قصة القروية 20

 قصة القروية 20

مريم (حلات فمها ) ننننن ننور الديين 

نور الدين : اه نور الدين لي خنتي العهد لي عطتيه نور الدين لي قلتي ليه وعد عمري نكون لشي حد من غيرك واليوم شنو؟ ؟ 

مريم (قلبها خفق وتمنات ترمى فحضنو وتقوليه علاش خلتيني ماتصورش شحال كنت كانبغيك وباقة تمنات تقول شحال من كلام ولكن لسانها خانها وضميرها ماسمحش ليها هي دابا مرت راجل آخر ضغطات على نفسها وخدات نفس عميق وشافت ف عينيه بتقة )

مريم : على سلامتك الغربة صعيب ولكن فلوسها كاينسيو مصاعبها 

نور الدين : الفلوس الفلوس كلشي تابع الفلوس وكايتكلم غير بالفلوس (حط يدو على دراها ودفعاتها بسرعة)

مريم : ماتفكرش تعاودها مرة أخرى والى غاتندم انا مرات راجل وما كاين حتى كلام بيني وبينك 

نور الدين : ولي كان بينا شنو رمتيه لمزبلة التاريخ فين هما وعودك ودموعك وكلامك فين هي كانبغيك وما نقدرش نتخيل حياتي بلا بيك هااا (جرها من دراعا بقوة حتى لصقا مع جسمو ) علاش امريم علااااااااش 

يالا غادفعو تبعدو عليها حتى دازو من جنبها غزلان وشي بنت من دوار تمنات الأرض تنشق وتبلعها اكيد غايفهو غلط وديعو خبارها ف الدوار.....يتبع

بهيجة : ويلي مالك جاية كاتجري اش واقع لاش كاتبكي؟ ؟

مريم : رجع رجع هئ هئ 

بهيجة : شكون (حطات يدها على فمها ) نور الدين؟ ؟؟

مريم : ربع سنين وهو غابر وعمري عرفت خبارو حتى تزوجت عاد بان علاش اربي علااااااااش هئ هئ هئ ماتصوريش من شفتوا باش حسيت هئ هئ علاش رجع باش يعدبني ثاني 

بهيجة : اش قال ليك؟ ؟

مريم : رجع كايلوم فيا بكل وقاحة قالك انا لي خنت العهد وانا لي تبعت لفلوس هئ هئ هئ بندام سمح فيك وتبع الفلوس وعاش ربع سنين من حياتو بلا مايفكر فيك وفالآخر يرجع ويلومك 

بهيجة : يمشي يعاودها لراسو لحمار لي قالها ليه كايهضر بوجهو حمر كن شفتوا كن تفيت على خليقتو اش بغي منك طلقي وترجعي تلاقي معاه ورا الكرمة بتخبية 

مريم : قلبي كايتحرق هئ هئ هئ شنو ندير باش ننساه (نهارت بالبكاء ) ااااااه هئ هئ هئ 

بهيجة (شداتها من دراعها ووقفاتها بقوة ) رجوع الله القلب لي غايجيب ليك العار عفطي على مو نتي دابا مرات الراجل دخليها لراسك والوقفة مع راجل آخر حرام واش باغية تعصي ربك على قبل حمار مايسواش سمح فيك 

مريم : (طاحت الأرض وكاتبكي ) علاش اربي انا لي نتعدب علاش هئ هئ هئ ياربي إلى كان هذا متحان رحم ضعفي مانقدرش هئ هئ ياربي إلى كان هاد القلب غايعصيك وقفوا ما بقيتش باغية نعيش هئ هئ هئ 

بهيجة جلسات حداها وضماتها بقوة وقرات عليها القرآن 

بهيجة : أعوذ بالله نعلي شيطان كلشي ليه الحل ان شاء الله هادي غير سحابة ودايزة كلشي غايتصلح ان شاء الله خليك قوية وكوني مريم لي كانعرف عرفتي شنو زنقة ماتبقايش تخرجي ليها بالمرة باش ماتشوفيش وجهو ثاني 

مريم : فاش كنت كانهضر معاه جرني لعندو ويالا غادفعو وهما يدوز شي بنات من دور غزلان وواحد البنت معاها اكيد فهموا بالمقلوب وخباري غاديع ف الدوار

 نساي ما غيوقع والو خرجات بهيجة و هي تبدا سميرة بلمعاني 

سميرة :راجلي مقابل الأرض وهاز الدار بلي فيها كايفكر فكلشي ماشي غير فراسو كيف ما دارو الناس كن جا يدير بحالهم كن راه وهلي اش جاب ولكن رضات الوالدين خير من وسخ الدنيا 

بهيجة : تي علامن سايرة تلوحي سمك شكون هما هاد الناس لي جالسين على قلبك قالك ما عندها حد من غير رشيد وداك لي مليوح فالمدينة كايدمر كي الحمار ليل ونهار وسامح فيا وف ولادو باش يجيب ليكم ما تصرطو تصرطي الحناش ما عمرش ليك العين ولا خاصك غا وقتاش تنبحي كي كلبت السوق الله يتبعك لبلا ويهنينا من خليقتك 

سميرة : (وقفات ) ايوا يوا حدك تما وعرفي اش كاتخرجي على فمك يجيب ليا مانصرط بنت لك جالسة بجوع الله يخلي ليا مولا داري لي موكلني ومشربني وداير ليها شان وما مخلنيش ندمر ف الفيرمات كي حمار طحونة ونصيد فالرجالة 

بهيجة : سمعتي بنت المقمل اش كاتقول ايوا اجي نوري لبوك تصياد كيف كايكون (جراتها من شعرها وطيحاتها لأرض وجلسات عليها بتصرفيق )

زينب :(بالغوات ) عوك عوك أعباد الله عتقو الروح 

جلسات فاطمة تفك فيهم ومريم خرجات من بيتها كاتجري كاتفك فيهم ما طلقات منها حتى كلات ليها وجها )

مريم (بالغوات ) واش خرج ليك العقل كرشك لفمك وكاترايشي اش هاد لحالة لي وصلتو ليها شوفي وجها كي ولا حشومة كاع الناس كل نهار يديو خباركم 

سميرة :(كاتجمع شعرها ) ياك شتو بنت الخماس اش دارت مولفة المرايشة بنت السوق والله لا بقات فيك الى دوزتها ليك ما ولدات فيا فاطنة غير لخلى 

بهيجة : على ما فخيلك سرجيه وركبي عليه ابنت بو حمارة الله يتبع لبوك لبلا 

زينب : الله يتبعكم لبلا بزوج ديما مشوهيني فدوار الله يخليها سلعة 

رشيد : اش هاد لغوات 

حمزة : بابا بهيجة ضربات ماما 

بهيجة : ديك الشايطة ديال مراتك عاجباك فين ما تحفا ليها دور ليا إلى ما قادش تحكمها عطا الله لي غايقد 

سميرة : شايطة هي لي ولداتك ابنت الخماس 

رشيد :(بالغوات ) سكتوا ما بقيتو تحتارمو حد وما تعبرو حد كي لبهايم من اليوم قطعوا لغى ووحدة ماتشوف فالخرا نشوفو واش غاتبردو ولا لا؟

بهيجة : مايشرفنيش اصلا نشوف ف قمقومها

مريم وفاطنة جرو بهيجة لبيت وسميرة طلقات دموع تماسيح كيف ديما وكاتشكي على راجلها 

~~~بعد مرور 20 يوم 

♡الرباط ♡

افنان : كانقدم ليكم صديقتي جنات 

بشرى : مرحبا 

جنات : ميغسي مدام 

افنان : هادي ماما بشرى (أشارت ل قيس ) وهذا خويا قيس 

جنات : تشرفت بمعرفتكم 

بشرى : الشرف لينا 

اش كاديري ف حياتك؟ 

جنات : انا كنت ف فرنسا تخلقت وكبرت تما يالا مدة قصيرة باش دخلت للمغرب وناوية نستقر ان شاء الله 

بشرى : ان شاء الله ما كاين ما حسن من بلادك 

جنات :(بابتسامة )طبعا 

قيس :(جاه اتصال ) ستمتعو بوقتكم وفرصة سعيدة مادموزيل جنات 

جنات :(بإعجاب ) ميغسي 

بشرى : افنان عرس خوك بقات ليه عشر ايام الوقت كايجري غاتمشي معايا ناخدو لمريم شي حوايج وغاندوز عند منظم الحفلات نرسيو معاه 

افنان (عوجات فمها بدون ما تير الانتباه ) اوك اماما تمشي معانا اجنات 

جنات ( تقرصات ) اااه وخ واخا 

🌳🌳🌳القرية 🌳 🌳 🌳 

فاطمة : ما تحتاجيش تنزلي حتى لمدينة باش تشري لحوايج انا داخله لواحد لجروب كايبيعو حوايج لعرايسات عرفتي كدايرين ديال الهبال غا نوريك تصاور ختارو 

بهيجة : ولله هيلا فكرة هادي نيت غانكسبو الوقت مابقى والو 

مريم : واخا وريني نشوف 

فاطمة : تسناو نسارجيه ونوريكم 

بهيجة : قالت ليا الحاجة بشرى فهاد السيمانة غايجيو وقالت ليا غير نبدا نعرض على ناس لي كانعرفو 

مريم : (بخوف )قلبي مقبوط عليا ما باغية لا عرس ولا صداع الرأس خايفه بزاف 

بهيجة :ويلي تي منهاش خايفه ؟؟

مريم : من كلشي من نور الدين لا يدير شي مشكل فالعرس ومن قيس ومن هنا لعشر يام كي غاتكون حياتي 

بهيجة : حررررر بش يبين ليا قمقومو فالعرس اصلا فين غاتشوفيه ما غانعرضوش عليهم 

فاطمة : على سيرة قيس لازم قبل العرس تمشي عند الطبيب باش يشوف نوع البكرة ديالك وخاص يكون معاك راجلك باش يفهم والى ما كانش لازم تاخدي شهادة بلي راك عزبة وتخبيها عندك باش وقع شي سوء فهم ف الدخلة توريه الشهادة هاكا غاضمني حقك

بهيجة : هاي هاي على فطيطيم عارفه لعجب ههههههه 

فاطمة :دنيا تبدلات الوقت والزمان هذا ههههههههه

بهيجة : عندها الصح غدا ان شاء الله يالا نديك عند واحد الطبيب فالفيلاج 

مريم : خوفتوني كتر 

بهيجة : ماعندك منهاش تخافي داكشي دغيا كايدوزو غاتقصحي شوية ولكن دغية غاتبراي غير رخي نفسك وماتعصبيش باش ما تعدبيش

مريم : ان شاء الله ربي يسهل ولكن ماشي عند الطبيب بغيت طبيبة 

فاطمة : كاينة واحد الطبية فالفيلاج كايقولو ليها نزهة لوبان غانمشي معاكم باش نوريها ليكم

مريم : (بقلق ) ان شاء الله 

سلمى : لا انت خرج ليك العقل من غانجيب ليك نمرتها؟ 

نور الدين : الله يحفظك أختي مابقاش عندي الوقت مريم كاضيع من يدي 

سلمى : واااااااا ضاعت انت لي فرطتي فيها البنت تزوجات وعرسها سيمانة جاية باقي طامع فيها ترجع لك

نور الدين : انا ما غانخليهاش ضيع من يدي درت المستحيل باش نرجع ليها من جديد غانكتب ليها مرسول ووصليه ليها 

سلمى : لا انت خرج ليك العقل سيدة مزوجة واش باغي تنوض شي صداع 

نور الدين : دابا غاديري لي قلت لك ولا نتصرف بطريقتي ؟؟؟

سلمى : (بعد تفكير ) أمري لله 

نور الدين (باس جبينها ) الله يحفظك ليا 

¤¤¤الرباط ¤¤¤

بشرى : اممممم العروسة شكلها كيف عامل؟ 

افنان : (بعجرفة ) ماشفتهاش 

بشرى : مربوعة القد 

جنات : طاي مانكا؟ 

بشرى ماشي ضعيفة وما شي غليضة مفورمية فرمتها غزالة كلشي عندها هو هذا والكرش ماعندناش حسها 

جنات : ما عندكش تصويرتها؟ 

بشرى (خدات تلفون من صاك )اه عندي تصاور الخطوبة بلاتي هاهي ههه

جنات : فالحقيقة غزالة طاي ديالها (خدات فستان بيض )هاد الفستان غايجيها زوين 

بشرى : وي مي دوماج ما غاتلبسوش كادير الحجاب 

جنات : أاااا اوك مي تقدر تزول الحجاب نهار العرس وترجع تلبسو بعد العرس عادي بحال معظم البنات كايعملو نفس الطريقة إلى ادا راجلها غايرفض؟ ؟

بشرى : انا غانسألها واش تقدر تزول الحجاب ات نصور ليها الفستان وصيفطو ليها تشوف 

جنات : اوك] كوثر:60

خدات صورة للفستان وبعتاتها ل مريم من بعد تاصلا بيها 

ترن. ..ترن. ....ترن. .....

مريم : اهلا خالتي اش خبارك 

بشرى :الحمد لله ابنتي ونتي اش خبارك واش خبار مالين دار؟ ؟

مريم :الحمد لله كايسلمو عليك 

بشرى : مرحبا بسلامهم بنتي بعت ليك واحد الصورة

مريم : وي وصلاتني ديال لاغوب هههه غزالة 

بشرى : عجباتك؟ 

مريم : وي معلوم زوينة 

بشرى : حنا دابا فالمحل فين كاينا الغوب صورتها باش ناخد رائيك واش تبغي تلبسيها فالعرس تقدري تزولي الفولار وتلبسيها؟؟

مريم :هه انا لااا لا ويلي مانقدرش 

بشرى: هههه علاش لا عرسك هذا خلينا نشوفوك بالفستان الأبيض 

مريم : خالتي مانقدرش نزول الحجاب اصلا العرس ما كاين لاش منو و.. (قاطعاتها ) 

بشرى : الحجاب واخا ماقلتي عيب ولكن العرس لا )) هو لي ما نسمحش فيه خليني نفرح بيكم 

مريم : هههههه

بشرى : الله يدومها ضحكة يالا ابنتي نخليك دابا من بعد ونهضرو 

مريم : امين اخالتي ان شاء الله 

فاطمة :(كاتشوف ف بهيجة ) اهلا سلمى زارتنا البركة دخلي 

سلمى : (سلمات عليها ) ربي يخليك احبيبة اش خبارك ابهيجة واش خبار مريم وخالتي زينب وسميرة؟ 

بهيجة : (سلمات عليها ) الحمد لله كلشي بخير وانتي اش خبارك 

سلمى : نحمدوه ونشكروه فين هي مريم ؟

بهيجة : اش بغتيها ؟

سلمى (بتلعتم ) ااا بغيت نبارك ليها 

بهيجة : اااه بلاتي نعيط ليك ليها 

مريم : (دخلات عندهم لصالة ) اهلا سلمى 

سلمى : اهلين مريم اش خبارك غبرتي مابقيناش شفناك ف الدوار 

مريم : الحمد لله ونتي 

سلمى : الحمد لله ربي يخليك ومبروك عليك 

مريم : الله يبارك فيك والعقبى ليك 

سلمى : امين 

مريم (غمزات بهيجة ) بهيجة جيبي اتاي ل سلمى 

بهيجة (فهمات بلي بغات تبقى معاها على نفراد جرات معاها فاطمة ) واخا دقيقة وهاهو عندكم 

مريم : شكرا ابهوجتي 

سلمى : (جبدات ورقة من جيبها ) هادي صيفطها ليك نور الدين 

مريم : (دفعات ليها الورقة ) مابغيتش نشوفها والله يخليك فهمي خوك بلي انا مرا مزوجة يفوتني عليه ما قادراش على المشاكيل و هضرت الناس 

سلمى : هضرت معاه اختي وعيت نهضر ما قدرش ينساك علاش تسرعتي وتزوجتي ياك كاتبغيه شنو لي خلاك تزوجي 

مريم (بستهزاء ) هه ما قدرش ينساني علامن كاضحكي شكون لي غبر ربع سنين وتقطعات خبارو هااا؟ ؟ هو شاف حياتو وعاشها كيف بغى وخلاني مليوحة هنا كي الكلبة حشاك كانسمع لكلام الناس لي بحال سم وقلبي كايتشوا 

سلمى : مريم نتي غالطة وبزاف خويا عمرو نساك عمرو خلاك الظروف لي حكمات عليه يبعد والظروف لي خلاتو يغيب هاد الربع السنين 

مريم : سلمى نتي كاتكلمي بحال إلى ما عارفاش شحال عانيت من بعد غيابو شفتي كلشي على عينيك هو لي ختار لفراق وغدر وهو لخان العهد شنو كان كايتسنى مني نجلس حياتي كاملة نتسنى حتى نهار لي ترشق ليه عاد يرجع متلا؟ ؟؟

قصة  القروية, قصة القروية 20, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :