قصة القروية 13

 قصة القروية 13

قيس : تفضلي 

بشرى : مزال ما هداك الله اولدي دير دارك وولادك؟

قيس : نتي لي واش مزال ما هداك الله تسدي هاد الموضوع

بشرى : اولدي العمر كايجري شحال باقي ليا فالدنيا بغيت نفرح بيك ونهز ولادك بين يدي واش ماشي من حقي 

قيس : (بعصبية ) فعلا ماشي من حقك تفرضي عليا شنو كاتنمناي انا بوحدي لي عندي الحق نقرر كيف غاتكون حياتي (بصرامة ) مفهوم؟ ؟

بشرى (غرغرو عينيها )مفهوم الله يرضي عليك 

"عطاها بظهر ومشى وشرارت الغضب كاطير من عينيه توجه لاسطبل خدا الحصان ديال وخرج من المزرعة "

فطومة : (بأسف ) ماتعصبيش راسك خليها على الله دابا ربي يهديه 

بشرى : امين امين 

مريم : حاسة بشي وجع خفيف 

بهيجة :ياكما خالتي ضاوية غاتزورك اليوم 

مريم :(بخوف)ناري غير سكتي شوهة إلى نزلات ليا دابا 

بهيجة : ما شوهة والو داك شي ديال الله 

عائشة : راه مابغاتش تعطيني نمرتها واش ناخدها منها صحة 

محمد : حتى نكون ما عارفكش ازرمومية محال واش gلتيها ليها؟ 

عائشة : حق مولانا حتى gلتها ليها ومابغاتش 

سميرة :(دخلات عندهم) مالك ثاني صوتكم واصل لبرا 

"خرج محمد وخلاها كاتبيض ف عينيها "

سميرة : هذا مالو ثاني غايصوط كي لعجل؟ 

عائشة : صيفطني نجيب ليه نمرت مريم ومن ما جبتهاش ماعجبو حال 

سميرة (ضربات فخادها )اويلي حي على نمرت مريم اش بغاها البرهوش تحلو ليه لعينين مابانت ليه غير ديك البايرة 

عائشة : هانتي تشوفي دوقو كس وجهو بنت الهم 

سميرة : فينا هي مي ؟

عائشة : راها فالكوري كاتعلف البهايم خلينا من الكلام الخاوي gعدي gعدي نعاود لك اش شفت 

سميرة : اش شفتي عزرائيل 

عائشة : يديك تي طمي أهيا ناري 

سميرة : طلقيني خلاص تابعني شلا مايدار 

عائشة : ميمتي على كعب غزال شفت اليوم قولي فقاص حيت باين صعيب هههه

سميرة : (بستغراب )تي اش كاتخربقي 

عائشة : تي مول الفيرمة ناري ياختي شحال غزال 

سميرة : فين شتيه؟ ؟

عائشة :مشيت درت سبة ب ديك العوجة ناري ياختي طويل ومبودر ولوين ولابس واحد القبيلة غاطرطق عليه وواحد دجين زرق وداير لحية خفيفة وشعر كحل. .(قاطعاتها ) 

سميرة : طفاي براكة والله يالبرهوشة ويحلصك با حتى يقطع ليك ركابي هاني بارية منك لا تحلميش بزاف 

عائشة : ايييييخ غالبغى يخوي قلبو عليك

مريم : ااااااه ميمتي الوجع عاد ما كايزيد ما قادراش نتحرك سخفة طالعة معايا 

بهيجة : يالزغبية وجهك صفر عنداك طيحي ليا هنا بحال لي مولفة طيحي ليا فدار نوضي نوصلك ونرجع 

مريم : تسطيتي ولا مالك مابقى والو ونساليو غانصبر واش تامارة هاد النهار ضيع 

بهيجة : راه صحتك لي غاضيع تي علامن كاتصيري على القورع شوفي وجهك ولا كي الحامضة صفر 

مريم : (كاتحسس كرشها "بطنها ") خدمي خدمي 

(قبل ما تكلم كلامها وقف عليهم قيس كان فوق العود ومخنزر ساخط على الوضعية) 

قيس : ( بصوت عالي ) واش هادي بلاصة الخدمة ولا الجموع؟!!

(قفزات من صوتو نزلات رأسها لأرض بسرعة بدون ماتنطق )

بهيجة (شافتها منزلة رأسها ) سيدي حنا ما كانجمعوش خدمتنا كاندروها بحال كاع الناس وكتر كاع ولكن راه البنت مريضة هذا علاش وقفات 

قيس : (بدون مايكلف نفسو ويشوف فيها تكلم بحدة ) هدا مكان العمل ماشي مستشفى وما غانقبل حتى تهاون (وجه كلامو للكل ) لي بغى يخدم مرحبا ولي بغى يتفشش يمشي عليا ماعندي ماندير بيه (بصوت عالي )مفهوم ؟؟

**عم الصمت وشي كايشوف فشي **

بهيحة : سيدي البنت مريضة وما غاتقدرش تكمل تقدر تفقد الوعي ديالها خليها تمشي 

قيس :(شاف ف بهيجة ) وباش مريضة سيادتها !!

( بهيجة حشمات فالأول تقول الدورة شهرية)

قيس : (بحدة ) يالا كل واحد يشوف شغلوا 

بهيجة : سيدي دفع ليها نص نهار لي خدمات وغدا غاتجي 

قيس (بعصبية ) فيك الهضرة بزاف واش هي زيزونة ولا نتي محامية عليها ما كاين لا نص نهار ولا ربع نهار إلى بغيتو تخدمو خدمو والى لا مانشوفش وجهكم هنا مرة أخرى (شاف ف مريم بنص عين )

"بغات بهيجة ترد عليه وهي ضغط عليها مريم على يدها )

مريم : مايكون غا خاطرك سمح لينا على تأخير 

)كمل طريقو بدون مايرد أو يشوف فوجها )

بهيجة : الله يتبعو البلا الجنس الناقص مالك مخصوصة يالا لخيمتنا ينعل بوه 

مريم :(بصوت شبه مسموع ) سكتي راه عطا الله لي وصل هضرتك 

(رجع قيس لفيلا وهو معصب كلام مو خلاه عصبي وخاطرو ضيق وفنفس الوقت حس بتأنيب ضمير حيت رفع صوتو على مو )

قيس : فين هي الحاجة؟ 

فطومة : فبيتها اولدي 

قيس : شكرا 

(طلع لطابق الثاني ووقف قدام باب غرفة مدام بشرى بعد تفكير خدا نفس عميق وطرق الباب )

دق.....دق .....

بشرى : تفضل

قيس : سلام عليكم 

بشرى :(بدون ما تشوف فوجهو ) وعليكم السلام 

قيس :( قرب منها وجلس على ركبتو وشد يدها بين يدو وطبع بوسة فيدها ) سمحي ليا اماما 

بشرى : انا مامقلقاش منك باش نسمح ليك 

قيس : (حط راسو فوق رجليها ) لا مقلقة انا فقدت اعصابي ورفعت صوتي فوجهك ماقصدتش نقلقك

بشرى (مرات يدها على خصلات شعرو ) الله يرضي عليك واش عمرك شفتي شي حد يقدر يستغنى على عينو انت اولدي هو ضو عيني وحياتي وبغيت ليك غير الخير حلمي نشوفك بمراتك وولادك ولكن إلى ما بغتيش غانحترم رغبتك وغانتسنى حتى نهار لي

27

قيس : (رفع راسو ) مدام هذا حلمك انا غانحققو ليك 

بشرى : كيفاش ؟؟

قيس : (بتسم بزز ) إلى فبالك شي وحدة انا موافق 

بشرى : ( عينيها لمعو ) بصح اولدي متأكد؟ ؟

قيس : وي 

بشرى : انت مافبالك حتى وحدة؟ ؟

قيس : لا 

بشرى : انا لقيت ليك البنت شوفها والى عجباتك الله يسخر ههه

قيس : ما كاين لاش مدام عجباتك مزيان 

بشرى (باستو فجبهتو ) الله يرضي عليك اولدي وينور حياتك ويفرحك كيف ما دخلتي الفرحة لقلبي 

قيس (وقف وباس رأسها ) امين 

بشرى : امتى تبغي نطلبو يدها ؟؟

قيس : شوفي لي ناسبك 

بشرى : غانتكلم معاها والى وافقات نطلبو يدها هاد الاسبوع 

قيس (تكلم بزز ) ان شاء الله 

¤¤¤الرباط ¤¤¤

نسمة : مالك اخالتي وليتي غير مهمومة؟ ؟

نعيمة : غير خليها على الله هاد الولد مابقاش عاجبني حالو ولا عاطياها غير لسهير والبيات برا وليت مشوشة عليه بلا قياس 

نسمة : (بتسمات ) شحال فيك اخالتي راه بحالو بحال قرانو راه سعد كبر وولا راجل واش هو بنت تحجبيه فالدار وتشوشي عليه إلى خرج ههههههه شوفي داك بوراس لي عندنا ما كايدخل حتى لفجر

نعيمة : بعد كايدخل فالفجر هذا مابقاش كايدخل كاع أح على الكبدة ماكاتهنيش نهار تولديهم ابنتي غاتحسي بيا 

♡♡القرية ♡♡

بهيجة : واخيرا سالينا أجي داك المسرول ديال العربي حسو مقطوع فين غطس؟ ياكما مانويش يخلصنا اليوم والله حتى نشوهم 

مريم : (كاتهضر بصعوبة ) ناري واش كاتعياي ماقادراش نهضر الوجع قتلني بغيت غير امتى نوصل لدار حاسة براسي فازgة شوفي لور واش خرجات ليا؟ 

بهيجة :(شافت ليها ) لا ولكن إلى جلستي غاطبع ليك الكسوة حتى نتي راسك شحال قاصح عيت معاك نمشيو ما كاتسمعيش 

شامة : مانوينش تخلصو ههه

بهيجة : داك باهم العربي فين صدر واقيلة ناوي يضحك علينا بحال العام لي فات جرجرنا تجرجيرت الكلاب حشاك

شامة : با العربي عgب (عقب ) لكازا اليوم غايخلصنا مول الشي 

بهيحة :(جرات مريم من يدها ) المهم نشدو رزقنا كلشي زين خايب غا بلاش 

(توجهات بهيجة ومريم لعند باقي العمال ووقفوا فاخر الصف كان جالس قيس ورا مكتب صغير متواضع وسط الحقل وكايدفع للعمال مستحقاتهم بنفسو ) 

مريم : ميمتي هاد الصف شحال طويل اش جا ما يكملو 

بهيجة : صبري مابقى قد ما فات 

¤¤¤ لندن ¤¤¤

سليم : هى قربتي تنزل لبلاد 

نور الدين : ان شاء الله هاد ربع سنين دازت جحيم بلا بيها 

سليم : مابقى قد ما فات اصاحبي دابا تشوفها وتشبع منها 

نور الدين :(بتسم ) ان شاء الله 

سليم : الحمد لله غير من تفكيتي من داك العقروشة 

نور الدين : اووووف ماتفكرنيش فيها 

سليم :هههههههههه 

¤¤¤الرباط¤¤¤

افنان : تشرفت بمعرفتك 

جنات : الشرف ليا 

افنان : كيف جاك المغرب؟ 

جنات : مزيان بزاف واخا باقي ما تأقلمتش مي مع الوقت ان شاء الله ههههه 

افنان : ان شاء الله (شافت ف الساعة ) يالا نخليك دابا فرصة سعيدة رقمي عندك تاصلي بيا من يكون عندك شي وقت ونخرجو 

جنات : وانا اسعد ان شاء الله بيزوو😙

¤¤¤القرية ¤¤¤

زينب : على سلامة 

بهيجة : الله يسلمك 

زينب : مريم تعالي بغيت نهضر معاك 

مريم : واخا اخالتي نطرف حالتي ونجي 

بهيجة : رتاحي شوية بعدا انا غانتبخ لك شي عشوب باش تسخني 

مريم : واخا لهلا يخطيك 

فطومة : واش بصح 

بشرى : ايه بصح حتى انا ما قادراش نصدق بلي وافق بهاد سهولة 

فطومة : ربي ستاجب لدعائنا وهداه 

بشرى : الحمد لله 

فطومة : واش ف نظرك غايبغي مريم وهي بنت العروبية وعائلتها على قد الحال؟ ؟

بشرى : سولتو قالك ما فبالو حتى وحدة ولي عجبني غايعجبو

فطومة : الله يرضي عليه 

بشرى : امين حتى انا ما فبالي حتى وحدة وهاد البنت دخلات ليا لخاطري وباينا فيها ديال الزمان وصبارة هي لي غاتليق ليه وغانطمن عليه معاها 

فطومة : ونعم البنت الله يسخر ليهم 

بشرى : امين امين غدا ان شاء الله غانتكلم معاها والى قبلات نديرو كلشي ف الشهر الجاي ان شاء الله 

فطومة : ان شاء الله ......يتبع

قصة  القروية, قصة القروية 13, قصص مغربية بالدارجة ساخنة ق, قصة مغربية ساخنة, قصص مغربية بالدارجة ساخنة, 

شارك! :