قصة القروية 16

قصة القروية 16

أما بهيجة وفاطمة ومريم كانو مشغولين فالتحضيرات نضفو الدار كاملة قنت بقنت ووجدو شكيلات من الحلوى وفاطمة جا محمد لقى كلشي كايجري وكلشي مرفوع قالت ليه فاطمة شنو كاين فرح بزاف أما مريم حناكها ولاو حمرين من الخجل زينب بدات كاتستوعب شنو واقع وبدات كاطرح أسئلة على نفسها {أو زعمة غايكون كلامهم صح ؟؟ } محمد دبح خروف ومشى لسوق تقضى شنو خاص النهار داز بسرعة ما جا فين يوصل اليل حتى تهدو البنات 

مريم : الله ياربي على تامارة ظهري تقسم 

فاطمة : كن شتي انا 

بهيجة : غدا هو ديال الجرا نيت 

مريم : نرتاحو دابا ومن هنا لغدا يحن الله ههه 

بشرى : مفاجأة زوينة هادي على سلامتك 

سليمان (باس ليها رأسها ) الله يسلمك الحاجة ههه

بشرى : جلسوا امتى مشيتي اولدي لرباط؟ 

قيس : (غمز سليمان ) مشيت صباح وجبت معايا الخاتم 

بشرى : الله يرضي عليك وريني نشوف 

قيس (جبد من جيبوا الخاتم ) تفضلي 

بشرى : (بإعجاب ) وااااو غزال ولكن بحال إلى جاني كبير شوية يديها ضعاف كانظن ؟

سليمان : إلا يجيها هو هذاك عندي احساس و.. (قاطعوا قيس )

قيس : ماشي مشكل إلى ما جاهاش غانقادوه على قياسها (بتسم بزز ) ولا نبدلوه عادي 

بشرى : لا غزال عجبني إلى ما جاهاش يتنقص 

سليمان : ايوا صافي لقينا الحل ههه 

♡أصبحنا وأصبح الملك لله ♡

اليوم نهار جديد واحدات جديدة البطلة ديالنا فاقت بكري كيف العادة وحلقات على الدار ووجدات الفطور ناضو البنات وكل وحدة تكلفات بحاجة كانت بهيجة فرحانة بلا قياس نفس الشيء بنسبة ل فاطمة سميرة رجعات من عند مها الفضول قتلها وبغات تشوف كلشي بعينها جلسات كي موكا مقابلاهم داز النهار طاير طول النهار وهما كايوجدو مريم وجدات البسطلية بالدجاج وبهيجة نصبات الحم بالبرقوق والدجاج محمر فاطمة تكلفات بالتزين من كملو خدات مريم دوش ولبسات قفطان فالبيض مجحر من الصدر ديال بهيجة وصايبات شعرها ووضعات ميكاب خفيف بزاف بهيجة وفاطمة لبسوا القندورة فالصفر والغوز سميرة وزينب مزال ما قادرينش يصدقو كيفاش بين ليلة ونهار جاها راجل وماشي اي راجل 

سميرة : ويلي حي كي دارت ليها لا لا لا هداي عليا شي حاجة تم باينا كانت مصاحبة معاه مدة طويلة عليها لي جا كاتردو ولكن لي ما بغاتش دخل ليا لمخي هي ولد الحاج لا مايمكنش 

زينب : هادي ما فيهاش كن راه شي سراح عندو هو لي بغاها وقالت لك ولدو

سميرة : ههههه معلوم مابقى قد ما فات دابا نشوفو هاد عريس الغفلة

فاطمة : با دقان غايكونو هما حل الباب 

محمد : واخا 

فاطمة : نتي مزال ما لبستي قادي حالتك 

زهور : نتقاد مانيش عروس سيري عطيني تساع 

فاطمة : الله يستر 

سليمان : السلام عليكم 

محمد : وعليكم السلام مرحبا والف مرحبا تفضلوا 

بشرى : ترحب بيك جنة 

( كانت بشرى وفطومة وقيس وسليمان دخلوا لصالة تحت أنظار زينب وسميرة لي حلات فمها 100 وكانت غاتكوانسا ) 

بهيجة : نهار كبير هذا 

بشرى : الله يكبر بيك ابنتي 

بهيجة : خالتي فطومة اش خبارك 

فطومة : الحمد لله ابنتي ونتي 

بهيجة : الحمد لله 

بشرى (بتاسمات ) شكون هاد القطيطة؟ 

بهيجة : إيناس بنتي هههه 

بشرى : ما شاء الله 

لميس : وانا لميس 

بهيجة : مرحبا بالغزالة ديالنا اجي نبوسك 

قيس : بينو وبين نفسو سبق لي شفت هادي فين فين ؟؟ (دكر) اشنو علاقتها بالبنت؟ ؟ (قاطع افكارو صوت محمد )

محمد : مرحبا بريحت الحاج 

قيس : شكرا 

محمد : الله يرحمو ااه اليام شكون قال غانتناسبو مع الحاج الله يرحمو ويجدد عليه الرحمات 

بشرى : اللهم امين كلشي بالمكتاب الله يسخر 

زينب : والله الا نهار كبير هذا 

بشرى : الله يكبر بيك بلا شك نتي مرات سي حمد 

زينب : ايه انا زينب مراتو وفمقام مت مريم انا لي كبرتها (شافت ف سليمان وكاتبتاسم ) وهادي فاطمة بنتي هههه 

فاطمة : ( سخانة طلعات معاها عاقت بقصد مها ) 

بهيجة : (نقدات الموقف ) لموسة اجي لعبي مع إيناس دابا غاتوليو صحابات هههه

بشرى : الله يخليها ليك 

فطومة : فين هي عروستنا هههه ياكما حشمانة؟ 

بهيجة : ايوا لابدا من الحشمة نهار اللول ههههه هاني غانجيبها معايا 

فاطمة : تسناي نجي معاك 

(مشات بهيجة وفاطمة لغرفة مريم دخلو كاينقزو من الفرحة ) 

فاطمة : (حاطة يدها على قلبها ) قرصوني باش نفيق واش انا كانحلم داك القمر غايولي نسيبي 

بهيجة (طلعات معاها بقرصة ) لا ما كاتحلميش ههههه

فاطمة : ناري على قرصة كي سم 

مريم : شكون كاين بضبط

بهيجة : مو وخالتي فطومة وهو طبعا وواحد الولد ما عرفتوش وصغيورة جابوها معاهم

مريم :ما قادراش نخرج فيا شي خلعه غير الله يحفظ

بهيجة : عادي كاع دزنا من الخلعة شوية وغاتحيد منك زيدي قدامي خلاص 

(هزات مريم صينية ديال اتاي كانت لابسة قفطان بيض وشال فالباج وبلغة فالباج وفاطمة تبعاتها بطبسيل الحلوى بهيجة كانت قدامهم دخلات مريم وعينيها فالأرض ما قدراتش تهزهم شافتها بشرى وبتسمات سليمان جلس يحقق فيها مي ما قشع والو كانت منزله رأسها كتر من لازم 

مريم : السلام عليكم 

الكل /وعليكم السلام 

قيس رفع راسو باش يشوف شكون ماقدرش يشوف وجها 

بشرى : (أشارت ليها )اجي ابنتي جلسي حدايا 

مريم : واخا 

سليمان :تبارك الله على مرات خويا ايوا هزي راسك خلينا نشوفو وجهك ههههه

بشرى :(ضرباتو على يدو بمزاح ) ايوا بعد ليا من مرات ولدي ماتحشمهاش كتر هههههه(رفعات ليها رأسها بصبعها ) ما كاين لاش تحشمي ما كاينش البراني 

مريم رفعات رأسها وجات عينها ف عين قيس بسرعة نزلاتهم ما دار حتى ردت فعل 

بشرى : كيف جاتك مريم غزالة ياك ههه

قيس (بتسم بزز بتسامة صفرا ) امممم 

بشرى : سي حمد بلا شك عارف سبب وجودنا جينا اليوم طالبين وراغبين فيد بنتك لولدي وراها بنتك فعلا الى قبلتو علينا 

محمد : (بفرح )الله أودي هذا هو النهار الكبير مانلقاوش ما حسن الله يصلحهم ويكمل عليهم والبنت بنتك 

بشرى : هذا هو المضمون فيك الله يسخر ليهم ويرزقهم الدرية الصالحة ان شاء الله 

الكل ما عاد قيس وسميرة : ان شاء الله 

بشرى : يالا نقراو الفاتحة

محمد : بسم الله 

قراو الفاتحة وركبو الخاتم وكيف توقعات بشرى جاها كبير شوية ضحكوا بيناتهم ما عاد قيس لي كان عاقدهم وسميرة لي مزال مصدومة أما زينب من صدمة والطمع ولات غير كاتكركر 

بشرى : خاص نخليو العرسان يتكلمو مع بعضهم على نفراد 

محمد : ايه من حقو ربي حلل ليه الرؤية الشرعية 

مريم تمنات الأرض تنشق وتبلعها حشمانا فوق الازم والخوف مسيطر عليها طلب منها محمد تمشي مع قيس لبيتها تقدمات بخطوات متتاقلة وتبعها من لور دخلات لغرفتها وجلسات فطرف السرير وراسها فالأرض وكاتلعب بيدها من توتر.....يتبع

¤¤¤ الرباط ¤¤¤

عدنان : مالك ماعاجبك حال كايخص تكوني فرحانة حيت اخيرا خوك غايتزوج 

افنان : ( بستهزاء ) همممم شلا ديك ماما غاتسكت ليا لقلب مالقات غير عربية (قروية ) من دور حقير الخدامات لي عندنا غايكونو ميسورين عليها واكيد غاتكون شي سوقية فكلاهما واسلوبها وغاتكون شي أمية ترتارة 

عدنان : هههههههههه دغية ستنتجتي 

افنان : مايحتاجش لي قلت هو لي كاين لا ولي زاد فقصني قيس لي نافخ وهاز نيفو لسما وما عاجبو حد ولي كلمتو ماتنزلش لأرض وافق بسهوله 

عدنان : كن غير مشيتي معاهم الحاجة غاتقلق 

افنان : انت يمكن خرج ليك العقل على آخر يامي نمشي معاهم نطلب يد وحدة أقل مني مستوى لخويا نوووووو 

 🌳القرية 🌳

وقف بكل غرور وتقة رفع عينيه فالسقف وتفحص الغرفة بعينيه كانت غرفة صغيرة فيها خزانة وسرير صغير ديال شخص واحد ونافدة وحدة صغيرة الحجم كان قلبها كايخفق من الخوف ما قدراتش ترفع عينها بعد الصمت لي دام 5 دقائق تقريبا نطق بصوت خشن كلو رجولة 

قيس : شنو لي خلاك توافقي بهاد سرعة عليا ونتي ما كاتعرفنيش؟ ؟ 

مريم : الصمت 

قيس : واش صمكة؟ 

مريم : (بصوت منخفض ) وشنو لي غايخليني نرفض؟ 

قيس : كانكره لي يرد عليا سؤال بسؤال 

مريم : إلى كنتي مجبر انا غانرفض هاد الزواج 

قيس : انا سألتك شنو لي خلاك توافقي ما شي كلمتك على نفسي ات شنو هو مستواك؟ 

مريم : مستوايا شفتيه بعينيك قبيلة وكاتشوفيه فيه دابا 

قيس : (بتسم بستهزاء ) قصدت مستواك الثقافي ماشي الاجتماعي باش نمشي معاك على قد فهمك اوك يالا جاوبي على سؤال

كتمت غضبها وستغفرات الله ف نفسها 

مريم : قريت حتى لباك 

قيس : امممم مزيان نرجعو لسؤال لأول 

شنو لي خلاك تقبلي اكيد الفلوس قلتي هادي فرصة ما خاصش ضيع من يدي 

مريم ( حسات بالاهانة والبخنقة وغرغرو عينيها حاولات تخبي بقات فنفس الوضع منزلة رأسها باش ما يشوفش ضعفها )

مريم : غالط اسيدي 

قيس : دابا غير انا ونتي لي هنا انا عارف نواياك بحال جميع البنات خصوصا لي من نوعك (سكت ومن بعد ستانف كلامو ) قصدت الناس لي على قد الحال اكيد باغية تعيشي حياتك وتغيري وضع عائلتك هذا هو السبب لي خلاك تقبلي بهاد سرعة بدون تردد اوك ماعنديش مشكل انا غانستافد منك ونتي نفس شيئ 

مريم :(وقفات ) انا ماشي كيف كاظن اسيدي و (قاطعها )

قيس : (شاف ف الساعة ) ما عنديش الوقت باش نسمع تصبحي على خير (خرج من الغرفة وخلاها حالة فمها من غرورو ووقاحتو )

بهيجة : يالا تعشاو 

بشرى : والله ما قادة على شي عشا 

محمد : لواه لواه غانشركو الطعام 

بهيجة : مباغاش ذوقي طياب عروستك هههه

بشرى : ايه نذوقوه على شحال عندنا من مريم ههه ولكن قبل العشا غانتفاهو على كلشي 

محمد : مرحبا 

بشرى : مريم طبعا غاتعيش مع راجلها مي ماشي هنا فا لرباط سبحان الله جينا على قبل نرتاحو من جو المدينه وكنا عوالين نرجعو فلاسبوع الماجي ان شاء الله ساعة غانرجعو بيدنا عامرين هههه

محمد : المكاتيب ربي مزوجهم فالسما قبل الأرض سير فين مشاك الله 

فطومة : الله يكمل عليهم بالخير 

الكل /امين 

بشرى : غانتفاهمو على الصداق والعرس هما لي غايقررو امتى بغاوه يكون 

محمد : مريم ديالكم ما غانبعوش ونشريو عاطيكم نقرة صافية صدقها هو الزوج الصالح وحياة مستقرة 

بشرى : وحيت عرفناها نقرة صافية دقينا بابكم لهلا يحاشمنا وان شاء الله غاتكون ديما مستقرة وف عينينا ولكن لازم يكون كلشي حسب الأصول 

¤¤¤ الرباط ¤¤¤

الشخص : تفووو تفوووو اش هاد الزهر 

نسيم : علاش معصب شنو وقع؟ ؟

الشخص : وقع لي ما كانش فالحسبان قيس خطب وحدة وعرسو قريب منين طلعات لينا هادي المهمة غاتزيد تتعقد عندك 

نسيم (ضحكات ) هههههههه صاااافي هذا ما كان عند بالي مانعرف شنو وقع هادي بالنسبة ليا حاجة تافهه ساهل ناخدو منها وسهولة 

الشخص : ما تكونيش واثقة كتر من لازم لازم الاحتياط 

نسيم : تيق فيا 

شخص : نتمناو خير ان شاء الله (عطاها البطاقة ) من اليوم هذا هو اسمك خاصك دخلي لعائلتو بأي طريقة وفاقرب وقت وخاصك تلفتي انتباهو وترديه خاتم ف صباعك

نسيم :

قصة  القروية, قصة القروية 16, قصة مغربية ساخنة, قصص مغربية بالدارجة ساخنة, قصص مغربية بالدارجة ساخنة ق, 

قصص مغربية بالدارجة ساخنة قصص الحوى بالدارجة المغربية قصص الحلوة المغربية قصص بالدارجة المغربية للكبار قصص حب مغربية بالدارجة,قصص بالدارجة المغربية جريئة,قصص الحلوة بالدارجة,قصص مغربية رومانسية جريئة,

شارك! :