قصة القروية 26
ﻛﺎﻧﺖ ﻣﻤﺪﻭﺩﺓ ﻓﺎﻷﺭﺽ ﻭﺍﻟﺸﻮﻣﻴﺰ ﻣﻘﻄﻌﺔ ﻭﺍﻟﺼﺎﻳﺔ ﻧﻔﺲ ﺷﻴﺊ ﻭﺍﻟﺪﻡ ﻧﺎﺯﻝ ﺑﻴﻦ ﺭﺟﻠﻴﻬﺎ ﻭﺍﻟﻜﺪﻣﺎﺕ ﻓﻮﺟﻬﺎ ﺑﻬﻴﺠﺔ ﻭﻣﺮﻳﻢ ﻋﻄﺎﻭﻫﺎ ﻟﺒﻜﻰ ﻭﺗﻠﻔﻮ ﻣﺎﻋﺮﻓﻮ ﺑﺎﺵ ﺗﺒﻼﻭ ﻫﺰﻫﺎ ﻗﻴﺲ ﺑﻴﻦ ﺩﺭﺍﻋﻮ ﻭﻧﺰﻝ ﻣﻊ ﺍﻟﺪﺭﻭﺝ ﻛﺎﻳﺠﺮﻱ ﺩﺍﻫﺎ ﺍﻟﻤﺴﺘﺸﻔﻰ ﻣﺸﺎﺕ ﻣﻌﺎﻩ ﻣﺮﻳﻢ ﻭﺑﻬﻴﺠﺔ ﺑﻘﺎﺕ ﻣﻊ ﺇﻳﻨﺎﺱ ﺑﻨﺘﻬﺎ ﻭﻋﻘﻠﻬﺎ ﻣﺮﻓﻮﻉ ﻭﺻﻠﻮﺍ ﺍﻟﻤﺴﺘﺸﻔﻰ ﺟﺎﺑﻮﺍ ﻟﻴﻬﻢ ﻟﺒﻴﺎﺹ ﻫﺰﻭﻫﺎ ﻓﻴﻪ ﻭﺩﺧﻠﻮﻫﺎ ﻟﻮﺍﺣﺪ ﻟﻐﺮﻓﺔ ﺑﻘﺎﺕ ﻣﺮﻳﻢ ﻭﻗﻴﺲ ﻣﺎﻳﺘﺴﻨﺎﻭ ﻣﺪﺓ ﻣﻦ ﺑﻌﺪ ﺧﺮﺝ ﻋﻨﺪﻫﻢ ﺍﻟﻄﺒﻴﺐ ﺍﻟﻄﺒﻴﺐ : ﻧﺘﻤﺎ ﻋﺎﺋﻠﺔ ﺍﻟﺤﺎﻟﺔ ﻟﻲ ﻭﻻﺻﺘﻨﺎ؟ ﻣﺮﻳﻢ : ﺍﻩ ﻭﺍﺵ ﻓﺎﻗﺖ ﻫﺊ ﻫﺊ ﻗﻴﺲ : ﺷﻨﻮ ﻋﻨﺪﻫﺎ؟ ﺍﻟﻄﺒﻴﺐ : ﺍﻧﺎ ﻃﻠﺒﺖ ﺍﻟﺸﺮﻃﺔ ﺍﻟﺒﻨﺖ ﺗﻌﺮﺿﺎﺕ ﻟﻼﻏﺘﺼﺎﺏ ﻭﺑﻄﺮﻳﻘﺔ ﻭﺣﺸﻴﺔ ﻣﺮﻳﻢ : ( ﻧﺰﻟﻮﺍ ﺩﻣﻮﻋﻬﺎ ﻭﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ ) ﻻ ﻳﺎﺭﺑﻲ ﻻ ﻫﺊ ﻫﺊ ﻣﺎﻳﻤﻜﻨﺶ ﺷﻨﻮ ﻏﺎﻳﻜﻮﻥ ﺗﻌﺪﻯ ﻋﻠﻴﻬﺎ ﻗﻴﺲ : ﻛﻴﻒ ﺩﺍﻳﺮﺓ ﺣﺎﻟﺘﻬﺎ ﺩﺍﺑﺎ؟ ﺍﻟﻄﺒﻴﺐ : ﻋﻨﺪﻫﺎ ﺷﻲ ﻛﺪﻣﺎﺕ ﻑ ﺍﻟﻮﺟﻪ ﻭﺟﺮﻭﺡ ﺣﺎﻟﺘﻬﺎ ﻣﺴﺘﻘﺮﺍ ﻭﻟﻜﻦ ﺍﻟﺤﺎﻟﺔ ﺍﻟﻨﻔﺴﻴﺔ ﻣﺎ ﻛﺎﻧﻈﻨﺶ ﻏﺎﺗﻜﻮﻥ ﻣﺴﺘﻘﺮﺓ ﻣﺮﻳﻢ : ﺍﻟﻠﻪ ﻳﻨﺘﻘﻢ ﻣﻦ ﻫﺎﺩ ﺍﻟﺤﻴﻮﺍﻥ ﻟﻲ ﺗﻌﺪﻯ ﻋﻠﻴﻬﺎ ﻫﺊ ﻫﺊ ﺑﻐﻴﺖ ﻧﺸﻮﻓﻬﺎ ﺍﻟﻄﺒﻴﺐ : ﻫﻲ ﺩﺍﺑﺎ ﺗﺤﺖ ﺗﺄﺗﻴﺮ ﺍﻟﻤﺨﺪﺭ ﻣﺎ ﻏﺎﺗﺤﺴﺶ ﺑﻮﺟﻮﺩﻙ ( ﺷﺎﻑ ﻑ ﺍﻟﺴﺎﻋﺔ ) ﺩﺍﺑﺎ ﺍﺻﻼ 3:00 ﺳﻴﺮﻭ ﺭﺗﺎﺣﻮ ﺣﺘﻰ ﻟﺼﺒﺎﺡ ﻭﺗﻘﺪﺭﻱ ﺗﺸﻮﻓﻴﻬﺎ ﻣﺮﻳﻢ : ﻻ ﻻ ﻣﺎ ﻏﺎﻧﻘﺪﺭﺵ ﻧﺨﻠﻴﻬﺎ ﺑﻮﺣﺪﻫﺎ ﻗﻴﺲ : ﺧﻠﻲ ﺣﺘﻰ ﻟﺼﺒﺎﺡ ﻭﺟﻮﺩﻙ ﻣﺎ ﻋﻨﺪﻭ ﻓﺎﺵ ﻳﻨﻔﻌﻬﺎ ﻭﻫﺬﺍ ﻟﻲ ﺩﺍﺭ ﻓﻴﻬﺎ ﻫﺎﺩ ﺍﻟﺤﺎﻟﺔ ﻏﺎﺩﻓﻊ ﺛﻤﻦ ﻣﺮﻳﻢ : ﺍﻟﻠﻪ ﻳﻨﺘﻘﻢ ﻣﻨﻮ ﻫﺊ ﻫﺊ ﺍﻧﺎ ﻣﺎ ﻏﺎﻧﻤﺸﻴﺶ ﻏﺎﻧﺒﻘﻰ ﻣﻌﺎﻫﺎ ﻗﻴﺲ ( ﺑﻨﻔﺎﺩ ﺻﺒﺮ ) ﻭﺍﺵ ﻣﺎ ﻛﺎﺗﻔﻬﻤﻴﺶ ﺍﻟﺪﻛﺘﻮﺭ ﻗﺎﻟﻚ ﻫﻲ ﻣﺨﺪﺭﺓ ﺍﻟﺒﻨﺞ ﻏﺎﻳﺨﻠﻴﻬﺎ ﺗﻨﻌﺲ ﺣﺘﻰ ﻟﺼﺒﺎﺡ ﻭﺷﻮﻓﻴﻬﺎ ﻭﺟﻮﺩﻙ ﻣﺎ ﻋﻨﺪﻭ ﻓﺎﺵ ﻳﻨﻔﻌﻬﺎ ﻣﺎﻗﺪﺭﺍﺗﺶ ﺗﺒﻘﻰ ﻣﻌﺎﻫﺎ ﺭﺟﻌﻮﺍ ﻟﻔﻴﻼ ﺑﺰﻭﺝ ﺗﺎﺻﻼﺕ ﺏ ﺑﻬﻴﺠﺔ ﻭﺣﻜﺎﺕ ﻟﻴﻬﺎ ﺷﻨﻮ ﻗﺎﻝ ﺍﻟﻄﺒﻴﺐ
_*** ﺃﺻﺒﺤﻨﺎ ﻭﺃﺻﺒﺢ ﺍﻟﻤﻠﻚ ﻟﻠﻪ *** ﻓﺎﻗﺖ ﻣﺒﻜﺮﺓ ﺻﻼﺕ ﺍﻟﺼﺒﺢ ﻭﻣﺸﺎﺕ ﻟﻤﺴﺘﺸﻔﻰ ﻟﻘﺎﺕ ﺑﻬﻴﺠﺔ ﺳﺒﻘﺘﻬﺎ ﻣﺮﻳﻢ : ﺻﺒﺎﺡ ﺍﻟﺨﻴﺮ ﺑﻬﻴﺠﺔ : ﺻﺒﺎﺡ ﺍﻟﺨﻴﺮ ﻣﺮﻳﻢ : ﻭﺍﺵ ﻣﺰﺍﻝ ﻣﺎ ﻓﺎﻗﺖ؟ ﺑﻬﻴﺠﺔ : ﻓﺎﻗﺖ ﻭﺷﺤﺎﻝ ﺑﻜﺎﺕ ﺟﺎﻫﺎ ﻧﻬﻴﺎﺭ ﻋﺼﺒﻲ ﺿﺮﺑﻮ ﻟﻴﻬﺎ ﺷﻲ ﺑﺮﺍ ﻭﻧﻌﺴﺎﺕ ﺍﻟﻠﻪ ﻳﺎ ﺭﺑﻲ ﻓﻴﻦ ﻛﺎﻥ ﻣﺨﺒﻲ ﻟﻴﻨﺎ ﻫﺎﺩ ﺷﻲ ﻛﻲ ﻏﺎﺗﻜﻮﻥ ﺣﺎﻟﺘﻬﺎ ﻭﺑﺎﺵ ﻣﻦ ﻭﺟﻪ ﻏﺎﻧﺸﻮﻑ ﻑ ﻋﺰﻳﺰ ﻫﺊ ﻫﺊ ﻣﺮﻳﻢ : ﺍﻟﻠﻪ ﻳﻨﺘﻘﻢ ﻣﻦ ﻟﻲ ﺿﻴﻌﻬﺎ ﺍﻧﺎ ﻣﺎ ﻏﺎﻧﺘﻔﺎﻛﺶ ﻣﻌﺎﻩ ﺧﺎﺹ ﻏﻴﺮ ﺗﻮﻗﻒ ﻋﻠﻰ ﺭﺟﻠﻴﻬﺎ ﻭﻳﻜﻮﻥ ﺍﻟﺨﻴﺮ ﺍﻥ ﺷﺎﺀ ﺍﻟﻠﻪ ﺑﻬﻴﺠﺔ : ﺷﻮﻓﻲ ﺷﻜﻮﻥ ﺟﺎﻱ ﻣﺮﻳﻢ ﺗﻠﻔﺘﺎﺕ ﻭﺭﺍﻫﺎ ﻛﺎﻥ ﻗﻴﺲ ﻗﻴﺲ : ﺻﺒﺎﺡ ﺍﻟﺨﻴﺮ ﺑﻬﻴﺠﺔ / ﻣﺮﻳﻢ : ﺻﺒﺎﺡ ﺍﻟﺨﻴﺮ ﻗﻴﺲ : ﻣﺰﺍﻝ ﻣﺎ ﻓﺎﻗﺘﺶ ﺑﻬﻴﺠﺔ : ﻣﻦ ﺷﻮﻳﺔ ﻓﺎﻗﺖ ﻭﻋﻄﺎﻭﻫﺎ ﺷﻲ ﻣﻬﺪﺉ ﻭﺭﺟﻌﺎﺕ ﻧﻌﺴﺎﺕ ﻗﻴﺲ : ﻛﺎﻳﺨﺺ ﺗﻘﻮﻝ ﺷﻜﻮﻥ ﻫﺬﺍ ﻟﻲ ﺗﻬﺠﻢ ﻋﻠﻴﻬﺎ ﺑﺎﺵ ﻳﺘﻌﺎﻗﺐ ﺑﻬﻴﺠﺔ : ﺍﻟﻠﻪ ﻳﻨﺘﻘﻢ ﻣﻨﻮ ﺑﻌﺪ ﻟﺤﻈﺎﺕ ﻓﺎﻗﺖ ﻓﺎﻃﻤﺔ ﻛﺎﻧﺖ ﻛﺎﺗﺒﻜﻲ ﺩﺧﻠﻮﺍ ﻋﻨﺪﻫﺎ ﻭﺣﺎﻭﻻﺕ ﻣﺮﻳﻢ ﺗﻬﺪﻧﻬﺎ ﻭﺗﻜﻠﻢ ﻣﻌﺎﻫﺎ ﻗﻴﺲ ﻗﻴﺲ : ﻭﺍﺵ ﻛﺎﺗﻌﺮﻓﻴﻪ؟ ؟ ﻓﺎﻃﻤﺔ : ﻻ ﺍﻭﻝ ﻣﺮﺓ ﻏﺎﻧﺸﻮﻓﻮ ﻫﺊ ﻫﺊ ﺑﻬﻴﺠﺔ : ﻛﻲ ﺩﺍﻳﺮ ﺷﻜﻞ ﺩﻳﺎﻟﻮ؟ ﻓﺎﻃﻤﺔ : ( ﺷﺎﻓﺖ ﻑ ﻗﻴﺲ ) ﻛﺎﻳﺸﺒﻪ ﺷﻮﻳﺔ ﻝ ﻗﻴﺲ ﻭﻑ ﻧﻔﺲ ﺍﻟﺴﻦ ﺩﻳﺎﻟﻮ ﺗﻘﺮﻳﺒﺎ ﻗﻴﺲ : ﺣﻜﻲ ﻟﻴﻨﺎ ﺷﻨﻮ ﻭﻗﻊ ﺑﻈﺒﻂ ﻓﺎﻃﻤﺔ : ﺍﻧﺎ ﺑﺤﺎﻝ ﻛﻞ ﻣﺮﺓ ﻛﺎﻧﺨﺪﻡ ﻭﻗﺒﻞ 00:00 ﻛﺎﻧﻜﻮﻥ ﻓﺎﻟﺪﺍﺭ ﺩﺍﻙ ﺍﻟﺒﺎﺭﺡ ﻛﺎﻧﺖ ﺍﻟﺨﺪﻣﺔ ﺑﺰﺍﻑ ﻭﺍﻟﻤﻄﻌﻢ ﻛﺎﻥ ﻋﺎﻣﺮ ﻗﺪﻣﺖ ﺍﻟﻄﻠﺒﺎﺕ ﻭﺍﻟﻄﺒﻠﺔ ﻓﻴﻦ ﻛﺎﻥ ﺩﺍﻙ ﺍﻟﺤﻴﻮﺍﻥ ﻫﺊ ﻫﺊ ﻛﺎﻧﻮﺍ ﻫﻤﺎ ﺛﻼﺗﻪ ﺗﻮﺟﻬﺖ ﻟﻌﻨﺪﻫﻢ ﻭﺣﻄﻴﺖ ﻟﻴﻬﻢ ﺷﻨﻮ ﻃﻠﺒﻮﺍ ﻛﺎﻧﻮﺍ ﻛﺎﻳﺸﻮﻓﻮ ﻓﻴﻨﺎ ﻧﻈﺮﺍﺕ ﺧﺎﻳﺒﺔ ﻛﺎﻧﻘﺼﺪ ﺍﻟﺒﻨﺎﺕ ﻟﻲ ﻣﻌﺎﻳﺎ ﻣﻦ ﺑﻐﻴﺖ ﻧﻜﻤﻞ ﺧﺪﻣﺘﻲ ﺩﺍﻙ ﺍﻟﺸﺨﺺ ﺣﻂ ﻋﻠﻴﺎ ﻳﺪﻭ ﺟﺮﻳﺖ ﻳﺪﻱ ﻭﻛﻤﻠﺖ ﻃﺮﻳﻘﻲ ﺍﻟﺒﻨﺎﺕ ﻟﻲ ﻛﺎﻧﻮﺍ ﻣﻌﺎﻳﺎ ﺗﺼﺎﺣﺒﻮ ﻣﻊ ﺍﻟﻮﻻﺩ ﻟﻲ ﻛﺎﻧﻮﺍ ﻣﻌﺎﻩ ﻗﺎﻟﻮﺍ ﻟﻴﺎ ﺑﻌﺪ ﺍﻟﺨﺪﻣﺔ ﻏﺎﻳﻜﻤﻠﻮﺍ ﺍﻟﺴﻬﺮﺓ ﻓﻮﺍﺣﺪ ﺍﻟﺒﻼﺻﺔ ﺻﺎﻓﻲ ﻣﻦ ﻛﻤﻠﺖ ﺧﺪﻣﺘﻲ ﺧﺮﺟﺖ ﻫﻤﺎ ﻃﻠﻌﻮﺍ ﻣﻌﺎﻫﻢ ﻑ ﺍﻟﺴﻴﺎﺭﺓ ﻭﺍﻧﺎ ﺧﺪﻳﺖ ﻃﺎﻛﺴﻲ ﻭﺭﺟﻌﺖ ﻟﺪﺍﺭ ﻣﻦ ﻧﺰﻟﺖ ﻣﻦ ﻃﺎﻛﺴﻲ ﺩﺧﻠﺖ ﻣﻊ ﻭﺍﺣﺪ ﺍﻟﺰﻧﻘﺔ ﺣﺘﻰ ﺟﺎﻧﻲ ﺷﻲ ﺣﺪ ﻣﻦ ﺍﻟﻮﺭ ﺳﺪ ﻟﻴﺎ ﻓﻤﻲ ﻭﺣﻂ ﻋﻠﻴﺎ ﺍﻟﻤﻮﺱ ﻫﺊ ﻫﺊ ﻗﺎﻝ ﻟﻴﺎ ﺇﻟﻰ ﻋﻠﻴﺘﻲ ﺻﻮﺗﻚ ﻧﺸﺮﻣﻠﻚ ﺩﺍﻧﻲ ﻣﻌﺎﻩ ﻟﻮﺍﺣﺪ ﻟﺨﻼ ﻭﻏﺘﺼﺒﻨﻲ ﻫﺊ ﻫﺊ ﻣﻦ ﺑﻌﺪ ﺭﺩﻧﻲ ﻟﺰﻧﻘﺔ ﻟﻲ ﺧﺪﺍﻧﻲ ﻣﻨﻬﺎ ﻭﻛﻤﻞ ﻃﺮﻳﻘﻮ ﻫﺊ ﻫﺊ ﻫﺊ
_ﺑﻬﻴﺤﺔ : ﻧﻌﺎﻡ ﺍﻻﻟﺔ ﻋﻼﻣﻦ ﻛﺎﺗﺴﻮﻟﻲ؟ ﻧﻌﻴﻤﺔ : ﻭﺍﺵ ﻫﻨﺎ ﻛﺎﺗﺴﻜﻦ ﻓﺎﻃﻤﺔ؟ ﺑﻬﻴﺠﺔ : ( ﻋﺮﻓﺎﺕ ﺑﻠﻲ ﻏﺎﺗﻜﻮﻥ ﺍﻡ ﺍﻟﻤﺠﺮﻡ ) ﻋﻼﺵ؟ ﻧﻌﻴﻤﺔ : ﺍﻟﻠﻪ ﻳﺮﺿﻲ ﻋﻠﻴﻚ ﺍﺑﻨﺘﻲ ﺑﻐﻴﺖ ﻧﺘﻜﻠﻢ ﻣﻌﺎﻫﺎ ﺑﻬﻴﺠﺔ : ﺷﻜﻮﻥ ﻧﺘﻲ ﺑﻌﺪﺍ؟ ﻧﻌﻴﻤﺔ : ( ﺣﻨﺎﺕ ﺭﺃﺳﻬﺎ ﻣﻦ ﺍﻟﺨﺠﻞ ) ﺍﻧﺎ ﺍﻡ ﺳﻌﺪ ﻟﻲ ﺗﻜﺮﻓﺲ ﻋﻠﻴﻬﺎ ﺑﻬﻴﺠﺔ : ﺗﻔﻀﻠﻲ ﺩﺧﻠﻮ ﻟﺼﺎﻟﺔ ﻛﺎﻧﺖ ﻓﺎﻃﻤﺔ ﻧﺎﻋﺴﺔ ﻑ ﻏﺮﻓﺘﻬﺎ ﻭﻣﻌﺎﻫﺎ ﻣﺮﻳﻢ ﻃﻠﺒﺎﺕ ﻣﻨﻬﺎ ﺑﻬﻴﺠﺔ ﺗﺨﺮﺝ ﻋﻨﺪ ﺍﻟﻤﺮﺍ ﺧﺮﺟﻮ ﻟﻌﻨﺪﻫﺎ ﻏﻴﺮ ﺷﺎﻓﺘﻬﺎ ﻧﻌﻴﻤﺔ ﻋﺮﻓﺎﺗﻬﺎ ﻣﻦ ﺧﻼﻝ ﺍﻟﻜﺪﻣﺎﺕ ﻟﻲ ﻓﻮﺟﻬﺎ ﻋﻨﻘﺎﺗﻬﺎ ﻭﻛﺎﺗﺒﻜﻲ ﻭﺩﻓﻌﺎﺗﻬﺎ ﻓﺎﻃﻤﺔ ﻓﺎﻃﻤﺔ : ﺑﻌﺪﻱ ﻣﻨﻲ ﻛﺎﺗﺒﻜﻲ ﺣﻴﺖ ﺧﺎﻳﻔﻪ ﻋﻠﻰ ﺟﻴﻔﺔ ﺩﻳﺎﻝ ﻭﻟﺪﻙ ﺍﻟﻠﻪ ﻳﻨﺘﻘﻢ ﻣﻨﻚ ﻭﻣﻨﻮ ﻛﻦ ﻋﺮﻓﺘﻲ ﺗﺮﺑﻴﻪ ﻛﺎﻉ ﻣﺎ ﻳﺘﻌﺪﻯ ﻋﻠﻰ ﺑﻨﺎﺕ ﺍﻟﻨﺎﺱ ﻫﺊ ﻧﻌﻴﻤﺔ : ﺍﻟﻠﻪ ﻳﺮﺿﻲ ﻋﻠﻴﻚ ﺍﺑﻨﺘﻲ ﺇﻟﻰ ﻣﺎ ﺳﻤﻌﻴﻨﻲ ﻭﻟﺪﻱ ﻣﺮﺑﻲ ﻭﻋﻤﺮﻱ ﺗﻌﺪﻯ ﻋﻠﻰ ﺷﻲ ﺣﺪ ﻧﻔﺴﻴﺘﻮ ﻣﺆﺧﺮﺍ ﺿﻤﺮﺍﺕ ﻭﻋﺎﺷﺮ ﺭﻓﻘﺎﺀ ﺍﻟﺴﻮﺀ ﻭﻭﻻ ﻛﺎﻳﺘﻌﺎﻃﻰ ﻟﻠﻤﺨﺪﺭﺍﺕ ﻛﻠﺸﻲ ﻋﻨﺪﻭ ﺍﻟﺤﻞ ﻭﻫﻮ ﻏﺎﻳﺼﻠﺢ ﺍﻟﻤﺸﻜﻞ ﺍﻟﺤﺒﺲ ﻣﺎﺷﻲ ﻫﻮ ﺍﻟﺤﻞ ﺑﻬﻴﺠﺔ : ﻭﺷﻨﺎﻫﻮ ﻫﻮ ﺍﻟﺤﻞ ﻋﻨﺪﻙ ﺗﺴﻤﺢ ﻟﻴﻪ ﻭﻳﺨﺮﺝ ﻳﺘﻌﺪﻯ ﻋﻠﻰ ﺑﻨﺎﺕ ﺍﻟﻨﺎﺱ ﻣﺮﻳﻢ : ﻧﻔﺴﻴﺘﻬﺎ ﻫﻲ ﺿﻤﺮﺍﺕ ﻛﺘﺮ ﻣﻨﻮ ﺇﻟﻰ ﻛﺎﻥ ﻋﻨﺪﻭ ﺷﻲ ﻣﺸﻜﻞ ﻳﻀﺒﺮ ﻟﺮﺍﺳﻮ ﻣﺎﺷﻲ ﻳﻔﺮﻍ ﺍﻟﻌﻘﺪ ﻟﻲ ﻓﻴﻪ ﻑ ﺍﻟﺒﻨﺖ ﻣﺎﻋﻨﺪﻫﺎ ﺣﺘﻰ ﺫﻧﺐ ﻧﻌﻴﻤﺔ : ﺣﺎﺳﺔ ﺑﻴﻬﺎ ﻭﻣﺎ ﻋﻨﺪﻳﺶ ﺍﻟﻮﺟﻪ ﻟﻲ ﻳﺸﻮﻑ ﻓﻴﻬﺎ ﻭﺟﻴﺖ ﺑﺎﺵ ﻧﺸﻮﻓﻮ ﺣﻞ ﻟﻲ ﻳﻨﺎﺳﺒﻨﺎ ﺟﻤﻴﻊ ﻭﻧﺴﻠﻮ ﺍﻟﺸﻮﻛﺔ ﺑﻼ ﺩﻡ ﺑﻬﻴﺠﺔ : ﺩﻡ ﺳﺎﻝ ﻭﻟﻲ ﻋﻄﻰ ﻟﻠﻪ ﻋﻄﺎﻩ ﻓﺎﻃﻤﺔ : ﻏﺎﺩﻱ ﺗﺨﺮﺟﻲ ﻋﻠﻴﺎ ﻣﺎ ﺑﻐﻴﺘﺶ ﻧﺸﻮﻑ ﻭﺟﻬﻚ ﻧﺘﻲ ﺟﺎﻳﺔ ﻋﻠﻰ ﻗﺒﻞ ﻣﺼﻠﺤﺔ ﻭﻟﺪﻙ ﻭﻣﺼﻠﺤﺘﻲ ﺍﻧﺎ ﻓﻴﻪ ﻫﺎﺍﺍ ﻓﻴﻦ؟ ؟ ﺇﻟﻰ ﻋﺮﻑ ﺑﺎ ﻭﻻ ﺧﻮﺗﻲ ﻏﺎﻳﺪﺑﺤﻮﻧﻲ ﺷﻜﻮﻥ ﻟﻲ ﻏﺎﻳﻘﻮﻝ ﺩﺍﻫﺎ ﺑﺰﺯ ﻛﻠﺸﻲ ﻏﺎﻳﻘﻮﻝ ﻣﺸﺎﺕ ﻣﻌﺎﻩ ﺑﺎﻟﺨﺎﻃﺮ ﺍﻟﻠﻪ ﻳﺎﺧﺪ ﻓﻴﻜﻢ ﺍﻟﺤﻖ ﻫﺊ ﻫﺊ ﻫﺊ ﺑﺸﺮﻯ : ﻓﻴﻦ ﻣﺸﺎﺕ ﻣﺮﻳﻢ ﻣﻦ ﺍﻟﺒﺎﺭﺡ ﻣﺎ ﺷﻔﺘﻬﺎ؟ ﻛﺮﻳﻤﺔ : ﺧﺮﺟﺎﺕ ﺻﺒﺎﺡ ﺑﻜﺮﻱ ﻗﺒﻞ ﻣﺎ ﻳﻔﻴﻖ ﺳﻲ ﻗﻴﺲ ﺑﺸﺮﻯ : ﻓﻴﻦ ﻏﺎﺗﻜﻮﻥ ﻣﺸﺎﺕ ﻋﻠﻰ ﺻﺒﺎﺡ؟ ﻛﺮﻳﻤﺔ : ﻏﺎﺗﻜﻮﻥ ﻣﺸﺎﺕ ﻋﻨﺪ ﺍﻟﻄﺒﻴﺐ ﻭﺩﺍﺯﺕ ﻋﻨﺪ ﻋﺎﺋﻠﺘﻬﺎ
_ﻓﺎﻃﻤﺔ ﺭﻓﻀﺎﺕ ﺗﺴﻤﻊ ﻝ ﻧﻌﻴﻤﺔ ﺃﻭ ﺗﻌﻄﻴﻬﺎ ﻭﻗﺖ ﺧﺮﺟﺎﺕ ﻣﻦ ﻋﻨﺪﻫﺎ ﻳﺎﺋﺴﺔ ﻭﻋﻘﻠﻬﺎ ﻣﻊ ﻭﻟﺪﻫﺎ ﻟﻲ ﻣﺴﺘﻘﺒﻠﻮ ﻏﺎﻳﻀﻴﻊ ﺑﻘﺎﺕ ﻛﺎﺗﻔﻜﺮ ﻭﺗﻔﻜﺮ ﻛﻴﻔﺎﺵ ﻏﺎﺗﺨﺮﺝ ﻣﻦ ﻫﺎﺩ ﺍﻟﻤﺸﻜﻞ ﻟﻘﺎﺕ ﺍﻟﺤﻞ ﺍﻟﻮﺣﻴﺪ ﻫﻮ ﺗﻤﺸﻲ ﻋﻨﺪ ﺧﻮﻩ ﻭﺗﻔﺮ g ﻉ ﻫﺎﺩ ﺍﻟﺮﻣﺎﻧﺔ ﺧﻮﻩ ﻫﻮ ﺃﻣﻠﻬﺎ ﺍﻟﻮﺣﻴﺪ ﺩﺍﺭﺗﻬﺎ ﻓﻴﺪ ﺍﻟﻠﻪ ﻭﻗﺼﺪﺍﺕ ﺍﻟﺸﺮﻛﺔ ﻟﻲ ﻣﻦ ﺯﻣﺎﻥ ﻣﺎ ﺭﺟﻌﺎﺕ ﺷﺎﻓﺘﻬﺎ ﺗﻮﺟﻬﺎﺕ ﺍﻻﺳﺘﻘﺒﺎﻝ ﻭﺳﺄﻟﺖ ﻋﻠﻰ ﻗﻴﺲ ﺭﻓﻀﺎﺕ ﺍﻟﺴﻜﺮﺗﻴﺮﺓ ﺩﺧﻠﻬﺎ ﻋﻨﺪﻭ ﺑﻤﺎ ﺃﻧﻬﺎ ﻣﺎ ﻋﻨﺪﻫﺎﺵ ﻣﻮﻋﺪ ﺧﺮﺟﺎﺕ ﻭﺟﻠﺴﺎﺕ ﻗﺪﺍﻡ ﺑﺎﺏ ﺍﻟﺸﺮﻛﺔ ﻭﻛﺎﺗﺴﻨﻰ ﺍﻟﺨﺮﻭﺝ ﺩﻳﺎﻟﻮ ﺟﻠﺴﺎﺕ ﺍﻛﺘﺮ ﻣﻦ ﺳﺎﻋﺘﻴﻦ ﻟﻤﺤﺎﺗﻮ ﺧﺎﺭﺝ ﻭﻗﻔﺎﺕ ﻭﺗﻮﺟﻬﺎﺕ ﻟﻴﻪ ﺑﺨﻄﻮﺍﺕ ﻣﺘﺴﺎﺭﻋﺔ ﻧﻌﻴﻤﺔ : ﻗﻴﺲ؟ ﻗﻴﺲ : ﻫﻮ ﻫﺬﺍ ﻧﻌﻴﻤﺔ : ( ﺑﻘﺎﺕ ﻛﺎﺗﺸﻮﻑ ﻓﻴﻪ ﻭﻛﺎﺩﻗﻖ ﻓﺎﻟﻤﻼﻣﺢ ﺩﻳﺎﻟﻮ ﺷﺎﻓﺖ ﺍﻟﺸﺒﻪ ﻟﻜﺒﻴﺮ ﻟﻲ ﺑﻴﻨﻮ ﻭﺑﻴﻦ ﺳﻌﺪ ) ﻣﻤﻜﻦ ﺗﻌﻄﻴﻨﻲ ﺩﻗﻴﻘﺔ ﻣﻦ ﻭﻗﺘﻚ ؟ ﻗﻴﺲ : ﺇﻟﻰ ﺗﻜﻠﻤﻲ ﻋﻠﻰ ﺍﻟﻮﻇﻴﻔﺔ ﺗﻮﺟﻬﻲ ﻟﻤﻜﺘﺐ ﺍﻻﺳﺘﻘﺒﺎﻝ ( ﻓﺘﺢ ﺑﺎﺏ ﺍﻟﺴﻴﺎﺭﺓ ﺑﺎﺵ ﻳﻄﻠﻊ ﻭﻫﻲ ﺗﻮﻗﻔﻮﺍ ) ﻧﻌﻴﻤﺔ : ﻻ ﺍﻭﻟﺪﻱ ﻣﺎﺟﺎﻳﺎﺵ ﻋﻠﻰ ﻗﺒﻞ ﺍﻟﺨﺪﻣﺔ ﺟﺎﻳﺔ ﻧﺘﻜﻠﻢ ﻣﻌﺎﻙ ﻓﻮﺍﺣﺪ ﺍﻟﻤﻮﺿﻮﻉ ﺷﺨﺼﻲ ﻗﻴﺲ : ( ﺑﺴﺘﻐﺮﺍﺏ ) ﻣﻮﺿﻮﻉ ﺷﺨﺼﻲ ﻧﻘﺪﺭ ﻧﻌﺮﻑ ﺷﻜﻮﻥ ﻧﺘﻲ؟ ؟ ﻧﻌﻴﻤﺔ : ﺑﻄﺒﻴﻌﺔ ﺍﻟﺤﺎﻝ ﻣﺎ ﻏﺎﺗﻌﺮﻓﻨﻴﺶ ﻗﺒﻞ 28 ﺳﻨﺔ ﻛﻨﺖ ﻣﻮﻇﻔﺔ ﻓﻬﺎﺩ ﺍﻟﺸﺮﻛﺔ ﻭﺁﺧﺮ ﻣﺮﺓ ﺷﻔﺘﻚ ﻛﺎﻧﺖ ﻋﻨﺪﻙ ﻋﺎﻣﻴﻦ ﻗﻴﺲ : ( ﺑﺴﺘﻐﺮﺍﺏ ﺍﻛﺘﺮ ) ﻳﺎﺭﺕ ﺩﺧﻠﻲ ﻓﺎﻟﻤﻮﺿﻮﻉ ﻧﻌﻴﻤﺔ : ( ﺧﺪﺍﺕ ﻧﻔﺲ ﻋﻤﻴﻖ ) ﺟﻴﺖ ﻋﻨﺪﻙ ﺍﻟﻴﻮﻡ ﻋﻠﻰ ﻗﺒﻞ ﺧﻮﻙ ﻗﻴﺲ : ﻛﻴﻔﺎﺵ ﺧﻮﻳﺎ ﻧﺘﻲ ﻏﺎﻟﻄﺔ ﺍﻧﺎ ﻣﺎﻋﻨﺪﻳﺶ ﺍﺥ ﻋﻨﺪﻱ ﺍﺧﺖ ﻧﻌﻴﻤﺔ : ﺍﻧﺎ ﻣﺎ ﻛﺎﻧﺘﻜﻠﻤﺶ ﻋﻠﻰ ﺍﻓﻨﺎﻥ ﻛﺎﻧﺘﻜﻠﻢ ﻋﻠﻰ ﺧﻮﻙ ﺳﻌﺪ ﻗﻴﺲ : ﻓﻴﻦ ﻛﺎﺗﻌﺮﻓﻲ ﺍﻓﻨﺎﻥ ﻭﺷﻜﻮﻥ ﻫﺎﺩ ﺳﻌﺪ ﺍﺵ ﻛﺎﺗﺨﺮﺑﻘﻲ ﺣﻜﺎﺕ ﻟﻴﻪ ﺍﻟﻘﺼﺔ ﻣﻦ ﺍﻭﻝ ﻣﺮﺓ ﺗﻌﺮﻓﺎﺕ ﻋﻠﻰ ﺃﺏ ﻗﻴﺲ ﻛﺎﻥ ﻛﺎﻳﺴﻤﻊ ﻭﻣﺎ ﻣﺼﺪﻗﺶ ﻧﻔﺴﻮ ﻓﺪﺍﻙ ﺍﻷﺛﻨﺎﺀ ﺍﻟﺸﺨﺺ ﺍﻟﻤﺠﻬﻮﻝ ﻛﺎﻥ ﺧﺎﺭﺝ ﻣﻦ ﺍﻟﺸﺮﻛﺔ ﻭﺷﺎﻓﻬﺎ ﻭﻋﺮﻓﻬﺎ ﻃﻠﻊ ﺑﺴﺮﻋﺔ ﻑ ﺳﻴﺎﺭﺗﻮ ﻭﺳﺎﻕ ﺑﺴﺮﻋﺔ ﻗﻴﺲ : ﺷﻨﻮ ﻟﻲ ﻳﺎﻛﺪ ﻟﻲ ﺑﻠﻲ ﻛﻼﻣﻚ ﺻﺢ ﻭﺑﻠﻲ ﻫﺎﺩﻱ ﻣﺎﺷﻲ ﺧﺪﻋﺔ ﺣﺘﻰ ﺩﺍﺯﺕ 28 ﺳﻨﺔ ﻋﺎﺩ ﻇﻬﺮﺗﻲ؟ ﻧﻌﻴﻤﺔ : ﻭﺍﻟﻠﻪ ﺍﻭﻟﺪﻱ ﺣﺘﻰ ﻛﺎﻧﻘﻮﻝ ﺍﻟﺤﻖ ﺳﻌﺪ ﺧﻮﻙ ﻭﻣﺤﺘﺎﺟﻚ ﻭﺍﻧﺎ ﻛﻦ ﻣﺎ ﻛﻨﺘﺶ ﻣﺤﺘﺎﺟﺔ ﻟﻤﺴﺎﻋﺪﺗﻚ ﻣﺎ ﻛﻨﺘﺶ ﻧﺠﻲ ﻏﺮﺿﻲ ﻣﺎﺷﻲ ﺍﻟﻔﻠﻮﺱ ﻭﺍﻟﻰ ﻣﺎ ﺻﺪﻗﺘﻨﻴﺶ ﻛﺎﻳﻦ ﺍﻻﺗﺒﺎﺕ ﺍﻟﻌﻠﻢ ﻃﻮﺭ ﻭﻧﻘﺪﺭﻭ ﻧﺘﺒﺘﻮ ﺍﻟﻨﺴﺐ ﻭﻋﻨﺪﻱ ﺩﻟﻴﻞ ﺑﻠﻲ ﻛﺎﻧﺖ ﻋﻨﺪﻱ ﻋﻼﻗﺔ ﻣﻊ ﻣﺤﻤﺪ ﺍﻟﻠﻪ ﻳﺮﺣﻤﻮ ﺍﻟﻠﻪ ﻳﺨﻠﻲ ﻟﻴﻚ ﻭﻻﺩﻙ ﺇﻟﻰ ﻋﻨﺪﻙ ﻧﻘﺪ ﻟﻴﺎ ﻭﻟﺪﻱ ﻣﺎﺗﺨﻠﻴﺶ ﺧﻮﻙ ﻳﻀﻴﻊ ﻛﺘﺮ ﻣﻦ ﻫﺎﻙ ﻫﻮ ﻏﻠﻂ ﻭﻳﺴﺘﺎﻫﻞ ﺍﻟﻌﻘﻮﺑﺔ ﻭﻟﻜﻦ ﺍﻟﻜﺒﺪﺓ ﺻﻌﻴﺒﺔ ﻣﺎﻧﻘﺪﺭﺵ ﻧﺸﻮﻓﻮ ﻣﺮﻣﻲ ﻑ ﺍﻟﺤﺒﺲ ﻗﻴﺲ : ﺍﻧﺎ ﻣﺎ ﻗﺎﺩﺭﺵ ﻧﺼﺪﻕ ﻋﻼﺵ ﺣﺘﻰ ﻝ ﺩﺍﺑﺎ ﻋﺎﺩ ﺑﻨﺘﻲ ﻭﻓﻴﻦ ﻫﻮ ﻫﺎﺩ ﺩﻟﻴﻞ؟ ﺍﻟﺸﺨﺺ : ﻳﺦ ﻳﺦ ﺍﺵ ﻫﺎﺩ ﺍﻟﺰﻫﺮ ﺩﺍﻙ ﻟﻘﻴﻂ ﺑﺎﻥ ﻭﻏﺎﻳﻮﻟﻲ ﻭﺭﻳﺖ ﺍﺧﺮ ﻭﻣﺮﺍﺕ ﻗﻴﺲ ﺣﺎﻣﻠﺔ ﺍﺵ ﻫﺎﺩ ﺯﻫﺮ ﻧﺘﻲ ﻻﺯﻡ ﺗﺴﺮﻋﻲ ﻭﻣﺎﺿﻴﻌﻴﺶ ﺍﻟﻮﻗﺖ ﻣﺎﺷﻲ ﻑ ﺻﺎﻟﺤﻨﺎ ﺃﺯﻫﺎﺭ : ﺍﻧﺎ ﻛﺎﻳﺪﻳﺮ ﻟﻲ ﻑ ﺟﻬﺪﻱ ﻭﻣﺮﺍﺗﻮ ﺃﻳﺎﻣﻬﺎ ﻣﻌﺪﻭﺩﺓ ﻣﻌﺎﻩ ﻭﺩﺍﻙ ﺍﻟﺒﻴﺒﻲ ﻣﺎ ﻏﺎﻳﺨﺮﺟﺶ ﻟﺪﻧﻴﺎ ﻭﺧﻮﻩ ﻣﺎ ﻏﺎﻳﺪﻱ ﺣﺘﻰ ﺳﺎﻧﺘﻴﻢ ﻫﺎﺩﻱ ﻣﻬﻤﺘﻚ
126_ﺑﻌﺪ ﻣﺎ ﺗﻜﻠﻤﺎﺕ ﻣﻌﺎﻩ ﻣﺸﻰ ﻣﻌﺎﻫﺎ ﻟﺪﺍﺭﻫﺎ ﻭﺟﺒﺪﺍﺕ ﻟﻴﻪ ﺍﻟﺒﻮﻡ ﺻﻮﺭ ﺩﻳﺎﻟﻬﺎ ﻫﻲ ﻭﻣﺤﻤﺪ ﺍﻷﺏ ﺩﻳﺎﻟﻮ ﻓﺎﻳﺎﻡ ﺷﺒﺎﺏ ﻭﺭﺳﺎﺋﻞ ﻟﻲ ﻛﺎﻥ ﻛﺎﻳﺒﻌﺖ ﻟﻴﻬﺎ ﻭﺻﻮﺭ ﺳﻌﺪ ﻓﺎﺵ ﻛﺎﻥ ﺑﻴﺒﻲ ﺷﺎﻑ ﺍﻟﺸﺒﻪ ﺍﻟﻜﺒﻴﺮ ﻟﻲ ﺑﻴﻨﻬﻢ ﻭﺗﻜﻠﻤﺎﺕ ﻟﻴﻪ ﻋﻠﻰ ﺻﺪﻳﻖ ﻣﺤﻤﺪ ﺍﻟﻮﺣﻴﺪ ﻭﺑﻠﻲ ﻫﻮ ﻋﺎﺭﻑ ﺍﻟﻘﺼﺔ ﻭﻋﺎﺭﻓﻬﺎ ﻣﺰﻳﺎﻥ ﺗﺼﺪﻡ ﻗﻴﺲ ﻣﻦ ﺍﻟﺨﺒﺮ ﻗﻴﺲ : ﺷﻨﻮ ﺗﻬﻤﺔ ﺩﻳﺎﻟﻮ ﻭﺷﺤﺎﻝ ﻋﻨﺪﻭ؟ ﻧﻌﻴﻤﺔ : ﻋﻨﺪﻭ 28 ﺳﻨﺔ ﺑﻴﻨﻚ ﻭﺑﻴﻨﻮ ﺳﻨﺘﻴﻦ ﺍﻟﺒﺎﺭﺡ ﺑﺎﻟﻴﻞ ﻏﺘﺼﺐ ﻭﺍﺣﺪ ﺍﻟﺒﻨﺖ ﻛﺎﻥ ﺗﺤﺖ ﺗﺄﺗﻴﺮ ﺍﻟﻤﺨﺪﺭ ﻭﻟﺪﻱ ﻣﺎﺷﻲ ﺧﺎﻳﺐ ﺑﺎﻟﻌﻜﺲ ﻣﻦ ﺩﻳﻤﺎ ﻛﺎﻥ ﻭﻟﺪ ﻣﺮﺑﻲ ﻣﺆﺧﺮﺍ ﺗﻌﺮﻑ ﻋﻠﻰ ﺷﻲ ﻭﻻﺩ ﻣﺒﻠﻴﻦ ﻭﺟﺮﻭﻩ ﻟﻄﺮﻳﻘﻬﻢ ﻭﺯﺍﺩ ﺗﻜﻔﺲ ﻣﻦ ﻋﺮﻑ ﺍﻟﺤﻘﻴﻘﺔ ﻭﺑﻠﻲ ﻫﻮ ﻏﻴﺮ ﺷﺮﻋﻲ ﺣﻘﺪ ﻋﻠﻴﺎ ﻭﻋﻠﻰ ﻛﻠﺸﻲ ﻭﺳﻤﺢ ﻓﻴﺎ ﻭﻣﺸﻰ ﻫﺊ ﻫﺊ ﻗﻴﺲ : ﻫﺬﺍ ﻛﻠﻮ ﻣﺎ ﻛﺎﻓﻴﺶ ﻻﺯﻡ ﻧﺘﺄﻛﺪ %100 ﺑﻠﻲ ﻛﻼﻣﻚ ﺻﺢ ﻧﻌﻴﻤﺔ : ﺻﺪﻗﻨﻲ ﻭﺍﻟﻠﻪ ﺣﺘﻰ ﺳﻌﺪ ﺧﻮﻙ ﺇﻟﻰ ﻣﺎ ﺻﺪﻗﺘﻨﻴﺶ ﺳﻮﻝ ﺣﻔﻴﻆ ﻫﻮ ﻋﺎﺭﻑ ﺍﻟﺤﻘﻴﻘﺔ ﻛﺎﻣﻠﺔ ﻗﻴﺲ : ﻋﻤﻲ ﺣﻔﻴﻆ؟ ﻣﺎﻳﻤﻜﻨﺶ ﻳﻌﺮﻑ ﺍﻟﺤﻘﻴﻘﺔ ﻫﺎﺩ ﺍﻟﺴﻨﻴﻦ ﻛﻠﻬﺎ ﻭﻳﺨﺒﻲ ﻋﻠﻴﺎ ﻧﻌﻴﻤﺔ : ﺗﺎﺻﻞ ﺑﻴﻪ ﻭﺳﺄﻟﻮ ﻗﻴﺲ : ﺣﻨﺎ ﻏﺎﻧﻤﺸﻴﻮ ﻋﻨﺪﻭ ﻛﺎﻉ ﻃﻠﻊ ﻑ ﺍﻟﺴﻴﺎﺭﺓ ﻭﺭﻛﺒﺎﺕ ﺟﻨﺒﻮ ﺍﻟﻄﺮﻳﻖ ﻛﻠﻬﺎ ﻭﻫﻲ ﻛﺎﺗﺤﺎﻭﻝ ﺗﻤﻨﻌﻮ ﺑﺎﺵ ﻳﺼﺪﻗﻬﺎ ﺑﺸﺮﻯ : ﺍﻟﻠﻪ ﺍﺑﻨﺘﻲ ﻓﻴﻦ ﻏﺒﺮﺗﻲ ﺍﺗﺮﻙ ﻣﺎ ﺑﺎﻧﺶ ﻣﻦ ﺍﻟﺒﺎﺭﺡ ﻣﺮﻳﻢ : ( ﺣﻜﺎﺕ ﻟﻴﻬﺎ ﺷﻨﻮ ﻭﻗﻊ ) ﺣﺎﻟﺘﻬﺎ ﻛﺎﺗﻘﻄﻊ ﺍﻟﻘﻠﺐ ﻣﺎﻗﺪﺭﻧﺎﺵ ﻧﻘﻮﻟﻮﻫﺎ ﻟﺨﺎﻟﻲ ﻏﺎﻳﺴﻜﺖ ﻟﻴﻪ ﺍﻟﻘﻠﺐ ﻣﺎ ﻏﺎﻳﺮﺿﺎﺵ ﻫﺊ ﻫﺊ ﺍﻟﻠﻪ ﻳﻨﺘﻘﻢ ﻣﻦ ﻫﺬﺍ ﻟﻲ ﺩﺍﺭ ﻓﻴﻬﺎ ﻫﺎﺩ ﺍﻟﺤﺎﻟﺔ ﺑﺸﺮﻯ : ﺍﻟﻠﻪ ﻳﺎﺭﺑﻲ ﻭﻋﻼﺵ ﻣﺎ ﻗﻠﺘﻮﺍ ﻟﻴﺎ ﻭﺍﻟﻮ ﻭﺍﺵ ﺷﺪﻭﻩ؟ ﻣﺮﻳﻢ : ﺍﻩ ﺷﺪﻭﻩ ﻭﺟﺎﺕ ﻣﻮ ﻗﺒﻴﻠﺔ ﺑﻐﺎﺕ ﺗﻠﻘﻰ ﺷﻲ ﺣﻞ ﺳﺎﻋﺔ ﻓﺎﻃﻤﺔ ﻣﺎﺑﻐﺎﺗﺶ ﺗﺴﻤﻌﻬﺎ ﺑﺸﺮﻯ : ﺍﻟﻠﻪ ﻳﻜﻮﻥ ﻟﻴﻬﺎ ﻓﺎﻟﻌﻮﻥ ﺍﻟﻜﺒﺪﺓ ﺻﻌﻴﺒﺔ ﻭﻟﻜﻦ ﻻﺯﻡ ﻳﺘﻌﺎﻗﺐ ﻏﺎﺗﻤﺸﻲ ﻣﻌﺎﻳﺎ ﺩﺍﺑﺎ ﺧﺪﻳﺖ ﻟﻴﻚ ﻣﻮﻋﺪ ﻋﻨﺪ ﻭﺍﺣﺪ ﺍﻟﻄﺒﻴﺔ ﺑﺎﺵ ﺗﺮﺍﻗﺒﻲ ﺍﻟﺤﻤﻞ ﻣﺮﻳﻢ : ﻣﻦ ﺑﻌﺪ ﺍﺧﺎﻟﺘﻲ ﺑﺸﺮﻯ : ﺩﺍﺑﺎ ﻭﺗﻘﻮﻝ ﻣﺮﻳﻢ : ﻭﺍﺧﺎ ﺧﺮﺟﺎﺕ ﻫﻲ ﻭﻳﺎﻫﺎ ﻣﻦ ﺍﻟﻔﻴﻼ ﻭﺧﺪﺍﻫﻢ ﺍﻟﺸﻴﻔﻮﺭ ﺍﻟﻌﻴﺎﺩﺓ ﻓﺤﺼﺎﺗﻬﺎ ﻭﺍﻛﺪﺍﺕ ﺣﻤﻠﻬﺎ ﺍﻟﻄﺒﻴﺒﺔ : ﻣﺪﺍﻡ ﻣﺮﻳﻢ ﺣﺎﻣﻠﺔ ﻑ ﺍﻻﺳﺒﻮﻉ ﺍﻟﺜﺎﻟﺖ ﻏﺎﻧﻌﻄﻴﻚ ﻫﺎﺩ ﺍﻟﻔﻴﺘﺎﻣﻴﻨﺎﺕ ﺧﻮﺩﻳﻬﻢ ﻭﻻﺯﻡ ﺗﻐﺪﻳﺘﻚ ﺗﻜﻮﻥ ﻣﺰﻳﺎﻧﺔ ﻭﺍﻟﺮﺍﺣﺔ ﺛﻢ ﺍﻟﺮﺍﺣﺔ ﻭﺑﻌﺪﻱ ﻣﻦ ﺃﻱ ﺣﺎﺟﺔ ﺗﻌﺒﻚ
127_ﺣﻔﻴﻆ : ﻭﺍﺵ ﻣﺰﺍﻝ ﻣﺎ ﺑﻐﻴﺘﻲ ﺗﺤﺸﻤﻲ ﺍﻟﺤﺎﺝ ﺍﻟﻠﻪ ﻳﺮﺣﻤﻮ ﻏﻠﻂ ﻣﻌﺎﻙ ﺍﻳﻪ ﺣﻴﺖ ﻭﻗﻌﺘﻴﻪ ﻑ ﺷﺒﺎﻛﻚ ﻟﻜﻦ ﺗﺄﻛﺪ ﺑﻠﻲ ﺍﻟﻮﻟﺪ ﻣﺎﺷﻲ ﻭﻟﺪﻭ ﻭﻗﺎﻟﻬﺎ ﻟﻴﻚ ﻭﻧﺘﻲ ﻣﻦ ﺗﻔﻀﺤﺘﻲ ﻣﺎﺑﻘﻴﺘﺶ ﺑﻨﺘﻲ ﺣﺘﻰ ﺩﺍﺯﺕ ﻫﺎﺩ ﺳﻨﻴﻦ ﻛﻠﻬﺎ ﻋﺎﺩ ﺟﻴﺘﻲ ﺿﺤﻜﻲ ﻋﻠﻰ ﻗﻴﺲ ﻧﻌﻴﻤﺔ : ﺍﻧﺎ ﻣﺸﻴﺖ ﺣﻴﺖ ﻛﻨﺖ ﺧﺎﻳﻔﻪ ﻭﻛﻨﺖ ﺻﻐﻴﺮﺓ ﻓﺪﺍﻙ ﺍﻟﻮﻗﺖ ﻗﻴﺲ : ﺷﻲ ﻟﻲ ﻛﺎﻳﻘﻮﻝ ﻋﻤﻲ ﺣﻔﻴﻆ ﺻﺢ؟ ﻧﻌﻴﻤﺔ : ﺍﻟﻠﻪ ﻳﺨﻠﻴﻚ ﺍﻭﻟﺪﻱ ﺗﻴﻖ ﻓﻴﺎ ﺳﻌﺪ ﺧﻮﻙ ﻫﺊ ﻫﺊ ﺍﻧﺎ ﻣﺎ ﻛﺎﻧﻜﺪﺑﺶ ﺻﺪﻗﻨﻲ ﻗﻴﺲ : ﺍﻟﺤﻞ ﺍﻟﻮﺣﻴﺪ ﻫﻤﺎ ﺍﻟﺘﺤﻠﻴﻞ ﺣﻔﻴﻆ : ﺍﺷﻤﻦ ﺗﺤﺎﻟﻴﻞ ﺍﻟﻠﻪ ﻳﻬﺪﻳﻚ ﺑﺎﺑﺎﻙ ﺍﻟﻠﻪ ﻳﺮﺣﻤﻮ ﻛﺸﻒ ﻛﺪﻭﺑﻬﺎ ﻧﻌﻴﻤﺔ : ﺍﻟﻠﻪ ﻳﻨﺘﻘﻢ ﻣﻨﻚ ﺑﺎﺷﻤﻦ ﻭﺟﻪ ﻏﺎﺗﻘﺎﺑﻞ ﺍﻟﻠﻪ ﺳﻌﺪ ﻭﻟﺪ ﻣﺤﻤﺪ ﺍﻧﺎ ﻣﺎ ﺟﻴﺘﺶ ﺑﺎﺵ ﻧﺘﺒﺖ ﺍﻟﻨﺴﺐ ﺍﻧﺎ ﻣﺎ ﺑﺎﻏﻴﺔ ﻣﻨﻜﻢ ﻭﺍﻟﻮ ﻻ ﻓﻠﻮﺱ ﻭﻻ ﻏﻴﺮﻫﻢ ﺑﻐﻴﺘﻚ ﻏﻴﺮ ﺗﻮﻗﻒ ﻣﻊ ﺧﻮﻙ ﺣﺘﻰ ﻳﺨﺮﺝ ﻭﺍﻧﺎ ﻣﺎ ﻏﺎﻧﻘﻮﻟﺶ ﻟﻴﻪ ﺑﻠﻲ ﺍﻧﺖ ﺧﻮﻩ ﺍﻟﻠﻪ ﻳﺨﻠﻲ ﻟﻴﻚ ﻣﺎ ﻋﺰ ﻋﻠﻴﻚ ﻗﻴﺲ : ﻟﻲ ﻋﻨﺪﻱ ﻗﻠﺘﻮﺍ ﻻﺯﻡ ﺇﺛﺒﺎﺕ ﻏﺎﻧﺎﺧﺪﻭ ﻣﻨﻮ ﺍﻟﺪﻡ ﻭﻧﺸﻮﻓﻮ ﻧﻌﻴﻤﺔ : ﻭﺍﻧﺎ ﻣﻮﺍﻓﻘﺔ ﻣﺸﻰ ﻗﻴﺲ ﻭﻧﻌﻴﻤﺔ ﻟﻤﺮﻛﺰ ﺍﻟﺸﺮﻃﺔ ﻭﺭﺍﻓﻘﻬﻢ ﺍﻟﺪﻛﺘﻮﺭ ﻟﻲ ﻏﺎﻳﺎﺧﺪ ﺍﻟﺪﻡ ﻣﻦ ﻋﻨﺪ ﺳﻌﺪ ﻭﺑﻤﺎ ﺍﻧﺎ ﻗﻴﺲ ﻣﻌﺮﻭﻑ ﻣﺎ ﻟﻘﻰ ﺣﺘﻰ ﻋﺮﺍﻗﻴﻞ ﻧﻌﻴﻤﺔ : ﻋﻼﺵ ﺍﻭﻟﺪﻱ ﻋﻼﺵ ﻫﺊ ﻫﺊ ﺳﻌﺪ : ( ﻛﺎﻳﺸﻮﻑ ﻑ ﻗﻴﺲ ) ﺷﻨﻮ ﻛﺎﺩﻳﺮﻱ ﻫﻨﺎ ﻧﻌﻴﻤﺔ : ﺍﺷﻨﻮ ﺩﺍﺭﺕ ﻟﻴﻚ ﺍﻟﺒﻨﺖ ﺣﺘﻰ ﺿﻴﻊ ﻟﻴﻬﺎ ﺣﻴﺎﺗﻬﺎ ﻭﺿﻴﻊ ﺣﻴﺎﺗﻚ ﺳﻌﺪ : ﺷﻜﻮﻥ ﻫﺎﺩ ﺍﻟﻨﺎﺱ ﻟﻲ ﻣﻌﺎﻙ؟ ﻧﻌﻴﻤﺔ : ﻫﺬﺍ ﺧﻮﻭ ﻛﺎﻧﻘﺼﺪ ﻫﺬﺍ ﺳﻲ ﻗﻴﺲ ﻭﻟﻲ ﻣﻌﺎﻩ ﺍﻟﺪﻛﺘﻮﺭ ﺍﻟﻌﺜﻤﺎﻧﻲ ﻗﻴﺲ : ﺍﻧﺎ ﻧﻘﺪﺭ ﻧﻜﻮﻥ ﺧﻮﻙ ﻫﺬﺍ ﻋﻼﺵ ﻛﺎﻳﺨﺺ ﻧﺘﺄﻛﺪﻭ ﻭﺍﻟﺪﻛﺘﻮﺭ ﺍﻟﻌﺜﻤﺎﻧﻲ ﻏﺎﻳﺎﺧﺪ ﻣﻨﻚ ﻋﻴﻨﺔ ﻭﻏﺎﻧﺪﻳﺮﻭ ﺗﺤﻠﻴﻞ ﺳﻌﺪ : ( ﺑﻌﺼﺒﻴﺔ ) ﺍﻧﺎ ﻣﺎ ﻋﻨﺪﻱ ﺧﻮﺕ ﺧﺮﺟﻮﺍ ﻋﻠﻴﺎ ( ﻭﺟﻪ ﻛﻼﻣﻮ ﻟﻤﻮ ) ﻣﺎ ﻛﻔﺎﻛﺶ ﺷﻨﻮ ﺩﺭﺗﻲ ﻓﻴﺎ ﻫﺎﺩ ﺳﻨﻴﻦ ﻛﻠﻬﺎ ﺟﺎﻳﺔ ﺗﻜﻤﻞ ﺍﻟﻴﻮﻡ ﺑﺎﺷﻤﻦ ﺣﻖ
128_ﻧﻌﻴﻤﺔ : ﺍﻟﻠﻪ ﻳﺮﺿﻲ ﻋﻠﻴﻚ ﺍﻭﻟﺪﻱ ﻫﺬﺍ ﻛﻠﻮ ﻟﻤﺼﻠﺤﺘﻚ ﺧﻮﻙ ﻣﺎﻋﻨﺪﻭ ﺣﺘﻰ ﺩﻧﺐ ﺑﺤﺎﻟﻚ ﺑﺤﺎﻟﻮ ﺣﺘﻰ ﻫﻮ ﻳﺎﻻ ﻋﺮﻑ ﺍﻟﻠﻪ ﻳﺨﻠﻴﻚ ﺳﻬﻞ ﻋﻠﻴﻨﺎ ﺍﻷﻣﻮﺭ ﺳﻌﺪ : ﻣﺪﺍﻡ ﺳﻴﺎﺩﺗﻮ ﻣﺎ ﻣﺼﺪﻗﻜﺶ ﺍﺩﺍ ﻻﺵ ﺟﺎﻳﺒﺎﻩ ﻟﻴﺎ ﻟﻬﺎﺩ ﺍﻟﺪﺭﺟﺔ ﻣﺎﻋﻨﺪﻱ ﻗﻴﻤﺔ ﻋﻨﺪﻙ ﺟﺎﻳﺒﺔ ﻟﻴﺎ ﻣﻴﺨﻲ ﺩﻳﺎﻝ ﺍﻟﺨﻼ ﻳﺪﻝ ﻓﻴﺎ ﻗﻴﺲ : ( ﺑﻌﺼﺒﻴﺔ ) ﺍﻳﻪ ﺑﻠﻊ ﻟﺴﺎﻧﻚ ﻭﻻ ﻏﺎﺗﻨﺪﻡ ﺍﻧﺖ ﺧﺎﺻﻚ ﺍﻹﻋﺪﺍﻡ ﻣﺎﺷﻲ ﻏﻴﺮ ﺍﻟﺤﺒﺲ ﻣﻀﻴﻊ ﺍﻟﺒﻨﺖ ﻑ ﺷﺮﻓﻬﺎ ﻭﻣﺨﺮﺝ ﻋﻴﻨﻴﻚ ﻣﻦ ﺍﻟﻔﻮﻕ ﺳﻌﺪ : ( ﺩﻓﻌﻮﺍ ﺑﻘﻮﺓ ) ﺧﺮﺝ ﻋﻠﻴﺎ ﻗﻴﺲ ( ﻋﻴﻂ ﻟﺸﺮﻃﻲ ﻭﺧﺒﺮﻭ ﺑﻠﻲ ﻻﺯﻡ ﻳﺎﺧﺪﻭ ﻣﻦ ﺩﻡ ﻭﺑﺄﻱ ﻃﺮﻳﻘﺔ ﺷﺪﻭ ﺍﻟﺸﺮﻃﻪ ﺑﺰﺯ ﻣﻨﻮ ﻭﺩﺍﺭﻭ ﻟﻴﻪ ﺍﻟﻤﻴﻨﻮﻁ ﻓﻴﺪﻭ ﻭﺧﺪﺍﻭ ﻣﻨﻮ ﻋﻴﻨﺔ ﻣﻦ ﺩﻡ ﻏﻮﺕ ﺣﺘﻰ ﻋﻴﺔ ﻭﺯﺍﺩ ﺣﻘﺪ ﻋﻠﻰ ﻣﻮ ﺧﺮﺟﺎﺕ ﻣﻦ ﻋﻨﺪﻭ ﻭﺩﻣﻮﻋﻬﺎ ﻑ ﻋﻴﻨﻴﻬﺎ ﻗﻴﺲ ﺧﺪﺍ ﺍﻟﻌﻴﻨﺔ ﻟﻤﺴﺘﺸﻔﻰ ﺍﻟﺪﻛﺘﻮﺭ : ﻻﺯﻡ ﺗﻌﺮﻑ ﺑﻠﻲ ﻫﺎﺩ ﺷﻲ ﻟﻲ ﺩﺭﻧﺎ ﻏﻴﺮ ﻗﺎﻧﻮﻧﻲ ﻭﺑﻠﻲ ﺍﻟﻘﺎﻧﻮﻥ ﻛﺎﻳﺠﺮﻡ ﺇﺟﺒﺎﺭ ﺷﺨﺺ ﻣﻌﻴﻦ ﻋﻠﻰ ﺇﺟﺮﺍﺀ ﺗﺤﻠﻴﻞ ﺍﺗﺒﺎﺕ ﺍﻟﻨﺴﺐ ﻛﻴﻔﺎﺵ ﺣﺘﻰ ﺍﻟﻌﻤﻴﺪ ﻭﺍﻓﻖ ﻭﻫﻮ ﻋﺎﺭﻑ ﺑﻠﻲ ﻫﺬﺍ ﻏﻴﺮ ﻗﺎﻧﻮﻧﻲ؟ ﻗﻴﺲ : ﺍﻟﻌﻤﻴﺪ ﺻﺪﻳﻖ ﺩﻳﺎﻟﻲ ﻭﺣﺎﺟﺔ ﺃﺧﺮﻯ ﺣﺘﻰ ﺣﺎﺟﺔ ﻣﺎ ﻣﺴﺘﺤﻴﻠﺔ ﻣﻊ ﺍﻟﻔﻠﻮﺱ ﻋﻨﺪﻱ ﺳﺆﺍﻝ؟ ﺍﻟﺪﻛﺘﻮﺭ : ﺗﻔﻀﻞ ﻗﻴﺲ : ﻭﺍﺵ ﻫﺎﺩ ﺍﻟﺘﺤﻠﻴﻞ ﻣﻀﻤﻮﻥ %100 ﺍﻟﺪﻛﺘﻮﺭ : ﻣﻦ ﺍﻟﻤﻤﻜﻦ ﺍﺧﺪ ﻋﻴﻨﺔ ﻣﻦ ﺍﻻﺏ ﺩﻳﺎﻟﻚ ﻻﺯﻡ ﻏﻴﺮ ﻣﻮﺍﻓﻘﺔ ﺑﻔﺘﺢ ﺍﻟﻘﺒﺮ ﻭﺍﺧﺪ ﻋﻴﻨﺔ ﻣﻦ ﺍﻟﻌﻈﻢ ﻭﺑﻴﻬﺎ ﻳﺘﺘﺒﺖ ﺍﻟﻨﺴﺐ ﻟﻜﻦ ﺑﻼ ﻫﺎﺩ ﺷﻲ ﻛﻠﻮ ﻋﻴﻨﺔ ﻣﻨﻚ ﻛﺎﻓﻴﺔ ﻭﻣﻀﻤﻮﻧﺔ %100 ﺇﻟﻰ ﻛﺎﻥ ﺧﻮﻙ ﻓﻌﻼ ﻏﺎﻳﺒﺎﻥ ﻗﻴﺲ : ﺷﺤﺎﻝ ﻛﺎﺗﺴﺘﻐﺮﻕ ﺍﻟﻨﺘﻴﺠﺔ؟ ﺍﻟﺪﻛﺘﻮﺭ : ﻋﻠﻰ ﺣﺴﺐ ﺍﻣﻜﺎﻧﻴﺎﺗﻚ ﺍﻟﻤﺎﺩﻳﺔ ﻛﺎﻳﻨﺔ ﻟﻲ ﻛﺎﺗﺄﺧﺮ ﻭﻛﺎﻳﻨﺎ ﻟﻲ ﻛﺎﺗﻄﻠﻊ ﻑ ﺳﺎﻋﺔ ﺇﻟﻰ ﺑﻐﺘﻴﻬﺎ ﺗﻄﻠﻊ ﺑﺴﺮﻋﺔ ﻛﺎﺗﺪﻓﻊ ﻣﺒﻠﻎ ﺑﻘﻴﻤﺔ 10 000 ﺩﺭﻫﻢ ﻗﻴﺲ : ﺍﻭﻙ ﺑﻐﻴﺘﻬﺎ ﺑﺴﺮﻋﺔ ﺍﻟﺪﻛﺘﻮﺭ : ﻫﻲ ﺍﻟﻠﻮﻟﺔ ﺗﺮﻥ ...... ﺗﺮﻥ . ..... ﺳﻤﻴﺮﺓ : ﺍﻟﻮﻭ . ﺃﺯﻫﺎﺭ : ﻓﻴﻦ ﻭﺻﻠﺘﻲ ﻓﺸﻲ ﻟﻲ ﻗﻠﺖ ﻟﻴﻚ؟ ﺳﻤﻴﺮﺓ : ﻧﻔﺪﺗﻮ ﺑﺎﻟﺤﺮﻑ ﻟﻲ ﻋﻠﻴﺎ ﺩﺭﺗﻮ ﺃﺯﻫﺎﺭ : ﻻﺯﻡ ﺍﻟﺨﻄﺔ ﺗﻨﺠﺢ ﻭﻓﺎﻗﺮﺏ ﻭﻗﺖ ﻭﻛﺎﻧﻮﺍﻋﺪﻙ ﺍﻟﻤﺒﻠﻎ ﻏﺎﻳﻀﺎﻋﻒ
129_ﺳﻤﻴﺮﺓ : ﺇﻟﻰ ﻛﺎﻥ ﻏﺎﻳﻀﺎﻋﻒ ﻏﺎﻧﺰﻳﺪ ﻓﻮﻕ ﺟﻬﺪﻱ ﻫﻬﻬﻪ ﺃﻫﻢ ﺣﺎﺟﺔ ﺍﻟﻔﻠﻮﺱ ﺃﺯﻫﺎﺭ : ﻧﺘﻲ ﻏﻴﺮ ﺧﺪﻣﻲ ﻣﻌﺎﻳﺎ ﻣﺰﻳﺎﻥ ﻭﻣﺎﻳﻜﻮﻥ ﻏﻴﺮ ﺧﺎﻃﺮﻙ ﺑﻬﻴﺤﺔ : ﺍﺵ ﻏﺎﻧﻘﻮﻟﻮ ﻟﺒﺎﻙ ﻭﺑﺎﺷﻤﻦ ﻭﺟﻪ ﻏﺎﻧﺸﻮﻓﻬﻢ ﺍﻧﺎ ﺳﺒﺐ ﻛﻦ ﻣﺎ ﺟﻴﻨﺎﺵ ﻟﻤﺪﻳﻨﺔ ﻣﺎﻛﺎﻧﺶ ﻏﺎﻳﻮﻗﻊ ﻟﻴﻚ ﻫﺎﺩ ﺷﻲ ﻓﺎﻃﻤﺔ : ﻧﺘﻲ ﻣﺎ ﻋﻨﺪﻙ ﺣﺘﻰ ﺩﺧﻞ ﻫﺬﺍﻙ ﺍﻟﻤﺠﺮﻡ ﻫﻮ ﺳﺒﺐ ﺍﻟﻠﻪ ﻳﺎﺧﺪ ﻓﻴﻪ ﺍﻟﺤﻖ ﺿﻴﻊ ﻟﻴﺎ ﺣﻴﺎﺗﻲ ﻫﺊ ﻫﺊ ﻫﺊ ﺷﻜﻮﻥ ﻏﺎﻳﻘﺒﻞ ﻋﻠﻴﺎ ﺩﺍﺑﺎ ﻳﺎﻻ ﻏﺎﻧﻮﻟﻲ ﺑﺎﻳﺮﺓ ﺩﻳﺎﻝ ﺑﺼﺢ ﺑﻬﻴﺠﺔ : ﺍﺟﻲ ﺍﻟﺤﻤﻘﺔ ﻋﻨﺪﻱ ( ﺿﻤﺎﺗﻬﺎ ) ﺩﺍﺑﺎ ﻳﺠﻴﺐ ﻟﻴﻚ ﺍﻟﻠﻪ ﻭﻟﺪ ﺍﻟﻨﺎﺱ ﻟﻲ ﻳﺪﻳﺮﻙ ﻑ ﻋﻴﻨﻴﻪ ﻧﺘﻲ ﻣﺎ ﻋﻨﺪﻙ ﺣﺘﻰ ﺫﻧﺐ ﺍﻧﺘﻲ ﻣﺠﺮﺩ ﺿﺤﻴﺔ ﺑﻌﺪ ﺍﻧﺘﻈﺎﺭ ﻭﺻﻠﻮﺍ ﺗﺼﺎﻝ ﻣﻦ ﺍﻟﺪﻛﺘﻮﺭ ﺍﻟﻌﺜﻤﺎﻧﻲ ﻭﺧﺒﺮﻭ ﺑﻠﻲ ﻧﺘﻴﺠﺔ ﻃﻠﻌﺎﺕ ﺧﺪﺍ ﺳﻴﺎﺭﺗﻮ ﻭﻣﺸﻰ ﺑﺴﺮﻋﺔ ﻟﻠﻤﺴﺘﺸﻔﻰ ﺩﺧﻞ ﻟﻠﻤﻜﺘﺐ ﻛﺎﻥ ﺍﻟﺪﻛﺘﻮﺭ ﺷﺎﺩ ﺍﻟﻨﺘﻴﺠﺔ ﻑ ﻳﺪﻳﻪ ﻗﻴﺲ : ﺳﻼﻡ ﻋﻠﻴﻜﻢ ﺍﻟﺪﻛﺘﻮﺭ : ﻭﻋﻠﻴﻜﻢ ﺍﻟﺴﻼﻡ ﻗﻴﺲ : ﺷﻨﻮ ﻛﺎﻳﻦ ﻑ ﺍﻟﻨﺘﻴﺠﺔ؟ ﺍﻟﺪﻛﺘﻮﺭ : ( ﻓﺘﺤﻬﺎ ﻭﻗﺮﺍﻫﺎ ﻟﻴﻪ ) ﺳﻌﺪ ﻃﻠﻊ ﺧﻮﻙ ﺍﻟﺒﻴﻮﻟﻮﺟﻲ ﻗﻴﺲ ( ﺧﺪﺍﻫﺎ ﻣﻨﻮ ﻭﻗﺮﺍﻫﺎ ﻣﻦ ﺟﺪﻳﺪ ﻭﺗﺄﻛﺪ ﺑﻠﻲ ﻧﻌﻴﻤﺔ ﻛﻼﻣﻬﺎ ﺻﺢ ﻭﺑﻠﻲ ﺳﻌﺪ ﺧﻮﻩ ﺷﻜﺮ ﺍﻟﺪﻛﺘﻮﺭ ﻭﺗﺎﺻﻞ ﺏ ﻧﻌﻴﻤﺔ ﺟﺎﺕ ﻟﻌﻨﺪﻭ ﻟﺸﺮﻛﺔ ﻭﺗﻜﻠﻤﻮ ) ﻗﻴﺲ : ﺍﻧﺎ ﺗﺄﻛﺪﺕ ﺑﻠﻲ ﺣﻨﺎ ﻓﻌﻼ ﺧﻮﺕ ﻭﻟﻜﻦ ﻋﻼﺵ ﺧﺒﻴﺘﻲ ﻋﻠﻴﻨﺎ ﻫﺎﺩ ﺍﻟﺴﻨﻴﻦ ﻛﻠﻬﺎ؟ ﻧﻌﻴﻤﺔ : ﺍﻧﺎ ﻗﻠﺘﻬﺎ ﻣﺤﻤﺪ ﺍﻟﻠﻪ ﻳﺮﺣﻤﻮ ﻭﻧﻜﺮ ﺧﺎﻑ ﻋﻠﻰ ﺳﻤﻌﺘﻮﺍ ﻭﺣﺘﻰ ﺍﻧﺎ ﺧﻔﺖ ﻋﻠﻰ ﺳﻤﻌﺘﻲ ﻭﺧﻔﺖ ﻣﻨﻮ ﻓﺪﺍﻙ ﺍﻟﻮﻗﺖ ﻛﻨﺖ ﺻﻐﻴﺮﻩ ﺑﺰﺍﻑ ﻭﺍﺣﺪ ﺍﻟﺸﺨﺺ ﺍﻟﻠﻪ ﻳﺮﺣﻤﻮ ﻭﻳﺠﺪﺩ ﻋﻠﻴﻪ ﺍﻟﺮﺣﻤﺎﺕ ﻃﻠﺒﻨﻲ ﻟﺰﻭﺍﺝ ﻭﻗﻠﺖ ﻟﻴﻪ ﺍﻟﺤﻘﻴﻘﺔ ﻭﻣﺎ ﺭﻓﻀﺶ ﻗﺒﻞ ﺑﻴﺎ ﻭﺳﺘﺮﻧﻲ ﻭﺳﺠﻞ ﻭﻟﺪﻱ ﻛﺄﻧﻪ ﻭﻟﺪﻭ ﻛﺎﻥ ﻋﻠﻰ ﻗﺪ ﺍﻟﺤﺎﻝ ﻭﻟﻜﻦ ﻧﻌﻢ ﺍﻟﺮﺟﻞ ﺩﺍﺯﺕ ﺳﻨﻴﻦ ﻭﺍﻟﻌﺎﻡ ﻟﻲ ﻓﺎﺕ ﺗﻮﻓﻰ ﺍﻟﻠﻪ ﻳﺮﺣﻤﻮ ﻭﺳﻌﺪ ﻋﻤﺮﻭ ﺷﻚ ﻭﻟﻮ ﻟﺤﻈﺔ ﺣﻴﺖ ﻛﺎﻥ ﻛﺎﻳﻌﺎﻣﻠﻮ ﺑﺤﺐ ﻛﺒﻴﺮ ﻭﻛﺎﻥ ﻛﺎﻳﺨﺎﻑ ﻋﻠﻴﻪ ﺣﺘﻰ ﻟﻬﺎﺩ ﺍﻟﺸﻬﺮ ﻋﺎﺩ ﻋﺮﻑ ﺍﻟﺤﻘﻴﻘﺔ ﺧﺘﻲ ﺍﻟﻠﻪ ﻳﺴﻤﺢ ﻟﻴﻬﺎ ﻗﺎﻟﺘﻬﺎ ﻟﻴﻪ ﺣﻘﺪ ﻋﻠﻴﺎ ﻭﻋﻠﻰ ﻛﻠﺸﻲ ﻭﺳﻤﺢ ﻓﻴﺎ ﻭﻑ ﺍﻟﺪﺍﺭ ﻭﻣﺸﻰ ﺳﻜﻦ ﻣﻊ ﺻﺤﺎﺑﻮ ﻭﻭﻗﻊ ﻟﻲ ﻭﻗﻊ ﻫﺊ ﻫﺊ
130_ﻗﻴﺲ : ﻭﻫﺎﺩ ﺍﻟﺒﻨﺖ ﻟﻲ ﺗﻌﺪﻯ ﻋﻠﻴﻬﺎ ﻛﺎﺗﻌﺮﻓﻮﻫﺎ؟ ﻧﻌﻴﻤﺔ : ﻣﺸﻴﺖ ﻟﻌﻨﺪﻫﺎ ﻭﺟﺮﺍﺕ ﻋﻠﻴﺎ ﻣﺎﺑﻐﺎﺗﺶ ﺗﺴﻤﻊ ﻗﻴﺲ : ﺍﻭﻙ ﻋﻄﻴﻨﻲ ﺍﻟﻌﻨﻮﺍﻥ ﻭﺍﻧﺎ ﻏﺎﻧﺘﻜﻠﻒ ﻧﻌﻴﻤﺔ : ( ﻋﻄﺎﺗﻮ ﺍﻟﻌﻨﻮﺍﻥ ﻭﺣﻞ ﻓﻤﻮ ﻣﻦ ﺍﻟﺼﺪﻣﺔ ) ﻭﺍﺵ ﻣﺘﺄﻛﺪﺓ ﻫﺪﺍ ﻫﻮ ﻋﻨﻮﺍﻧﻬﺎ؟ ﻧﻌﻴﻤﺔ : ﺍﻩ ﻫﻮ ﻋﻼﺵ؟ ﻗﻴﺲ : ﺍﻭﻙ ﺍﻭﻙ ﺍﻧﺎ ﻏﺎﻧﺘﻜﻠﻒ ﻭﻧﺮﺩ ﻋﻠﻴﻚ ﻧﻌﻴﻤﺔ : ﺳﻴﺮ ﺍﻭﻟﺪﻱ ﺍﻟﻠﻪ ﻳﺮﺿﻲ ﻋﻠﻴﻚ ﻭﻳﻨﻘﻲ ﻃﺮﻳﻘﻚ ﻣﻦ ﺷﻮﻙ ﺑﺼﺢ ﻣﺎ ﻛﺪﺑﻮﺵ ﻟﻲ ﻗﺎﻟﻮﺍ ﻋﻤﺮ ﺍﻟﺪﻡ ﻳﺮﺟﻊ ﻣﺎ ﻭﺻﻠﻬﺎ ﻟﻤﻜﺎﻥ ﺳﻜﻨﻬﺎ ﻭﺗﻮﺟﻪ ﻟﺸﻘﺔ ﺑﻬﻴﺤﺔ ﻭﻋﻘﻠﻮ ﻛﺎﻳﺪﻱ ﻭﻳﺠﻴﺐ ﻛﻴﻔﺎﺵ ﻏﺎﻳﻔﺘﺢ ﻣﻌﺎﻫﻢ ﺍﻟﻤﻮﺿﻮﻉ ﻭﻛﻴﻔﺎﺵ ﻏﺎﻳﻘﺪﺭ ﻳﻘﻨﻊ ﻓﺎﻃﻤﺔ ﺑﺘﻨﺎﺯﻝ ﺍﻟﺒﺎﺭﺡ ﻛﺎﻥ ﻑ ﺻﻒ ﺍﻟﻀﺤﻴﺔ ﻭﺍﻟﻴﻮﻡ ﻭﻻ ﻑ ﺻﻒ ﺍﻟﻤﺠﺮﻡ ﻃﻠﻊ ﻟﻄﺎﺑﻖ ﺍﻟﺜﺎﻟﺖ ﻓﺘﺤﺎﺕ ﻟﻴﻪ ﺑﻬﻴﺠﺔ ﺍﻟﺒﺎﺏ ﻭﻃﻠﺐ ﻣﻨﻬﺎ ﻳﺘﻜﻠﻢ ﻣﻊ ﻓﺎﻃﻤﺔ ﻋﻠﻰ ﻧﻔﺮﺍﺩ ﺩﺧﻞ ﻟﻌﻨﺪﻫﺎ ﻟﻠﻐﺮﻓﺔ ﻭﺳﺪ ﺍﻟﺒﺎﺏ ﻓﺎﻃﻤﺔ ﺳﺘﻐﺮﺑﺎﺕ ﻣﻦ ﺗﺼﺮﻓﻮ ﻧﻔﺲ ﺷﻴﺊ ﺑﻨﺴﺒﺔ ﻝ ﺑﻬﻴﺠﺔ ﺍﻟﻔﻀﻮﻝ ﻗﺘﻠﻬﺎ ﻭﻗﺮﺭﺍﺕ ﺗﺠﺴﺲ ﻋﻠﻴﻬﻢ ﻣﻦ ﻭﺭﺍ ﺍﻟﺒﺎﺏ ﻗﻴﺲ : ﻛﻲ ﺑﻘﻴﺘﻲ ؟ ﻓﺎﻃﻤﺔ : ﺍﻟﺤﻤﺪ ﻟﻠﻪ ﺷﻜﺮﺍ ﻗﻴﺲ : ﺑﻼ ﺷﻚ ﻣﺴﺘﻐﺮﺑﻪ؟ ﻓﺎﻃﻤﺔ : ﻻ ﻻ ﻣﺮﺣﺒﺎ ﺑﻴﻚ ﻓﺄﻱ ﻭﻗﺖ ﻗﻴﺲ : ﺷﻜﺮﺍ ﺍﻧﺎ ﺟﻴﺖ ﻧﻄﻠﺐ ﻣﻨﻚ ﻃﻠﺐ ﻭﺍﺣﺪ ﺍﻟﻄﻠﺐ ﻓﺎﻃﻤﺔ : ﺗﻔﻀﻞ ﻗﻴﺲ : ﻧﺘﻲ ﺑﻼ ﺷﻚ ﺑﺎﻏﻴﺔ ﺍﻟﺸﺨﺺ ﻟﻲ ﺗﻬﺠﻢ ﻋﻠﻴﻚ ﺃﻗﺼﻰ ﻋﻘﻮﺑﺔ ﻓﺎﻃﻤﺔ : ﻃﺒﻌﺎ ﻗﻴﺲ : ﺷﻲ ﻟﻲ ﺩﺍﺭ ﺣﺘﻰ ﺣﺪ ﻣﺎ ﻳﻘﺪﺭ ﻳﻐﻔﺮﻭ ﻟﻴﻪ ﻟﻜﻦ ﻣﺎ ﻋﻨﺪﻧﺎﺵ ﻓﻜﺮﺓ ﻋﻠﻰ ﺳﺒﺐ ﻟﻲ ﺧﻼﻩ ﻳﺘﻬﺠﻢ ﻋﻠﻴﻚ ﻫﻮ ﻛﺎﻥ ﺗﺤﺖ ﺗﺄﺗﻴﺮ ﺍﻟﻤﺨﺪﺭﺍﺕ ﻭﺣﺎﻟﺘﻮ ﻧﻔﺴﻴﺔ ﻣﺤﻄﻤﺔ ﻫﺬﺍ ﻋﻼﺵ ﺗﻬﺠﻢ ﻋﻠﻴﻚ ﻭﻓﺮﻍ ﻓﻴﻚ ﻏﻀﺒﻮﺍ ﻫﻮ ﻛﺎﻥ ﺿﺤﻴﺔ ﺍﻟﻤﺠﺘﻤﻊ ﻭﻧﺘﻲ ﻟﻸﺳﻒ ﺟﻴﺘﻲ ﻓﻄﺮﻳﻘﻮ ﻭﺻﺤﺒﺘﻲ ﺿﺤﻴﺔ ﺩﻳﺎﻟﻮ ﻓﺎﻃﻤﺔ : ﻣﺰﺍﻝ ﻣﺎ ﻓﻬﻤﺖ ﺍﻧﺖ ﻓﻴﻦ ﻛﺎﺗﻌﺮﻓﻮ ﻭﻛﻴﻔﺎﺵ ﻛﺎﺗﺒﺮﺭ ﺟﺮﻳﻤﺘﻮ ﻭﺩﺍﻓﻊ ﻋﻠﻴﻪ ؟ ﻗﻴﺲ : ﺍﻧﺎ ﻣﺎ ﻛﺎﻧﺒﺮﺭﺵ ﺍﻟﺠﺮﻳﻤﺔ ﻟﻲ ﺩﺍﺭ ﻭﻣﺎ ﻛﺎﻧﺪﺍﻓﻌﺶ ﻋﻠﻴﻪ ﻋﻨﺪﻱ ﻟﻴﻚ ﺣﻞ ﻏﺎﻳﻨﺎﺳﺒﻚ %100 ﺍﻟﺴﺠﻦ ﻣﺎﺷﻲ ﻫﻮ ﺍﻟﺤﻞ ﻫﺎﻫﻮ ﺗﺴﺠﻦ ﺷﺤﺎﻝ ﻏﺎﻳﺤﻜﻤﻮ ﻋﻠﻴﻪ؟ ﻳﻘﺪﺭ ﻛﺎﻉ ﻳﺨﺮﺝ ﻣﻦ ﺍﻟﻘﻀﻴﺔ ﻭﺑﻼ ﻋﻘﺎﺏ ﻓﻬﺎﺩ ﺍﻟﺤﺎﻟﺔ ﻧﺘﻲ ﺷﻨﻮ ﺳﺘﺎﻓﺪﺗﻲ ﻭﺍﻟﻮ ﺑﺎﻟﻌﻜﺲ ﻫﺬﺍ ﻋﻼﺵ ﻋﻨﺪﻱ ﻟﻴﻚ ﻗﺘﺮﺍﺡ ﻓﺎﻃﻤﺔ : ﺃﻣﺎ ﻫﻮ
131_ﻗﻴﺲ : ﺍﻟﺤﻞ ﻫﻮ ﻳﺘﺤﻤﻞ ﻣﺴﺆﻭﻟﻴﺔ ﺷﻲ ﻟﻲ ﺩﺍﺭ ﻭﺗﺰﻭﺟﻮ ... ( ﻗﺎﻃﻌﺎﺗﻮ ) ﻓﺎﻃﻤﺔ : ﻛﻴﻔﺎﺵ ﻧﺘﺰﻭﺟﻮ ﻻ ﻻ ﻣﺎﻳﻤﻜﻨﺶ ﻛﻴﻔﺎﺵ ﻛﺎﻃﻠﺐ ﻣﻨﻲ ﻧﺘﺰﻭﺝ ﺑﻮﺍﺣﺪ ﻣﺠﺮﻡ ﺍﻟﺤﺒﺲ ﻭﻗﻠﻴﻞ ﻓﺤﻘﻮ ﺍﻧﺎ ﻋﻤﺮﻱ ﻣﺎ ﻧﺴﻤﺢ ﻟﻴﻪ ﺿﻴﻊ ﻟﻴﺎ ﺣﻴﺎﺗﻲ ﻭﺷﺮﻓﻲ ﻗﻴﺲ : ﻣﺎﺗﺴﺮﻋﻴﺶ ﻓﻜﺮﻱ ﻣﻲ ﻣﺎ ﻃﻮﻟﻴﺶ ﻑ ﺍﻟﺘﻔﻜﻴﺮ ﻧﻬﺎﺭ ﺍﻻﺗﻨﻴﻦ ﻋﻨﺪﻭ ﺍﻟﺤﻜﻢ ﺧﻮﺩﻱ ﻗﺮﺍﺭ ﻗﺒﻞ ﻣﺎ ﻳﺘﺤﻜﻢ ﻋﻠﻴﻪ ﺧﺮﺝ ﻣﻦ ﺍﻟﻐﺮﻓﻪ ﻭﺧﻼﻫﺎ ﺣﺎﻟﺔ ﻓﻤﻬﺎ ﻣﻦ ﺍﻟﻌﺮﺽ ﻟﻲ ﻋﺮﺽ ﻋﻠﻴﻬﺎ ﺭﺟﻊ ﻟﻔﻴﻼ ﻛﺎﻧﺖ ﻣﺮﻳﻢ ﻛﺎﺗﺮﺗﺐ ﺍﻟﺤﻮﺍﻳﺞ ﻗﻴﺲ : ﺑﻐﻴﺖ ﻧﺘﻜﻠﻢ ﻣﻌﺎﻙ ﻣﺮﻳﻢ : ( ﺣﻄﺎﺕ ﺍﻟﺤﻮﺍﻳﺞ ﻣﻦ ﻳﺪﻫﺎ ) ﻭﺍﺧﺎ ﻗﻴﺲ : ﺑﻌﺪ 28 ﺳﻨﺔ ﺑﺎﻥ ﺧﻮﻳﺎ ﻣﻦ ﺑﺎﺑﺎ ﺍﻟﻠﻪ ﻳﺮﺣﻤﻮ ﻣﺎﻣﺎ ﻣﺎ ﻋﺮﻓﺎﺵ ﺍﻟﺸﺨﺺ ﻟﻲ ﺗﻌﺪﻯ ﻋﻠﻰ ﺑﻨﺖ ﺧﺎﻟﻚ ﻃﻠﻊ ﻫﻮ ﺧﻮﻳﺎ ﻣﺮﻳﻢ : ( ﺣﻼﺕ ﻓﻤﻬﺎ ) ﻛﻴﻔﺎﺵ ﺧﻮﻙ ﻫﻪ ﻻ ﻣﺎﻳﻤﻜﻨﺶ ﺍﻟﻠﻪ ﻳﺎﺭﺑﻲ ﺍﺵ ﻫﺎﺩ ﺍﻟﻤﻜﺘﺎﺏ ﺑﻌﺪ ﻫﺎﺩ ﺳﻨﻴﻦ ﻛﻠﻬﺎ ﺗﻜﺘﺸﻒ ﺑﻠﻲ ﻋﻨﺪﻙ ﺍﺥ ﻭﻳﻄﻠﻊ ﻫﻮ ﻟﻲ ﺗﻬﺠﻢ ﻋﻠﻰ ﻓﺎﻃﻤﺔ ﻛﻴﻔﺎﺵ ﻋﺮﻓﺘﻲ؟ ﻗﻴﺲ : ﻣﺎ ﻛﺎﻳﻬﻤﺶ ﻛﻴﻔﺎﺵ ﻋﺮﻓﺖ ﺍﻟﻤﻬﻢ ﻋﺮﻓﺖ ﺍﻧﺎ ﺗﻜﻠﻤﺖ ﻣﻊ ﻓﺎﻃﻤﺔ ﻭﺍﻗﺘﺮﺣﺖ ﻋﻠﻴﻬﺎ ﻭﺍﺣﺪ ﺍﻟﻔﻜﺮﺓ ﻭﺭﻓﻀﺎﺕ ﺑﻐﻴﺘﻚ ﺗﻜﻠﻤﻲ ﻣﻌﺎﻫﺎ ﻭﺗﺤﺎﻭﻟﻲ ﺗﻘﻨﻌﻴﻬﺎ ﻣﺮﻳﻢ : ﻋﺮﻓﺖ ﺷﻨﻮ ﻃﻠﺒﺘﻲ ﺍﻛﻴﺪ ﻋﺮﺿﺘﻲ ﻋﻠﻴﻬﺎ ﻓﻜﺮﺓ ﺯﻭﺍﺝ ﻗﻴﺲ : ﻫﺬﺍ ﻫﻮ ﺃﻧﺴﺐ ﺣﻞ ﻣﺮﻳﻢ : ﻣﺴﺘﺤﻴﻞ ﺗﻮﺍﻓﻖ ﻭﺍﻧﺎ ﻣﺰﺍﻝ ﻣﺎ ﻗﺎﺩﺭﺍﺵ ﻧﺼﺪﻕ ﺑﻠﻲ ﺧﻮﻙ ( ﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ ) ﺍﻟﻠﻪ ﻳﺎﺭﺑﻲ ﺍﺵ ﻫﺎﺩ ﺍﻟﻤﻜﺘﺎﺏ ﻗﻴﺲ : ﺍﻧﺎ ﻋﺎﺭﻑ ﺷﻌﻮﺭﻫﺎ ﻭﺻﻌﻴﺐ ﺗﻮﺍﻓﻖ ﻭﻋﺎﺭﻑ ﻻﺯﻡ ﻳﺘﻌﺎﻗﺐ ﻭﻟﻜﻦ ﺍﻧﺎ ﻣﺎ ﻏﺎﻧﻘﺪﺭﺵ ﻧﺨﻠﻲ ﺧﻮﻳﺎ ﺍﻟﻮﺣﻴﺪ ﻑ ﺍﻟﺴﺠﻦ ﻳﻜﻔﻲ ﺍﻧﻪ ﺑﻴﻦ ﻟﻴﻠﺔ ﻭﻧﻬﺎﺭ ﺣﻴﺎﺗﻮ ﺗﻘﻠﺒﺎﺕ ﺭﺃﺱ ﻋﻠﻰ ﻋﻘﺐ ﻭﻫﺬﺍ ﻟﻲ ﺍﺯﻣﻮ ﻭﺧﻼﻩ ﻛﻴﻒ ﺍﻟﻮﺣﺶ ﻭﺳﺎﻫﻞ ﻧﺨﺮﺟﻮ ﻣﻦ ﺍﻟﻘﻀﻴﺔ ﻧﻘﺪﺭ ﻧﺨﺮﺟﻮ ﻭﻣﻦ ﺩﺍﺑﺎ ﻭﻏﻴﺮ ﺑﺎﺗﺼﺎﻝ ﻣﻨﻲ ﻭﻟﻜﻦ ﻓﻜﺮﺕ ﻟﻴﻬﺎ ﺣﺘﻰ ﻫﻲ ﺃﺣﺴﻦ ﺣﻞ ﺑﻨﺴﺒﺔ ﻟﻴﻬﺎ ﻫﻮ ﻳﺘﺰﻭﺟﻬﺎ ﻭﺍﻟﻰ ﻣﺎ ﺑﻐﺎﺗﺶ ﺗﻜﻤﻞ ﻣﻌﺎﻩ ﻫﻲ ﺣﺮﺓ ﻭﺍﻧﺎ ﻏﺎﻧﻮﻇﻔﻬﺎ ﻑ ﺍﻟﺸﺮﻛﺔ ﻭﻣﺎ ﻏﺎﺗﺤﺘﺎﺟﺶ ﺗﺨﺪﻡ ﻑ ﺍﻟﻤﻄﺎﻋﻢ ﻭﺗﻌﺮﺽ ﺣﻴﺎﺗﻬﺎ ﻟﻠﺨﻄﺮ ﻧﺘﻲ ﻗﻨﻌﻴﻬﺎ ﻣﺮﻳﻢ : ( ﺑﻌﺪ ﺗﻔﻜﻴﺮ ) ﺍﻧﺎ ﻏﺎﻧﺘﻜﻠﻢ ﻣﻌﺎﻫﺎ ﺧﺮﺝ ﻗﻴﺲ ﻣﻦ ﻏﺮﻓﺘﻮ ﻭﺗﻮﺟﻪ ﻟﻐﺮﻓﺔ ﺑﺸﺮﻯ ﺩﺧﻞ ﻋﻨﺪﻫﺎ ﻛﺎﻧﺖ ﻫﺎﺯﺓ ﺍﻟﻘﺮﺁﻥ ﻭﻛﺎﺗﻘﺮﺍ ﺣﻔﻴﻆ : ﻣﺎ ﻳﻤﻜﻨﺶ ﺣﺘﻰ ﻗﻠﺖ ﺍﺗﺮﻫﺎ ﺧﺘﻔﻰ ﻭﺭﺟﻌﺎﺕ ﻣﻦ ﺟﺪﻳﺪ ﻭﻟﻜﻦ ﺍﻟﻐﻠﻂ ﺩﻳﺎﻟﻲ ﻛﺎﻥ ﻋﻠﻴﺎ ﻧﻔﻲ ﺍﺗﺮ ﺩﺍﻙ ﺍﻟﻘﻴﻂ ﻋﺪﻧﺎﻥ : ﻭﺍﺵ ﻓﻜﻞ ﻣﺮﺓ ﻳﻄﻠﻊ ﻟﻴﻨﺎ ﺑﻼﻥ ﺍﻧﺎ ﺑﻐﻴﺖ ﻧﺸﺪ ﺭﺋﺎﺳﺔ ﺍﻟﺸﺮﻛﺔ ﻭﻓﺄﻗﺮﺏ ﻭﻗﺖ ﻗﻴﺲ ﺧﺎﻧﻘﻨﻲ ﻭﺑﻮﺟﻮﺩ ﺣﻤﻴﺪ : ﻫﺬﺍﻙ ﺍﻟﺠﻨﻴﻦ ﻻﺯﻡ ﻳﻄﻴﺢ ﻗﺒﻞ ﻣﺎ ﻳﺸﻮﻑ ﺍﻟﻨﻮﺭ ﻭﺧﻮﻩ ﺍﻧﺎ ﻏﺎﻧﺘﻜﻠﻒ ﺑﻴﻪ ﺍﻭﻭﻭﻭﻑ ﺍﻧﺎ ﺑﺪﻳﺖ ﻛﺎﻧﻌﻴﺎ ﺍﻭﻭ ﻣﺎﺑﻐﻰ ﻛﺎﻉ ﻳﺤﻴﺪ ﻣﻦ ﺍﻟﻄﺮﻳﻖ
132_ﻋﺪﻧﺎﻥ : ﻫﺎﺩﻳﻚ ﻟﻲ ﺟﺎﻳﺐ ﺍﻧﺖ ﻓﺎﺷﻠﺔ ﺣﻤﻴﺪ : ﺃﺯﻫﺎﺭ ﻳﺎﻣﺎ ﻃﻴﺤﺎﺕ ﺭﺟﺎﻝ ﻭﻟﻜﻦ ﻗﻴﺲ ﺻﻌﻴﺐ ﺷﺤﺎﻝ ﻣﻦ ﻣﻨﺎﻗﺼﺔ ﺭﺑﺤﻨﺎﻫﺎ ﺑﻔﻀﻞ ﺃﺯﻫﺎﺭ ﻭﺍﻥ ﺷﺎﺀ ﺍﻟﻠﻪ ﻏﺎ ﻧﺤﻴﺪﻭ ﻗﻴﺲ ﻣﻦ ﻃﺮﻳﻘﻨﺎ ﺑﻔﻀﻠﻬﺎ ﻏﻴﺮ ﺻﺒﺮ ﻋﺪﻧﺎﻥ : ﻫﺎ ﺣﻨﺎ ﻏﺎﻧﺸﻮﻓﻮ ﺷﻄﺎﺭﺗﻬﺎ ﻟﻤﻴﺲ : ﺟﺪﻭﻭﻭ ﺣﻤﻴﺪ : ( ﻫﺰﻫﺎ ) ﺍﻷﻣﻴﺮﺓ ﺩﻳﺎﻝ ﺟﺪﻭ " ﻣﺮﻳﻢ ﺗﻜﻠﻤﺎﺕ ﻣﻊ ﻓﺎﻃﻤﺔ ﻭﺩﺍﺭﺕ ﻣﺎ ﻓﺠﻬﺪﻫﺎ ﺑﺎﺵ ﺗﻘﻨﻌﻬﺎ ﻭﻓﺸﻼﺕ " ﻓﺎﻃﻤﺔ : ﻛﻴﻔﺎﺵ ﻛﺎﻃﻠﺒﻮ ﻣﻨﻲ ﻧﺴﻤﺢ ﻟﻴﻪ ﻭﻧﺘﺰﻭﺝ ﺑﻴﻪ ﻣﻦ ﺍﻟﻔﻮﻕ ﺑﻬﻴﺠﺔ : ﻫﻮ ﻏﻠﻂ ﻭﻟﻜﻦ ﺧﻠﻴﻨﺎ ﻧﻔﻜﺮﻭ ﺑﻤﻨﻄﻘﺔ ﺇﻟﻰ ﻋﺮﻑ ﺑﺎ ﻣﺤﻤﺪ ﻣﺎ ﻏﺎﻳﺘﻘﺒﻠﺶ ﻓﻜﺮﺓ ﺍﻧﻚ ﻣﺎﺑﻘﺘﻴﺶ ﺑﻨﺖ ﻭﻧﺘﻲ ﻋﺎﺭﻓﺔ ﺑﻠﻲ ﺻﻌﻴﺐ ﻳﺘﻘﺒﻞ ﻭﺍﻟﻰ ﻛﺎﻥ ﻫﻨﺎ ﻛﺎﻥ ﻏﺎﻳﺮﻏﻢ ﺗﺰﻭﺟﻴﻪ ﻭﺣﺘﻰ ﺣﺪ ﻓﺎﻟﺪﻭﺍﺭ ﻣﺎ ﻏﺎﻳﺮﺣﻤﻨﺎ ﻭﻏﺎﻳﻘﻮﻟﻮ ﺍﻧﺎ ﻟﻲ ﺩﻳﺘﻚ ﻭﺣﻠﻴﺖ ﻟﻴﻚ ﺍﻟﻌﻴﻨﻴﻦ ﻛﻠﺸﻲ ﻏﺎﻳﺮﺟﻊ ﻟﻴﺎ ﻓﻜﺮﻱ ﻣﺰﻳﺎﻥ ﺣﻨﺎ ﻣﺎ ﻏﺎﻧﺒﺰﻭ ﻋﻠﻴﻚ ﻭﺍﻟﻮ ﺩﻳﺮﻱ ﻟﻲ ﻳﺮﻳﺤﻚ ﻭﻟﻜﻦ ﻓﻜﺮﻱ ﺑﻄﺮﻳﻘﺔ ﻋﻤﻠﻴﺔ ﺷﻮﻓﻲ ﻣﺼﻠﺤﺘﻚ ﻓﻴﻦ ﻭﺍﻧﺎ ﻑ ﻧﻈﺮﻱ ﻣﺼﻠﺤﺘﻚ ﺍﻧﻪ ﻳﺘﺰﻭﺟﻚ ﻭﻳﺼﻠﺢ ﻏﻠﻄﻮ ﻣﺎﺗﺴﻨﺎﻳﺶ ﻳﺠﻲ ﻏﻴﺮﻭ ﻭﻳﺼﻠﺤﻮ ﻭﻫﺬﺍ ﺃﻛﺒﺮ ﻋﻘﺎﺏ ﻟﻴﻪ ﺃﻣﺎ ﺍﻟﺤﺒﺲ ﻣﺎﻧﻈﻨﺶ ﻏﺎﻳﻄﻮﻝ ﻓﻴﻪ ﻭﻛﻴﻒ ﻗﺎﻟﺖ ﻟﻴﻚ ﻣﺮﻳﻢ ﺧﻮﻩ ﻗﺎﺩﺭ ﻳﺨﺮﺟﻮﺍ ﻓﻨﻬﺎﺭ ﻓﺎﻃﻤﺔ : ﻫﺬﺍﻙ ﺭﺍﺟﻠﻚ ﻣﺎ ﻛﺎﻳﺴﻮﺍﺵ ﺍﻟﺒﺎﺭﺡ ﻣﻌﺎﻳﺎ ﻭﺍﻟﻴﻮﻡ ﻣﻌﺎﻩ ﻛﻠﺸﻲ ﺧﺎﻳﻒ ﻋﻠﻰ ﺭﺍﺳﻮ ﻫﻮ ﺧﺎﻳﻒ ﻋﻠﻰ ﺧﻮﻩ ﻭﻧﺘﻲ ﺧﺎﻳﻔﻪ ﻣﻨﻮ ﻭﺑﻬﻴﺠﺔ ﺧﺎﻳﻔﺔ ﻣﻦ ﺭﺍﺟﻠﻬﺎ ﻭﻣﻦ ﻛﻼﻡ ﺍﻟﻨﺎﺱ ﻭﺍﻧﺎ ﻧﻤﻮﺕ ﺍﻧﺎ ﺍﺧﺮ ﻫﻤﻜﻢ ﻛﻠﻜﻢ ﺍﻧﺎﻧﻴﻦ ﻫﺊ ﻫﺊ ﻣﺮﻳﻢ : ( ﺿﻤﺎﺗﻬﺎ ) ﻣﺎﻧﺴﻤﻌﺶ ﻣﻨﻚ ﻫﺎﺩ ﺍﻟﻜﻼﻡ ﻣﺮﺓ ﺃﺧﺮﻯ ﻧﺘﻲ ﺧﺘﻲ ﻭﺍﻧﺎ ﻣﺎ ﺧﺎﻳﻔﺎﺵ ﻣﻨﻮ ﺧﻮﻓﻲ ﻋﻠﻴﻚ ﻧﺘﻲ ﻭﻛﻴﻒ ﻣﺎ ﻫﻮ ﻛﻴﻒ ﻗﺎﻝ ﻗﺎﺩﺭ ﻳﺨﺮﺟﻮﺍ ﻣﻦ ﺍﻟﻘﻀﻴﺔ ﻭﻟﻜﻦ ﻣﺎ ﺿﻠﻤﻴﻬﺶ ﻓﻜﺮ ﻑ ﻣﺼﻠﺤﺘﻚ ﺣﺘﻰ ﻧﺘﻲ ﻭﻣﺼﻠﺤﺘﻚ ﺍﻧﻚ ﺗﺰﻭﺟﻲ ﻋﻠﻰ ﺍﻷﻗﻞ ﻳﺼﻠﺢ ﻏﻠﻄﻮ ﻭﺗﻬﺮﺑﻲ ﻣﻦ ﻛﻼﻡ ﺍﻟﻨﺎﺱ ﻭﺍﻟﻰ ﻣﺎ ﺑﻐﺘﻴﻬﺶ ﻏﺎﻃﻠﻘﻲ ﻣﻨﻮ ﻭﺭﺑﻲ ﻏﺎﻳﻌﻮﺿﻚ ﺑﻤﺎ ﺍﺣﺴﻦ ﻓﺎﻃﻤﺔ ( ﻣﺴﺤﺎﺕ ﺩﻣﻮﻋﻬﺎ ) ﺧﻠﻴﻮﻧﻲ ﻧﻔﻜﺮ ﻣﺮﻳﻢ : ﺍﻟﻴﻮﻡ ﺍﻟﺴﺒﺖ ﻧﻬﺎﺭ ﺍﻻﺗﻨﻴﻦ ﺍﻟﻤﺤﺎﻛﻤﺔ ﺩﻳﺎﻟﻮ ﻏﺪﺍ ﺍﻥ ﺷﺎﺀ ﺍﻟﻠﻪ ﻧﻠﻘﻰ ﺭﺩﻙ ﻭﻧﺘﻤﻨﻰ ﻳﻜﻮﻥ ﻓﺼﺎﻟﺤﻚ ﻗﺒﻞ ﻛﻠﺸﻲ
133_ﺳﻤﻴﺮﺓ : ﻛﺎﻥ ﻋﻨﺪ ﺑﺎﻟﻲ ﺑﻠﻲ ﻛﺎﺗﺒﻐﻴﻬﺎ ﺑﺼﺢ ﺳﺎﻋﺔ ﻃﻠﻌﺘﻲ ﻛﺪﺍﺏ ﻋﻤﺮﻙ ﺑﻐﺘﻴﻬﺎ ﻟﻘﺘﻲ ﺯﻭﺍﺟﻬﺎ ﻣﻦ ﺍﻟﺠﻨﺔ ﻭﺍﻟﻨﺎﺱ ﻧﻮﺭ ﺍﻟﺪﻳﻦ : ﻣﺎﺗﺰﺩﻳﺶ ﺗﻮﻫﻤﻴﻨﻲ ﻟﻲ ﻓﻴﺎ ﻳﻜﻔﻴﻨﻲ ﺳﻤﻴﺮﺓ : ﺍﻧﺖ ﺍﻛﺒﺮ ﺟﺒﺎﻥ ﻣﺨﻠﻴﻬﺎ ﻛﺎﺗﻌﺪﺏ ﺗﻤﺎ ﺑﻴﻦ ﻳﺪﻳﻪ ﻭﻛﺎﻳﻬﻴﻨﻬﺎ ﻓﻜﺮﺍﻣﺘﻬﺎ ﻭﻳﺘﻜﺮﻓﺺ ﻋﻠﻴﻬﺎ ﻭﺍﻧﺖ ﻭﻻ ﻋﻠﻰ ﺑﺎﻟﻚ ﺻﺪﻗﺘﻲ ﺩﺍﺑﺎ ﺑﻠﻲ ﺩﻳﻚ ﺍﻟﺒﺮﻫﻮﺷﺔ ﺩﻳﺎﻝ ﻓﺎﻃﻤﺔ ﻛﺪﺑﺎﺕ ﻋﻠﻴﻚ ﺭﺍﻫﺎ ﺩﺍﺑﺎ ﻓﺎﻟﻤﺪﻳﻨﺔ ﻛﺎﺗﻔﻄﺢ ﻣﻊ ﺭﺃﺳﻬﺎ ﻫﻲ ﻭﺩﻳﻚ ﺍﻟﻔﻌﻰ ﻋﻠﻰ ﻇﻬﺮ ﻣﺮﻳﻢ ﻣﺴﻜﻴﻨﺔ ﻛﻦ ﺳﻤﻌﺘﻲ ﻟﻜﻼﻣﻲ ﻣﻦ ﺭﺍﻛﻢ ﺩﺍﺑﺎ ﺑﺰﻭﺝ *** ﺑﻌﺪ ﻣﺮﻭﺭ ﻳﻮﻡ *** ﻓﺎﻃﻤﺔ : ﻣﻮﺍﻓﻘﺔ ﻭﻟﻜﻦ ﻏﻴﺮ ﺯﻭﺍﺝ ﻋﻠﻰ ﺍﻟﻮﺭﺍﻕ ﻏﺎﻧﻤﺸﻲ ﻳﻄﻠﺒﻨﻲ ﻣﻦ ﺑﺎ ﻋﺎﺩﻱ ﻭﻏﺎﻧﺪﻳﺮﻭ ﻏﻴﺮ ﺍﻟﻌﻘﺪ ﺑﻼ ﻋﺮﺱ ﺑﻼ ﺯﺑﻞ ﻭﺑﻤﺎ ﺍﻧﺎ ﺧﻮﻳﺎ ﻋﺰﻳﺰ ﻛﺎﻳﺠﻲ ﻣﺮﺓ ﻓﺎﻟﺸﻬﺮ ﻟﻬﻨﺎ ﺍﻟﻘﻀﻴﺔ ﻏﺎﺗﺴﻬﺎﻝ ﻏﺎﻧﺠﻠﺲ ﻣﻊ ﺑﻬﻴﺠﺔ ﺑﺤﺎﻝ ﺩﻳﻤﺎ ﻭﻣﻦ ﻳﺪﻭﺯ ﺷﻬﺮ ﻏﺎﻃﻠﻘﻨﻲ ﻭﺧﻠﻴﻘﺘﻮ ﻣﺎ ﻏﺎﻧﺸﻮﻓﻬﺎﺵ ﺑﻬﻴﺠﺔ : ﻣﺎﻗﻠﺘﻲ ﻋﻴﺐ ﻣﺮﻳﻢ : ﻭﺍﺧﺎ ﻣﻦ ﻫﻨﺎ ﻟﺸﻬﺮ ﻳﺤﻦ ﺍﻟﻠﻪ ﺍﻧﺎ ﻏﺎﻧﺘﺎﺻﻞ ﺏ ﻗﻴﺲ ﻭﻧﻌﻠﻤﻮ ﺗﺎﺻﻼﺕ ﺏ ﻗﻴﺲ ﻭﺑﻠﻐﺎﺗﻮ ﺑﻤﻮﺍﻓﻘﺘﻬﺎ ﻭﻗﺎﻟﺖ ﻟﻴﻪ ﺷﺮﻭﻃﻬﺎ ﻗﻄﻊ ﻣﻌﺎﻫﺎ ﺍﻻﺗﺼﺎﻝ ﺗﻮﺟﻪ ﻟﺪﺍﺭ ﻧﻌﻴﻤﺔ ﺧﺒﺮﻫﺎ ﺑﻘﺮﺍﺭ ﻓﺎﻃﻤﺔ ﻓﺮﺣﺎﺕ ﺑﺎﻟﺨﺒﺮ ﺗﺎﺻﻞ ﺏ ﻣﺮﻳﻢ ﻭﺧﺒﺮﻫﺎ ﺑﻠﻲ ﻻﺯﻡ ﻳﺸﻮﻑ ﻓﺎﻃﻤﺔ ﻑ ﺍﻟﻤﺮﻛﺰ ﺑﺎﺵ ﺗﻮﻗﻊ ﻋﻠﻰ ﺍﻟﺘﻨﺎﺯﻝ ﺑﻌﺪ ﺳﺎﻋﺔ ﻛﺎﻧﺖ ﻓﺎﻃﻤﺔ ﻭﻣﺮﻳﻢ ﻑ ﺍﻟﻤﺮﻛﺰ ﺩﺧﻼﺕ ﻧﻌﻴﻤﺔ ﻋﻨﺪ ﺳﻌﺪ ﻭﺗﻜﻠﻤﺎﺕ ﻣﻌﺎﻩ ﺳﻌﺪ : ( ﺑﺎﻟﻐﻮﺍﺕ ) ﺷﻜﻮﻥ ﻃﻠﺐ ﻣﻨﻚ ﺗﻘﻮﻟﻲ ﻟﻴﻪ ﻳﺪﺧﻞ ﻓﻴﺎ ﻣﻌﺎﻣﻦ ﺗﺸﺎﻭﺭﺗﻲ ﻭﺷﻜﻮﻥ ﻗﺎﻟﻚ ﺍﻧﺎ ﺑﺎﻏﻲ ﻧﺘﺰﻭﺝ ﺑﻴﻬﺎ ؟؟ ﻧﻌﻴﻤﺔ : ﺍﻟﻠﻪ ﻳﻬﺪﻳﻚ ﻳﺎ ﻫﺎﺩ ﺍﻟﻮﻟﺪ ﺗﻬﺪ ﺑﺎﺭﻛﺔ ﺭﺍﻙ ﻫﺪﺗﻴﻨﻲ ﺧﻮﻙ ﺩﺍﺭ ﻣﻌﺎﻙ ﻓﻮﻕ ﺍﻟﻤﺰﻳﺎﻥ ﻓﻴﻦ ﻫﻤﺎ ﺩﻭﻙ ﺻﺤﺎﺏ ﺩﻳﺎﻝ ﺍﻟﻮﻳﻞ ﻏﺮﻗﻮﻙ ﻭﻋﻄﺎﻭﻙ ﺑﻈﻬﺮ ﺟﺎ ﻋﻨﺪﻙ ﺷﻲ ﻭﺍﺣﺪ ﻓﻴﻬﻢ ﻭﻻ ﺷﻲ ﻭﺍﺣﺪ ﻓﻴﻬﻢ ﺩﺧﻞ ﻑ ﺍﻟﻘﻀﻴﺔ ﺣﻤﺪ ﺍﻟﻠﻪ ﻭﺷﻜﺮﻭ ﺣﻴﺖ ﺳﺨﺮ ﻟﻴﻚ ﺧﻮﻙ ﻟﻲ ﻳﻮﻗﻒ ﻣﻌﺎﻙ ﻑ ﻣﺤﻨﺘﻚ ﺍﻟﺪﻡ ﻋﻤﺮﻭ ﻣﺎ ﻳﺮﺟﻊ ﻣﺎ ﻭﻫﻮ ﻣﺎﻋﻨﺪﻭ ﺣﺘﻰ ﺫﻧﺐ ﻧﻬﺎﺭ ﺧﺮﺟﺘﻲ ﻟﺪﻧﻴﺎ ﻛﺎﻧﺖ ﻑ ﻋﻤﺮﻭ ﻋﺎﻣﻴﻦ ﻳﺎﻻ ﻛﺎﻳﻠﻮﺡ ﺍﻟﺨﻄﻮﺓ ﻓﺎﻟﺪﻧﻴﺎ ﺍﺩﺍ ﻻﺵ ﻫﺎﺯ ﻣﻦ ﺟﻴﻬﺘﻮ ﻭﺣﺎﻗﺪ ﻋﻠﻴﻪ ﺳﻌﺪ : ﻧﺘﻲ ﺳﺒﺐ ﻧﺘﻲ ﻟﻲ ﻋﻴﺸﺘﻴﻨﻲ ﻓﺎﻟﻜﺪﻭﺏ ﻭﺍﻻﻭﻫﺎﻡ ﺍﻧﺎ ﻣﺎ ﺑﻐﻴﻚ ﻻﻧﺘﻲ ﻭﻻ ﻫﻮ ﻭﻣﺎ ﺑﻐﻴﺶ ﺍﻟﺸﻔﻘﺔ ﺩﻳﺎﻟﻜﻢ ﻭﻫﺪﻳﻚ ﻟﻲ ﻋﺎﺟﺒﻬﺎ ﺭﺃﺳﻬﺎ ﺗﻤﺸﻲ ﺗﻘﻠﺐ ﺷﻜﻮﻥ ﻳﺴﺘﺮ ﻋﺎﺭﻫﺎ ﺍﻧﺎ ﺑﺎﻏﻲ ﺍﻟﺤﺒﺲ ﻣﺎ ﺷﻜﻴﺘﺶ ﻋﻠﻴﻜﻢ ﻧﻌﻴﻤﺔ : ﺷﻜﻮﻥ ﻟﻲ ﺟﺎﺏ ﻟﻴﻬﺎ ﺍﻟﻌﺎﺭ ﻫﺎﺍﺍ ؟ ؟ ﺍﻧﺖ ﻟﻲ ﻏﻠﻄﺘﻲ ﻭﻏﺎﺗﺼﻠﺢ ﻏﻠﻄﻚ ﺳﻌﺪ : ﺣﺘﻰ ﺷﻲ ﺣﺪ ﻣﺎ ﻏﺎﻳﻤﺸﻲ ﻋﻠﻴﺎ ﻛﻼﻣﻮ ﻭﺍﻧﺎ ﺍﺻﻼ ﻣﺎ ﺣﺎﻣﻠﺶ ﻭﺟﻮﺩﻫﺎ ﺣﺘﻰ ﺧﻠﻴﻘﺘﻬﺎ ﻣﺎﺑﻘﻴﺘﺶ ﻋﺎﻗﻞ ﻋﻠﻴﻬﺎ ﺍﻛﻴﺪ ﻏﺎﺗﻜﻮﻥ ﺷﻲ ﺧﺎﻳﺒﺔ ﻭﺧﺎﺻﻬﺎ ﻏﻴﺮ ﻓﻴﻤﻦ ﺗﻠﺼﻖ
134_ﻧﻌﻴﻤﺔ : ( ﺿﺮﺑﺎﺕ ﻭﺟﻬﺎ ) ﺍﻭﻳﻠﻲ ﺣﻲ ﺍﻧﺎ ﻓﻴﻦ ﻭﻫﻮ ﻓﻴﻦ ﺣﻤﺪ ﺍﻟﻠﻪ ﻟﻲ ﻗﺒﻼﺕ ﺗﻨﺎﺯﻝ ﺍﻟﺒﻨﺖ ﻛﻲ ﺍﻟﻮﺭﺩﺓ ﻛﺎﻉ ﻣﺎﺗﺴﺘﺎﻫﻞ ﻣﺴﻜﻴﻨﺔ ﻫﺎﺩ ﺍﻟﺤﺎﻟﺔ ﻟﻲ ﺩﺭﺗﻲ ﻓﻴﻬﺎ ﺍﻟﻠﻪ ﻳﺴﻤﺢ ﻟﻴﻚ ﻭﺧﻼﺹ ﻭﺣﺘﻰ ﻫﻲ ﻣﺎ ﺣﺎﻣﻼﻛﺶ ﻏﻴﺮ ﺗﺰﻭﺟﻮ ﺑﻌﺪﺍ ﻭﻣﻦ ﺑﻌﺪ ﻛﻞ ﻭﺍﺣﺪ ﻳﺸﺪ ﻃﺮﻳﻖ ﺍﻟﺸﺮﻃﻲ : ﺍﻵﻧﺴﺔ ﻓﺎﻃﻤﺔ ﻭﻗﻌﺎﺕ ﺗﻨﺎﺯﻝ ﺍﻧﺖ ﺩﺍﺑﺎ ﺣﺮ ﺳﻌﺪ : ( ﺷﺎﻑ ﻑ ﻣﻮ ) ﺩﺍﺑﺎ ﺃﻧﺎ ﺣﺮ ﺳﻴﺮﻱ ﻗﻠﺒﻲ ﻟﻴﻬﺎ ﻟﻴﻬﺎ ﻋﻠﻰ ﺭﺍﺟﻞ ﺍﻧﺎ ﻣﺎ ﻧﻠﻴﻘﺶ ﻟﻴﻜﻢ ( ﺧﺮﺝ ﻣﻦ ﺍﻟﻤﻜﺘﺐ ﻭﺧﻼﻫﺎ ﺗﺎﺑﻌﺎﻩ ﻛﺎﺗﺠﺮﻱ ) ﻓﺎﻃﻤﺔ : ( ﺟﺮﺍﺗﻮ ﻣﻦ ﻳﺪﻭ ) ﻭﻗﻒ ﻫﻨﺎ ﻭﺍﺵ ﺑﺎﻏﻲ ﺗﺴﻜﺖ ﻟﻴﺎ ﺍﻟﻘﻠﺐ ﻛﻴﻔﺎﺵ ﻧﻘﻠﺐ ﻟﻴﻬﺎ ﻋﻠﻰ ﺭﺍﺟﻞ ﻋﻠﻰ ﺍﻧﺖ ﻣﺎﺷﻲ ﺭﺍﺟﻞ ؟ ﻭﺍﺵ ﺑﺎﻏﻲ ﺗﺸﻮﻫﻨﻲ ﻋﻠﻰ ﺁﺧﺮ ﻳﺎﻣﻲ ﺳﻌﺪ : ( ﺷﺎﻑ ﻗﻴﺲ ﻣﻦ ﺑﻌﻴﺪ ﻛﺎﻧﺖ ﻣﻌﺎﻩ ﻣﺮﻳﻢ ﻭﻓﺎﻃﻤﺔ ) ﻫﺪﺍﻙ ﻣﻴﺨﻲ ﺍﺵ ﻛﺎﻳﺪﻳﺮ ﻫﻨﺎ ﻭﺷﻜﻮﻥ ﻟﻲ ﻣﻌﺎﻩ؟ ﻧﻌﻴﻤﺔ : ﻫﺪﺍﻙ ﺳﻤﻴﺘﻮ ﻗﻴﺲ ﻭﺭﺍﻩ ﺧﻮﻙ ﻭﻟﻲ ﺟﻨﺒﻮ ﻣﺮﺍﺗﻮ ﻭﺍﻟﺒﻨﺖ ﻟﻲ ﻻﺑﺴﺔ ﺷﻮﻣﻴﺰ ﻓﺎﻟﺼﻮﻣﻮ ﻓﺎﻃﻤﺔ ﺍﻟﺒﻨﺖ ﻟﻲ ﺿﻴﻌﺘﻲ ﻟﻴﻬﺎ ﺣﻴﺎﺗﻬﺎ ﺳﻌﺪ : ﻳﺎﻙ ﺿﻴﻌﺖ ﻟﻴﻬﺎ ﺣﻴﺎﺗﻬﺎ ﺍﻳﻮﺍ ﻗﻮﻟﻲ ﺩﺍﻙ ﻣﻴﺨﻲ ﻟﻲ ﺣﺪﺍﻫﺎ ﻳﻌﻮﺽ ﻟﻴﻬﺎ ﻟﻲ ﺿﺎﻉ ﺍﻧﺎ ﻣﺎ ﻏﺎﻧﺨﺪﻫﺎﺵ ( ﻛﺎﻳﺤﻚ ﻧﻴﻔﻮ ﻭﻣﻌﺼﺐ ﺧﺎﺻﻮ ﺍﻟﻜﻮﻛﺎﻳﻦ ) ﻓﺮﻗﻮﻧﻲ ﻋﻠﻴﻜﻢ ﻭﻗﻒ ﻃﺎﻛﺴﻲ ﻭﻃﻠﻊ ﻓﻴﻪ ﻭﺧﻼﻫﻢ ﻛﺎﻳﺸﻮﻓﻮ ﻑ ﺑﻌﻀﻬﻢ ﻗﻴﺲ : ( ﺟﺎ ﻟﻌﻨﺪﻫﺎ ) ﻓﻴﻦ ﻣﺸﻰ ﻫﺬﺍ؟ ﻧﻌﻴﻤﺔ : ﺍﻧﺎ ﻣﺎﺑﻘﺎﺵ ﻋﻨﺪﻱ ﺍﻟﻮﺟﻪ ﻟﻲ ﻳﺸﻮﻑ ﻓﻴﻜﻢ ﻣﺰﺍﻝ ﻫﺎﺩ ﺍﻟﻮﻟﺪ ﻭﻗﻔﻨﻲ ﻋﻠﻰ ﺟﻬﺪﻱ ﻫﺊ ﻫﺊ ﻣﺮﻳﻢ : ﺍﺷﻨﻮ ﻗﺎﻟﻚ؟ ﻧﻌﻴﻤﺔ : ﻣﺎ ﺑﺎﻏﻲ ﻳﺴﻤﻊ ﻣﻦ ﺣﺘﻰ ﺣﺪ ﻛﺎﻳﺴﻤﻊ ﻏﻴﺮ ﻟﻨﻔﺴﻮ ﺭﺍﻓﺾ ﺍﻟﺰﻭﺍﺝ ﻭﺭﺍﻓﺾ ﻳﺸﻮﻑ ﻓﻴﺎ ﻣﺰﺍﻝ ﺗﺒﺪﻝ 180 ﺩﺭﺟﺔ ﻫﺰﻳﺘﻲ ﻭﻟﺪ ﻭﺣﻄﻴﺘﻲ ﺑﻼﺻﺘﻮ ﻭﻟﺪ ﺁﺧﺮ ﻗﻴﺲ : ﻣﺎﺷﻲ ﻟﺨﺎﻃﺮﻭ ﺣﻨﺎ ﻣﺎ ﻛﺎﻧﻠﻌﺒﻮﺵ ﻫﻨﺎ ﻋﻄﻴﻨﻲ ﺭﻗﻢ ﺩﻳﺎﻟﻮ ﻧﻌﻴﻤﺔ : 06..... 61 ﺗﺎﺻﻞ ﺑﻴﻪ ﻣﺮﺓ ﻭﺯﻭﺝ ﺑﺪﻭﻥ ﺭﺩ ﻃﻠﻊ ﻑ ﺍﻟﺴﻴﺎﺭﺓ ﻭﻭﺻﻞ ﻧﻌﻴﻤﺔ ﻟﺪﺍﺭﻫﺎ ﻣﻦ ﺑﻌﺪ ﻓﺎﻃﻤﺔ ﻭﺭﺟﻊ ﻫﻮ ﻭﻣﺮﻳﻢ ﻟﻔﻴﻼ ﺣﻄﻬﺎ ﻣﺸﻰ ﻟﻌﻨﺪ ﺻﺤﺎﺏ ﺳﻌﺪ ﻃﺮﻕ ﺍﻟﺒﺎﺏ ﻭﻓﺘﺢ ﻟﻴﻪ ﺃﻧﻴﺲ ﻗﻴﺲ : ﻓﻴﻦ ﻫﻮ ﺳﻌﺪ؟ ﺃﻧﻴﺲ : ﻣﺎﺷﻔﻨﺎﻫﺶ ﻗﻴﺲ : ﻟﻠﻤﺮﺓ ﺍﻟﺜﺎﻧﻴﺔ ﻏﺎﻧﺴﺄﻟﻚ ( ﻣﻦ ﺗﺤﺖ ﺳﻨﺎﻧﻮ ) ﻓﻴﻦ ﻫﻮ ﺳﻌﺪ ؟ ﺃﻧﻴﺲ : ﻳﻤﻜﻦ ﺭﺩﻳﺖ ﻋﻠﻴﻚ ﻭﻗﻠﺖ ﻟﻚ ﻣﺎ ﺷﻔﻨﺎﻫﺶ ﻗﻴﺲ : ﻓﻴﻦ ﻧﻘﺪﺭ ﻧﻠﻘﺎﻩ؟ ﻣﺮﻭﺍﻥ : ﻣﺎ ﻋﻨﺪﻧﺎﺵ ﻓﻜﺮﺓ ﻗﻴﺲ : ﺧﺮﺟﺘﻮ ﻋﻠﻰ ﺣﻴﺎﺗﻜﻢ ﻭﻋﻠﻴﻪ ﻣﺎﺗﺰﺩﻭﺵ ﺗﻮﺭﻃﻮﻩ ﻛﺘﺮ ﺇﻟﻰ ﻛﺎﻥ ﺻﺪﻳﻘﻜﻢ ﺩﻳﺎﻝ ﺑﺼﺢ ﺍﻛﻴﺪ ﻏﺎﻧﺒﻐﻴﻮ ﻟﻴﻪ ﺍﻟﺨﻴﺮ ﻓﻴﻦ ﻫﻮ ﺍﻧﻴﺲ : ( ﺷﺎﻑ ﻑ ﻣﺮﻭﺍﻥ ) ﻭﺍﺧﺎ ﻳﺎﻻ ﻣﻌﺎﻧﺎ
قصة القروية, قصة القروية 26, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق,
قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,
0 Komentar
تعليمات التعليقات