قصة القروية 9
سعيد : واخا امتى؟
قيس : غدا ان شاء الله مع 7:00 الصباح
سعيد : واخا كون هاني
لميس : ( مشات كاتجري بين شجر اليمون ورضوان وراها ) هاناااا عيووو هه
رضوان : تسناي
بهيجة :(وقفاتها ) شنو سميتك الغزالة
لميس : لميس
بهيجة (باستها فخدها ) سميتك غزالة بحالك
لميس : شكرا طاطا
رضوان : يالا جري ونتبعك بحال قبيلة
لميس (بفرح ) واخا هههه
قيس : (توجه ليها ) لميس يالا
لميس : (بدلع نفخات شنايفها ) لااااا
غزلان : شوفي شحال غزال يختي هاد الزين كلو كاين فالموغريب
حليمة : مازينش عادي بوبكر خطيبي حسن منو
غزلان (حطات يدها على راس حليمة ) تي طلعات ليك سخانة ولا الشمش قلباتك
اسماء : نتوما علاش سايرين تهضرو
غزلان : قالت داك سيهم بوبكر لي فيه ربع مترو وكرشو كي المرا لي داخلة فالتاسع ودوك الحناك لي بحال حجيب حسن من هاد القوق لي قبالتنا هههههههه
اسما : هههههههههه ميمتي كرشي
حليمة : من كان يجيب ليا نص فيه الكبدة والزريعة كان زوين حيت كاطحني ليا كلشي كي البقرة ومن كايجيب ليا 10دراهم تصالات كايكون زوين حيت كاتشحطيها غير نتي ودوركا عاد خايب وعدو الكرش ايوا الله يخلف عليك سير عند سمر يوكلك نص فيه الكبدة وعمر ليك جيوبك بالزريعة
غزلان : تاكلي عمرك الجيعانة وليتي تعايري بالماكلة مالي قلت غا الحق ههههههه
حليمة : الله يخلف عليك الحق راك تعرفيه جني اليمون على قلبك وطمي
بهيجة ومريم خدمو فجو مرح خدمة وتقرقيب الناب وحليمة وغزلان العشية كاملة وهما مناقرين أما باقي البنات كانوا حالين فمهم ف قيس من العشية تعاشات بداو كايخرجو من الفيرمة سبقاتهم مريم وبهيجة قدام باب الفيرمة وحطو طبق ديال الملاوي شراو من عندهم الملوي كامل
باعت 50 ملوية وربحات 100درهم من غير لي عطاها العربي لي مكلف بالخلاص رجعات لدار هي وبهيجة والفرحة ماليا عيونهم
زينب : على السلامة انظر كيف كانت الخدمة
بهيجة : مزيان دوزنا نهار غزال العب وتقشاب ومريم باعت كاع الملوي لي عجنات
زينب :(ضحكات حتى بانو ضراسها ) تبارك الله عليك جمعتي مصيريف
مريم : الحمد لله هه
زينب : (مدات يدها ) الله يرضي عليك ابنتي شي خمسين درهم دايرين غدا ندخلو صواب لمباركة مرت دحان
مريم : (جبدات 50 درهم وعطاتها ليها ) هاهي اخالتي
زينب : الله يرضي عليك ابنتي
سميرة : مريم على سلامة اجي ترتاحي وجدت ليك واحد البراد ديال اتاي دايزو الكلام
مريم : شكرا الله يخطيك
بهيجة (همسات ليها ) شمو الفلوس ولاو كي الكلاب
زينب : ونتي ابهيجة مابغياش اتاي
بهيجة : غابصحة اتاي ما كانقدش عليه يالا دوزي بخير
لميس : مامي مامي
بشرى : مال القطيطة ديالي
لميس : (مدات ليها لمسمن ) ابغتوش
بشرى : (خداتو من عندها وداقت منو )
فطومة :اجيو ديرو الgوطي
بشرى : واخا (هزات لميس وتوجهات لاطيراس فين محطوط الgوطي ولتحق بيهم قيس )
فطومة : قهوة ولا اتاي (الشاي ) ؟
قيس : القهوة
بشرى : تبارك الله عليك الملوي درتيه غزالة مورق ومامزيتش علاش ما حطتيهش
فطومة :(بستغراب ) اشمن ملوي؟؟
بشرى (مدات ليها لي بقى فيدها ) هذا كان عند لميس
فطومة :ااااااه حتى رضوان كان عندو بهيجة قسمات ليهم وحدة عندك الحق غزال دقت منو
بشرى : (بستغراب ) شكون بهيجة؟ ؟
فطومة : هادي وحدة من الدوار خدمات اليوم مع الناس لي جناو اليمون
بشرى : تبارك الله عليها الملوي كاتصرعو
قصة القروية 9,
قصة القروية كاملة, قصة مغربية ساخنة, قصص بنات مغربيات +18, قصص بنات مغربيات 18+, قصص مغربية بالدارجة ساخنة ق, ﺷﻬﺮ _ ﻭﻧﺺ _ ﻓﺪﺍﺭ _ ﺍﻝﻗﺤﺎﺏ ﺍﻟﺠﺰﺀ ﺍﻟﺘﺎﻧﻲ,
0 Komentar
تعليمات التعليقات