غواني_اﻹخواني_وفطريق_الله_داني الجزء الأخير
البارت 🌷41🌸::::
وقت ليه حتى قرب يجي , و انا ندير داك الديسك ديال مشي براحتك ديال ميريام فارس , و حزمت واحد التحزيمة و طلقت الظفيرة , و بديت كنشطح , هو دخل و عند بالو ما شفتوش و انا فاش حسيت بيه , بقيت كنتعوج مزيان , " طب شوف ازاي انا حقلق راحتك سي سيد راحتك , و هو من مورايا ما كيتحركش و ما على بالوش انه الإنعكاس ديالو باين ف التلفازة لي حدايا و كيبان لي غير كيحك ف لحيتو , و انا غلبني الضحك وفاش سالات درت , انا ندير راسي مصدومة
قلت ليه : اشنو كدير هنا
لقيتو عرقان و غير كيشوف فية , بحالي تكاكا انا بقيت كنجمع ف شعري و قالي : شوفي ا لالة المرة الجاية ماديريش لية الموسيقى ف داري ,و خرج و هو كيتقاطر بالعرق هههههههه
يس وا الهدددف ماغاديش تزيد تصبر اكثر من هاكدا
فاش ساليت مشيت دوشت و خليت شعري مطلوق و
لبست تي شرط عادي ف الغوز , و معه شورط قصير ديال التجينز , و خرجت لقيت كينقي ف لابيسين و حاط الغدا , حداه ف الطبلة , خرجت جلست بديت كناكل , هو دار شافني و رجع يكمل داكشي لي بدا , شوية جا جلس حدايا , جيت نوض و هو يشدني من يدي
و قالي : والله ما تنوضي جلسي
بقيت كنشوف فيه , جلست
بدا كيأكل و هو ساكت
ما قدرتش نصبر و قلت ليه : دابا مجلسني و انت تأكل نتفرج فيك
شرب العصير على خاطرو , و دار شاف فية و قالي : ماغاديش تخرجي من هاد الدار هاد النهار حتى تصالحي معايا و تسمحيلي
قلت ليه : شكون دابا لي لاعب لعب الدراري انا ولا انت
دفع الكرسي و ناض , و حنى على ركبته و شدرلي ف يدي : ياسمين انا مزاااوك سمحيلي عافاك ولهل مابقيت نعاود
قلت ليه : انت ديما كتدير نفس الشي و كتقولي مانزيدش نعاو ا عصام راه بزاف
قالي : وعاونيني ا ياسمين , عاونيني و ماديريش شي حاجة تجعرني الله يخليك
قلت ليه : واش نتلاقا ولد خالتي ف الزنقة ما نسلمش عليه واش صافا
قالي : ما ستحملتش انا يوسف و كنغير منو ا ياسمين , راه هذا هو حبي انا , غيرتي شديدة بزاف و كنحاول نشد راسي الله يخليك عاونيني و ما تخلنيش نخسرك
كنت غادي نحن و انا نوض مشيت و خليتو
جمع هو الطبلة و انا رجعت نكمل داكشي لي بقالي .
شوية طل علية قالي لبسي حجابك راه جايين شي خدامة
لبست حجابي و جلست ف البيت نرتاح
شوية عيطلي من الجردة , ياسمين , ياسمين طلي
طليت و انا نلقى عصام طالع فوق واحد العود رائع
بقيت مبهورة غير كنشوف فيه و هاد العود كيشبه لبرق مسكينة , قالي ماغاديش تجي تشوفي العودة ديالك الجديدة
بلا ما نشعر خرجت كنجري , العودة كانت من اجمل الخيول , رائعة بزاف و قفت حداه وبقيت كنقيص فيها بحال دري صغير و قلت ليه : ياه كتشبه لبرق
و هبط منها و قالي تطلعي تجربيها
طلعت بلا ما نفكر , و كانت زوينة بقيت كنقيص فيها و هو تحتي , و قالي , هادي هديتي ليك باش تسامحيني ايلا بغيتي
بقيت كنشوف فيه شحال و قلت صافي راه شحفتو بما فيه الكفاية هاد المرة اجي نسمحوا ليه
قلت ليه : هادي آخر مرة والله مانزيدك عليها
شاف فية و ضحك : على انا باقي نعاود
ف رمشة عين طلع من مورايا و قالي يلاه ا لالة ضربي بية دويرة , انا تشللت حيتاش كان قريب مني , زاد قرب
و باسني من حنكي , و انا تزنكت , قالي : ما قلتيليش كيفاش تسميها
بلا ما نفكر قلت ليه نسميها : شوق
قالي يا رومانسي يا أنت ...
البارت 💐42🌺::::
اسبوعين دازت كطير , و دابا بعد غدا عرسي و اليوم حنتي , هاد الاسبوعين لي دازو , دازو رائعين مع عصام , كل نهار كنزيد نكتاشف فيه حوايج جداد كيبهروني , و توصلت انه احسن من منير بزاف , و لاحظت انه بدا كيحاول يشد راسو و ما يتعصبش دغيا واخا بعض المرات كنت كنكفسها بلا ما نحس , كيحك غير للحيتو و يهضر معايا غير بشوية .
جاتني صعيبة نجمع حوايجي , و جاتني صعيبة , نخوي دارنا و بيتي و نفارق عائلتي واخا دارو فية شي حوايج قهروني , ولكن الحمد لله
كانت النتيجة مزيانة لية من واحد الناحية ,
كنجمع و كنبكي , و خايفة من شنو كيستناني ف لندن ديك المدينة الكبيرة , لي كنت كنمشي ليها غير توريست و معامن ؟ مع منير ..
شحال من مرة كنكون جالسة و نفكر و كان عامر يكتشف علاقتي بمنير كيفاش غادي تكون ردة فعلو , كنتوقع الأسوء , ولكن هو ما عمروا ما سولني على الماضي ديالي , و كيتصرف معايا بحال ايلا انا هو اول راجل ف حياتي و على اساس انني انا اول مرأة ف حياتو .
واحد النهار سولتو كيفاش درت بغيتني بهاد السرعة ؟
شدلي ف يدي و قالي بكل صدق نابع من عينيه ,
يمكن اصدق اعتراف حب شهده العالم :
من نهار لي جيت للدنيا و انا كنبغيك ا ياسمين , من منهار لي وعيت و فهمت انه غادي يلزم علية نكمل حياتي مع مرأة اختاريتك انت واخا قبل ما نعرفك , عطيتك قيمة و مكان ف قلبي و حياتي , لي ماكانش يمكن نعمرهم بأي كان , كان ناقصني غير نشوف وجهك و نقيص يدك باش تتحولين حقيقة , هادشي كيفسر علاش بغيتك لأول مرة , و عرضت عليك تزوجي بية حتى في الآخرة ,
لأنه انا عارف انه اذا عشنا ف هاد الدنيا غير ستين عام
ما بحالنا حد , انا طامع ف الحياة الخالدة ,
طامع تكوني معايا ف الجنة إن شاء الله ,
تما غادي نعيش ماعك الى ما لا نهاية ,
على هادشي ديما نبغيك تكوني قريبة من الله و طائعة ليه ,
انا من جهتي راضي عليك ا حبيبة ديالي والله يجعل ربي يرضى علينا انا وياك و ما يفارقناش لا دنيا لا آخرة
نعم هاد التعبير عن الحب , يستحق يكون ف أجمل القصص حبّا , لا اعتراف قيس , ولا الأدباء العرب و الأعاجم يشبه اعتراف عصام لي بحبه , لا أحد يشبه عصام في عيني , و حتى شي حد ما حسيت معه هاد الإحساس لي حستيو دابا , واخا منير كان يغرقني بكلمات الحب لي كانت تحرك قلبي و لكن دابا منين ذقت الحب الحلال لي راضي عليه الله ,
عرفت انه غير الهوى ديال قلبي و الشيطان هو لي كان يتحرك ,
و دابا ربي ذوقني الإحساس الحقّ بالحب , إحساس من حلاوتو , كتحسي قلبك كيغرق ما بين ضلوعك , كتحسي ان ربي راضي عليك و رضاه يتمثل في شخص هاد الرجل لي كرمك بيه , كتسحي انه لي كيبغيك كيعطيك أجمل ما عندو و لأن ربي بغاك عطاك أجمل ما ف عبدو
لذلك كنصحكم ا البنات من هاد المنبر انهم تحافظو على مشاعركم و قلوبكم ما تستهلكوهاش من هنا و هنا , لأنه في الأخير قلب ماراضيش عليه الله ,
ما يمكنش يحسسوا بأجمل ما أوجد من احاسيس في هذه الدنيا , واخا قلبك يكون كيضرب فاش كتشوفي هاداك لي كتبغي واخا تكوني كتسطاي ايلا قالك كلمة زوينة ,
واخا تكوني ما كتنعسيش ايلا تفارقتي معه , عرفي انك من هادشي كامل ما عايشة من الحب والو , عايشة ف شهوة و صافي , شهوة كيحركها الشيطان ف قلبك ,
ولكن الحب الحلال كيحركو الله ف قلبك
و شتان ما بين ذلك و ذاك , و لأن هاد الإحساس يستاهل الصبر الإنسان خاصوا يصبر ...
بارت 🌹🌻43🌸🍀:::::
فاش اعترفلي داك النهار بحبو , حسيت بندم كبير و احساس خايب بزاف بزاف , لأنه انا مشيت هتكت عذرية قلبي كيفما كا يقولو , و عرفت شي واحد من قبلو , كان كنت عارفة ان الله غادي يكرمني به هو بالذات و كام راني عمرني ما هزيت عيني ف حتى شي راجل , و لأنني كنت بعيدة على الله و ما كنتش ثايقة ف عطايا الله ,الله يسمح ليا ،
مشيت درت اكبر غلط ف حياتي , الحمد لله ربي ماعاقبنيش , لأنه الله خالقنا ما كيتعاملش معنا بحال لي كيتعامل مع البشر ايلا خطئنا و عدنا يدهشنا بعطاياه , فاالحمد لله حمدا كثيرا طيبا مباركا فيه .
المهم بكيت على إثر كلماته لانهم أثروا فية و لأول مرة انا نبادر و نعنقوا و هو من الدهشة حسيتو ذاب بحال شي وليد صغير .
اليوم نهار الحنة عندي ان شاء الله , كانت التحضريات على قدم و ساق , كل شي خدام و كل شي فرحان , و حتى انا الفرحة لي ف قلبي لا تساويها فرحة .
مشيت للحمام , تكسلت و مشيت لكوافور قاديت راسي , جيت لقيت الدار عامرة , طلعت لبيتي لبساتني النكافة , و طلعات عندي عدوزتي و كنت غير بوحدي ف البيت , بقات غير كتبوس فية و تعنق , و عينيها عامرين بالدموع , بقات كتقرا علية القرآن و فرحانة , و شوية جبدات لي واحد الكوليي رقيق , و ف وسطو حجرة حمرة كتبريي , علقاتو لي ف عنقي و قالت لي , هذي هديتي ليك ا بنتي غالية بزاف سميتو حجر الروبي , و قليل كيلبسوه غير الأميرات , لذلك قدرت نوفر منو غير حجم صغير , هاد الكوليي ا بنتي , بحالو بحال عصام , غالي و قليل و يليق غير بالأميرات , قدرت نوفرو ليك , حافظي عليه ا بنتي , ما تقهريهش , راه قلبو حنين و واخا عصبي راه ربي أوجد حنان الدنيا و الدين ف قلبو الله يسعدكم ويجمع بينكم في الدارين
دمعوا عيني و عنقتها و بقات كتسكت فية باش ما يضيعش لية الماكياج , صافي جا وقت الهبوط , سبقوني البنات بالشمع , انا هابطة النكافة هازة لي تكشيطي و انا الشادة الغطا فوق راسي , ما قدرتش نشد راسي مازال جاني واحد الإحساس حزين مخلط مع الفرح , الحزن على حياتي مع واليدية لي صافي بقى ليها نهار واحد و تكمل الصلاحية ديالها , الفرح على حياتي مع راجلي لي غادي تبدا من بعد نهار واحد , و التي تمتد صلاحيتها الى مالا نهاية ان شاء الله
حنيت , و دموع ماما حدا عيني , كل شي فرحان بية , فاش سالينا و نشفات حنتي , بدات كتخوا الدنيا , شوية قالت لي ماما نوض لصالون آخر , باش عصام يدخل عندي , كان غادي يتسطا و يشوفني , ههه
مشيت و لقيتو كايساين و مشيت و انا مهبطا الغطا علية , المهم جلست و جلس هو حدايا على وقع الزغاريت ديال العيالات من الجهة الأخرى , شوية دار عندي وهزلي الغطا و انا مهبطة راسي , طبع لي اعمق قبلة على جبهتي , و خلا قلبي يتراقص , لهلا يحرم اي بنت كانت من هاد الإحساس مع الزوج الصالح ،إن شاء الله ،
المهم بقينا كنتصوروا و حتى هو دارو ليه دويرة صغير ديال الحنا و هو ما حاملهاش و مت عليه غير بالضحك .
نوضونا بزوج نشطحوا و هو بقى غير كيصفق لانه كانت غير اختو و ماما و كيموتوا علينا بالضحك ههه.
صافي مشا كل شي من غير عائلة راجلي لي جلسوا يتعشاو , حيتاش درنا المسمعين .
انا كنت عيانة بزاف , ما قدرتش نسهر معهم , سمحت فيهم و مشيت ننعس , هذه انا في الأوقات أكثر إثارة كنمشي نعس هههه
أصبحنا وأصبح الملك لله ،
صبح صباح جديد جميل , فقت مشيت درت ماساج و صبا , لاصيغ ههه و جمعت الحوايج لي كانو باقين خاصيني جا خداهم خو عصام , لي كان غادي يهبط للدار لي ف إفران , لي كان غادي يرسلوه في الإرساليات يسبقنا للندن لإنه كانو الحوايج كثار بزاف بلا لي كان كينقص معه عصام مني كيمشي مرة مرة .
صافي و جات عندي الكوافورة و الماكيوز للدار , بدات كتقرب الساعة الحاسمة , كنت غادي نلبس هاد الليلة غير تكشيطة وحدة و قفطان باش نتعشا و لاغوب , ما عنديش مع التبدال بزاف و ماعنديش مع داكشي ديال سير و أجي وبروطوكول , تكشيطة وحدة خيطتها بالعشق و الهوا و كيفما بغيت , و قفطان خفيف باش نجلس نتعشا و لاغوب لي شريتها سيغ كوموند جابتها لي لوستي رفيدة من نيويورك , كانت رائعة من تصميم واحد المصمم فرنسي كبير.
البروجرام ديال الليلة كان كالآتي , نو اختلاط فاش غنلبس التكشيطة و نجلس نتعشا , و لكن غير نلبس لاغوب ندير حجابي , و يدخلو الرجال عند النسا , راجلي يجلس حدايا , نتصوروا نقطع لاطاغط و نمشيو فحالنا لإفران لدارنا غادي نجلسوا نهار تما نرتاحو و نمشيو مباشرة لندن , من لندن غادي نمشيو " ماليزيا " و من ماليزيا مابغاش يقولي مازال فين غادي نمشيو قالك مفاجأة .
صافي داكشي ليكان , لبست تكشيطي و قاديت شينيون عادي و مكياج عادي خفيف ماشي ثقيل , و ماما و عدوزتي دارو لية حالة باش نطلع ف العمارية لي كنت رافضاها اصلا , لقيتهم جابوها لية استسلمت لتوسلاتهم , و قبل ما نهبط عصام دار ليهم الطيارة باش يطلع يشوفني .
ههه المهم طلع , و شوية و غادي ياكلني , و انا كنغوت عليه الماكياج الماكياج ا صوفاج و قاد جلابتو و دار فيها محترم و خرج عند الصوارة يقولها تدخل تصورنا بزوج , داكشي لي كان تصورنا بزوج ف الجردة فواحد القنت كان خاوي , و شبعنا تصاور مع عائلتنا و رجعت طلعت باش ندخل عند العيالات بالعمارية ...
بارت 🌸44🌷:::
ألف هنية و هنية ا لالة , لالة ياسمين ف العمارية الالة , كان احساس رائع و الدموع صعيب انك تقبطيهم بالفرحة كاع الحضور فرحانين معك , و انت بوحدك اميرة هذه السهرة .
المهم نشطت مع عائلتي و بعض صحاباتي لي عرضتهم بتحفظ , و عرضت حتى عايدة لي حلفات ما عمرها تعاود دير لية شي بلاان بحال هاكاك و تخرج سوقي انا و منير .
درت على المدعويين طبلة ب طبلة , و جلست فينما بغيت ماشي ب ضرورة ف بلاصة البرزة , تعرفت على عائلة عصام لي ماكامتاش عندنا فرصة نتعرفوا عليهم
مشيت بدلت علية التكشيطة و حيدت لي زاكسيسواغ و درت تاج صغير يتماشى مع داكشي لي لابسة . و تعيشت مع صحاباتي و المدعويين , و طلعت باش نبدل لاغوب , شوية و هو يعطلي عصام ف التلفون : الو ياسمين شوفي قادي حجابك مزيان و طوليه عندك تمشي تقصريه , اه و شوفي مسحي علية داك الماكياج ما نبغيش شي حاجة تبقى ف وجهك ولا ديري النقاب غطيه كاع , راه كاع صحابي كاينين و الرجال لي كنعرف بلا مانوصي
ناري هاوا ثاني اكتيفا ديك الشخصية المعقدة عندو , الماكيوز بقات تقنع فية ديرلي غير شي حاجة خفيفة ما بايناش و قالت لي امبوسيبل تخرجي بلا ماكياج , راه هادو تصاور عرسك غادي تبقاي تشوفيهم حياتك كاملة
و لأنني عارفة راجلي , و عارفة بلي ما يصلاحش و اقتنعت بداكشي لي قريت و فهمت على الحجاب , قلت ليها بلا ما تحاولي , غادي نهبط بلا ماكياج , مشيت توضيت و صليت جوج ركعات و غسلت وجهي مزيان , و بديت نلبس لاغوب ديالي عيطت لرفيدة تجي تعاوني نلبس و كبرات فيها هاد القضية , لبست لاغوب و درت درت الحجاب الطويل ولأاول مرة ندير داك الفولاغ الطويل لي هابط على الصدر و الظهر , درت الفوال , و مني شفت راسي ف المراية , صدقا ا البنات , ايلا اول مرة نشوف راسي بهاد الجمال و البهاء واحد النور طيحوا علية الله , ماعمرني ما شفت بيه راسي , غير تبعيه الله و ماتخافيش هو يتولاك , كاين لي كتعصيه و كتعتمد علو امور مادية باش تجي زوينة و في الأخير كتطلع خايبة , راه هو بيدو كل شي بغى هو يزينك يزينك , ما بغاش راه بلا ما تعتامدي على شي حاجة اخرى باش تقضي الغرض
اقتربت اللحظة المنتظرة و الحاسمة , فاش وجدت , عيطت لبابا حيتاش هو لي بغيتو ينزلني .
فاش جا و شافني , شد راسو باش ما يطيحش و عنقني , بدات المناحة , بقى كيبوس فية ف راسي ف يدي و ف عيني \و يقولي : سمحيلي ا بنتي سمحيلي راه انتي مومو د عيني سمحيلي ا بنتي .
و انا كنشهق بحال شي درية صغيرة المهم بزز باش سكت ليهم , غسلت ووجهي و جلست شوية حتى بردت و مشاو اثار الدموع و درت الثلج ل عيني باش تفشوا شوية ههه
صافي شديت ف يدين بابا , و جيت خارجة من البيت , و طلقو النشيد ديال
" كالشموس اشرقي "
سمعوها ا البنات ف يوتيب و ديرو بدون ايقاع , باش تعيشو معايا اللحظة .
اروع احساس , تقدري تعيشيه ف حياتك هو احساس ديك اللحظة , الحمد لله , الذي خلق لنا الفرح , الطمأنينة بعد حزن و عسر , و جعل لنا في ازواجنا قرة أعين .
فاش هبطنا من الدروج و لقيت عصام واقف و لابس الكوستيم باللحية ديالو , كان كوستيم أزرق , و شوميز بلونش , كاع رائع ا البنات طيحني , صدق ماشي ساهل
فاش قربت نوصل عندو , طلقو داك النشيد ديال
" لو رأيتم ما أعطاها ربها او ما كساها )
ديروه حتى هو و عيشو معايا اللحظة .
عنقت بابا آخر تعنيقة و حتى بغيت نكسيري , و هو يعطي يدي لعصام لي قبطها , سمع آخر توصيات بابا " راني عطيتك موم ديال العين ا ولدي تهلالي فيها راه خديتي نص و خليتي النص عندي " قاليه عصام : ف عينينة بزوج ا عمي دعي معنا
و كملنا انا وياه المشية حتى وصلنا ل فين ادي نجلسو , و بقينا واقفين نشوفو فاالحضور لي كل شي فرحان وواقف و كيصفق , و اغنية " بارك الله لكما " , شوية قرب عندي ف ودني و قالي : درتي بالتوصيات ؟ غير نهز الفوال عليك ؟ "
ضحكت من تحتو و قلتلو بلا ما تحاول غادي تصدم
و يبانلي غوبش و انا نقولو : هز و دابا تشوف
هزو بتردد , و فاش حيدو كامل , ضحك واحد الضحكة , و باسني من جبهتي و كل شي كيصفق و يغوت وووووووووووووه .
قربلي ثاني و قالي : قلت ليك حيدي الماكياج ووحلت , صدقتي اجمل بلا بيه , يمكن انتي غادي نخبيك و ماعمرني نخليك تخرجي .
ضحكت بلا فرشة , ( ها شنوك يكونوا يقولو الأزواج ف ليلة العرس )
اه نقدر نكون أول عروس , يشوفوها الحضور بدون ماكياج . ولو أدنى اثر له .
و كنت كنحس راسي , بحال شي اميرة و اجمل وحدة ف عينين راجلي , و عينين الله...
البارت🌹45🌷::::
اقتربت اللحظة الحاسمة , قطعنا لاطاغط و درنا على ضيوفنا , و جاء وقت الرحيل و انا هنا بدا يتزير علية قلبي , و طلقو نشيد
You came to me dial sami ysufu
و ماما و بابا واقفين قبالتي واحد كيصبر ف لاخور , انا بكثرة الدموع ما بقيتش كنشوف قدامي شادة غير ف يدين عصام
( انا كنتكتب ليكم و كنبكي )
و زايدة القدام , فاش وصلت عندهم بدون سابق إنذار حنيت للأرض باش نبوس رجليهم و بقاو كيحيدوهم و عصام كيطلع فية , اياه هاد الإنحناء كامل لا يساوي الشقاء لي شقاوه عليكم هاد الناس , عنقتهم بزوج و بقيت كنبكي كنبكي بصوت , حتى كل شي رجع ف داك العرس كيبكي , عصام كيسكت فية و حتى هو عينيه فيهم الدموع , المهم طلقتهم غير بزز و مشاو من حدايا باش ما يزيدوش الأمر علية صعوبة
شوية جيت خارجة من الباب و هو يجي يجري عندي يوسف بقى كيبوس فية و يعنق و يبكي و يقولي سمحيلي سمحيييييييلي ياسمين , سمحيلي دابا قبل ما تخرجي من هاد الباب كنت باغ غير مصلحتك , انا هنا ذبت و بقيت نشهق و كلمة مسامحك كتخرج من فمي بصعوبة.
زدت ما بغيتش ندور من مورايا لأنه عارفة راسي غادي نتأزم . ركبنا مباشرة ف سيارة عصام و هو لي كان يسوق , نسيت ما سلمت على خالتي امه و باباه , حتى طلعنا و تفكرت .
بقينا الطريق كاملة و حنا ساكتين غير صوت خنايني و دموعي هو لي كيتسمع , و عصام غير كيسوق و مرة مرة كيشدلي يدي و يبوسهالي , و كيقولي غير : ما تبكيش ا حبيبة عافاك
ما سكت ليه بستة و ستين كشيفة هههه
فاش وصلنا هبط قبل مني و حلّي الباب و قالي , مرحبا بك يا اميرتي , و هزني و دخلني و حطني ف باب الجردة و انا حيدت داك الطالون لي كان فاقصني و محنّي , و هزيت لاغوب و شفت فيه بعدما ما مسحت آخر دمعة ف عيني , : عصام , بغيت واحد الحاجة
شاف فية باستتغراب : ياكما باغا تهربي
ضحكني حتى دمعوا عيني و قلت ليه : ما كرهتش
و فرك يديه بزوج : والله لا كاننت ليك
و يلاه جاي متجه عندي و انا نغوت : ا صبر صبر مالك , بغيت نقولك عافاك بغيت نطلع فوق شوق بلاغوب دو ماغياج ديالي و نضربو دويرة
شاف فية و هو غير مصدق : كيفاش و ف هاد الليل ,؟ لا لا ا حبيبة واش ما كفاكش هاد الشوق لي فية كامل حتى الغدا ف النهار
قلت ليه : والو هذا الحلم ديالي حققولي عافاك
بقى ساكت و قالي : يلاه بصح غير دويرة صغيرة
يااااي مشيت معه لإسطبل , لقيتها تما سورجها و طلعنا فوقها انا وياه , و قالي نضربو دويرة غير هنا ف الدار و قلت ليه لا بغيت نخرج بقيت كنرغب فيه
و خرجنا ولكن غير حدا الدار , كان إحساس رائع , يلاه بدييت كنجري بها شوية و هو يقمعني ضرب الدورة و قالي انتي بغيتي تسخفينا بلا فايدة زيدي قدامي وقت الخيل هاذا بقالك غير تبوردي لية هنا ههه
دخلني ولد اللدين للدار و سبقتو بينما هو كان كيقاد شوق , و انا نقول ف خاطري ناري هاد المصيبة غنباتو انا وياه لأول مرة بزوج و فدار وحدة , ما كرهتش و كان غير بات مع شوق .
مشيت اول حاجة درتها دخلت للدوش دوشت حيدت علية آثار التعب و الجهد و السطريس , و وحلت ف شنو نلبس ؟؟
كنت موجدة شي حوايج و درت ليهم يلغى , حنا ف النظري حادكين ووقت التطبيقي كيقيصنا الشلل النصفي امبوسيبل نلبس داك المسخ , حطيتو و لبست بيجامة عادية بلون كاصي , خرجت دغيا و لقيت عصام سبقني دوش ف الدوش لاخر , و لابس قميصو و كيستناني باش نصليو , شاف فية و شفت فيه و انا كنقرا نظراته , ابتسم لية و كان هادئ , و قالي : ياسمين فين هو ثوب الصلاة ديالك ؟
مشيت جبت هاداك لي كان عطاه لي كادو لبستو , لقيتو مفرش السجادة وراه , و كان واقف وشاف فية بعد ما شدلي يدي و قالي :
فليشهد الله و ملائكته اجمعين , ان هاذي زوجتي و هاذي اول صلاة تجمعنا بزوج , ف يارب ذكرنا بها يوم نلقاك , و اجعلها لنا فاتحة خير , اجعلها لنا منهج حياة , اذا تخاصمنا نتصالحو فوق سجادتك و اذا تباعدنا نتقاربوا فوق منها , و اذا ضعنا نلقاو طريقنا فوق منها , هذه قبلة حياتنا ياربي ثبتنا عليها
انا هنا بداو يطيحو لي الدموع مسحهم بكفه و قالي : يلاه حبيبة على بركات الله
دار و كبر و صلينا زوج ركعات , كان للصلاة حينها طعم آخر , طعم الجنة و كل الأشياء الجميلة
فاش سالينا بقى كيسبح و شوية بدا كيسبح لي بأصابعي بزوج و بقيت كنضحك , شوية هز كفيه و خشى فيهم يدي بزوج يعني رجعوا وسط يديه و رفعناهم بزوج في وضعية الدعاء ,
: اللهم إني أسألك من خيرها وخير ما جبلتها عليه، أعوذ بك من شرها وشر ما جبلتها عليه
اللهم بارك لي في أهلي وبارك لهم فيَّ ، اللهم اجمع بيننا ما جمعت بخير، وفرق بيننا إذا فرقت بخير.
و عندما يتوج الحب الحلال برضى الرحمن , يصل لأوج المودة و الرحمة , فيرأف الحبيب بحبيبته و يدنو بها , كأن دنى بغصن رقيق , لا يقوى على أي أذى , فيحدث ما اشتاق له الحبيبان , بكل حب و بكل رقة , فيصبح حينها للعشق ملجأ اسمه حضن الحبيب .
بسم الله , اللهم جنبنا الشيطان , و جنب الشيطان مارزقتنا .
اصبحت الآن زوجة عصام قولا و فعلا , و اجمل صباح هو تصبحي , على الرجل لي حرك ليك قلبك , واحد الإحساس ف شكل
قصص أكل الحلوى قصص الحلوة بالدارجة قصص الحوا بالدارجة المغربية قصص مقودة قصص بالدارجة المغربية ساخنة قصص بالدارجة المغربية جريئة قصص بالدارجة المغربية للكبار قصص مغربية رومانسية جريئة قصص حب مغربية بالدارجة
بارت 🌺46🌻:::::
هذا اول صباح ف دار راجلي , فقت و انا حشمانة نضت كنجري ,نعسنا حتى أذن الفجر , من بعد ما أدينا فريضة الله لي كيأديوها أي زوجين , بقينا كنتعاودو , أذن و صلينا و عاد نعسنا , المهم فقت جيت نوجد الفطور قالك لا نمشيو نفطروا برة .
ف ميشليفن لي كان قريب شوية لدارنا .
فطرنا و عيطو لينا العائلة باش نجيو نتغذاو عندهم , عصام ما بغاش ههههه قالهم : ا سيدي بغيت نهار نعيشو مع مراتي شحال و انا صابر عليها , راحنا اكثر من عشرين عام و حنا معكم أواه , ف الليل غادي نجيو نشوفوكوم
لأنه الصباح غادي نمشيو ان شاء الله لندن
فاش سالينا الفطور مشينا لأم الربيع تمتعنا بجوك المناظر , عصام جاع لية و قالك والو يأكل طاجين تما , , تغذينا تما , و رجعنا للدار باش نجمعو حوايجنا , لأنه ادي نمشيو نتعشاو عند عائلة عصام .
جمعنا حوايجنا مع بعض المضايقات ديال عصام , السيد صدق رومانسي بزاف ههه , و اكتشفت الطفل الصغير لي فيه , كيقتلني بالضحك .
المهم لبست تا انا قفطان بلون كاصي بحال العريسات الجدا يا حسرة , و درت الفولاغ الطويل و مشينا , دوزنا ليلة رائعة , كتخرجي من داركم غير نهار هه كترجعي تلقاي معهم كتحسي انك غبتي عليهم اعوام , وصل الوقت الحاسم , تفارقنا بالدموع ثاني الله يصبر كل واحد على فراق واليديه .
وصل الصباح جمعنا حوايجنا و جا خذانا خو عصام للمطار , الاتجاه لندن مدينة الضباب .
اصلا ف انا ما كنحملش الطيارات و كنموت غير بالدوخة خصني نبقى ناعسة , غير قلعت الطيارة و انا شادة ف عصام بقى كيقرا علية القرآن , حتى داني النعاس و ما حسيتش تقريبا مع كنت مدوزة لادوز ديال الدواه ه ما كنتش باغا نفيق , الصراحة عصام قنط ف الطريق , لانه طويلة و لكن شفق علية من حالتي
فاش وصلنا خذينا طاكسي و مشينا للدار , الصراحة , كنت كنحس انو اول مرة كنزور لندن
عجباتني داري لأنه كانت عبارة على شقة شوية كبيرة , ف واحد البلاصة زوينة عامرة غير بالخضورة , لقيت تما خدامة , مكسيكية , سميتها سانطانا , سخرها عصام باش تعاوني ف الدار , هو كان كيتوقع انني بنت الفشوش مع ف دارنا كنت مولفة ب الخدمات و لكن كنت ضد الفكرة خاصة اذا كان الدار لي ساكنة فيها صغيرة و تقدري تغلبي عليها و بما أنه انا غير جالسة ف الدار لا قراية لا خدمة الأولى لية نقابل داري هادشي لي قلت لعصام لي كبرت ف عينو بزاف , وباس لية راسي فاش سمع مني هاذ الكلام و لكن بقى مصّر انا سانطانا تجي مرة مرة باش تعاوني .
جلسنا ف لندن ثلاث ايام ارتاحينا فيها و تسارينا شوية , و طرنا الى الجزر الماليزية لي دوزنا فيها اجمل ايام العمر كيفما كيقولو , و من تما , عرفتو فين مشينا ؟
يالله أحسن مكان في العالم ،
مشينا درنا عمرة ديال سبعة ايام , الله اول مرة نزور بيت الله ,
يارب يرزق كل واحد زيارة بيتك يارب
واحد الاحساس لا يوصف دموع الدنيا و الدين لا تكفي من اجل تعبير الفرحة , كان قالي عصام بلي جا حدا الكعبة عام قبل , و دعى الله بصدق انه يرزقه زوجة صالحة مصلحة , تجي معه من بعد عام لهاد البلاصة نفسها و الله استجاب و انا ديك الزوجة
اعتمرنا بفضل من الله و قررنا ان شاء الله فموسم الحج الجاي نمشيو نحجوا ان شاء الله و قطعنا وعد امام الله انه ايلا بقينا حيين نرجعو هنا ف موسم الحج و لي كان بعد ستة اشهر و ندعيو الله بالذرية الصالحة و نجيبوها لنفس البلاصة
رجعنا لندن بعد ما غسلنا اجسامنا و قلوبنا و اثوابنا من الذنوب و كانت انطلاقة و لا اروع لأجمل حياة زوجية
فاش رجعنا و بدات القراية و الخدمة عند عصام , ما خلاليش الوقت فين نقنط و لا نمل , عرفني اولا كاع على صحابو و نسائهم كل واحد من قارة ههه كان الجو بيناتهم رائع , و قيدني ف حلقات تحفيظ القرآن و كان كيراجع معايا ف الدار و فوقماش كنسالي شي حزب حفظا و تلاوة كيدير لية كادو و لا يخرجي المهم يفرحني ب شي حاجة , سبحان لي فتح لي عقلي للحفظ انا و تخلعت ف قدرة الحفظ لي عطاهاليا الله
( الميدسين هي السبور ههه ) , تقيدت فواحد المركز دعوي الصراحة رائع , ناس عاطيين الوقت لدينهم اكثر منا , و عاد النصف الأكبر هوما اجانب مسلمين , لي يلاه سلموا بأعوام , كأنهم حلقوا مسلمين على فطرة , عاطيين للإسلام حقوا تبارك الله .
المهم ما حسيتش كاع بالغربة الحمد لله , و حياتي الزوجية تكللت بالنجاح بداية , واحد النهار كعادتي , حفظت واحد الحزب آخر الحمد لله , و باش يفاجئني عصام , سجلني ف واحد دورة تعلم فن صناعة الكيك ب ديك عجينة السكر , لأنه كان عارفني كنحماق على الرسم من جهة و من جهة كنحماق على شي حاجة سميتها باتيسري , فرحت بزاف و مشيت نشري الدوزان و بديت الدورة
ها دابا دازت اربعة اشهر و نصف مني تزوجنا الحمد لله و كل شهر كنحتافلو بزواجنا , عصام كان نعم الزوج الصالح و علاقتو مع الله تبهرني بالصدق ديالها و كل نهار كيقولي ماخاصنيش ننعس فيه حتى نكون تعلمت حاجة جديدة ف ديني , و نكون درت العدد الكافي المحسوب ماديا من الحسنات , كان كيعلمني بزاف ديال الحوايج لي زادوني غير فضلا و قربا من الله .
واحد النهار , كنت درت اول كيك صغير , و كنت خارجة من ديك البلاصة لي كندير فيها الدورة و قررت نمشي مباشرة لعند عصام لجامعة نفاجئوا و منها ناخذ ليه اول كيك نصايبو بوحدي و نشربوا قهوة تما ...
بارت 🌺🍃47🍃🌻::::
دخلت و بقيت كنتفكر فين وراني اول مرة المبنى ديال الأبحاث لي كيكون فيه , و انا غادة في امان كنتلاقا , آخر شخص كنت كنتوقع انني نتلاقاه من بعد هاد المدة هادي كلها , غادي تقولو لي منير ؟ غادي نقولكم آه , تلاقيت منير صدفة خارج من هارفرد هو و واحد المجموعة من المغاربة حيتاش كانو كاملين كيهضروا المغربية و غادي تقولوا لي اش جا يدير تما ؟ غادي تعرفوا
فاش شفتو تصدمت , تصنمت ف بلاصتي و هو بقى كيحقق فية و فااش عرفني بلي انا جا كيجري ووجهو مشرق و مبتسم
وصل عندي و هو مبتسم و قالي بصوت يملأه الشوق و الدهشة : ياسسسسسسسمين واااااااو اش كديري هنا
ما قدرتش نجاوبوا لأنني باقا مصدومة من هاد الصدفة الخايبة
ضحك و قالي : اواااااه على زهر , الحمد لله جيت غير نحضر لسوتنونص ديال دكتوراه ديال مهدي خويا عرفتيه لي كان كيقرا هنا
و دار عندو و مهدي من بعيد شير لي و قالي : ياسمييييييييين
و انا اكتفيت نهز ليه يدي من بعيد
و قلت ليه بالزربة : مزيان مبروك عليه انا خاصني نمشي
يلاه جيت غادية وهو يشدني من كتفي : ياسمين عافاك ماتمشيش نقدروا نهضروا ؟
شفت فيه بعدم تصديق : منير لا آخر مرة هضرنا فيها و قلنا كل شي
قالي : لا انا ماقلتش كلمتي الاخيرة
جيت غنمشي بالزربة و رجع شدني و غوت وقالي : سمعي ياسمين , انا ماغاديش ننساك راه ست سنين ا عباد الله , راه لي دوزناه ماشي كذوب و ما يمكنش تكوني نسيتي , عارفك غير كتكابري
يلاه جيت ندوي و انا نسمع صوت من مورايا كيقول : ياسمييييييييين
غمضت عيني كنكذب راسي , ولكن كان هو عصام واقف , و مستغرب و معصب
و يد منير تحطات على كتفي , باش يتحدا بها عصام لي عرفوا راجلي , شوية ما كنحس غير بجسد عصام يرتطم بجسد منير
طاح الكيك من يدي و غمضت عيني ب يدي و بدا عراك كبير كنسمع فيه غير الغوات و عصام كيضرب فيه منير و منير كذلك
كان هذاك ثاني اكفس نهار ف حياتي و من تما رجعات حياتي للجحيم , يا الله انه ابتلاء عظيم , كنت اسألك الستر و ها انا الآن افضح ياربي شنو ندير
فكوهم الناس غير بزز , يدي عصام شداتني من كتفي و جرني حتى ركبنا ف الطوموبيل , طريق كاملة و هو يضرب ف الفولا , و يخشي يديه ف شعرو و يستغفر الله و يسغفر الله
وصلنا طلعنا للدار , كانت تما سانطانا , قالها سيري , مشات .
دخل توضا و صلى و انا جالسة غير ف بلاصة , كنبكي , شادة يدي بزوج و كندعي الله لأنه حاسة انه عصام بركان يقدر يديني معه ف أي لحظة و كنشوف انه كيحاول يهدأ راسو من بعد الثوران لي ثارو ف وجه منير و زوقوا ليه مزيان
فاش كمل الصلاة , جا جلس قبالتي ف الصالون و قالي : علاش كتبكي ؟
بقيت ساكتة و غوت بجهد : ياسميييييييييين علاش كتبكي ؟
تهزيت من بلاصتي و بقيت كنشهق , و قرب عندي و حنا على ركبتو و قالي : صافي ما تخافيش سكتي ا ياسمين سكتييييييييييي ما كنحملش نشوف دموعك
قرا ف نظراتي خوف الدنيا و الدين منو و يدي لي كترعش , بدا كيبعد شوية ب شوية , ناض و مشى , شوية سمعت صوا الباب ديال برا كيتسد عرفت انه خرج
نضت من بلاصتي و حيدت فولاغي و مشيت لسرجم و بقيت كنتنفس بقوة , كنت غادي نتخنق وبقيت كنبكي كنبكي كنبكي و كندعي الله بصوت يا ربي ياربي اشنو هادشي لي طرا ياربي لا نسألك رد القدر بل اللطف فيه , ياربي الطف بيا ياربي ...
بارت 🌻🍃48🍃🌹::::
مشيت كجري لسجادتنا لأول مرة صلينا عليها انا وياه , و توضيت و صليت فيها زوج ركعات و بقيت كندعي الله و نبكي حتى تهدنت , شنوو غادي ندير فاش يجي عصام , ايلا سولني على منير و علاش كان حاط يدو على كتفي ؟ صافي زواجي مشى , باينة غادي يطلقني ياربي شنو ندير .
مشيت عيطت لمركز الفتاوي عندهم تما باش نسول داك المفتي لي عندهم و نستاشرو , قالي انه يحل لك الكذب و المراوغة لأنه دارك غادي ضيع منك
صافي ارتاحيت و بديت كنألف شنو غادي نقول ليه واخا عمرني ماكذبت , ولكن خوفي من فقدان عصام و الحياة مع عصام
بقيت كنفكر حتى داني النعاس و نعست بلا مانحس
شوية فقت على صوت الباب كيتحل كان عصام داخل فاش شفت لقيت الليل , يعني نعست بزاف بلا مانحس
شديت راسي لانه كان ضارني , عصام شعل الضو و شافني ناعسة ف الصالون , ما قالي حتى كلمة دخل بهدوء لدوش و سمعت انه طلق الماء يعني راه كيدوش
انا هنا شداتني الخلعة و بديت نوجد شنو نقول ليه و خرج من الدوش و مرى البيت حتى حسيت بيه لبس و كمل و مشيت عندو
وقفت حداه و قلت ليه بصوت مرتجف : عصام
شاف فية و بقى يستاني نهضر
حنيت راسي و قلت ليه : خاصنا يمكن نهضروا
دار ف اتجاه الناموسية و قالي : فية النعاس ا ياسمين حتى الغدا
قلت ليه : ولكن ا عصام ما يمكنش تنعس و انت هاز مني شي حاجة
ضحك ضحكة استهزاء : لا يمكن بغيت نعس
حيدت من حداه لانني كنت ف طريقو , و مشى ينعس بالفعل
بقيت نصدومة من ردة فعلو
خرجت من البيت و فية فشلة كبيرة جلست على اول كرسي لقيتو , شديت راسي بيدي ي الله علاش دالا عصام هاكدا .
بقيت كنفكر و نبكي , حتى عييت بزاف و قررت ننعس , و فكرت نعس ف الصالون ولكن تفكرت ماما فاش كانت كتقولي يطرا لي يطرا ما عمرك تفرقي ف النعاس مع راجلك
دخلت للبيت و كانت فيها سكات عجيب و هدوء و غير صوت عصام يتردد .
دخلت بشوية لبلاصتي و شميت ريحتو , و تمنيت و كان كنت قادرة نعنقوا و نتخشا فيه كيفما كنت كندير ديما لأنني كنت كنحس بالأمان و لكن ما يمكنش هو دابا ماحاملنيش وميات فكرة كدور ليه ف راسو
أذن الفجر , و ناض باش يصلي , انا نضت من موراه , توضا و خرج مشى للجامع , انا صليت ف الدار و بقيت كنقرا القرآن , و ستنيتو حتى رجع , و مشى دوش و لبس و قلت ليه قبل مايخرج : عصام امتى نهضرو
قالي : فاش نرجع
فاش جا خارج قالي : ممنوع تحطي رجليك برة .
سد الباب و مشى خلاني مبهوظة ياربي الطف يارب
داز النهار ثقيل و درت كاع الحوايج لي كان خاصني نديرهم و مابغاش يتقادا , و اخيرا وقل الوقت لي كيجي فيه عصام لبست و قاديت كعادتي و بقيت نستناه
فاش جا دخل , قالي السلام عليكم ورحمة الله وبركاته , مشى دوش و بدل , جلس يتفرج , حطيت العشا تعشينا ف صمت و جمعت و سبقنى هو لصالون و جلس يتفرج
فاش ساليت مشيت عندو , و جلست حداه و قلت ليه عصام
شاف فية و قالي : هضري ا بنت الناس كنسمعك
انا فاش قالي هاكاك طيح مني النص
بلعت ريقي و قلت لو : ما تفهمش غلاط داكشي لي شفتي البارح
هو هنا عض ف سنانو و قالي : ما نفهمش غلاط ان راجل من الخلا حاط يدو على كتف مراتي و ف جامعتي ؟
خلعني و فكرني ف المنظر الأليم و قلت ليه : اه صعيبة يلاه جيت نكمل و قالي بالغوات : ياسمين ما تبقايش تكثري علية ف الهضرة و توصفي لية الوضع شكون هاداك الحمار ؟
انا هنا بديت نتخلع و قلت ليه : هاداك واحد كان كيقرا معايا ف لافاك
هنا خرج عينيه و قلت ليه ما تفهمش غلط انا نشرح ليك : هاد الواحد , كان كيقيل مصدعني ف لافاك و كنت كنعجبو
ما خلانيش نكمل و ناض و قالي : صافي ماتزيديش تكملي صافي ا ياسمين ماغاديش نزيد نقدر نصبر راسي اكثر سيري من حدايا
انا بقيت مصدومة حتى غوت غوتة زعزعات الحيوط : قلت ليك سيريييييييييييييييييي
نضت مفزوعة و مشيت كنجري للبيت و سديت علية و بقيت كنرجف
بارت 🌻🍃50🍃🌺:::
كانت هادي هي الطريقة الوحيدة باش نرجع الاعتبار لراسي لانه رباني واليدية انه مانسمح حتى ل شي حد يهين لي كرامتي , و ايلا سمحت ليه هاد المرة غادي يزيد يتمادى مرات اخرين
خديت هاد الخطوة و قلبي ممزق لأشلاء , عصام زواجنا عندو بحال لعبة , ف بلاصة ما يسمع مني , و يعذرني كيساومني انني ايلا خرجت من الدار زواجنا غادي يسالي
طلعت للطيارة و قلبي كيتقطع هاد المرة ماشي خوفا من الطيارة ولكن خوفا من شنو كيستناني و حزنا على ما فقدته ف لندن , هاد الطيارة لي جابتني انا عروسة , غادي تاخذني و انا مطلقة اشنو غادي نقول لواليدية ؟
نزلات دمعة من عيني حارّة كالعادة نعست لأنني شربت الدوا
نزلت ف المطار و عيطت ليوسف يجي لية , هو بوحدو لي كان عارف , فاش جا كان مخلوع , عاودت ليه كاع لي طرا , تصدم , ما قدر يقول لي والو , المهم قالي غادي يهضر مع عصام و يفهموا . و لامني علاش تسرعت و جيت و قلت ليه انه ماقدرتش نزيد نصبر مازال انا و عصام ف دار وحدة و هو كيتجاهلني خاصة انه ف دوك زوج سيمانات كنت كندير محاولات صلح كان كيردني بأبشع الطرق .
قالي يوسف مانقول والو لدارنا حتى يصلح هو الوضع و انه غير سيفطني عصام حيتاش هو غادي يديبلاصا ولا شي حاجة
المهم مشيت لدار كانت ماما خارجة و بابا ف الهند كعادتو
طلعت لبيتي و تلاحيت على الناموسية و بديت المناحة ديالي
فاش جات ماما درت براسي ناعسة و كنسمع غير يوسف كيشرح ليها ا اشنو طرا
طبعا فرحات وارتاحيت انه مادخلها ادنى شك و من الصباح غادي نبدا نمثل ثاني عليها , بقيت كنفكر شحال ف عصام مني غادي يكون رجع للدار و مالقانيش , و كنت كنتوقع انه يتبعني للمطار ولكن يمكن تخيلت اكثر زيادة .
درت قيام الليل و بقيت كندعي الله يصلح الحال و يلطف بية و يصبرني على لي جاي
الصباح سملت على ماما وسناء و بقيت كنمثل عليهم دور الزوجة السعيدة لي تفارقت بحب مع راجلها .
ف الليل جا عمدي يوسف قالي : عصام ا ياسمين عاودت ليه داكشي لي بغيتيني نقول على منير و قالي انه هو خيرك تخرجي من دار ما تعاوديش ترجعي , و انتي طيحتي كلمتو للارض و مستحيل يتراجع
شفت فيه و عيني فيهم الدموع و قلت ليه : و قول ليه حتى بنات الناس ماشي لعبة عندو , عنداك تعاود تعيط ليه انا ف دارنا معززة مكرمة , كيفما تلاقينا خوت نتفارقو خوت
بقى غير كيشوف فية و مشى و هو متأسف .
دازو علية أيام صعاب بزاف بزاف , ماكنعس لا ليل لا نهار و كندخل لفايسبوك ديالو كنحضيه و فاش كنتوحشو كنعيط ليه بلانكوني و كنسمع غير صوتو و كنطفيه كنت كنتقطع ليلا نهار , خاصة فاش زدت اكتاشفت انني حاملة , اكتشفتها واحد النهار و تصدمت , ماعرفت نفرح ماعرفت نبكي , وقررت نكتم حملي باش مايكونش وسيلة ضغط تضغط على عصام باش يردني .
مشيت درت اول ايكوغرافي لولدي بوحدي لي كان ف عمروا اسابيع قليلة , فرحت فاش شفتوا و تيقنت انه حقيقة .
عائلة عصام لحد الآن ما عارفينيش انا ف المغرب هو ماقال ليهم و حنا ماسمعوا منا , ماما الحد الآن دايرة ف بالها بلي انا ف عطلة حتى يرجع راجلي
واحد النهار سمعت يوسف كيقول لسناء انه سجل ف الحج لي كان باقي ليه غير ثلاث اسابيع وغادي يمشيو على فرنسا , هي فرحات , و انا نضت عندو , و قلت ليه : يوسف حتى انا بغيت نمشي
قالت لي ماما : ا بنتي و راجلك
قلت ليها بلا ما نفكر : ف خبارو و هو قالي سيري
ما كنت كنفكر ف حتى حاجة غير ف داك المقام لي كينسيك ف اي ألم و أي عذاب , ف أي حاجة بقيت كنفكر غير ف راسي و غير لي ف كرشي
رغبت يوسف انه يقيدني و مايقولهاش لعصام , و اصلا هو كان خذا موقف منو لانه كان حاول يدير محاولة صلح و ردو عصام و ماعجبوش الحال
صافي قيدني خويا و بديت نجمع الرحال الى مكة ان شاء الله كانت باقية لينا يومين باش نمشيو فاش عيط عصام ليسوف كيقولو انه خاصو يجي لمغرب باش يهضر مع عائلتو عائلتي و يبدا اجراءات الطلاق...
بارت 🌷🍃51🍃🌺:::
طبعا خويا يوسف تصدم و مالقى ما يقوليه , و قالها لية و هو متأسف
خنجر تغرس لي ف قلبي , و جميع ألالام الدنيا توزعات فية , مادرت حتى ردة فعل , بحال هاداك لي يلاه قالو ليه فيك واحد المرض خايب بزاف , ولكن قالو ليه مباشرة انك غادي تداوا من بعد يومين
كنفكر ف حاجة وحدة امتى نحط رجلي ف مكة
جا اليوم الموعود الطريق عياتني شوية خاصة الاصكال ف باريس , الطيارة حتى لمكة , و الوحم من جهة الحمد لله انه عارفيني ديما كنرد ف الطيارة و مع الحمل ماقدرتش نشرب الدوا اما وكان راهم عاقوا بية انني حاملة .
وصلنا اخيرا لمكة , فاش هبطنا ف المطار تفكرت اول مرة نجي ليه مع عصام , تزير قلي و قاومت الدموع لي كانو غادي يهبطو , هذا هو مكتوبي ف هاد الدنيا ما نلحق نتهنا مع لي نبغي حتى نتفارقو
االمهم وصلنا لوطيل و بدينا مباشرة مناسك الحج و الإحرام , اول طواف كان لي كان مع عصام و دابا هانا كنطوف بوحدي
المهم بقيت كنبكي و كندعي الله ونكبره و نسبح
يوم عرفة كان رائع بحال داكشي لي كنوشوفو ف التلفزة , مني جيت بديت كنرتاح و بديت كنسى الهم
واحد النهار , مشيت لديك البلاصة لي كنت جالسة فيها انا وعصام و كان دعى فيها عصام و كمنا وعدنا الله انه غادي نجيو نحدوا هاد العام و ندعيو بالذرية الصالحة , انا جيت انا و ذريتنا و انت تخلفت على وعد يا عصام .
بقيت كنبكي و ندعي الله و واحد السيدة حدايا مسكينة , بقيت فيها , و قالت لي بالمصرية : ما تبكيش يا بنتي , دا لي جي قاصد ربنا بحاجة حاشى والله ان يفارق بيتو دون ما يقضيهالو او يرفعو بها درجات يوما القيامة
ابتسمت ليها و هزيت راسي و مشيت
بقى لينا نهار و نرجعو فحالنا , يوسف و سناء مشاو باش يتقداو الهدايا للناس .
انا فضلت نمشي لديك البلاصة المعلومة
جلست فيها كعادتي اودعها , و انا وعدت الله هاد المرة نجي اانا ولدي ولا بنتي ليها
جيت باش نمشي و انا نصطدم بواحد الشخص يلاه قلت ليه سمحلي
و انا نلقاه عصام الله ياربي , كان كيشوف فية بنظرات تملأها الحب و الشوق
بقيت مصدومة ياربي واش انا كنحلم , لأنه كل دقيقة كنت كنتخيلو و كنت غير نسد عيني كنشوفو
ولكن هاد المرة هو حدايا
تبدل كأنني غاب علية عشرين عام , بقينا ساكتين و كل واحد كيشوف ف لاخور
و نطق : جيتي باش توفي بالوعد
قلت : اه
قالي : ولكن اهم ركن ف الوعد مختل
شفت فيه باستغراب
و كمل و قالي : الوعد لي خذيناه امام الله انه , نجيو بزوج لهاد البلاصة و انتي جيتي بوحدك
قلت ليه : الله هو عالم الغيب و فاش وعدناه كان عارف انه غادي نتفارقو من تما لهاد الوقت لذلك انا حققت غير الشق لي بييدي نحققو من هاد الوعد
جيت غادية لانه دموعي كانت غادي تخوني و هو يشدني من يدي
فاش درت شفت فيه لقيت بلي عينيه كيدمعوا
حيدت يدي من يدو دغيا و مسحت دموعي و قالي بصوت يقطع القلب : ياسمين ماقدرتش
و اول مرة نشوف عصام يبكي و كيبكي واحد البكاء زاد قطعلي قلبي .
تما طلقت العنان لدموعي حتى انا و بقينا واقفين بزوج واحد كيشوف ف لاخور , و كنبكيو
شدلي يدي عصام و قالي بصوت يملأه الرجاء , عندك طاقة باش تسامحيني ا ياسمين
بقيت غير كنشوف فيه و قلبي و عقلي و جسمي كامل كيصرخ : آآآآآآآآه
و لكن بقيت ساكتة
جا دايز من حدانا ولد صغير كيقول لماماه : انت وعدتيني
بزوجنا سمعنا هاد الكلمة
و انا نقول ليه : ولكن وعدتيني ا عصام وخلفتي لثالت مرة
قالي بلا ما يشعر : فلنجدد الوعد ا ياسمين جربت و ماقدرتش حياتي بلا بيك
و قلت ليه بعتب : علاش ماشديتينش و علاس طلبتي الطلاق ا عصام لهاد الدرجة انا رخيصة عندك ؟
شدلي يدي و قربها من قلبو و قالي : انت اغلى من هاد القلب لي عندي , انت اغلى من هاد الروح لي عندي , عافاك ا ياسمين عطيني فرصة
يلاه جيت نجاوبو و هو يقولي : دوري عند الكعبة و نوي نية زوينة , تخيلي ان الله مقابل ليك , كيقوليك عطي فرصة لهاد العبد الضعيف لي كيموت على التراب لي كتمشي عليها و غادي تحسي بية
بقيت غير كنشوف فيه
و قالي : غير دوري لأنني كنت عاطياها بالظهر
درت عندهاو بقى شادلي يدي من اللور , و غمضت عيني و جاتني ما بين عيني غير المنام لي نمتو فاش كنا يلاه مخطوبين و داك الصوت لي كيتردد و انا حدا الكعبة , مرحبا بك ا ياسمين مرحبا بك ف دارك
اجل كان هذا هو تفسير الرؤية , درت عند عصام و كانت عندي رغبة جامحة باش نقز و نعنقو ولكن احتراما للمكان و حرمته اكتفيت انني نقول ليه : قابلة فلنجدد العهد
تعاهدنا هاد المرة اما بيت الله , و بيت الله علينا شهيدا , رجعنا للمغرب و قلت لعصام و العائلة كاملة على حملي طبعا كل شي دار لينا عرس جديد بالفرحة , و رجعنا لندن باش يكمل عصام الدكتوراه ديالو , اشهر قليلة و يشرفنا ولي العهد مصعب ..
و شكون كان يقول انا ياسمين ترجع حياتي هاكدا , و السبب شكون؟ الإخواني ,
والله حتى غواني الإخواني وفي طريق الله داني .
😍😍😍النهاية 😍😍😍
شكراااااً لكم جميعاً 😊
قصص أكل الحلوى قصص الحلوة بالدارجة قصص الحوا بالدارجة المغربية قصص مقودة قصص بالدارجة المغربية ساخنة قصص بالدارجة المغربية جريئة قصص بالدارجة المغربية للكبار قصص مغربية رومانسية جريئة قصص حب مغربية بالدارجة