قصة القروية 21

 قصة القروية 21

سلمى : إلى زدت عليك شي حرف ولا نقصت شي حرف ماتسمحيش ليا (رجعات ليها رسالة ) هااا امانتك قرايها ولا لوحيها شغلك هداك 

(دخلات عندهم بهيجة هازة صينية فيدها ) 

بهيجة : جلسي تشربي اتاي فين نايضة؟ 

سلمى : غا بصحة بحال إلى شربتو دوزو بخير 

( خرجات سلمى من عند مريم وخلات مريم مرفوعة من الكلام لي سمعات فتحات الرسالة وقراتها ويديها كايرجفو )

<<لي سمعتي دابا من فم سلمى هو الحقيقة وشي لي درت كلو على قبلك حياتي انا كانبغيك وما نقدرش نتخيل حياتي بلا بيك يكفي ربع سنين ديال الفرق حياتي حبيبك كان ومزال وغايبقى وفي ليك وكايبغيك حتى لآخر نهار ف حياتو إلى كنتي مزال كاتبغيني نتلاقاو فبلاصتنا فين تعودنا نتشافو وتيقي فيا كلشي عندو الحل والى ما جتيش غانتأكد بلي نستيني وبلي ضعتي من يدي كانتسناك مع 20:00 كانبغيك >>

بهيجة : (شافت دموع ف عين مريم ) اش كتب لك مالك كاتبكي يخي على تريكت محجوبة مايجي منهم غير لبلا كن يسحابني غاتبكيك كاع ما نخليها تشوفك 

مريم : هو ما تخلاش عليا هئ هئ كانوا كايكدبو عليا باش ننساه بهيجة انا ضعيت راسي بهاد زواج ديال الويل هئ هئ شنو ندير باش نرجع انا و

نور الدين هئ هئ هئ 

بهيجة : (جلسات حداها )واش خرج ليك لعقل اري داك الورقة نشوف (خدات الورقة من يدها وقراتها ) ماتقوليش ليا غاتشوفيه 

مريم : انا كانموت ابهيجة وحتى حد ما حاس بيا علاش اربي علااااااااش هئ هئ هئ 

بهيجة : ششششت (ضماتها ) دابا كلشي يتصلح 

( كانت سميرة كاتسمع ليهم فرحات من سمعات هاد الخبار بعدات على صالة قبل مايعيقو بيها ودخلات لغرفتها وهي مامصدقاش رأسها )

فاطمة : ( دخلات عندهم ) علاش كاتبكي با جاي إلى شافك فهاد الحالة غايبدا ييسول وغايشك 

بهيجة : قالت ليك الصح جمعي خناينك ولي بغاه سيدي ربي هي لي غاتكون 

***المسااء ***

وصلات 20:00 اليل كانت مريم كاتعدب ألف مرة ومحتارة بين قلبها وعقلها حاولات تمشي عند حبيبها وترجع ترمي نفسها فحضنو لكن ضميرها وخوفها من الله منعها توجهات لقبلة بقلب محطم وعيون باكية وطلبات من الله يصبرها ويسمح ليها لأن مجرد تفكير ف نور الدين خيانة سميرة كانت مراقبة مريم من شافتها ف غرفتها كاتصلي والوقت كايفوت تأكدت بلي ما غاتمشيش تشوفو هذا علاش قررات تتصرف دازت 30دقيقة وهو هو جنب الكرمة كاينتاظر حضورها بشوق كل ما كان الوقت كايفوت كان قلبوا كايتحرق واملو كايموت نتظار حتى ل 21:30 ومن بعد قال بلي نساتو وشافت حياتها نزلوا دموع من عينيه وقرر يرجع لدارو يالا وقف باش يرجع حتى وقفات عليه مرا وسط الظلام وملوية ف لينزار كلها كايبانو غير عينيها قلبوا خفق من الفرح وظن بلي مريم

[28/1 11:45] كوثر63

☆☆☆الرباط ☆☆☆

افنان : ( بتدمر ) اووووف عيت كاع المحالات شرتيهم تقول ماريا كاري لي غاتلبس هاد شي

بشرى : مريم حسن من الف وحدة من قران ماريا كاري ديالك 

افنان : واش وحدة ساكنه ورا جبل غاتعرف لهاد لحوايج واش مولفة بالماركات ياك قلتي محجبة لاش شاريه ليها بيجامات مقزبين ولاصقين وليشوميز دونوي معرين كتر من لي مغطين مولفة بيهم (لاحت ساشي ) وهاد العطور الغالية والميكاب مولفة ديرهم حتى من لي بونطالو جيز وحوايج لخروج واخداهم وكلهم ماركات مضيعة ليا نهار على قدو على قبل عروبية تلقاي حتى لفورمة ما عندها 

بشرى : ما لاحظتيش بلي زدتي فيه وبلا قياس مالك مع البت اش دات ليك هذا كلو حقها وقل كاع ياك من فلوس راجلها؟ ؟

افنان :(بستهزاء ) همممم دابا نشوفو هاذ لالة لغزالة لي دارت فيك حالة 

 🐾🐾القرية 🐾🐾

نور الدين : (بلهفة ) حياتي جيتي 

سميرة : (عرات وجها ) هادي انا سميرة 

نور الدين : (بستغراب ) سميرة اش كديري هنا؟ ؟

سميرة : انا عارفة بلي كنتي كاتناظر مريم هي بنفسها قالتها ليا وهي لي بعتاتني بلاصتها قالت ليك بلي هي مصدقاك وبلي كانبغيك وغاتبقى ديما تبغيك كانت متلهفة تشوفك وتقولك هاد لكلام بنفسها ولكن صعيب فهاد الوقت العينين كلهم عليها قالت ليك غاتشوف نهار المناسب وتقولها ليك بقى تبعت ليها رسائل معايا باش حتى حد مايشك فيها

نور الدين :(حس بفرحة كبيرة ) ماتصوريش شحال فرحتيني شكرا ليك اسميرة عمري ننسى خيرك قوليها كانبغيها وعطيها رقمي بلاش من الوراق 

سميرة : لا لا الى تلفون غايحسو بيها با حمد ولا حاط عليها العين من نهار جتي 

نورالدين : (بحيرة ) واخا واخا ما كاتهمش الوسيلة المهم نتواصلو شكرا ليك اسميرة 

سميرة (بمكر ) ما بناتناش يالادوز بخير 

رجعات سميرة لدار وهي ناشطة من الإنجاز لي ""دارت اخيرا لقات باش تنهي زواج مريم غيرتها عماتها وولى هدفها هو دمر ليها فرحتها """

🌞أصبحنا وأصبح الملك لله ***

¤¤¤الرباط¤¤¤

بشرى : اليوم غانمشي باش نشوف نشوف شنو ناقص تما تفاهمت مع نزار ( منظم الحفلات ) غدا ان شاء الله غايجي للمزرعة باش يشوف المساحة لي غاتخصو 

قيس : اوك 

بشرى : انا تكلمت مع مدام رزان بخصوص الفستان لي غاتصمم ل مريم الله يخليك اولدي غدا ان شاء الله من تكون جاي جيبها معاك باش تأخذ ليها العبار مابقاش الوقت 

قيس : اوك ان شاء الله 

بشرى : الله يرضي عليك 

قيس : امين 

 🌿🌿القرية🌿🌿

بهيجة : بلاتي نلبس جلابيتي 

فاطمة : راه تعطلنا غانلقاو العيادة عامرة

بهيجة : هاني لبست زيدو قدامي 

إيناس : ماما نمشي معاك هئ هئ 

بهيجة : لا بقاي مع مك 

خرجات بهيجة وفاطمة ومريم ونزلو لفيلاج توجهوا لعيادة كانوا بزاف الناس قبل منهم

فاطمة : شتي شنو كنت كانقول هاهي عمرات 

مريم :ماشي مشكل نتسناو بحالنا بحال الناس 

بهيجة : قدامنا 6 ماشي بزاف 

سميرة :فين مشاو هادو على صباح 

زينب : قالك مشات تشوف طبيبة 

سميرة : طبيبة لاش شكون مريض مريم 

زينب : مانعرف اش كانوا يقولو مافاهمتش تخربيقهم قالك تقلب نوع ديال واحد سمية مشات ليا 

سميرة : بكرة؟ ؟

زينب : ايييه هاديك 

سميرة :(بتسمات ) اممممممم مزيان هههه 

زينب : تي لاش كاضحكي 

سميرة : لا والو هاني غانمشي عند مي ونرجع وسام ناعس إلى سمعتيه كايبكي جبيه عندك 

زينب : واخا ماتعطليش 

الدكتور : كايختلف غشاءالبكارة من فتاة إلى أخرى، من حيث نوع وكمية الدماء التي تنزل عند فضه، ويوجد سبعة أنواع لغشاء البكارة هي: ‎"الحلقى، المطاطي، الهلالي، الغربالي، الهدبي، الفستوني، الحاجزي"، و يعتبر الغشاء الحاجزي هو النوع الذي ينتج عنه نزيف ملحوظ، هذا النزيف يحدث فقط في ...

[28/1 11:45] كوثر: 65

فقط في حوالي 14،5%من الفتيات، ولا يعتبر نزيفًا بمعنى تدفق الدماء الغزيرة كما تظن بعض الفتيات، ولكنه فقط يكون مرئيًا كدم أحمر لا يشبه دم الدورة الشهرية، كما أنه يكون “أكثر سيولة” من دم الدورة الشهرية. ☆ يحدث هذا بسبب مرور الأوعية الدموية المغذية لغشاء البكارة في مكان واحد فيه مرتكز في الحاجز الذي يعبر القناة المهبلية بشكل طولي قاسمًا تلك القناة إلى نصفين طوليًا، وبالتالي يحدث انقسام في الأوعية الدموية الطولية المارة في داخل غشاء البكارة، وبما أنها مركزة جميعًا في مكان واحد، فانقسامها يفرز فتحًا في سياقها مما ينتج عنه خروج مفاجيء لكميات ملحوظة من الدماء، حتى يمر الوقت الذي يكفي لانقباضها ليتوقف خروج الدماء منها. نسبة للغشاء المطاطي، فإنه يحدث فتحة ليست بالصغيرة، تسمح بحدوث الجماع وانتهائه دون أن يحدث قطع في نسيج الغشاء ذاته، ولا ينفض إلا مع الولادة الطبيعية، أما اذا حدثت ولادة قيصرية فإن الغشاء لا يحدث له أي شيء ويبقى كما هو. ‎ أما النوع الحلقي والهلالي فهما متشابهان، حيث يحدث قطع تدريجي في الغشاء مع تكرار مرات الجماع، وبذلك يحدث خروج لبعض نقاط الدم القليلة، ويكون ذلك في أغلب الأحيان تدريجيًا حيث إن ذلك يتم بشكل متكرر عبر مرات الجماع الأولى المتتالية، حتى يتم استقرار وضع النسيج الخاص بالغشاء على الوضع النهائي له. ‎أما الغشاء الغربالي، فهو عبارة عن نسيج شبه كامل، وهذا النوع ينتج عنه بعض نقاط من الدم الأحمر قليل اللزوجة، ويحدث فض الغشاء مع أول عملية جماع . ‎كاين نوعين الهدبي، والفستوني متشابهين من حيث الشكل والتركيب، ولذلك فإن فض هذين النوعين يكون عادة مع اللقاءات الجنسية المتكررة، أي أنه ليس من الضروري أن يفض ذلك الغشاء منذ اللقاء الجنسي الأول، ويفرز نقاط دم قليلة جدًا، وأحيانا كثيرة يتم فقدانها في القناة المهبلية ذاتها أثناء استمرار الجماع، بحيث تظهر كإفرازات مكونة في اليوم التالي للجماع، وأحياناً يمر إفرازها مرور الكرام دون ملاحظة أي شيء، ويظل العروسان معتقدين أن العروس لم تنزل دمًا دابا عطيتك أنواع غشاء البكرة لي هما سبعة بنسبة ليك انتي عندك نوع البكرة هلالي وكيف دكرت الدم 

ماغاينزلش فمرة وحدة لا فكل جماع غاينزل شوية متلا يجامعك ليلة الدخلة وبعدها وبعدها على حسب شحال الوقت تقدر 3 المرات حتى لخمسة غاتعدبي إلى درتي بالك مع الخوف أما إلى رخيتي نفسك وزولتي منك الخوف غايكون كلشي مزيان بإذن الله قبل الجماع لابد الملاطفة والمداعبة باش ترخاي

مريم : واخا شكرا 

الدكتور : لازم زوج ديالك يكون معاك باش نشرح ليه 

مريم : ما كاين لاش

~~~بعد مرور عشرة أيام ~~~

طول هاد المدة كانت مريم كاتحضر نفسها خيطات كدا قفطان كأي بنت مغربية سواء كانت قروية أو بنت المدينة وشرات بيجامات وكريمات وكل مستلزمات العروس محمد خالها شرا ليها شي حوايج هدية ليها باش تاخدهم معاها وبهيجة وصات ليها على لاناب وليزار بالمخاد ديالو مطروزين بالطرز الرباطي وزوج قفاطن محجرين البيض والباج بما أنها عروسة وحيت عرفاتها حشومية شرات ليها الملابس الداخلية كلهم بألوان وقصات جريئة ومواد التجميل الطبيعية كا الحناء والكحل مخدوم باليد والسواك والعكر الفاسي فاطمة حتى هي ماقصراتش معاها بشرى جابت ليها المصممة حتى لقلب الدار وخدات عبارها وصممات ليها فستان ابيض للمحجبات كايخد العقل قيس جا للمزرعة برفقت سليمان وافنان ورجالها وبناتها والخدمات لي عندهم باش يساعدو حتى هما فالعرس تفادى يشوفها كلهم كانوا مشغولين بتحضيرات إلى سميرة لي كانت كاتحفر ليها وبغات دمر فرحت الكل من حسدها وغيرتها كانت كاتوصل ل نور الدين كلام كداب بلسان مريم وكاتوهمو بلي كاتبغيه وبدورو كايكتب ليها رسائل ويعطيهم ليها كانت كاتجمعهم وتخبيهم عندها بلا ما يحس بيها حتى حد اليوم هو اليوم المعهود عروستنا فاقت مبكرة ومشات لحمام مع فاطمة وبعض البنات من دور بهيجة كانت مكلفة بتحضير مراسم الحنا ف مزرعة قيس لي كانت عامرة بالعائلة العرسان بعد ما جات من الحمام لبسات تكشيطة ف الأخضر الملكي مع الفولار ديالها والثاج بشرى ستدعات عبد المغيت المغني الشعبي ف حفل الحنا الكل كان حال فمو من جمال العروسة وتنظيم القلة القليلة لي تمنات ليها الخير عكس بعض النسا لي حسو بالغيرة وقالوا بلي ماتستاهلش حيت سمعتها طايحة كيف روجو جلس جنبها قيس بالزي التقليدي المغربي وقت قصير وناض دغية ما عندوش مع كتر الناس واجواء الحفلات 

بهيجة : طلعات غزالة ما شاء الله 

بشرى : صلى ع النبي وتاها الخضر

افنان : بغيت غير نعرف اش هاد المستوى نزلتي ليه على قلة البنات واخد وحدة عائلتها تحت الصفر وعرسك ف العروبية 

قيس : ماتزديش تصدعيني لي فيا كافيني 

سليمان : هاي هاي على مولاي السطان بالجبدور (ضمو بحرارة ) مبروك عليك اصاحبي 

قيس : العقبى ليك وتكون ف موقف كفس من الموقف لي انا فيه باش نرد ليك الصرف ههههه

¤¤¤الرباط ¤¤¤

سعد : تفووو على بلاد كايعطيو الفرصة غير لباك صاحب با ولي بحالنا يلوح راسو فالبحر

باهية : كانشوفك اولدي خاطري كايضرني زين وقاري ولكن حقك ضايع ماتلوم حتى حد من غير مك لي ضيعاتك 

سعد : (بستغراب ) كيفاش ما فهمتش؟ ؟

بهية : (دخلها الطمع ) جا الوقت لي تعرف فيه كلشي 

سعد : اشنو لي غانعرف؟ 

باهية : ولدي الحسن ماشي هو باك 

سعد : (بصدمة ) شنووو كيفاش؟

[28/1 11:46] كوثر: 67

باهية : كيف سمعتي نعيمة قبل 28 سنة كانت على علاقة مع راجل أعمال خانز فلوس كانت محاسبة عندو ف الشركة وتورطات معاه وحملات بيك من ومن قالتها ليه رفض يعترف بيك وهي حيت خافت من الفضيحة خرجات من الشركة ورفضات تدعيه حيت هو معروف وهي على قد الحال بعد ما كانت حاملة بيك ف شهرين عرض عليها الحسن الزواج واخا صارحاتو بقى مصمم على زواج حيت كان كايبغيها وسجلك على سميتو 

سعد : (بالغوات ) لا ما يمكنش نتي كاتكدبي عليا الحسن هو با وماما ماشي رخيصة 

باهية : نعيمة راه ختي وانا ماقلتش رخيصة هي كانت صغيرة بزاف 20 سنة وهو ستغل صغر سنها وفقرها 

سعد : (نزلات دمعة من عينيو ) شكون هو؟ 

باهية : محمد العمراني مات الله يرحمو وخلا ولد واحد قيس العمراني انت هو الوريث الشرعي بحالك بحالو وديك ختو لي من مو ماعندها مادي انت كاتمرمد هنا والبراني كايتمتع فخيرك 

سعد (خرج من الدار وحاقد على مو وباه وخوه لي عاد عرف وعلى المجتمع وحتى على بهية لي قالت ليه الحقيقة )

🐾🐾القرية 🐾🐾 

سميرة : كانت كاتكدب عليك اليوم راها بارزة معاه وكاضحك وفرحانة 

نور الدين : كك كيفاش اش كاتقولي ياك هي لي كانت كاتصيفطك ومزال كاتبغيني مايمكنش ضحك عليا 

سميرة : ضحكات عليك ووهماتك باش تنتقم منك حيت سمحتي فيها 

نور الدين (بصوت عالي ) لااااااااا

سميرة : فاليل العرس كيف ما حطمات قلبك حطم قلبها وسير فضحها 

نور الدين : (جلس الأرض وشد راسو ) اكيد انا غير كانحلم 

¤¤¤المساء ¤¤¤

كانت المزرعة مكتظة بالناس عائلة قيس وبعض الأصدقاء وعائلة مريم والجيران ف الطابق الأول وف غرفة على اليمين كانت جالسة مريم مع النكافة والمساعدات ديالها وفاطمة لبسات مريم تكشيطة فالبيض محجرة بالفولار ديالها وتاج وقيس لبس جلابة فالبيض دخلوا بزوج ويديه فيدها كيف قالوا ليه تحت أنظار الحضور وقفوا ويديهم متشابكين كاياخدو صور دخل نور الدين وشاف يدها فيدو حس باقلبو غايوقف جات عينها ف عينو حسات بألم فقلبها ورجليها كايرجفو زولات يدها من يد قيس وغرغرو عينيها لاحظ قيس رتباكها شافت فيها نكافة وطلبات منها تشد فيه ثاني رجعوا تشابكو يديهم وعينها ما فارقاتش نور الدين حس قيس بيديها كايرجفو

فاطمة :( شافت نور الدين ومشات عندو بصوت شبه مسموع ) اش كادير هنا واش خرج ليك العقل 

نور الدين : (طاحت دمعة من عينيو ) علاش امريم علاش؟ ؟

فاطمة : (خرجاتو بعدو من مكان الحفل ) اش جابك واش باغي تخلي سيرتها على كل لسان ولا باغي تنوض شي شوهة تفرق عليه بارك لي درتي فيها يكفيها ربع سنين وهي كاتبكي جا الوقت لي تضحك فيه والى كنتي بصح كاتبغيها كيف كاتقول خرج من حياتها وخليها هانية 

نور الدين : علاش كدبات عليا وعطاتني امل شكون لي بدل مريم وخلاها بهاد القصوى 

فاطمة : اش كاتخربق 

نور الدين حكى ليها كلشي وشنو كانت كاتقول ليه سميرة والأمل لي عطاتو بعد ما فقدو

فاطمة : الله يلقيها ليها الكدابة كدبات عليك مريم عمرها دكراتك مزال هي تزوجات كيفاش غاتشوفك وهي مزوجة 

نورالدين مانطق بحتى حرف خلا فاطمة كاتهضر وعطاها بظهر وبعد على المزرعة وقلبوا محطم 

جلسات مريم جنب قيس ونزلو دموع من عينها ويديها كايرجفو لاحظوا الناس بكاها وظنوا بلي دموع الفرحة قيس كان جالس على اعصابو وكايبتاسم بزز بهيجة هي الوحيدة لي كاتعرف دموع مريم وشنو وراهم كانت بشرى طايره من الفرحة وزينب حتى هي فرحانة وكاتباهى قدام عيالات دوار أما نكافة قربات تفقد اعصابها مع مريم لي دموعها نازلين والميكاب غايخسر ليها لبسات بزاف ديال البسات وهزوها ف العمارية وخدات صور هي وقيس والعائلة كانت النكافة كاتوريها كيفاش تصور معاه كانت جته بلا روح الجته حاضرة فالعرس والعقل والقلب مع نور الدين كملات مراسم الزفاف ووصل وقت الفستان الأبيض لي غاتودع بيه عائلة وقريتها وحبيب قلبها لبسات لاغوب فالبيض مغطية من الظهر والصدر ومجرجرة بزاف والكمام من دونتيل ودارت البوني والطرحة وثاج محجر قيس كان لابس سروال كحل مع الvيست ديالو وقميجة فالبيض وبابيو فالكحل نزلوا لجردة ويديهم متشابكين ومبتسم فوق من قلبوا غير برتوكول كانوا عينيها كايقلبو على لي خدا قلبها ومتلهفة تشوفو ولو مرة قبل ما تودع الدوار شافت فكاع الناس وتمنات تشوفو جلسات ف المكان المخصص ليها وعينيها مزال كايقلبو عليه بعد دقائق من جلوسها جات عندها إيناس بنت بهيجة وحطات ليها ورقة فيدها ورجعات تشطح مع البنات زيرات على الورقة بيدها ومتلهفة تفتحها وتشوف شنو مكتوب فيها كانت متشوقة تقراها كان عندها اليقين انها من طرف نور الدين لكن لا الوقت ولا المكان كانوا مناسبين زيرات عليها بيدها وبتسمات بزز ل بشرى لي كانت كاتشوف فيها و كاتبتاسم النكافة طلبات منهم يقطعوا الجاطو ويوكلو بعضهم وقفوا بزوج تحت أنظار الكل وحط يدو فوق يدها وقطعوا الجاتو وضع قطعة منو ف فمها وهي كذلك وخداو ليهم صور ورقصو بزوج ماهي إلى دقائق حتى سالات الرقصة ووصل وقت الرحيل ودعات عائلتها بدموع وتخشات ف حضن محمد

قصة  القروية, قصة القروية 21, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :