قصة القروية 8

قصة القروية 8

بهيحة : غفلني النعاس 6:00 كن فيقتيني نحطب معاك واش باغية تقسمي ظهرك 

مريم : واش نتي كرشك لفمك وتهزي لحطب سيري حلبي البقرة ووجدي الفطور انا غانصلي ونعجن 

بهيجة : واخا حتى انا غانصلي هو اللول 

مريم : عندك تحلبي من البقرة ديال سميرة ماقادين على صداع 

بهيجة : البقرة كان جابها ليها فالصداق من جاتها بنت الجيعان 

مريم : (سدات ليها فمها ) ميمتي صباح هذا 

بهيجة : هاهي سكتت 

☆☆☆الرباط ☆☆☆

افنان : بون جوغ 

نانا : (بتاسمات ) بون جوغ مدام 

افنان (بالفرنسية ) ماما مشات المزرعة؟ 

نانا : وي 

كريمة : صباح الخير مدام افنان كي صبحتي 

افنان : صباح النور حمد الله 

كريمة : (شافت ملاك وبتسمات ) صباح الخير ملاك

ملاك : الصمت 

افنان : لميس مزال ناعسة؟ 

كريمة : لا مشات معاهم فاقت قبل منهم ومن كانوا خارجين جلسات تبكي وداتها مدام بشرى

افنان : مزيان هاهي ملاك غاتبقى معاكم انا عندي شي جتماع 

كريمة : نهار كبير هذا ملوكا فالحفظ والصون 

¤¤¤القرية ¤¤¤

سميرة (ناضت كاتكسل )امممم ريحت المسمن نتي لي وجدتيه اخالتي 

زينب : مريم لي طيباتهم جلسي تفطري انا غانمشي عند الحاجة رابحة نتي وجدي الغدا وعجني الخبز انا ما غانجي حتى تغيب الشمس 

سميرة : علاه السلطانات فين مشاو؟ 

زينب : مشاو لفيرمة الحاج اليوم غايجنيو اليمون 

سميرة : هههه الله على راحة نهار كبير هذا من المصيبة ما كايناش

زينب :ديري لي قلت لك باركة من الخوا الخاوي

سميرة : هي للولة اخالتي الحبيبة ههههه 

 🌹🌹المزرعة 🌹🌹

بشرى : ( جلسات فالشرفة ) الله على جو شحال غزال كايرد الروح 

فطومة : نهار كبير هذا الحاجة هادي احسن مفاجأة كن علمتيني البارح نوجد ليكم الشهيوات 

بشرى (بتاسمات ) هه كن علمتك ما غاتكونش مفاجأة اجي فين هي لميس؟ ؟

فطومة : مشات مع سعيد ولدي وولدو رضوان اليوم غايجنيو اليمون وخاصو يوقف عليهم 

بشرى : رضوان مزال ما شفتو غايكون كبر 

فطومة : ايييه كبر دابا دخل ف 4 سنين 

بشرى :تبارك الله الله يخليه ليكم العمر كايجري يلا البارح كانوا الولاد صغار وكايجريو وطيحو وينوضو واليوم كبرو ودارو ولادهم

سعيد تزوج ودار زوج ولاد صلى ع النبي وافنان تزوجات وولدات زوج بنات باقي غير قيس لي منشف راسو ورفض يتزوج امتى غايجي نهار لي نشوف ولادو (مسحات دمعة )

فطومة : الله يهديه دابا يجي داك النهار ان شاءالله

بشرى : امتى غايهديه الله حتى يرجع فوقي التراب 

فطومة : الله يطول عمرك وتشوفي ولاد ولادو 

بشرى : استغفر الله العظيم ان شاء الله 

فطومة : فين غادية؟ 

بشرى : غانمشي نتسطح فوق السرير ونرتاح شوية

فطومة : سيري رتاحي غير يوجد الغدا ونفيقك 

بشرى : واخا غير ديري بالك مع لميس الله يستر عليك 

فطومة : كوني هانية الحاجة لموسة فعينية 

بشرى : (بتاسمات ) هذا المضمون فيك 

بهيجة : تبارك الله على فيرمة قدها قد سخط سعدات لي ساكنين فيها كن غير خدمونا عندهم 

مريم : كل واحد كايدي لي مقسم ليه فالرزق 

بهيجة : الحمد لله على كل حال 

مريم : (بتسمات ) ونعم بالله 

بهيجة (شافت لميس من بعيد ) وااااو 

مريم (رفعات رأسها وشافت فالاتجاه فين كاتشوف بهيحة ) مالك ؟؟

بهيجة : بسم الله ما شاء الله صلى ع النبي على بنت شحال غزالة بحال شي باربي محال واش مغربية

مريم : تبارك الله فنة باينة غاتكون بنت مول هاد الفيرمة هداك لي واقف معاها غايكون باها 

بهيجة : هو سمر وهي زعرة غاتكون كاتشبه لماماها ولكن حتى هو عندو مايقول غزال ويلي ويلي على طولة وعلى فورمة اح اقلبي

مريم : نعلي شيطان راك بولادك خدمي على راسك وباركة من النميمة 

سعدية : اش سايرين تgولو 

بهيجة (بصوت شبه مسموع ) غاتحسس كي صمك 

مريم : والو اخالتي سعدية قولنا هاد ليمون غزال حلو

سعدية : ايييه تبارك الله الخير موجود هاد العام الله يقويه علينا 

مريم /بهيجة : امييين 

سعيد : غانصدرو الدفعة اللولة غدا ان شاء الله 

قيس : ان شاء الله بغيتك تمشي لكازا توصل واحد الحمولة للحاج مراد وانا غانتكلف بالخدامة

قصة القروية 8,

قصة  القروية, قصة مغربية ساخنة, قصص بنات مغربيات +18, قصص بنات مغربيات 1+8, قصص بنات مغربيات 18+, قصص مغربية بالدارجة ساخنة ق, قصص مغربية بالدارجة ساخنة, منحة الدراسة في السويد 2016, قصة القروية كاملة, قصة القروية 6, قصة بنت القروية كاملة, 

شارك! :