريم : الله يبارك فيك 

فاطمة : مبروك عليكم برفاه والبنين (ركزات على البنين باش تفقص سميرة ) 

بشرى : ان شاء الله ياربي 

زينب(سلمات عليها ) مبروك عليكم 

مريم : الله يبارك فيك 

قيس (كايشوف ف الساعة لي فيدو وغمزاتو فاطمة سليمان كان مرة مرة كايشوف ف فاطمة بإعجاب لحظات نظراتو وحسات بالخجل جلسوا فالصالة مجموعين تافقو من دابا لشهر غايكون العرس بشرى فضلات يكون هنا حسن من الرباط فرحات بهيحة حيت غايكون العرس عندهم وغايحضرو ليه كاع ما لين الدوار بعد ما جلسوا شوية خرجوا من عندهم اليوم الخر عندهم ف العروبية فاليل غايرجعو لرباط 

بهيجة (عنقاتها ) والله ما سخينة بيك الحاجة بقاي تباني عندك تغبري علينا 

بشرى : ربي يخليك ابنتي ان شاء الله غير يدوز هاد الاسبوع غانكون عندكم 

بهيجة : ان شاء الله وجيبي معاك لموسة 

بشرى : هههههه ان شاء الله 

خرج قيس من عندهم وهاز قنانفو لسما كيف العادة وبدون ما يتكلم معاها حتى مبروك علينا ما قالها لحقات عليه بشرى وسليمان بعد ما سلمات على الكل وتكلمات مع مريم طلعات ف السيارة بقاو واقفين قدام الباب حتى بعدات سيارتهم عاد دخلو كايسولو ف مريم 

سلمى : خطبتها كانت ديك سيمانة واليوم فالصباح مشات لرباط باش دير العقد 

نور الدين :(ضرب يدو مع سرجم الزاج (النافذة ) حتى ولات يدو كلها دم (بصوت عالي )علااااااااش اربي علاش حتى قلت صافي غانكونو مجموعين وفرقتينا ( نزلوا دموع من عينيه ) 

سلمى : ستغفر الله حرام هاد شي لي كادير فراسك كلشي بالمكتاب ما مكتابينش لبعضكم 

نور الدين : ( بحرقة ) مك هي سباب كن ماشي هي لي عكسات لينا من ربع سنين كن راه ولادنا كايلعبو فالزنقة

بهيجة : صلى ع النبي طاح عليك السر تبارك الله جيتي توتة وتاك البيض 

مريم (بضيق نفس ) ربي يخليك 

بهيجة (جراتها من خدودها ) ضحكي شوية ويلي نهارك هذا هههه

فاطمة : عاودي لينا كيفاش داز داك شي وفين مشيتو ؟؟

مريم : داز عادي وقعنا العقد وتغدينا على برا مجموعين صافي 

زينب : شحال عطاك ف الصداق؟ ؟

مريم : 20 000 درهم 

زينب :(خرجات عينها ) شحااااال؟ واايلي 

سميرة : ( بحقد ) مالك اخالتي عمرك سمعتي هاد القدر تعطى فالصداق بالنسبة ليه هو خانز فلوس كان خاص يعطي كتر هه 

فاطمة :بحال الصداق لي شديتي نتي الله يعطينا وجهك 

سميرة : ايوا الدخلة امتى حتى هي حتى لعرس ولا قبل هههه 

مريم نخلاتها وتكلمات مع إيناس 

مريم : إيناس جيبي ليا كأس الما احبيبة 

سميرة : همسات ل زينب ( ياويلك من البايرة إلى ضربات الصداق) 

زينب : غاتهنينا من صداع لا،؟

محجوبة : تجوجات تبعات الفلوس وما حارتش فيك ابارد القلب وانت gزرتي يدك على ودها 

نورالدين : (بالغوات ) نتي سباب نتي لي فرقتي بينا ما نسمحش ليك 

محجوبة : ماتسمحش لمك؟ ؟ هادو هما ترابي لي ربيتك 4 سنين ما شفت وجهك ومن تجي توكل عليا الله حيت شفت مصلحتك ايوا الله يرضي عليك 

خرج ودموع ف عينيه وخلاها كاتغوت وبنتها كاتسكت فيها بعد ساعات قليلة وصلو لرباط بشرى دخلات لدارها هي ولميس وقيس وسليمان مشاو للبار ديال سليمان 

سليمان : مالك اصاحبي غير عاقدهم ضحك شوية اوو لي شافك فهاد لحالة يقول كنتي ف جنازة ماشي اليوم عقد قرانك 

قيس : واش غاتخليني نتصنت لدماغي ولا نخلي ليك هاد الحفرة؟ 

سليمان : والله حتى زدتي فيه واخد بنت غزالة ومأدبة شنو لي ناقصها حتى كاعي هاكا 

قيس : حيت انت عايش مع قبل بخير ما عندك لي يصدعك

داك شي علاش فارع ليا مخي من صباح 

سليمان : انت ما كاتبغي حتى وحدة ادا مالك معقد الأمر الحب غايجي بعد العشرة هادي وجهة نظري 

قيس : كانكره لي يفرض عليا طلباتو ويرغمني على حاجة ما باغيهاش هي تفرضات عليا وتزوجتها وانا ما راضيش انا لي كلمتي ما كاتنزلش الأرض نزلات بسببها اصلا شكلها وكلها لا علاقة 

سليمان : حتى حد ما نزل كلمتك انت خديتي رضى مك وبالعكس غالط مريم مافيها مايتعاب خاصك غير تحل عينيك 

قيس (بعصبية ) شفتك من شفتيها وانت تمدح فيها ياكما نطلقها ونعطيها ليك؟ ؟

سليمان : إلى زدت معاك شي كلمة مزال راني ناقصني عقل (خرج وخلاه كان الكأس فيد قيس شير بيه حتى تشتت والناس لي فالبار كلهم تلفتو لعندو خرج ساخط على الوضعية وساق سيارتو بسرعة )

***بعد مرور يومين ***

بهيحة : معامن كنتي كاتهضري فالتلفون ؟

مريم : مع خالتي بشرى سلمات عليك 

بهيجة : مرحبا بسلامها كي دايرة؟ 

مريم : الحمد لله 

بهيجة : سعداتك عطاك الله حمات مسgدة لعقوبى لراجل حتى هو ههههههه 

مريم : (دارت الشال على راسها ) غانمشي لعند خالتي فطومة نقولها شي حاجة وصاتني عليها خالتي بشرى ونرجع دغية 

بهيجة : واخا 

خرجات مريم من دار حانية رأسها وكاتسرع ف الخطوات بغات تفادى اي سؤال يالا فاتت دار بشوية حتى تعرض طريقها شخص رفعات عينيها وكانت صدمة. .....يتبع في الحلقة الموالية ..

قصة  القروية, قصة القروية 18, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :